Buku Pangungkapon

Pangungkapon ᯇᯝᯮᯮᯰᯄ᯦ᯇᯉᯬ᯲ 1

1:1 On ma pangungkapon ni Jesus Kristus, na nilehon ni Debata tu Ibana, asa tu angka naposona patuduhononna na naeng masa tibu, gabe saut dipatuduhon, ai ditongos do marhite sian surusuruanna tu naposona, Johannes. ᯀᯉᯬ᯲ ᯔ ᯇᯝᯮᯰ ᯄ᯦ᯇᯉᯬ᯲ ᯉᯪ ᯐᯩᯘᯘᯮ᯲ ᯄ᯦᯲ᯒᯘᯪ᯲ᯖᯘᯮ᯲ ᯉ ᯉᯪᯞᯩᯂᯉᯬ᯲ ᯉᯪ ᯑᯩᯅᯖ ᯖᯮ ᯤᯅᯉ ᯀᯘ ᯖᯮ ᯀᯰᯄ᯦ ᯉᯇᯬᯘᯬᯉ ᯇᯖᯮᯑᯮᯂᯬᯉᯉᯬ᯲ᯉ ᯉ ᯉᯀᯰᯩ ᯔᯘ ᯖᯪᯅᯮ ᯎᯅᯩ ᯘᯀᯖᯮ᯲ ᯑᯪᯇᯖᯮᯑᯮᯂᯉᯬ᯲ ᯀᯤ ᯑᯪᯖᯬᯝᯘᯬ᯲ ᯑᯬ ᯔᯒ᯲ᯂᯪᯖᯩ ᯘᯪᯀᯉ᯲ ᯘᯮᯒᯮᯘᯮᯒᯮᯀᯉ᯲ᯉ ᯖᯮ ᯉᯇᯬᯘᯬᯉ ᯐᯬᯂᯉ᯲ᯉᯘᯩ᯲

1:2 Dihatindangkon ibana do hata ni Debata dohot panindangion taringot tu Jesus Kristus: Nasa na niidana. ᯑᯪᯂᯖᯉᯪ᯲ᯑᯰ ᯄ᯦ᯉᯬ᯲ ᯤᯅᯉ ᯑᯬ ᯂᯖ ᯉᯪ ᯑᯩᯅᯖ ᯑᯬᯂᯖᯬ᯲ ᯇᯉᯉᯪ᯲ᯑᯝᯪᯀᯉᯬ᯲ ᯖᯒᯪᯝᯖᯬ᯲ ᯖᯮ ᯐᯩᯘᯘᯮ᯲ ᯄ᯦᯲ᯒᯘᯪ᯲ᯖᯘᯮ᯲ ᯉᯘ ᯉ ᯉᯪᯤᯑᯉ

1:3 Martua ma na manjaha ro di angka na umbege hata panurirangon on, angka siradoti na tarsurat dison; ai jonok do ari i! ᯔᯒ᯲ᯖᯮᯀ ᯔ ᯉ ᯔᯉ᯲ᯐᯂ ᯒᯬ ᯑᯪ ᯀᯰᯄ᯦ ᯉ ᯀᯔᯮ᯲ᯅᯩᯎᯩ ᯂᯖ ᯇᯉᯮᯒᯪᯒᯝᯉᯬ᯲ ᯀᯉᯬ᯲ ᯀᯰᯄ᯦ ᯘᯪᯒᯑᯬᯖᯪ ᯉ ᯖᯒ᯲ᯘᯮᯒᯖ᯲ ᯑᯪᯘᯉᯬ᯲ ᯀᯤ ᯐᯬᯉᯄ᯦ᯬ᯲ ᯑᯬ ᯀᯒᯪ ᯤ

1:4 Ahu surat ni si Johannes mandapothon na pitu huria na di Asia: Asi ni roha ma di hamu dohot dame sian Ibana na mangolu i, naung mangolu hian jala na naeng ro, nang sian na pitu Tondi na di adopan ni habangsana, ᯀᯂᯮ ᯘᯮᯒᯖ᯲ ᯉᯪ ᯘᯪ ᯐᯬᯂᯉ᯲ᯉᯘᯩ᯲ ᯔᯉ᯲ᯑᯇᯖᯬ᯲ᯂᯉᯬ᯲ ᯉ ᯇᯪᯖᯮ ᯂᯮᯒᯪᯀ ᯉ ᯑᯪ ᯀᯘᯪᯀ ᯀᯘᯪ ᯉᯪ ᯒᯬᯂ ᯔ ᯑᯪ ᯂᯔᯮ ᯑᯬᯂᯖᯬ᯲ ᯑᯔᯩ ᯘᯪᯀᯉ᯲ ᯤᯅᯉ ᯉ ᯔᯝᯬᯞᯮ ᯤ ᯉᯀᯮᯰ ᯔᯝᯬᯞᯮ ᯂᯪᯀᯉ᯲ ᯐᯞ ᯉ ᯉᯀᯰᯩ ᯒᯬ ᯉᯰ ᯘᯪᯀᯉ᯲ ᯉ ᯇᯪᯖᯮ ᯖᯉᯬ᯲ᯑᯪ ᯉ ᯑᯪ ᯀᯑᯬᯇᯉ᯲ ᯉᯪ ᯂᯅᯰᯘᯉ

1:5 nang sian Jesus Kristus, Sitindangi haposan i, na parjolo tubu sian angka naung mate, Sigomgom angka raja ni tano on! Ibana do mangkaholongi hita jala dipalua hita sian dosanta marhitehite mudarna. ᯉᯰ ᯘᯪᯀᯉ᯲ ᯐᯩᯘᯘᯮ᯲ ᯄ᯦ᯒᯘᯪ᯲ᯖᯘᯮ᯲ ᯘᯪᯖᯉᯪ᯲ᯑᯝᯪ ᯂᯇᯬᯘᯉ᯲ ᯤ ᯉ ᯇᯒ᯲ᯐᯬᯞᯬ ᯖᯮᯅᯮ ᯘᯪᯀᯉ᯲ ᯀᯰᯄ᯦ ᯉᯀᯮᯰ ᯔᯖᯩ ᯘᯪᯎᯔᯬ᯲ᯎᯔᯬ᯲ ᯀᯰᯄ᯦ ᯒᯐ ᯉᯪ ᯖᯉᯬ ᯀᯉᯬ᯲ ᯤᯅᯉ ᯑᯬᯔᯰᯄ᯦ᯂᯬᯞᯬᯝᯪ ᯂᯪᯖ ᯐᯞ ᯑᯪᯇᯞᯮᯀ ᯂᯪᯖ ᯘᯪᯀᯉ᯲ ᯑᯬᯘᯉ᯲ᯖ ᯔᯒ᯲ᯂᯪᯖᯩᯂᯪᯖᯩ ᯔᯮᯑᯒ᯲ᯉ

1:6 Dijadihon do hita gabe harajaon hamalimon di Debata, Amana i: Di Ibana ma hasangapon dohot hagogoon ro di salelenglelengna! Amen. ᯑᯪᯐᯑᯪᯂᯉᯬ᯲ ᯑᯬ ᯂᯪᯖ ᯎᯅᯩ ᯂᯒᯐᯀᯉᯬ᯲ ᯂᯔᯞᯪᯔᯉᯬ᯲ ᯑᯪ ᯝᯩᯅᯖ ᯀᯔᯉ ᯤ ᯑᯪ ᯤᯅᯉ ᯔ ᯂᯘᯝᯇᯉᯬ᯲ ᯑᯬᯂᯖᯬ᯲ ᯂᯎᯬᯎᯬᯀᯉᯬ᯲ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ ᯀᯔᯉᯩ᯲

1:7 Ida ma, na ro ma Ibana di bagasan ombun! Idaon ni nasa mata do Ibana, nang angka naung manullang Ibana, gabe mangangguhi be ma saluhut bangso ni tano on mida Ibana. I ma tutu. Amen. ᯤᯑ ᯔ ᯉ ᯒᯬ ᯔ ᯤᯅᯉ ᯑᯪ ᯅᯎᯘᯉ᯲ ᯀᯔᯬ᯲ᯅᯉᯮ᯲ ᯤᯑᯀᯉᯬ᯲ ᯉᯪ ᯉᯘ ᯔᯖ ᯑᯬ ᯤᯅᯉ ᯉᯰ ᯀᯰᯄ᯦ ᯉᯀᯮᯰ ᯔᯉᯞᯮ᯲ᯞᯰ ᯤᯅᯉ ᯎᯅᯩ ᯔᯝᯰᯎᯮᯂᯪ ᯅᯩ ᯔ ᯘᯞᯮᯂᯖᯮ᯲ ᯅᯰᯘᯬ ᯉᯪ ᯖᯉᯬ ᯀᯉᯬ᯲ ᯔᯪᯑ ᯤᯅᯉ ᯤ ᯔ ᯖᯮᯖᯮ ᯀᯔᯉᯩ᯲

1:8 Ahu do Bonana jala Ujungna, ninna Tuhan Debata, Debata nuaeng, Debata naung adong hian, na naeng ro i, Sigomgom saluhutna! ᯀᯂᯮ ᯑᯬ ᯅᯬᯉᯉ ᯐᯞ ᯥᯐᯮᯰᯉ ᯉᯉᯪ᯲ᯉ ᯖᯮᯂᯉ᯲ ᯑᯩᯅᯖ ᯝᯩᯅᯖ ᯉᯮᯀᯀᯰᯩ ᯑᯩᯅᯖ ᯉᯀᯮᯰ ᯀᯑᯰᯬ ᯂᯪᯀᯉ᯲ ᯉ ᯉᯀᯰᯩ ᯒᯬ ᯤ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ

1:9 Ahu Johannes, donganmuna jala rap dohot hamu partohap di haporsuhon dohot di harajaon nang di habengeton na di bagasan Jesus; di pulo na margoar Patmos do ahu uju i, ala ni hata ni Debata dohot ala ni pangkatindangkon di Jesus. ᯀᯂᯮ ᯐᯬᯂᯉ᯲ᯉᯘᯩ᯲ ᯑᯪᯝᯉ᯲ᯔᯮ ᯐᯞ ᯒᯇ᯲ ᯑᯬᯂᯖᯬ᯲ ᯂᯔᯮ ᯇᯒ᯲ᯖᯬᯂᯇ᯲ ᯑᯪ ᯂᯇᯒᯬ᯲ᯘᯮᯂᯉᯬ᯲ ᯑᯬᯂᯖᯬ᯲ᯑᯪ ᯂᯒᯐᯀᯉᯬ᯲ ᯉᯰ ᯑᯪ ᯂᯅᯩᯝᯩᯖᯉᯬ᯲ ᯉ ᯑᯪ ᯅᯎᯘᯉ᯲ ᯐᯩᯘᯘᯮ᯲ ᯑᯪ ᯇᯮᯞᯬ ᯉ ᯔᯒ᯲ᯎᯬᯀᯒ᯲ ᯇᯖ᯲ᯔᯘᯬ᯲ ᯑᯬ ᯀᯂᯮ ᯥᯐᯮ ᯤ ᯀᯞ ᯉᯪ ᯂᯖ ᯉᯪ ᯑᯩᯅᯖ ᯑᯬᯂᯖᯬ᯲ ᯀᯞ ᯉᯪ ᯇᯰᯂᯖᯉᯪ᯲ᯑᯰᯂᯉᯬ᯲ ᯉᯪ ᯐᯩᯘᯘᯮ᯲

1:10 Naung di bagasan ari ni Tuhan i do ahu di bagasan tondi, gabe hubege di pudingku soara na gogo, suman tu soara ni sarune.

ᯉᯀᯰᯮ ᯑᯪ ᯅᯎᯘᯉ᯲ ᯀᯝᯪ ᯉᯪ ᯖᯮᯂᯉ᯲ ᯤ ᯑᯬ ᯀᯂᯮ ᯑᯪ ᯅᯎᯘᯉ᯲ ᯖᯉᯬ᯲ᯑᯪ, ᯎᯅᯩ ᯂᯮᯅᯩᯎᯩ ᯑᯪ ᯇᯮᯑᯰᯪᯂᯮ ᯘᯬᯀᯒ ᯉ ᯎᯬᯎᯬ ᯘᯮᯔᯉ᯲ ᯖᯮ ᯉᯪ ᯘᯝᯮᯉᯩ.

1:11 On do didok: Surathon ma na niidam tu sada buku jala tongos ma i tu na pitu huria, i ma Epesus, Smirna, Pergamos, Tiatira, Sardes, Piladelpia dohot Laodikea!

