Bagas Joro Bahal

Bagas Joro Bahal ima sada Bagas Joro na dong di Huta / Desa Bahal, Kecamatan Padang Bolak, Kabupaten Padang Lawas Utara, Provinsi Sumatera Utara, Indonesia. Bagas Joro on, ima Bagas Joro ni Na marhaporseaon Buddha. Nungga tung gajjang sarita taringot tu hahaadongan ni Bagas Joro on, Haadaongan ni Bagas Joro on, ima gabe sada bukti nungga ro akka jolma na marhaporseahon tu Buddha mulai na jolo tu Indonesia,. Bagas Joro Bahal on di pillit laho mangulahon sada pesta taringot tu pesta ni akka na maragama Buddha, ima pesta Waisak taon 2023 di taon naung salpu, Bagas Joro on dos ma i molo di dok dohot Bagas Joro Bahal II

Gombar ni Bagas Joro Bahal

Panggatian ni Goar

Tikkin na jolo, gora ni Baga Joro on, sangan do di dok Bagas Joro Portibi, ala di tingki i Bagas Joro on adong di huta Potibi, dung pe di taon 1991, Pamaretta Bangso Indonesia mangganti goar na, sian Bagas Joro Portibi, gabe Bagas Joro Bahal, ala na Bagas Joro on, maringanan di huta na jolok tu Bagas on, ima Huta Bahal.

Sarita taringot tu haadongan ni Bagas Joro

Bagas Joro Bahal I di Bot Ni ari

Bagas Joro Bahal on di anggar dibahen hira hira abad pa 13 hon, Bagas Joro on di bahen sian Batako dohot batu bata na mera, dipukka ma dohot bagak, gabe gogo ma bagunan ni Bagas Joro on, godang do akka ukurian di dinding na, pataddahon nungga malo akka tungkang na na mabbahen bagunan on. Molo di ida sian akka na adong dibagas ni Bagas joro on, adong do ikkatan na do na marhaporseaon tu Hindu suang songoni Buddha, alan akka tading tading nasida na adong di Indonesia mirip do dohot na adang di Bagas Joro on.

Anggar anggar ni akka na hea manaliti manang mamparsiajari Bagas joro on madok, molo taringot tu ise na patindanghon Bagas Joro on, dang dope diboto nasida, alai idok nasida, hira hira di baen ma on di tingki di harajaon Panai, songon akka sarita na jolo na maddok, harajon Panai hea do gabe harajaon na di porangi harajaon Sriwijaya dohot akka harajaon na asing, ima alani gok ni arta ni harajaon Panai taringot tu akka na ro sian luat na.

Tolu Bagas Joro Bahal Na adong

Bagas Joro Bahal I

Adong tolu Bagas Joro na tindang di bagasan inganan na bolak na hira hira mar 100 hektar on, tolussa Bagas Joro on di bahen sian batu bata na mera jala di pagari, on ma tolu Bagas Joro Bahal na adong :

Bagas Joro Bahal I

Sian tolu Bagas Joro na adong, Bagas Joro Bahal I on, ima na gabe naumbalga sian na asing na, dibaen ma pondasi na marukkuran 7 hali 7 meter, adong do muse sahira tanda ni bagunan naung sega, ima bagas joro paddamping na pundasi na 3 meter hali 2 satongan meter. Pas di tonga tongan ni tangga lao masuk tu bagasan, adong do patung ni binatang na di goari Makara. (Binatang na adong di bagas sarita rupana songon moster aek).

Bagas Joro Bahal II

Sarupa dohot Bagas Joro Bahal I, di Bagas Joro Bahal II on pe adong do di ida sahira tanda ni bagunan naung sega,Bagas Joro Paddamping, jala di pintu masuk na di tangga i pe, adong do patung ni Binatang na di goari Makara, alai rupa na dang sarupa dohot na adong di Bagas Joro Bahal I i.

Bagas Joro Bahal III

Molo Balga na, Bagas joro Bahal III on songon na sarupa ma dohot Bagas Joro Bahal II, adong do muse bokkas bokkas ni bagunan naung sega di jonok na, alai dang songon Bagas Joro Bahal I dohot Bahal II, dison dang adong di tangga na Patung ni Binatang Makara i,

Piga piga Gombar taringot tu Bagas Joro Bahal

• 
  Bagas Joro Bahal
• 
  Bagas Joro Bahal
• 
  Bagas Joro Bahal I
• 
  Bagas Joro Bahal manang Bagas Joro Portibi

Pranala Ruar

• Website Resmi Pemerintah Provinsi Sumatera Utara
• Kompas