ᯀᯉᯬ᯲ ᯑᯬ ᯑᯪᯑᯂᯬ᯲: ᯘᯮᯒᯖ᯲ᯂᯉᯬ᯲ ᯔ ᯉ ᯉᯪᯤᯑᯔ᯲ ᯖᯮ ᯘᯑ ᯅᯮᯂᯮ ᯐᯞ ᯖᯬᯝᯘᯬ᯲ ᯔ ᯤ ᯖᯮ ᯉ ᯇᯪᯖᯮ ᯂᯮᯒᯪᯀ… ᯤ ᯔ ᯀᯩᯇᯩᯘᯘᯮ᯲, ᯘ᯲ᯔᯒᯪ᯲ᯉ, ᯇᯒᯩ᯲ᯎᯔᯘᯬ᯲, ᯖᯪᯀᯖᯪᯒ, ᯘᯒ᯲ᯑᯘᯩ᯲, ᯇᯪᯞᯑᯞᯩ᯲ᯇᯪᯀ ᯑᯬᯂᯖᯬ᯲ ᯞᯀᯬᯑᯪᯂᯩᯀ!

1:12 Gabe humusor ma ahu marnida Parsoara, naung mangkatai i dohot ahu. Jadi dung humusor ahu, huida ma pitu parpalitoan sere. ᯎᯅᯩ ᯂᯮᯔᯮᯘᯒᯬ᯲ ᯔ ᯀᯂᯮ ᯔᯒ᯲ᯉᯪᯑ ᯇᯒ᯲ᯘᯬᯀᯒ ᯉᯀᯮᯰ ᯔᯰᯄ᯦ᯖᯤ ᯤ ᯑᯬᯂᯖᯬ᯲ ᯀᯂᯮ. ᯐᯑᯪ ᯑᯮᯰ ᯂᯮᯔᯮᯘᯒᯬ᯲ ᯀᯂᯮ ᯂᯮᯤᯑ ᯔ ᯇᯪᯖᯮ ᯇᯒ᯲ᯇᯞᯪᯖᯬᯀᯉ᯲ ᯘᯩᯒᯩ

1:13 Jadi di tongatonga ni angka parpalitoan i huida ma na suman tu Anak ni jolma, na marsampesampe jala marhohos sere di pamatangna. ᯐᯑᯪ ᯑᯪ ᯖᯬᯝᯖᯬᯝ ᯉᯪ ᯀᯰᯄ᯦ ᯇᯒ᯲ᯇᯞᯪᯖᯬᯀᯉ᯲ ᯤ ᯂᯮᯤᯑ ᯔ ᯉ ᯘᯮᯔᯉ᯲ ᯖᯮ ᯀᯉᯄ᯦᯲ ᯉᯪ ᯐᯞᯬ᯲ᯔ ᯉ ᯔᯒ᯲ᯘᯔ᯲ᯇᯩᯘᯔ᯲ᯇᯩ ᯐᯞ ᯔᯒ᯲ᯂᯬᯂᯘᯬ᯲ ᯘᯩᯒᯩ ᯑᯪ ᯇᯔᯖᯰ ᯉ

1:14 Mamontar do simanjujungna ro di obukna, bontar songon hapas, saksak songon hapur; jala songon nala ni api do ia matana. ᯔᯔᯉᯬ᯲ᯖᯒ᯲ ᯑᯬ ᯘᯪᯔᯉ᯲ᯐᯮᯐᯮᯰᯉ ᯘᯬᯝᯉᯬ᯲ ᯂᯇᯘ᯲ ᯘᯄ᯦᯲ᯘᯄ᯦᯲ ᯘᯬᯝᯉᯬ᯲ ᯂᯇᯒᯮ᯲ ᯐᯞ ᯘᯬᯝᯉᯬ᯲ ᯉᯞ ᯉᯪ ᯀᯇᯪ ᯑᯬ ᯤᯀ ᯔᯖᯉ

1:15 Ianggo patna songon haksa na nilala di bagasan pamurunan, ia soarana songon parhasak ni aek godang. ᯤᯀᯰᯎᯬ ᯇᯖ᯲ᯉ ᯂᯄ᯦᯲ᯘ ᯉ ᯉᯪᯞᯞ ᯑᯪ ᯅᯎᯘᯉ᯲ ᯇᯔᯮᯒᯮᯉᯉ᯲ ᯤᯀ ᯘᯬᯀᯒᯉ ᯘᯬᯎᯉᯬ᯲ ᯇᯒ᯲ᯂᯘᯄ᯦᯲ ᯉᯪ ᯀᯀᯄᯩ᯲ ᯎᯬᯑᯰ

1:16 Ditiop do pitu bintang di tanganna siamun, jadi ruar do sian pamanganna podang siduababa na tajom; songon mata ni ari na maringaringar do ia sondang ni bohina. ᯑᯪᯖᯪᯀᯇᯬ᯲ ᯑᯬ ᯇᯪᯖᯮ ᯅᯉᯪ᯲ᯖᯰ ᯑᯪ ᯖᯝᯉ᯲ᯉ ᯘᯪᯀᯔᯉᯮ᯲ ᯐᯑᯪ ᯒᯮᯀᯒ᯲ ᯑᯬ ᯘᯪᯀᯉ᯲ ᯇᯔᯝᯉ᯲ᯉ ᯇᯬᯑᯰ ᯘᯪᯑᯮᯀ ᯅᯅ ᯉ ᯖᯐᯔᯬ᯲ ᯘᯬᯝᯉᯬ᯲ ᯔᯖ ᯉᯪ ᯀᯒᯪ ᯉ ᯔᯒᯪᯝᯒᯪᯝᯒ᯲ ᯑᯬ ᯤᯀ ᯘᯉᯬ᯲ᯑᯰ ᯉᯪ ᯅᯬᯂᯪᯉ

1:17 Disi huida Ibana, tinggang do ahu tujolo ni totna, songon naung mate; gabe diampehon Ibana ma tanganna siamun tu ahu, huhut ma didok: Unang ho mabiar, ai Ahu do Parjolo jala Parpudi: ᯑᯪᯘᯪ ᯂᯮᯤᯑ ᯤᯅᯉ ᯖᯰᯪᯎᯰ ᯑᯬ ᯀᯂᯮ ᯖᯮᯐᯬᯞᯬ ᯉᯪ ᯖᯖᯬ᯲ᯉ ᯘᯬᯝᯉᯬ᯲ ᯉᯀᯮᯰ ᯔᯖᯩ ᯎᯅᯩ ᯑᯪᯀᯔ᯲ᯇᯩᯂᯉᯬ᯲ ᯤᯅᯉ ᯔ ᯖᯝᯉ᯲ᯉ ᯘᯪᯀᯔᯉᯮ᯲ ᯖᯮ ᯀᯂᯮ ᯂᯮᯂᯖᯮ᯲ ᯔ ᯑᯪᯑᯂᯬ᯲ ᯥᯉᯰ ᯂᯬ ᯔᯅᯪᯀᯒ᯲ ᯀᯤ ᯀᯂᯮ ᯑᯬ ᯇᯒ᯲ᯐᯬᯞᯬ ᯐᯞ ᯇᯒ᯲ᯇᯮᯑᯪ

1:18 Ahu do Siparngolu; naung mate do Ahu najolo, gabe mangolu antong ro di salelenglelengna; di Ahu do anak hinsu ni hamatean dohot banua toru: ᯀᯂᯮ ᯑᯬ ᯘᯪᯇᯝᯬᯞᯮ ᯉᯀᯮᯰ ᯔᯖᯩ ᯑᯬ ᯀᯂᯮ ᯉᯐᯬᯞᯬ ᯎᯅᯩ ᯔᯝᯬᯞᯮ ᯀᯉ᯲ᯖᯰᯬ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ ᯑᯪ ᯀᯂᯮ ᯑᯬ ᯀᯉᯄ᯦᯲ ᯂᯉᯪ᯲ᯘᯮ ᯉᯪ ᯂᯔᯖᯩᯀᯉ᯲ ᯑᯬᯂᯖᯬ᯲ ᯅᯉᯮᯀ ᯖᯬᯒᯮ

1:19 Onpe, surathon ma na niida ni matami, i ma na masa nuaeng ro di na naeng masa, dung salpu on, ᯀᯉᯬ᯲ᯇᯩ ᯘᯮᯒᯖ᯲ᯂᯉᯬ᯲ ᯔ ᯉ ᯉᯪᯤᯑ ᯉᯪ ᯔᯖᯔᯪ ᯤ ᯔ ᯉ ᯔᯘ ᯉᯮᯀᯀᯰᯩ ᯒᯬ ᯑᯪ ᯉ ᯉᯀᯰᯩ ᯔᯘ ᯑᯮᯰ ᯘᯞ᯲ᯇᯮ. ᯀᯉᯬ᯲

1:20 Hahomion ni bintang na pitu, angka na niidam di siamunhu, dohot parpalitoan sere na pitu i: Ia bintang na pitu i, angka suruan ni na pitu huria do i, ia parpalitoan na pitu i, i ma na pitu huria i. ᯂᯂᯬᯔᯪᯀᯉᯬ᯲ ᯉᯪ ᯅᯉᯪ᯲ᯖᯰ ᯉ ᯇᯪᯖᯮ ᯀᯰᯄ᯦ ᯉ ᯉᯪᯤᯑᯔ᯲ ᯑᯪ ᯘᯪᯀᯔᯉᯮ᯲ᯂᯮ ᯑᯬᯂᯖᯬ᯲ ᯇᯒ᯲ᯇᯞᯪᯖᯬᯀᯉ᯲ ᯘᯩᯒᯩ ᯉ ᯇᯪᯖᯮ ᯤ ᯤᯀ ᯅᯉᯪ᯲ᯖᯰ ᯉ ᯇᯪᯖᯮ ᯤ ᯀᯰᯄ᯦ ᯘᯮᯒᯮᯀᯉ᯲ ᯉᯪ ᯉ ᯇᯪᯖᯮ ᯂᯮᯒᯪᯀ ᯑᯬ ᯤ ᯤᯀ ᯇᯒ᯲ᯇᯞᯪᯖᯬᯀᯉ᯲ᯉ ᯇᯪᯖᯮ ᯤ ᯤ ᯔ ᯉ ᯇᯪᯖᯮ ᯂᯮᯒᯪᯀ ᯤ

Pangungkapon ᯇᯝᯮᯰᯄ᯦ᯇᯉᯬ᯲ 2

2:1 Surathon ma tu suruan ni huria Epesus: On do hata ni na maniop bintang na pitu i di siamunna, na mardalan di holangholang ni parpalitoan na pitu i: ᯘᯮᯒᯖ᯲ᯂᯉᯬ᯲ ᯔ ᯖᯮ ᯘᯮᯒᯮᯀᯉ᯲ ᯉᯪ ᯂᯮᯒᯪᯀ ᯀᯩᯇᯩᯘᯘᯮ᯲ ᯀᯉᯬ᯲ ᯑᯬ ᯂᯖ ᯉᯪ ᯉ ᯔᯉᯪᯀᯇᯬ᯲ ᯅᯉᯪ᯲ᯖᯰ ᯉ ᯇᯪᯖᯮ ᯤ ᯑᯪ ᯘᯪᯀᯔᯉᯮ᯲ᯉ ᯉ ᯔᯒ᯲ᯑᯞᯉ᯲ ᯑᯪ ᯂᯬᯞᯰᯂᯬᯞᯰ ᯉᯪ ᯇᯒ᯲ᯇᯞᯪᯖᯬᯀᯉ᯲ ᯉ ᯇᯪᯖᯮ ᯤ

2:2 Huboto do angka ulaonmu dohot parungkilonmu ro di habengetonmu; na so tarpataontaon ho angka parjahat. Diunjuni ho do angka na mandok, apostel nasida, hape ndang na tutu; pargapgap do nasida jumpang ho. ᯂᯮᯅᯬᯖᯬ ᯑᯬ ᯀᯰᯄ᯦ ᯥᯞᯀᯉᯬ᯲ᯔᯮ ᯑᯬᯂᯖᯬ᯲ ᯇᯒᯮᯰᯄ᯦ᯪᯞᯉᯬ᯲ᯔᯮ ᯒᯬ ᯑᯪ ᯂᯅᯩᯝᯩᯖᯉᯬ᯲ᯔᯮ ᯉ ᯘᯬ ᯖᯒ᯲ᯇᯖᯀᯉᯬ᯲ᯖᯀᯉᯬ᯲ ᯂᯬ ᯀᯰᯄ᯦ ᯇᯒ᯲ᯐᯂᯖ᯲ ᯑᯪᯀᯉᯮ᯲ᯐᯮᯉᯪ ᯂᯬ ᯑᯬ ᯀᯰᯄ᯦ ᯉ ᯔᯉ᯲ᯑᯄ᯦ᯬ᯲ ᯀᯇᯘᯬ᯲ᯖᯞᯩ᯲ ᯉᯘᯪᯑ ᯂᯇᯩ ᯉ᯲ᯑᯰ ᯉ ᯖᯮᯖᯮ ᯇᯒ᯲ᯎᯇ᯲ᯎᯇ᯲ ᯑᯬ ᯉᯘᯪᯑ ᯐᯔᯮ᯲ᯇᯰ ᯂᯬ

2:3 Na marbenget ni roha do ho, na marsitaonon do ho ala ni Goarhu; ndang marnaloja ho. ᯉ ᯔᯒ᯲ᯅᯩᯝᯖᯩ᯲ ᯉᯪ ᯒᯬᯂ ᯑᯬ ᯂᯬ ᯉ ᯔᯒ᯲ᯘᯪᯖᯀᯬᯉᯉᯬ᯲ ᯑᯬ ᯂᯬ ᯀᯞ ᯉᯪ ᯎᯬᯀᯒ᯲ᯂᯮ ᯑᯰ ᯔᯒ᯲ᯉᯞᯬᯐ ᯂᯬ

2:4 Alai adong do pangkurangi ni rohangku di ho, i ma naung tinadingkonmu holong ni roham na di mulana i! ᯀᯞᯤ ᯀᯑᯰᯬ ᯑᯬ ᯇᯰᯰᯄ᯦ᯮᯒᯝᯪ ᯉᯪ ᯒᯬᯂᯰᯄ᯦ᯮ ᯑᯪ ᯂᯬ ᯤ ᯔ ᯉᯀᯮᯰ ᯖᯪᯉᯑᯰᯪᯄ᯦ᯉᯬ᯲ᯔᯮ ᯂᯬᯞᯰᯬ ᯉᯪ ᯒᯬᯂᯔ᯲ ᯉ ᯑᯪ ᯔᯮᯞᯉ ᯤ

2:5 Onpe, parateatehon ma hatinggalanmi; pauba ma roham, ulahon ma angka ulaonmu na parjolo i! Ia so i, ro ma Ahu mandapothon ho, manunggalingkon parpalitoanmi sian ingananna, anggo so dipauba ho roham. ᯀᯉᯬ᯲ᯇᯩ ᯇᯒᯖᯩᯀᯖᯩᯂᯉᯬ᯲ ᯔ ᯂᯖᯰᯪᯎᯞᯉ᯲ᯔᯪ ᯇᯥᯅ ᯔ ᯒᯬᯂᯔ᯲ ᯥᯞᯂᯉᯬ᯲ ᯔ ᯀᯰᯄ᯦ ᯥᯞᯀᯉᯬ᯲ᯔᯮ ᯉ ᯇᯒ᯲ᯐᯬᯞᯬ ᯤ ᯤᯀ ᯘᯬ ᯤ ᯒᯬ ᯔ ᯀᯂᯮ ᯔᯉ᯲ᯑᯇᯖᯬ᯲ᯂᯉᯬ᯲ ᯂᯬ ᯔᯉᯮᯰᯎᯞᯰᯪᯄ᯦ᯉᯬ᯲ ᯇᯒ᯲ᯇᯞᯪᯖᯬᯀᯉ᯲ᯔᯪ ᯘᯪᯀᯉ᯲ ᯤᯝᯉᯉ᯲ᯉ ᯀᯰᯎᯬ ᯘᯬ ᯑᯪᯇᯥᯅ ᯂᯬ ᯒᯬᯂᯔ᯲

2:6 Alai on do tutu hasurunganmu: Dihasogohon ho do ulaon ni halak Nikolaus; Ahu pe, huhasogohon do i. ᯀᯞᯤ ᯀᯉᯬ᯲ ᯑᯬ ᯖᯮᯖᯮ ᯂᯘᯮᯒᯮᯝᯉ᯲ᯔᯮ ᯑᯪᯂᯘᯬᯎᯬᯂᯉᯬ᯲ ᯂᯬ ᯑᯬ ᯥᯞᯀᯉᯬ᯲ ᯉᯪ ᯂᯞᯄ᯦᯲ ᯉᯪᯄ᯦ᯬᯞᯀᯘᯮ᯲ ᯀᯂᯮ ᯇᯩ ᯂᯮᯂᯘᯬᯎᯬᯂᯉᯬ᯲ ᯑᯬ ᯤ

2:7 Ditangihon na marpinggol ma na nidok ni Tondi i tu angka huria: Na monang i ma bahenonku manganhon parbue ni hau hangoluan, na di Paradaiso ni Debata! ᯑᯪᯖᯝᯪᯂᯉᯬ᯲ ᯉ ᯔᯒ᯲ᯇᯰᯪᯎᯞᯬ᯲ ᯔ ᯉ ᯉᯪᯑᯂᯬ᯲ ᯉᯪ ᯖᯉᯬ᯲ᯑᯪ ᯤ ᯖᯮ ᯀᯰᯄ᯦ ᯂᯮᯒᯪᯀ ᯉ ᯔᯬᯉᯰ ᯤ ᯔ ᯅᯂᯩᯉᯉᯬ᯲ᯂᯮ᯦ ᯔᯝᯉ᯲ᯂᯉᯬ᯲ ᯇᯒ᯲ᯅᯮᯀᯩ ᯉᯪ ᯂᯥ ᯂᯝᯬᯞᯮᯀᯉ᯲, ᯉ ᯑᯪ ᯇᯒᯑᯤᯘᯬ ᯉᯪ ᯑᯩᯅᯖ!

2:8 Surathon ma tu suruan ni huria Smirna: On do hata ni Parjolo huhut Parpudi, naung mate najolo gabe mangolu: ᯘᯮᯒᯖ᯲ᯂᯉᯬ᯲ ᯔ ᯖᯮ ᯘᯮᯒᯮᯀᯉ᯲ ᯉᯪ ᯂᯮᯒᯪᯀ ᯘ᯲ᯔᯒᯪ᯲ᯉ ᯀᯉᯬ᯲ ᯑᯬ ᯂᯖ ᯉᯪ ᯇᯒ᯲ᯐᯬᯞᯬ ᯂᯮᯂᯖᯮ᯲ ᯇᯒ᯲ᯇᯮᯑᯪ, ᯉᯀᯰᯮ ᯔᯖᯩ ᯎᯅᯩ ᯔᯝᯬᯞᯮ

2:9 Huboto do haporsuhonmu dohot hapogosonmu, alai na mora do ho; huboto nang panginsahion ni angka na mandok: Jahudi nasida; hape ndang na tutu, punguan ni sibolis do nasida. ᯂᯮᯅᯬᯖᯬ ᯑᯬ ᯂᯇᯒᯬ᯲ᯘᯮᯂᯉᯬ᯲ᯔᯮ ᯑᯬᯂᯖᯬ᯲ ᯂᯇᯬᯎᯬᯘᯉᯬ᯲ᯔᯮ ᯀᯞᯤ ᯉ ᯔᯬᯒ ᯑᯬ ᯂᯬ ᯂᯮᯅᯬᯖᯬ ᯉᯰ ᯇᯝᯉᯪ᯲ᯘᯂᯪᯀᯉᯬ᯲ ᯉᯪ ᯀᯰᯄ᯦ ᯉ ᯔᯉ᯲ᯑᯂ᯦ᯬ᯲ ᯐᯂᯮᯑᯪ ᯉᯘᯪᯑ ᯂᯇᯩ ᯉ᯲ᯑᯰ ᯉ ᯖᯮᯖᯮ ᯇᯮᯝᯮᯀᯉ᯲ ᯉᯪ ᯘᯪᯅᯬᯞᯘᯪ᯲ ᯑᯬ ᯉᯘᯪᯑ

2:10 Unang habiarhon angka haporsuhon na naeng ro! Dabuon ni sibolis ma deba sian hamu tubagasan hurungan, asa tarunjun hamu, gabe tarsosak ma hamu sampulu ari lelengna. Sai burju ma ho rasirasa mate; dung i lehononku ma tu ho tumpal hangoluan i! ᯥᯉᯰ ᯂᯅᯪᯀᯒ᯲ᯂᯉᯬ᯲ ᯀᯰᯄ᯦ ᯂᯇᯒᯬ᯲ᯘᯮᯂᯉᯬ᯲ ᯉ ᯉᯀᯰᯩ ᯒᯬ! ᯑᯅᯮᯀᯉᯬ᯲ ᯉᯪ ᯘᯪᯅᯬᯞᯘᯪ᯲ ᯔ ᯑᯩᯅ ᯘᯪᯀᯉ᯲ ᯂᯔᯮ ᯖᯮᯅᯎᯘᯉ᯲ ᯂᯮᯒᯮᯝᯉ᯲, ᯀᯘ ᯖᯒᯉᯮ᯲ᯐᯉᯮ᯲ ᯂᯔᯮ, ᯎᯅᯩ ᯖᯒ᯲ᯘᯬᯘᯂ᯲ ᯔ ᯂᯔᯮ ᯘᯔ᯲ᯇᯮᯞᯮ ᯀᯒᯪ ᯞᯩᯞᯰᯩᯉ ᯘᯤ ᯅᯒᯮ᯲ᯐᯮ ᯔ ᯂᯬ ᯒᯘᯪᯒᯘ ᯔᯖᯩ ᯑᯮᯰ ᯤ ᯞᯩᯂᯬᯉᯉᯬ᯲ᯂᯮ ᯔ ᯖᯮ ᯂᯬ ᯖᯔᯮ᯲ᯇᯞ᯲ ᯂᯝᯬᯞᯮᯀᯉ᯲!

2:11 Ditangihon na marpinggol ma na nidok ni Tondi i tu angka huria: Ndang mahua na monang i bahenon ni hamatean na paduahon i! ᯑᯪᯖᯝᯪᯂᯉᯬ᯲ ᯉ ᯔᯒ᯲ᯇᯰᯪᯎᯞᯬ᯲ ᯔ ᯉ ᯉᯪᯑᯂᯬ᯲ ᯉᯪ ᯖᯉᯬ᯲ᯑᯪ ᯤ ᯖᯮ ᯀᯰᯄ᯦ ᯂᯮᯒᯪᯀ ᯉ᯲ᯑᯰ ᯔᯂᯮᯀ ᯉ ᯔᯬᯉᯰ ᯤ ᯅᯂᯩᯉᯉᯬ᯲ ᯉᯪ ᯂᯔᯖᯩᯀᯉ᯲ ᯉ ᯇᯑᯮᯀᯂᯉᯬ᯲ ᯤ

2:12 Surathon ma tu suruan ni huria Pergamos: On do hata ni na maniop podang siduababa na tajom i: ᯘᯮᯒᯖ᯲ᯂᯉᯬ᯲ ᯔ ᯖᯮ ᯘᯮᯒᯮᯀᯉ᯲ ᯉᯪ ᯂᯮᯒᯪᯀ ᯇᯒᯩ᯲ᯎᯔᯘᯬ᯲ ᯀᯉᯬ᯲ ᯑᯬ ᯂᯖ ᯉᯪ ᯉ ᯔᯉᯪᯀᯇᯬ᯲ ᯇᯬᯑᯰ ᯘᯪᯑᯮᯀᯅᯅ ᯉ ᯖᯐᯔᯬ᯲ ᯤ

2:13 Huboto do ingananmu mardonokkon habangsa ni sibolis i, jadi na marsihohot do ho di Goarhu, ndang disoadahon ho haporseaon di Ahu, nang uju di angka ari ni Antipas, sitindangingku haposan i, gabe dipusa do ibana di tongatongamuna, di inganan ni sibolis i.

ᯂᯮᯅᯬᯖᯬ ᯑᯬ ᯤᯝᯉᯉ᯲ᯔᯮ ᯔᯒ᯲ᯑᯬᯉᯄ᯦ᯬ᯦᯲ᯄ᯦ᯉᯬ᯲ ᯂᯅᯰᯘ ᯉᯪ ᯘᯪᯅᯬᯞᯘᯪ᯲ ᯤ, ᯐᯑᯪ ᯉ ᯔᯒ᯲ᯘᯪᯂᯬᯂᯖᯬ᯲ ᯑᯬ ᯂᯬ ᯑᯪ ᯎᯬᯀᯒ᯲ᯂᯮ, ᯉ᯲ᯑᯰ ᯑᯪᯘᯬᯀᯑᯂᯉᯬ᯲ ᯂᯬ ᯂᯇᯒᯬ᯲ᯘᯩᯀᯀᯉᯬ᯲ ᯑᯪ ᯀᯂᯮ ᯉᯰ ᯥᯐᯮ ᯑᯪ ᯀᯰᯄ᯦ ᯀᯒᯪ ᯉᯪ ᯀᯉ᯲ᯖᯪᯇᯘ᯲ ᯘᯪᯖᯉᯪ᯲ᯑᯝᯰᯪᯄ᯦ᯮ ᯂᯇᯬᯘᯉ᯲ ᯤ ᯎᯅᯩ ᯑᯪᯇᯮᯘ ᯑᯬ ᯤᯅᯉ ᯑᯪ ᯖᯬᯝᯖᯬᯝᯔᯮᯉ, ᯑᯪ ᯤᯝᯉᯉ᯲ ᯉᯪ ᯘᯪᯅᯬᯞᯘᯪ᯲ ᯤ.

2:14 Alai adong do saotik pangkurangi ni rohangku di ho: Na adong do di tongatongamuna angka na mangoloi poda ni Bileam, na mangajari si Balas mambahen gasip di jolo ni halak Israel, i ma na manganhon na pinelehon tu begu dohot na marmainan. ᯁᯞᯤ ᯀᯑᯰᯬ ᯑᯬ ᯘᯀᯬᯖᯄ᯦ᯪ᯲ ᯇᯰᯄ᯦ᯮᯒᯝᯪ ᯉᯪ ᯒᯬᯂᯰᯰᯄ᯦ᯮ ᯑᯪ ᯂᯬ ᯉ ᯀᯑᯰᯬ ᯑᯬ ᯑᯪ ᯖᯬᯝᯖᯬᯝᯔᯮᯉ ᯀᯰᯄ᯦ ᯉ ᯔᯝᯬᯞᯬᯤ ᯇᯬᯑ ᯉᯪ ᯅᯪᯞᯩᯀᯔ᯲ ᯉ ᯔᯝᯐᯒᯪ ᯘᯪ ᯅᯞᯘ᯲ ᯔᯔ᯲ᯅᯂᯉᯩ᯲ ᯎᯘᯇᯪ᯲ ᯑᯪ ᯐᯬᯞᯬ ᯉᯪ ᯂᯞᯄ᯦᯲ ᯀᯘᯪ᯲ᯒᯀᯞᯩ᯲ ᯤ ᯔ ᯉ ᯔᯝᯉ᯲ᯂᯉᯬ᯲ ᯉ ᯇᯪᯉᯩᯞᯩᯂᯉᯬ᯲ ᯖᯮ ᯅᯩᯎᯮ ᯑᯬᯂᯖᯬ᯲ ᯉ ᯔᯒ᯲ᯔᯤᯉᯉ᯲

2:15 Suang songon i adong di tongatongamu angka na marsitiopan tu poda ni halak Nikolaus.ᯘᯮᯀᯰ ᯘᯬᯝᯉᯬ᯲ ᯤ ᯀᯑᯰᯬ ᯑᯪ ᯖᯬᯝᯖᯬᯝᯔᯮ ᯀᯰᯄ᯦ ᯉ ᯔᯒ᯲ᯘᯪᯖᯪᯀᯬᯇᯉ᯲ ᯖᯮ ᯇᯬᯑ ᯉᯪ ᯂᯞᯄ᯦᯲ ᯉᯪᯄ᯦ᯬᯞᯀᯘᯮ᯲

2:16 Pauba ma roham! Ia so i, magira ma Ahu ro marmusu dompak nasida marhitehite podang ni pamanganku. ᯇᯥᯅ ᯔ ᯒᯬᯂᯔ᯲ ᯤᯀ ᯘᯬ ᯤ ᯔᯎᯪᯒ ᯔ ᯀᯂᯮ ᯒᯬ ᯔᯒ᯲ᯔᯮᯘᯮ ᯑᯔᯬ᯲ᯇᯄ᯦᯲ ᯉᯘᯪᯑ ᯔᯒ᯲ᯂᯪᯖᯩᯂᯪᯖᯩ ᯇᯬᯑᯰ ᯉᯪ ᯇᯔᯝᯉ᯲ᯄᯮ᯦

2:17 Ditangihon na marpinggol ma na nidok ni Tondi i tu angka huria: Tu na monang i ma lehononku sipanganon manna na buni i, jala lehononku tu ibana batu na saksak dohot goar na imbaru na sinurat tu atas batu i, na so binoto ni manang ise, ia so holan na manjalosa.ᯑᯪᯖᯝᯪᯂᯉᯬ᯲ ᯉ ᯔᯒ᯲ᯇᯰᯪᯎᯞᯬ᯲ ᯔ ᯉ ᯉᯪᯑᯄ᯦ᯬ᯲ ᯉᯪ ᯖᯉᯬ᯲ᯑᯪ ᯤ ᯖᯮ ᯀᯰᯄ᯦ ᯂᯮᯒᯪᯀ ᯖᯮ ᯉ ᯔᯬᯉᯰ ᯤ ᯔ ᯞᯩᯂᯬᯉᯉᯬ᯲ᯄᯮ᯦ ᯘᯪᯇᯝᯉᯉᯬ᯲ ᯔᯉ᯲ᯉ ᯉ ᯅᯮᯉᯪ ᯤ ᯉ ᯘᯬ ᯅᯪᯉᯬᯖᯬ ᯉᯪ ᯔᯉᯰ ᯤᯘᯩ ᯤᯀ ᯘᯬ ᯂᯬᯞᯉ᯲ ᯉ ᯔᯉ᯲ᯐᯞᯬᯘ

2:18 Surathon ma tu suruan ni huria Tiatira: On do hata ni Anak ni Debata, na marmata songon nala ni api, jala patna tudos tu haksa: ᯘᯮᯒᯖ᯲᯲ᯂᯉᯬ᯲ ᯔ ᯖᯮ ᯘᯮᯒᯮᯀᯉ᯲ ᯉᯪ ᯂᯮᯒᯪᯀ ᯖᯪᯀᯖᯪᯒ ᯀᯉᯬ᯲ ᯑᯬ ᯂᯖ ᯉᯪ ᯀᯉᯄ᯦᯲ ᯉᯪ ᯝᯩᯅᯖ ᯉ ᯔᯒ᯲ᯔᯖ ᯘᯬᯝᯉᯬ᯲ ᯉᯞ ᯉᯪ ᯀᯇᯪ ᯐᯞ ᯇᯖ᯲ᯉ ᯖᯮᯑᯘᯬ᯲ ᯖᯮ ᯂᯄ᯦᯲ᯘ

2:19 Huboto do angka ulaonmu dohot holong ni roham dohot haporseaonmu ro di pangkobasionmu, nang benget ni roham; huboto, gumodang do ulaonku parpudi sian angka na parjolo i. ᯂᯮᯅᯬᯖᯬ ᯑᯬ ᯀᯰᯄ᯦ ᯤᯞᯀᯉᯬ᯲ᯔᯮ ᯑᯬᯂᯖᯬ᯲ ᯂᯬᯞᯰᯬ᯲ ᯉᯪ ᯒᯬᯂᯔ᯲ ᯑᯬᯂᯖᯬ᯲ ᯂᯇᯒᯬ᯲ᯘᯩᯀᯀᯉᯬ᯲ᯔᯮ ᯒᯬ ᯑᯪ ᯇᯰᯄ᯦ᯬᯅᯘᯪᯀᯉᯬ᯲ᯔᯮ. ᯉᯰ ᯅᯩᯝᯖᯩ᯲ ᯉᯪ ᯒᯬᯂᯔ᯲ ᯂᯮᯅᯬᯖᯬ ᯎᯮᯔᯬᯑᯰ ᯑᯬ ᯥᯞᯀᯉᯬ᯲ᯄ᯦ᯮ ᯇᯒ᯲ᯇᯮᯑᯪ ᯘᯪᯀᯉ᯲ ᯀᯰᯄ᯦ ᯉ ᯇᯒ᯲ᯐᯬᯞᯬ ᯤ

2:20 Alai on do pangkurangi ni rohangku di ho: Dipasombu ho do boru Izebel, na mandok, panurirang ibana, gabe diajari jala dililuhon do angka naposongku, asa marmainan nasida jala manganhon na pinelehon tu begu.ᯀᯞᯤ ᯀᯉᯬ᯲ ᯑᯬ ᯇᯰᯄ᯦ᯮᯒᯝᯪ ᯉᯪ ᯒᯬᯂᯰᯄ᯦ᯮ ᯑᯪ ᯂᯬ ᯑᯪᯇᯘᯔᯬ᯲ᯅᯮ ᯂᯬ ᯑᯬ ᯅᯬᯒᯮ ᯤᯐᯩᯅᯞᯩ᯲ ᯉ ᯔᯉ᯲ᯑᯂᯬ᯲ ᯇᯉᯮᯒᯪᯒᯰ ᯤᯅᯉ ᯎᯅᯩ ᯑᯪᯀᯐᯒᯪ ᯐᯞ ᯑᯪᯞᯪᯞᯮᯂᯉᯬ᯲ ᯑᯬ ᯀᯰᯄ᯦ ᯉᯇᯬᯘᯰᯬᯄ᯦ᯮ ᯀᯘ ᯔᯒ᯲ᯔᯤᯉᯉ᯲ ᯉᯘᯪᯑ ᯐᯞ ᯔᯝᯉ᯲ᯂᯉᯬ᯲ ᯉ ᯇᯪᯉᯩᯞᯩᯂᯉᯬ᯲ ᯖᯮ ᯅᯩᯎᯮ

2:21 Nunga hupaganjang nian arina, asa paubaonna rohana; alai ndang olo ibana paubahon rohana tumadingkon parmainanonna i. ᯉᯮᯝ ᯂᯮᯇᯎᯉ᯲ᯐᯰ ᯉᯪᯀᯉ᯲ ᯀᯒᯪᯉ ᯀᯘ ᯇᯥᯅᯀᯉᯬ᯲ᯉ ᯒᯬᯂᯉ ᯖᯮᯔᯑᯰᯪᯄ᯦ᯉᯬ᯲ ᯇᯒ᯲ᯔᯤᯉᯉᯬ᯲ᯉ ᯤ

2:22 Dabuonku ma ibana tubagasan parsahiton, songon i angka donganna pangalangkup tubagasan haporsuhon godang, ia so dipauba rohana tumadingkon niulana i. ᯑᯅᯮᯀᯉᯬ᯲ᯄ᯦ᯮ ᯔ ᯤᯅᯉ ᯖᯮ ᯅᯎᯘᯉ᯲ ᯇᯒ᯲ᯘᯂᯪᯖᯉᯬ᯲ ᯘᯬᯝᯉᯬ᯲ ᯤ ᯀᯰᯄ᯦ ᯑᯬᯝᯉ᯲ᯉ ᯇᯝᯞᯰᯄ᯦ᯇᯮ᯲ ᯖᯮ ᯅᯎᯘᯉ᯲ ᯂᯇᯒᯬ᯲ᯘᯮᯂᯉᯬ᯲ ᯎᯬᯑᯰ ᯤᯀ ᯘᯬ ᯑᯪᯇᯥᯅ ᯒᯬᯂᯉ ᯖᯮᯔᯑᯰᯪ᯲ᯄ᯦ᯉᯬ᯲ ᯉᯪᯥᯞᯉ ᯤ

2:23 Laos ragehononku ma angka anakkonna asa mate, asa diboto saluhut huria; Ahu do sidodo ateate dohot roha; jala lehononku tu ganup hamu hombar tu na niulana be. ᯞᯀᯘᯬ᯲ ᯒᯎᯩᯂᯬᯉᯉᯬ᯲ᯄ᯦ᯮ ᯔ ᯀᯰᯄ᯦ ᯀᯉᯄ᯦᯲ᯄ᯦ᯉᯬ᯲ᯉ ᯀᯘ ᯔᯖᯩ ᯀᯘ ᯑᯪᯅᯬᯖᯬ ᯘᯞᯮᯂᯖᯮ᯲ ᯂᯮᯒᯪᯀ ᯀᯂᯮ ᯑᯬ ᯘᯪᯑᯬᯑᯬ ᯀᯖᯩᯀᯖᯩ ᯑᯬᯂᯖᯬ᯲ ᯒᯬᯂ ᯐᯞ ᯞᯩᯂᯬᯉᯉᯬ᯲ᯄ᯦ᯮ ᯖᯮ ᯎᯉᯇᯮ᯲ ᯂᯔᯮ ᯂᯔᯬ᯲ᯅᯒ᯲ ᯖᯮ ᯉ ᯉᯪᯥᯞᯉ ᯅᯩ

2:24 Alai tu hamu, angka na tading di Tiatira, tu nasa na so umpeop poda ondeng, angka na so umboto hahomion ni sibolis i, songon na nidoknasida, tu hamu do hudok: Ndang be ampehononku pandokdohi na asing tu hamu: ᯀᯞᯤ ᯖᯮ ᯂᯔᯮ ᯀᯰᯄ᯦ ᯉ ᯖᯑᯰᯪ ᯑᯪ ᯖᯪᯀᯖᯪᯒ ᯖᯮ ᯉᯘ ᯉ ᯘᯬ ᯀᯔᯮ᯲ᯇᯩᯀᯇᯬ᯲ ᯇᯬᯑ ᯀᯉᯬ᯲ᯑᯰᯩ ᯀᯰᯄ᯦ ᯉ ᯘᯬ ᯀᯔᯮ᯲ᯅᯬᯖᯬ ᯂᯂᯬᯔᯪᯀᯉᯬ᯲ ᯉᯪ ᯘᯪᯅᯬᯞᯘᯪ᯲ ᯤ ᯘᯬᯝᯉᯬ᯲ ᯉ ᯉᯪᯑᯄ᯦ᯬ᯲ᯉᯘᯪᯑ ᯖᯮ ᯂᯔᯮ ᯑᯬ ᯂᯮᯑᯄ᯦ᯬ᯲ ᯉ᯲ᯑᯰ ᯅᯩ ᯀᯔ᯲ᯇᯩᯂᯬᯉᯉᯬ᯲ᯄ᯦ᯮ ᯇᯉ᯲ᯑᯂᯬ᯲ᯑᯬᯂᯪ ᯉ ᯀᯘᯰᯪ ᯖᯮ ᯂᯔᯮ

2:25 Asal ma ditiop hamu na di hamu i, paima ro Ahu! ᯀᯘᯞ᯲ ᯔ ᯑᯪᯖᯪᯀᯇᯬ᯲ ᯂᯔᯮ ᯉ ᯑᯪ ᯂᯔᯮ ᯤ ᯇᯤᯔ ᯒᯬ ᯀᯂᯮ

2:26 Di na monang i, anggo diradoti ulaonku sahat ro di ujung, lehononku ma huaso manggomgomi angka parbegu: ᯑᯪ ᯉ ᯔᯬᯉᯰ ᯤ ᯀᯰᯎᯬ ᯑᯪᯒᯑᯬᯖᯪ ᯥᯞᯀᯉᯬ᯲ᯄ᯦ᯮ ᯘᯂᯖ᯲ ᯒᯬ ᯑᯪ ᯥᯐᯮᯰ ᯞᯩᯂᯬᯉᯉᯬ᯲ᯄ᯦ᯮ ᯔ ᯂᯮᯀᯘᯬ ᯔᯰᯎᯔᯬ᯲ᯎᯬᯔᯪ ᯀᯰᯄ᯦ ᯇᯒ᯲ᯅᯩᯎᯮ

2:27 Parmahanonna ma nasida marhitehite tungkot bosi, mangarosak nasida hira hudon tano, songon naung hujalo sian Damang. ᯇᯒ᯲ᯔᯂᯉᯉᯬ᯲ᯉ ᯔ ᯉᯘᯪᯑ ᯔᯒ᯲ᯂᯪᯖᯩᯂᯪᯖᯩ ᯖᯮᯰᯂᯖᯬ᯲ ᯅᯬᯘᯪ ᯔᯝᯒᯬᯘᯄ᯦᯲ ᯉᯘᯪᯑ ᯂᯪᯒ ᯂᯮᯑᯉᯬ᯲ ᯖᯉᯬ ᯘᯬᯝᯉᯬ᯲ ᯉᯀᯮᯰ ᯂᯮᯐᯞᯬ ᯘᯪᯀᯉ᯲ ᯑᯔᯰ

2:28 Lehononku ma tu ibana bintang sipaias. ᯞᯩᯂᯬᯉᯉᯬ᯲ᯄ᯦ᯮ ᯔ ᯖᯮ ᯤᯅᯉ ᯅᯉᯪ᯲ᯖᯰ ᯘᯪᯇᯤᯀᯘ᯲

2:29 Ditangihon na marpinggol ma na nidok ni Tondi i tu angka huria! ᯑᯪᯖᯝᯪᯂᯉᯬ᯲ ᯉ ᯔᯒ᯲ᯇᯰᯪᯎᯞᯬ᯲ ᯔ ᯉ ᯉᯪᯑᯂᯬ᯲ ᯉᯪ ᯖᯉᯬ᯲ᯑᯪ ᯤ ᯖᯮ ᯀᯰᯄ ᯂᯮᯒᯪᯀ

Pangungkapon ᯇᯝᯮᯰᯄ᯦ᯇᯉᯬ᯲ 3

3:1 Surathon ma tu suruan ni huria Sardes: On do hata ni Partondi na pitu na sian Debata jala Parbintang na pitu: Huboto do angka ulaonmu; na targoar do ho mangolu, hape na mate do! ᯘᯮᯒᯖ᯲ᯂᯉᯬ᯲ ᯔ ᯖᯮ ᯘᯮᯒᯮᯀᯉ᯲ ᯉᯪ ᯂᯮᯒᯪᯀ ᯘᯒ᯲ᯑᯘᯩ᯲ ᯀᯉᯬ᯲ ᯑᯬ ᯂᯖ ᯉᯪ ᯇᯒ᯲ᯖᯉᯬ᯲ᯑᯪ ᯉ ᯇᯪᯖᯮ ᯉ ᯘᯪᯀᯉ᯲ ᯑᯩᯅᯖ ᯐᯞ ᯇᯒ᯲ᯅᯉᯪ᯲ᯖᯰ ᯉ ᯇᯪᯖᯮ ᯂᯮᯅᯬᯖᯬ ᯑᯬ ᯀᯰᯄ᯦ ᯥᯞᯀᯉᯬ᯲ᯔᯮ ᯉ ᯖᯒ᯲ᯎᯬᯀᯒ᯲ ᯑᯬ ᯂᯬ ᯔᯝᯬᯞᯮ ᯂᯇᯩ ᯉ ᯔᯖᯩ ᯑᯬ

3:2 Tarsunggul ma ho jala patogu ma donganmu na tading i, angka na naeng mate. Ai ndang jumpang Ahu di angka ulaonmu, naung gok di jolo ni Debatangku. ᯖᯒ᯲ᯘᯮᯰᯎᯞᯮ᯲ ᯔ ᯂᯬ ᯐᯞ ᯇᯖᯬᯎᯮ ᯔ ᯑᯬᯝᯉ᯲ᯔᯮ ᯉ ᯖᯑᯰᯪ ᯤ ᯀᯰᯄ᯦ ᯉ ᯉᯀᯰᯩ ᯔᯖᯩ ᯀᯤ ᯉ᯲ᯑᯰ ᯐᯔᯮ᯲ᯇᯰ ᯀᯂᯮ ᯑᯪ ᯀᯰᯄ᯦ ᯥᯞᯀᯉᯬ᯲ᯔᯮ ᯉᯀᯮᯰ ᯎᯄ᯦ᯬ᯲ ᯑᯪ ᯐᯬᯞᯬ ᯉᯪ ᯑᯩᯅᯖᯰᯄ᯦ᯮ

3:3 Antong, ingot ma, manang songon dia na jinalom dohot na binegem; i ma radoti jala pauba roham! Dibahen i, molo so tarsunggul ho, ro ma Ahu songon panangko; na so jadi botoonmu sadiharina Ahu ro manopot ho. ᯀᯉ᯲ᯖᯰᯬ ᯤᯝᯖᯬ᯲ ᯔ ᯔᯉᯰ ᯘᯬᯝᯉᯬ᯲ ᯑᯪᯀ ᯉ ᯐᯪᯉᯞᯔᯬ᯲ ᯑᯬᯂᯖᯬ᯲ ᯉ ᯅᯪᯉᯩᯎᯔᯩ᯲ ᯤ ᯔ ᯒᯑᯬᯖᯪ ᯐᯞ ᯇᯥᯅ ᯒᯬᯂᯔ᯲ ᯑᯪᯅᯂᯉᯩ᯲ ᯤ ᯔᯬᯞᯬ ᯘᯬ ᯖᯒ᯲ᯘᯮᯰᯎᯞᯮ᯲ ᯂᯬ ᯒᯬ ᯔ ᯀᯂᯮ ᯘᯬᯝᯉᯬ᯲ ᯇᯉᯰᯄ᯦ᯬ ᯉ ᯘᯬ ᯐᯑᯪ ᯅᯬᯖᯬᯀᯉᯬ᯲ᯔᯮ ᯘᯑᯪᯂᯒᯪᯉ ᯀᯂᯮ ᯒᯬ ᯔᯉᯬᯇᯖᯬ᯲ ᯂᯬ

3:4 Alai adong do di Sardes otik goar ni halak, angka na so mangaramuni abitna; nasida ma mardalan sogot rap dohot Ahu marabit na saksak, ai na tau do nasida. ᯀᯞᯤ ᯀᯑᯰᯬ ᯑᯬ ᯑᯪ ᯘᯒ᯲ᯑᯘᯩ᯲ ᯀᯬᯖᯄ᯦ᯪ᯲ ᯎᯬᯀᯒ᯲ ᯉᯪ ᯂᯞᯄ᯦᯲ ᯀᯰᯄ᯦ ᯉ ᯘᯬ ᯔᯝᯒᯔᯮᯉᯪ ᯀᯅᯖᯪ᯲ᯉ ᯉᯘᯪᯑ ᯔ ᯔᯒ᯲ᯑᯞᯉ᯲ ᯘᯬᯎᯖᯬ᯲ ᯒᯇ᯲ ᯑᯬᯂᯖᯬ᯲ ᯀᯂᯮ ᯔᯒᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯀᯤ ᯉ ᯖᯥ ᯑᯬ ᯉᯘᯪᯑ

3:5 Songon i ma uloshononhon abit na saksak tu na monang i; na so tupa be sesaonku goarna sian buku hangoluan i, hatindangkononku ma goarna di jolo ni Damang nang angka surusuruanna. ᯘᯬᯝᯉᯬ᯲ ᯤ ᯔ ᯥᯞᯘᯬ᯲ᯂᯬᯉᯉᯬ᯲ᯂᯉᯬ᯲ ᯀᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯖᯮ ᯉ ᯔᯬᯉᯰ ᯤ ᯉ ᯘᯬ ᯖᯮᯇ ᯅᯩ ᯘᯩᯘᯀ ᯬ᯲ᯄ᯦ᯮ ᯎᯬᯀᯒ᯲ᯉ ᯘᯪᯀᯉ᯲ ᯅᯮᯄ᯦ᯮ ᯂᯝᯬᯞᯮᯀᯉ᯲ ᯤ ᯂᯖᯉᯪ᯲ᯑᯰᯄ᯦ᯬᯉᯉᯬ᯲ᯄ᯦ᯮ ᯔ ᯎᯬᯀᯒ᯲ᯉ ᯑᯪ ᯐᯬᯞᯬ ᯉᯪ ᯑᯔᯰ ᯉᯰ ᯀᯰᯄ᯦ ᯘᯮᯒᯮᯘᯮᯒᯮᯀᯉ᯲ᯉ

3:6 Ditangihon na marpinggol ma na nidok ni Tondi i tu angka huria! ᯑᯪᯖᯝᯪᯂᯉᯬ᯲ ᯉ ᯔᯒ᯲ᯇᯰᯪᯎᯞᯬ᯲ ᯔ ᯉ ᯉᯪᯑᯄ᯦ᯬ᯲ ᯉᯪ ᯖᯉᯬ᯲ᯑᯪ ᯤ ᯖᯮ ᯀᯰᯄ᯦ ᯂᯮᯒᯪᯀ

3:7 Surathon ma tu suruan ni huria Piladelpia: On do hata ni Nabadia jala Nasintong, na umpeop anak hinsu ni Daud, na mangungkap so adong na mangkinsu, jala na mangkinsu so adong na mangungkap:ᯘᯮᯒᯖ᯲ᯂᯉᯬ᯲ ᯔ ᯖᯮ ᯘᯮᯒᯮᯀᯉ᯲ ᯉᯪ ᯂᯮᯒᯪᯀ ᯇᯪᯞᯑᯞᯩ᯲ᯇᯪᯀ ᯀᯉᯬ᯲ ᯑᯬ ᯂᯖ ᯉᯪ ᯉᯅᯑᯪᯀ ᯐᯞ ᯉᯘᯉᯪ᯲ᯖᯰᯬ ᯉ ᯀᯔᯮ᯲ᯇᯩᯀᯇᯬ᯲ ᯀᯉᯄ᯦᯲ ᯂᯉᯪ᯲ᯘᯮ ᯉᯪ ᯑᯀᯑᯮ᯲ ᯉ ᯔᯝᯮᯰᯄ᯦ᯇ᯲ ᯘᯬ ᯀᯑᯰᯬ ᯉ ᯔᯰᯄ᯦ᯉᯪ᯲ᯘᯮ ᯐᯞ ᯉ ᯔᯰᯄ᯦ᯉᯪ᯲ᯘᯮ ᯘᯬ ᯀᯑᯰᯬ ᯉ ᯔᯝᯮᯰᯄ᯦ᯇ᯲

3:8 Huboto do angka ulaonmu. Antong, nunga hupadiri di jolom pintu naung mungkap, na so bolas hinsuon ni manang ise. Ai otik pe gogom, diradoti ho do hatangku; ndang disoadahon ho Goarhu. ᯂᯮᯅᯬᯖᯬ ᯑᯬ ᯀᯰᯄ᯦ ᯥᯞᯀᯉᯬ᯲ᯔᯮ ᯀᯉ᯲ᯖᯰᯬ ᯉᯮᯝ ᯂᯮᯇᯑᯪᯒᯪ ᯑᯪ ᯐᯬᯞᯔᯬ᯲ ᯇᯉᯪ᯲ᯖᯮ ᯉᯀᯮᯰ ᯔᯮᯰᯄ᯦ᯇ᯲ ᯉ ᯘᯬ ᯅᯬᯞᯘ᯲ ᯂᯉᯪ᯲ᯘᯪᯀᯉᯬ᯲ ᯉᯪ ᯔᯉᯰ ᯤᯘᯩ ᯀᯤ ᯀᯬᯖᯄ᯦ᯪ᯲ ᯇᯩ ᯎᯬᯎᯔᯬ᯲ ᯑᯪᯒᯑᯬᯖᯪ ᯂᯬ ᯑᯬ ᯂᯖᯰᯄᯮ ᯉ᯲ᯑᯰ ᯑᯪᯘᯬᯀᯑᯂᯉᯬ᯲ ᯂᯬ ᯎᯬᯀᯒ᯲ᯂᯮ

3:9 Huboan ma halak sian punguan ni sibolis, angka na mandok, Jahudi nasida, hape ndang na tutu, pargabus do nasida: Bahenonku ma nasida ro marsomba tujolo ni patmu, botoonnasida do, naung huhaholongi ho: ᯂᯮᯅᯬᯀᯉ᯲ ᯔ ᯂᯞᯄ᯦᯲ ᯘᯪᯀᯉ᯲ ᯇᯮᯝᯮᯀᯉ᯲ ᯉᯪ ᯘᯪᯅᯬᯞᯘᯪ᯲ ᯀᯰᯄ᯦ ᯉ ᯔᯉ᯲ᯑᯄ᯦ᯬ᯲ ᯐᯂᯮᯑᯪ ᯉᯘᯪᯑ ᯂᯇᯩ ᯉ᯲ᯑᯰ ᯉ ᯖᯮᯖᯮ ᯇᯒ᯲ᯎᯅᯘᯮ᯲ ᯑᯬ ᯉᯘᯪᯑ ᯅᯂᯩᯉᯉᯬ᯲ᯄ᯦ᯮ ᯔ ᯉᯘᯪᯑ ᯒᯬ ᯔᯒ᯲ᯘᯔᯬ᯲ᯅ ᯖᯮ ᯐᯬᯞᯬ ᯉᯪ ᯇᯖ᯲ᯔᯮ ᯅᯬᯖᯬᯀᯉᯬ᯲ᯉᯘᯪᯑ ᯑᯬ ᯉᯀᯮᯰ ᯂᯮᯂᯂᯬᯞᯬᯝᯪ ᯂᯬ

3:10 Ai diradoti ho do hata habengeton na sian Ahu; Ahu pe, ramotanku ma ho di ari pangunjunan na naeng ro tu liat portibi on, mangunjuni angka na mangingani tano on. ᯀᯤ ᯑᯪᯒᯑᯬᯖᯪ ᯂᯬ ᯑᯬ ᯂᯖ ᯂᯅᯩᯝᯩᯖᯉᯬ᯲ ᯉ ᯘᯪᯀᯉ᯲ ᯀᯂᯮ ᯀᯂᯮ ᯇᯩ ᯒᯔᯬᯖᯉ᯲ᯄ᯦ᯮ ᯔ ᯂᯬ ᯑᯪ ᯀᯒᯪ ᯇᯝᯉᯮ᯲ᯐᯮᯉᯉ᯲ ᯉ ᯉᯀᯰᯩ ᯒᯬ ᯖᯮ ᯞᯪᯀᯖ᯲ ᯇᯒᯬ᯲ᯖᯪᯅᯪ ᯀᯉᯬ᯲ ᯔᯝᯉᯮ᯲ᯐᯮᯉᯪ ᯀᯰᯄ᯦ ᯉ ᯔᯝᯪᯝᯉᯪ ᯖᯉᯬ ᯀᯉᯬ᯲

3:11 Magira ma Ahu ro. Tiop ma na di ho, unang adong na mambuat tumpalmi! ᯔᯎᯪᯒ ᯔ ᯀᯂᯮ ᯒᯬ ᯖᯪᯀᯇᯬ᯲ ᯔ ᯉ ᯑᯪ ᯂᯬ ᯥᯉᯰ ᯀᯑᯰᯬ ᯉ ᯔᯔ᯲ᯅᯮᯀᯖ᯲ ᯖᯔᯮ᯲ᯇᯞ᯲ᯔᯪ

3:12 Bahenonku ma na monang i gabe tiang di joro ni Debatangku; na so tupa be ibana ruar sian i, jala surathononku ma tu ibana Goar ni Debatangku dohot goar ni huta ni Debatangku, i ma Jerusalem na imbaru i, na tuat sian banua ginjang sian Debatangku, nang Goarhu na imbaru i. ᯅᯂᯩᯉᯉᯬ᯲ᯄ᯦ᯮ ᯔ ᯉ ᯔᯬᯉᯰ ᯤ ᯎᯅᯩ ᯖᯪᯀᯰ ᯑᯪ ᯐᯬᯒᯬ ᯉᯪ ᯑᯩᯅᯖᯰᯄᯮ᯦ ᯉ ᯘᯬ ᯖᯮᯇ ᯅᯩ ᯤᯅᯉ ᯒᯮᯀᯒ᯲ ᯘᯪᯀᯉ᯲ ᯤ ᯐᯞ ᯘᯮᯒᯖ᯲ᯂᯬᯉᯉᯬ᯲ᯄ᯦ᯮ ᯔ ᯖᯮ ᯤᯅᯉ ᯎᯬᯀᯒ᯲ ᯉᯪ ᯑᯩᯅᯖᯰᯄ᯦ᯮ ᯑᯬᯂᯖᯬ᯲ ᯎᯬᯀᯒ᯲ ᯉᯪ ᯂᯮᯖ ᯉᯪ ᯑᯩᯅᯖᯰᯄ᯦ᯮ ᯤ ᯔ ᯐᯩᯒᯮᯘᯞᯔᯩ᯲ ᯉ ᯀᯔᯪ᯲ᯅᯒᯮ ᯉ ᯖᯮᯀᯖ᯲ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯘᯪᯀᯉ᯲ ᯑᯅᯖᯰᯄ᯦ᯮ ᯉᯰ ᯎᯬᯀᯒ᯲ᯂᯮ ᯉ ᯀᯔᯪ᯲ᯅᯒᯮ ᯤ

3:13 Ditangihon na marpinggol ma na nidok ni Tondi i tu angka huria! ᯑᯪᯖᯝᯪᯂᯉᯬ᯲ ᯉ ᯔᯒ᯲ᯇᯰᯪᯎᯞᯬ᯲ ᯔ ᯉ ᯉᯪᯑᯄ᯦ᯬ᯲ ᯉᯪ ᯖᯉᯬ᯲ᯑᯪ ᯤ ᯖᯮ ᯀᯰᯄ᯦ ᯂᯮᯒᯪᯀ

3:14 Surathon ma tu suruan ni huria Laodikea: On do hata ni si Amen, Sitindangi haposan jala na sintong, mula ni na tinompa ni Debata: ᯘᯮᯒᯖ᯲ᯂᯬᯉᯉᯬ᯲ ᯔ ᯖᯮ ᯘᯮᯒᯮᯀᯉ᯲ ᯉᯪ ᯂᯮᯒᯪᯀ ᯞᯀᯬᯑᯪᯄᯩ᯦ᯀ ᯀᯉᯬ᯲ ᯑᯬ ᯂᯖ ᯉᯪ ᯘᯪ ᯀᯔᯉᯩ᯲ ᯘᯪᯖᯉᯪ᯲ᯑᯝᯪ ᯂᯇᯬᯘᯉ᯲ ᯐᯞ ᯉ ᯘᯉᯪ᯲ᯖᯰᯬ ᯔᯮᯞ ᯉᯪ ᯉ ᯖᯪᯉᯔᯬ᯲ᯇ ᯉᯪ ᯝᯩᯅᯖ

3:15 Huboto do angka ulaonmu: Na so haru ngali, na so haru las ho; aut ni haru ngali ma ho manang las nian! ᯂᯮᯅᯬᯖᯬ ᯑᯬ ᯀᯰᯄ᯦ ᯥᯞᯀᯉᯬ᯲ᯔᯮ ᯉ ᯘᯬ ᯂᯒᯮ ᯝᯞᯪ ᯉ ᯘᯬ ᯂᯒᯮ ᯞᯘ᯲ ᯂᯬ ᯀᯀᯖᯮ᯲ ᯉᯪ ᯂᯒᯮ ᯝᯞᯪ ᯔ ᯂᯬ ᯔᯉᯰ ᯞᯘ᯲ ᯉᯪᯀᯉ᯲

3:16 Alai dibahen na danggoldanggol sisilon ho, so haru ngali, so haru las, utahononku ma ho sian pamanganku. ᯀᯞᯤ ᯑᯪᯅᯂᯉᯩ᯲ ᯉ ᯑᯰᯎᯞᯬ᯲ᯑᯰᯎᯞᯬ᯲ ᯘᯪᯘᯪᯞᯉᯬ᯲ ᯂᯬ ᯘᯬ ᯂᯒᯮ ᯝᯞᯪ ᯘᯬ ᯂᯒᯮ ᯞᯘ᯲ ᯥᯖᯂᯬᯉᯉᯬ᯲ᯄ᯦ᯮ ᯔ ᯂᯬ ᯘᯪᯀᯉ᯲ ᯇᯔᯝᯉ᯲ᯄ᯦ᯮ

3:17 Ai didok ho: Na mora do ahu jala paradongan, ndang hurangan ahu. Ndang diboto ho, na parir do ho hape jala na dangol, na pogos, na mapitung jala na marsaemara. ᯀᯤ ᯑᯪᯑᯄ᯦ᯬ᯲ ᯂᯬ ᯉ ᯔᯬᯒ ᯑᯬ ᯀᯂᯮ ᯐᯞ ᯇᯒᯑᯬᯝᯉ᯲ ᯉ᯲ᯑᯰ ᯑᯪᯅᯬᯖᯬ ᯂᯬ ᯉ ᯇᯒᯒᯪ᯲ ᯑᯬ ᯂᯬ ᯂᯇᯩ ᯐᯞ ᯉ ᯑᯝᯞᯬ᯲ ᯉ ᯇᯬᯎᯘᯬ᯲ ᯉ ᯔᯇᯪᯖᯮᯰ ᯐᯞ ᯉ ᯔᯒ᯲ᯘᯀᯩᯔᯒ

3:18 Huapoi ma ho, manuhor sian Ahu sere naung pinapita ni api, anggiat tutu mamora ho, nang abit na saksak siuloshononmu, unang patar hailaonmu di parsaemaraonmi, nang miak mamiahi matami, asa marnida ho! ᯂᯮᯀᯇᯬᯤ ᯔ ᯂᯬ ᯔᯉᯮᯂᯒᯬ᯲ ᯘᯪᯀᯉ᯲ ᯀᯂᯮ ᯘᯩᯩᯒᯩ ᯉᯀᯮᯰ ᯇᯪᯉᯇᯪᯖ ᯉᯪ ᯀᯇᯪ ᯀᯰᯎᯪᯀᯖ᯲ ᯖᯮᯖᯮ ᯔᯔᯬᯒ ᯂᯬ ᯉᯰ ᯀᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯘᯪᯥᯞᯘᯬ᯲ᯂᯬᯉᯉᯬ᯲ᯔᯮ ᯥᯉᯰ ᯇᯖᯒ᯲ ᯂᯤᯞᯀᯉᯬ᯲ᯔᯮ. ᯑᯪ ᯇᯒ᯲ᯘᯀᯩᯔᯒᯀᯉᯬ᯲ᯔᯪ ᯉᯰ ᯔᯪᯀᯄ᯦᯲ ᯔᯔᯪᯀᯂᯪ ᯔᯖᯔᯪ ᯀᯘ ᯔᯒ᯲ᯉᯪᯑ ᯂᯬ

3:19 Ai nasa na huhaholongi, angka i do hupinsang jala huajar. Antong, haringkothon ma na paubahon roha! ᯀᯤ ᯉᯘ ᯉ ᯂᯮᯂᯂᯬᯞᯬᯝᯪ ᯀᯰᯄ᯦ ᯤ ᯑᯬ ᯂᯮᯇᯉᯪ᯲ᯘᯰ ᯐᯞ ᯂᯮᯀᯐᯒ᯲ ᯀᯉ᯲ᯖᯰᯬ ᯂᯒᯰᯪᯄ᯦ᯖᯬ᯲ᯂᯉᯬ᯲ ᯔ ᯉ ᯇᯥᯅᯂᯉᯬ᯲ ᯒᯬᯂ

3:20 Ida ma, na jongjong do Ahu di jolo pintu i manuktuhi; ia adong na tumangihon soarangku dohot mangungkap pintu i, bongot ma Ahu tu ibana, mangan ma Ahu rap dohot ibana, jala ibana rap dohot Ahu. ᯤᯑ ᯔ ᯉ ᯐᯰᯬᯐᯰᯬ ᯑᯬ ᯀᯂᯮ ᯑᯪ ᯐᯬᯞᯬ ᯇᯉᯪ᯲ᯖᯮ ᯤ ᯔᯉᯄ᯦ᯮ᯲ᯖᯮᯂᯪ ᯤᯀ ᯀᯑᯰᯬ ᯉ ᯖᯮᯔᯝᯪᯂᯉᯬ᯲ ᯘᯬᯀᯒᯰᯄ᯦ᯮ ᯑᯬᯂᯖᯬ᯲ ᯔᯝᯮᯰᯄ᯦ᯇ᯲ ᯇᯉᯪ᯲ᯖᯮ ᯤ ᯅᯬᯝᯖᯬ᯲ ᯔ ᯀᯂᯮ ᯖᯮ ᯤᯅᯉ ᯔᯝᯉ᯲ ᯔ ᯀᯂᯮ ᯒᯇ᯲ ᯑᯬᯂᯖᯬ᯲ ᯤᯅᯉ ᯐᯞ ᯤᯅᯉ ᯒᯇ᯲ ᯑᯬᯂᯖᯬ᯲ ᯀᯂᯮ

3:21 Padirionku ma tu na monang i hundulan di habangsangku rap dohot Ahu; songon Ahu, dung monang, hundul rap dohot Damang di habangsana i. ᯇᯑᯪᯒᯪᯀᯉᯬ᯲ᯄ᯦ᯮ ᯔ ᯖᯮ ᯉ ᯔᯬᯉᯰ ᯤ ᯂᯉᯮ᯲ᯑᯮᯞᯉ᯲ ᯑᯪ ᯂᯅᯰᯘᯰᯄ᯦ᯮ ᯒᯇ᯲ ᯑᯬᯂᯖᯬ᯲ ᯀᯂᯮ ᯑᯮᯰ ᯔᯪᯉᯰ ᯂᯉᯮ᯲ᯑᯞᯮ᯲ ᯒᯇ᯲ ᯑᯬᯂᯖᯬ᯲ ᯑᯔᯰ ᯑᯪ ᯂᯅᯰᯘᯉ ᯤ

3:22 Ditangihon na marpinggol ma na nidok ni Tondi i tu angka huria! ᯑᯪᯖᯝᯪᯂᯉᯬ᯲ ᯉ ᯔᯒ᯲ᯇᯰᯪᯎᯞᯬ᯲ ᯔ ᯉ ᯉᯪᯑᯂᯬ᯲ ᯉᯪ ᯖᯉᯬ᯲ᯑᯪ ᯤ ᯖᯮ ᯀᯰᯄ᯦ ᯂᯮᯒᯪᯀ

Pangungkapon ᯇᯝᯮᯰᯄ᯦ᯇᯉᯬ᯲ 4

4:1 Dung salpu i, hubereng ma, jadi ida ma, ungkap do sada pintu di banua ginjang, jadi mangkuling ma soara, naung hubege mangkatai dohot ahu di mulana i, songon soara ni sarune, didok ma: Nangkok ma ho tuson, asa hupatuduhon tu ho na naeng masa, dung salpu angka ari on. ᯑᯮᯰ ᯘᯞ᯲ᯇᯮ ᯤ ᯂᯮᯅᯩᯒᯰᯩ ᯔ ᯐᯑᯪ ᯤᯑ ᯔ ᯀᯮᯰᯄ᯦ᯇ᯲ ᯑᯬ ᯘᯑ ᯇᯉᯪ᯲ᯖᯮ ᯑᯪ ᯅᯉᯮᯀ ᯎᯉᯪ᯲ᯐᯰ ᯐᯑᯪ ᯔᯰᯄ᯦ᯮᯞᯰᯪ ᯔ ᯘᯬᯀᯒ ᯉᯀᯮᯰ ᯂᯮᯅᯩᯎᯩ ᯔᯰᯄ᯦ᯖᯤ ᯑᯬᯂᯖᯬ᯲ ᯀᯂᯮ ᯑᯪ ᯔᯮᯞᯉ ᯤ ᯘᯬᯝᯉᯬ᯲ ᯘᯬᯀᯒ ᯉᯪ ᯘᯒᯮᯉᯩ ᯑᯪᯑᯂᯬ᯲ ᯔ ᯉᯰᯄ᯦ᯄ᯦ᯬ᯲ ᯔ ᯂᯬ ᯖᯮᯘᯉᯬ᯲ ᯀᯘ ᯂᯮᯇᯖᯮᯑᯮᯂᯉᯬ᯲ ᯖᯮ ᯂᯬ ᯉ ᯉᯀᯰᯩ ᯔᯘ ᯑᯮᯰ ᯘᯞ᯲ᯇᯮ ᯀᯰᯄ᯦ ᯀᯒᯪ ᯀᯉᯪ᯲

4:2 Jadi mamintor di bagasan tondi ma ahu: Adong ma habangsa sada di banua ginjang, jadi adong do na mangkunduli habangsa i. ᯐᯑᯪ ᯔᯔᯉᯪ᯲ᯖᯒᯬ᯲ ᯑᯪ ᯅᯎᯘᯉ᯲ ᯖᯉᯬ᯲ᯑᯪ ᯔ ᯀᯂᯮ ᯀᯑᯰᯬ ᯔ ᯂᯅᯨᯘ ᯘᯑ ᯑᯪ ᯅᯉᯮᯀ ᯎᯉᯪ᯲ᯐᯰ ᯐᯑᯪ ᯀᯑᯰᯬ ᯑᯬ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯅᯰᯘ ᯤ

4:3 Ia na hundul i, songon mata intan Jaspis dohot Sardion do idaon rupana; dihaliangi halibutongan do habangsa i, na songon mata intan Samara rupana. ᯤᯀ ᯉ ᯂᯉᯮ᯲ᯑᯞᯮ᯲ ᯤ ᯘᯬᯝᯉᯬ᯲ ᯔᯖ ᯀᯉᯪ᯲ᯖᯉ᯲ ᯐᯘ᯲ᯇᯘᯪ᯲ ᯑᯬᯂᯖᯬ᯲ ᯘᯒ᯲ᯑᯪᯀᯉᯬ᯲ ᯤᯑᯀᯉᯬ᯲ ᯒᯮᯇᯉ ᯑᯪᯂᯞᯪᯀᯝᯪ ᯂᯞᯪᯅᯮᯖᯬᯝᯉ᯲ ᯑᯬ ᯂᯅᯰᯘ ᯤ ᯉ ᯘᯬᯝᯉᯬ᯲ ᯔᯖ ᯀᯉᯪ᯲ᯖᯉ᯲ ᯘᯔᯒ ᯒᯮᯇᯉ

4:4 Humaliang habangsa i adong ma duapulu opat habangsa, juguhan ni duapulu opat sintua, angka parabit na saksak jala martumpal sere di ulunasida. ᯂᯮᯔᯞᯪᯀᯰ ᯂᯅᯰᯘ ᯤ ᯀᯑᯰᯬ ᯔ ᯑᯮᯀᯇᯮᯞᯮ ᯀᯬᯇᯖ᯲ ᯂᯅᯰᯘ ᯐᯮᯎᯮᯂᯉ᯲ ᯉᯪ ᯑᯮᯀᯇᯮᯞᯮ ᯀᯬᯇᯖ᯲ ᯘᯉᯪ᯲ᯖᯮᯀ ᯀᯰᯄ᯦ ᯇᯒᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯐᯞ ᯔᯒ᯲ᯖᯔᯮ᯲ᯇᯞ᯲ ᯘᯩᯒᯩ ᯑᯪ ᯥᯞᯮᯉᯘᯪᯑ

4:5 Na ruar do sian habangsa i angka hilap dohot soara na mardoromdorom dohot ronggur; galak do pitu parpalitoan api di jolo ni habangsa i, i ma na pitu Tondi ni Debata. ᯉ ᯒᯮᯀᯒ᯲ ᯑᯬ ᯘᯪᯀᯉ᯲ ᯂᯅᯰᯘ ᯤ ᯀᯰᯄ᯦ ᯂᯪᯞᯇ᯲ ᯑᯪᯂᯖᯬ᯲ ᯒᯰᯬᯎᯒᯮ᯲ ᯎᯞᯄ᯦᯲ ᯑᯬ ᯇᯪᯖᯮ ᯇᯒ᯲ᯇᯞᯪᯖᯬᯀᯉ᯲ ᯀᯇᯪ ᯑᯪ ᯐᯬᯞᯬ ᯉᯪ ᯂᯅᯰᯘ ᯤ ᯤ ᯔ ᯉ ᯇᯪᯖᯮ ᯖᯉᯬ᯲ᯑᯪ ᯉᯪ ᯑᯩᯅᯖ

4:6 Di jolo ni habangsa i adong ma songon laut sorminan, suman tu kristal (galas), jala di parsitongaan ni habangsa i dohot humaliang habangsa i adong ma opat parngolu, angka na marmata torop, di jolo nang di pudi. ᯑᯪ ᯐᯬᯞᯬ ᯉᯪ ᯂᯅᯰᯘ ᯤ ᯀᯑᯰᯪ ᯔ ᯘᯬᯝᯉᯬ᯲ ᯞᯀᯖᯮᯔ ᯘᯒᯬ᯲ᯔᯪᯉᯉ᯲ ᯘᯮᯔᯉ᯲ ᯖᯮ ᯄ᯦᯲ᯒᯘᯪ᯲ᯖᯞ᯲ ᯎᯞᯘ᯲ ᯐᯞ ᯑᯪ ᯬ᯲ ᯬ ᯬᯒ᯲ᯘᯪᯖᯬᯝᯀᯉ᯲ ᯉᯪ ᯂᯅᯰᯘ ᯤ ᯀᯑᯰᯬ ᯔ ᯀᯬᯇᯖᯔ ᯇᯒ᯲ᯝᯬᯞᯛ ᯀᯰᯄ᯦ ᯉ ᯔᯒ᯲ᯔᯖ ᯖᯬᯒᯇᯬᯔ ᯑᯪ ᯐᯬᯞᯬ ᯉᯰ ᯑᯪ ᯇᯮᯑᯪ

4:7 Ia parngolu parjolo suman do tu singa, ia parngolu paduahon suman tu jonggi, ia na patoluhon marbohi songon jolma, ia na paopathon suman tu pidong raja ualu na habang. ᯤᯀ ᯇᯒ᯲ᯝᯬᯞᯮ ᯇᯒ᯲ᯐᯬᯞᯬ ᯘᯮᯔᯉ᯲ ᯑᯬ ᯖᯮ ᯘᯪᯝ ᯤᯀ ᯇᯒ᯲ᯝᯬᯞᯮ ᯇᯑᯮᯀᯂᯉᯬ᯲ ᯘᯮᯔᯉ᯲ ᯖᯮ ᯐᯰᯬᯎᯪ ᯤᯀ ᯉ ᯇᯖᯬᯞᯮᯂᯉᯬ᯲ ᯔᯒ᯲ᯅᯬᯂᯪ ᯘᯬᯝᯉᯬ᯲ ᯐᯞᯬ᯲ᯔ ᯤᯀ ᯉ ᯇᯀᯬᯇᯖ᯲ᯂᯉᯬ᯲ ᯘᯮᯔᯉ᯲ ᯖᯮ ᯇᯪᯑᯰᯬ ᯒᯐ ᯥᯀᯞᯮ ᯉ ᯂᯅᯰ

4:8 Adong di ganup parngolu na opat i onom habonghabongna be, na marmata do nasida humaliang dohot di bagasan; ndang maradian nasida arian dohot borngin, mandok: Na badia, na badia, na badia do Tuhan Debata, Sigomgom saluhutna, naung adong hian, Siparngolu i, na naeng ro! ᯀᯑᯰᯬ ᯑᯪ ᯎᯉᯇᯮ᯲ ᯇᯒ᯲ᯝᯬᯞᯮ ᯉ ᯀᯬᯇᯖ᯲ ᯤ ᯀᯬᯉᯔᯬ᯲ ᯂᯅᯰᯬᯂᯅᯰᯬᯉ ᯅᯩ ᯉ ᯔᯒ᯲ᯔᯖ ᯑᯬ ᯉᯘᯪᯑ ᯂᯮᯔᯞᯪᯀᯰ ᯑᯬᯂᯖᯬ᯲ ᯑᯪ ᯅᯎᯘᯉ᯲ ᯉ᯲ᯑᯰ ᯔᯒᯑᯪᯀᯉ᯲ ᯉᯘᯪᯑ ᯀᯒᯪᯀᯉ᯲ ᯑᯬᯂᯖᯬ᯲ ᯅᯒᯬ᯲ᯝᯉᯪ᯲ ᯔᯉ᯲ᯑᯄ᯦ᯬ᯲ ᯉ ᯅᯑᯪᯀ ᯉ ᯅᯑᯪᯀ ᯉ ᯅᯑᯪᯀ ᯑᯬ ᯖᯮᯐᯉ᯲ ᯑᯩᯅᯖ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ ᯉᯀᯮᯰ ᯀᯑᯰᯬ ᯂᯪᯀᯉ᯲ ᯘᯪᯇᯒ᯲ᯝᯬᯞᯮ ᯤ ᯉ ᯉᯀᯰᯩ ᯒᯬ

4:9 Disi dilehon angka parngolu i hasangapon dohot hamuliaon dohot hamauliateon tu Ibana, na hundul di habangsa i, na mangolu ro di salelenglelengna, ᯑᯪᯘᯪ ᯑᯪᯞᯩᯂᯉᯬ᯲ ᯀᯰᯄ᯦ ᯇᯒ᯲ᯝᯬᯞᯮ ᯤ ᯂᯘᯝᯇᯉᯬ᯲ ᯑᯬᯂᯖᯬ᯲ ᯂᯔᯮᯞᯪᯀᯀᯉᯬ᯲ ᯑᯬᯂᯖᯬ᯲ ᯂᯔᯥᯞᯪᯀᯖᯩᯀᯉᯬ᯲ ᯖᯮ ᯤᯅᯉ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘᯘ ᯤ ᯉ ᯔᯝᯬᯞᯮ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ

4:10 jalo ma manungkap sintua na duapulu opat i di jolo ni na hundul di habangsa i, disomba ma Parngolu sisalelenglelengna i, dipeakkon ma tumpalnasida tujolo ni habangsa i, huhut ma didok: ᯐᯞᯬ ᯔ ᯔᯉᯮᯰᯄ᯦ᯇ᯲ ᯘᯉᯪ᯲ᯖᯮᯀ ᯉ ᯑᯮᯀᯇᯮᯞᯮ ᯀᯬᯇᯖ᯲ ᯤ ᯑᯪ ᯐᯬᯞᯬ ᯉᯪ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘ ᯤ ᯑᯪᯘᯔᯬ᯲ᯅ ᯔ ᯇᯒ᯲ᯝᯬᯞᯮ ᯘᯞᯩᯞᯰᯩᯞᯩᯞᯰᯩᯉ ᯤ ᯑᯪᯇᯩᯀᯄ᯦᯲ᯄ᯦ᯉᯬ᯲ᯔ ᯖᯔᯮ᯲ᯇᯞ᯲ᯉᯘᯪᯑ ᯖᯮ ᯐᯬᯞᯬ ᯉᯪ ᯂᯅᯰᯘ ᯤ ᯂᯮᯂᯖᯮ᯲ ᯔ ᯑᯪᯑᯄ᯦ᯬ᯲

4:11 Ale Tuhan Debatanami, na tama do Ho manjalo hasangapon dohot hamuliaon dohot hagogoon, ai ditompa Ho do saluhutna; hinorhon ni lomo ni roham do, umbahen manjadi angka i jala tartompa! ᯀᯞᯩ ᯖᯮᯂᯉ᯲ ᯑᯩᯅᯖᯉᯔᯪ ᯉ ᯖᯔ ᯑᯬ ᯂᯬ ᯔᯉ᯲ᯐᯞᯬ ᯂᯘᯝᯇᯉᯬ᯲ ᯑᯬᯂᯖᯬ᯲ ᯂᯔᯮᯞᯪᯀᯀᯉᯬ᯲ ᯑᯬᯂᯖᯬ᯲ ᯂᯎᯬᯎᯬᯀᯉᯬ᯲ ᯀᯤ ᯑᯪᯖᯔᯬ᯲ᯇ ᯂᯬ ᯑᯬ ᯘᯞᯮᯂᯖᯮ᯲ᯉ ᯂᯪᯉᯒᯬ᯲ᯂᯉᯬ᯲ ᯉᯪ ᯞᯬᯔᯬᯉᯪ ᯒᯬᯂᯔ᯲ ᯑᯬ ᯀᯔᯮ᯲ᯅᯂᯉᯩ᯲ ᯔᯉ᯲ᯐᯑᯪ ᯀᯰᯄ᯦ ᯤ ᯐᯞ ᯖᯒ᯲ᯖᯔᯬ᯲ᯇ

Pangungkapon ᯇᯝᯮᯰᯄ᯦ᯇᯉᯬ᯲ 5

5:1 Dung i huida ma di tangan siamun ni na hundul di habangsa i sada buku, naung sinuratan sian bagasan nang sian duru, naung sinahap dohot pitu sahap. ᯑᯮᯰ ᯤ ᯂᯮᯤᯑ ᯔ ᯑᯪ ᯖᯝᯉ᯲ ᯘᯪᯀᯔᯉᯮ᯲ ᯉᯪ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘ ᯤ ᯘᯑ ᯅᯮᯄ᯦ᯮ ᯉᯀᯮᯰ ᯘᯪᯉᯮᯒᯖᯉ᯲ ᯘᯪᯀᯉ᯲ ᯅᯎᯘᯉ᯲ ᯉᯰ ᯘᯪᯀᯉ᯲ ᯑᯮᯒᯮ ᯉᯀᯮᯰ ᯘᯪᯉᯂᯇ᯲ ᯑᯬᯂᯖᯬ᯲ ᯇᯪᯖᯮ ᯘᯂᯇ᯲

5:2 Jadi huida ma sada surusuruan na marsahala, na marsoara na gogo mamaritahon: Ise do na tau mangungkap buku i jala mangkarhari angka sahapna i? ᯐᯑᯪ ᯂᯮᯤᯑ ᯔ ᯘᯑ ᯘᯮᯒᯮᯘᯮᯒᯮᯀᯉ᯲ ᯉ ᯔᯒ᯲ᯘᯂᯞ ᯉ ᯔᯒ᯲ᯘᯬᯀᯒ ᯉ ᯎᯬᯎᯬ ᯔᯔᯒᯪᯖᯂᯉᯬ᯲ ᯤᯘᯩ ᯑᯬ ᯉ ᯖᯥ ᯔᯝᯮᯰᯄ᯦ᯇ᯲ ᯅᯮᯄ᯦ᯮ ᯤ ᯐᯞ ᯔᯰᯂᯒ᯲ᯂᯒᯪ ᯀᯰᯄ᯦ ᯘᯂᯇ᯲ᯉ ᯤ

5:3 Alai ndang adong manang ise di banua ginjang nang di tano nang di toru ni tano, na tarbahen mangungkap buku i manang marnida tubagasan. ᯀᯞᯤ ᯉ᯲ᯑᯰ ᯀᯑᯰᯬ ᯔᯉᯰ ᯤᯘᯩ ᯑᯪ ᯅᯉᯮᯀ ᯎᯉᯪ᯲ᯐᯰ ᯉᯰ ᯑᯪ ᯖᯉᯬ ᯉᯰ ᯑᯪ ᯖᯬᯒᯮ ᯉᯪ ᯖᯉᯬ ᯉ ᯖᯒ᯲ᯅᯂᯉᯩ᯲ ᯔᯝᯮᯰᯄ᯦ᯇ᯲ ᯅᯮᯄ᯦ᯮ ᯤ ᯔᯉᯰ ᯔᯒ᯲ᯉᯪᯑ ᯖᯮ ᯅᯎᯘᯉ᯲

5:4 Gabe tangis situtu do ahu, ala so adong jumpang agia ise, na tau mangungkap buku i nang marnida tubagasan. ᯎᯅᯩ ᯖᯝᯘᯪ᯲ ᯘᯪᯖᯮᯖᯮ ᯑᯬ ᯀᯂᯮ ᯀᯞ ᯘᯬ ᯀᯑᯰᯬ ᯐᯔᯮ᯲ᯇᯰ ᯀᯎᯪᯀ ᯤᯘᯩ ᯉ ᯖᯥ ᯔᯝᯮᯰᯄ᯦ᯇ᯲ ᯅᯮᯄ᯦ᯮ ᯤ ᯉᯰ ᯔᯒ᯲ᯉᯪᯑ ᯖᯮᯅᯎᯘᯉ᯲

5:5 Dung i didok sada sian angka sintua i ma mandok ahu: Unang ho tangis; nunga monang Singa i, na sian marga Juda, urat ni si Daud, laho mangungkap buku i dohot sahapna na pitu i. ᯑᯮᯰ ᯤ ᯑᯪᯑᯄ᯦ᯬ᯲ ᯘᯑ ᯘᯪᯀᯉ᯲ ᯀᯰᯄ᯦ ᯘᯉᯪ᯲ᯖᯮᯀ ᯤ ᯔ ᯔᯉ᯲ᯑᯄ᯦ᯬ᯲ ᯀᯂᯮ ᯥᯉᯰ ᯂᯬ ᯖᯝᯘᯪ᯲ ᯉᯮᯝ ᯔᯬᯉᯰ ᯘᯪᯝ ᯤ ᯉ ᯘᯪᯀᯉ᯲ ᯔᯒ᯲ᯎ ᯐᯮᯑ ᯥᯒᯖ᯲ ᯉᯪ ᯘᯪ ᯑᯀᯑᯮ᯲ ᯞᯂᯬ ᯔᯝᯮᯰᯄ᯦ᯇ᯲ ᯅᯮᯄ᯦ᯮ ᯤ ᯑᯬᯂᯖᯬ᯲ ᯘᯂᯇ᯲ᯉ ᯉ ᯇᯪᯖᯮ ᯤ

5:6 Jadi di parsitongaan ni habangsa i, di tongatonga ni na opat parngolu dohot angka sintua i, huida jongjong sada Birubiru, songon naung tarbunu, pitu do tandukna jala pitu matana, i ma na pitu Tondi ni Debata, na sinuruna tu liat tano on. ᯐᯑᯪ ᯑᯪ ᯇᯒ᯲ᯘᯪᯖᯬᯝᯀᯉ᯲ ᯉᯪ ᯂᯅᯰᯘ ᯤ ᯑᯪ ᯖᯬᯝᯖᯬᯝ ᯉᯪ ᯉ ᯀᯬᯇᯖ᯲ ᯇᯒ᯲ᯝᯬᯞᯮ ᯑᯬᯂᯖᯬ᯲ ᯀᯰᯄ᯦ ᯘᯉᯪ᯲ᯖᯮ ᯤ ᯂᯮᯤᯑ ᯐᯰᯬᯐᯰᯬ ᯘᯑ ᯅᯪᯒᯮᯅᯪᯒᯮ ᯘᯬᯝᯉᯬ᯲ ᯉᯀᯮᯮᯰ ᯖᯒ᯲ᯅᯮᯉᯮ ᯇᯪᯖᯮ ᯑᯬ ᯖᯉ᯲ᯑᯄ᯦ᯮ᯲ᯉ ᯐᯞ ᯇᯪᯖᯮ ᯔᯖᯉ ᯤ ᯔ ᯉ ᯇᯪᯖᯮᯮ ᯖᯉᯬ᯲ᯑᯪ ᯉᯪ ᯑᯩᯅᯖ ᯉ ᯘᯪᯉᯮᯒᯮᯉ ᯖᯮ ᯞᯪᯀᯖ᯲ ᯖᯉᯬ ᯀᯉᯬ᯲

5:7 Dung i ro ma Ibana, dijalo ma buku i sian tangan siamun ni na hundul di habangsa i. ᯑᯮᯰ ᯤ ᯒᯬ ᯔ ᯤᯅᯉ ᯑᯪᯐᯞᯬ ᯔ ᯅᯮᯄ᯦ᯮ ᯤ ᯘᯪᯀᯉ᯲ ᯖᯝᯉ᯲ ᯘᯪᯀᯔᯉᯮ᯲ ᯉᯪ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘ ᯤ

5:8 Asa dung dijalo buku i, manungkap ma na opat parngolu i dohot na duapulu opat sintua i di jolo ni Birubiru i; ganup nasida maniop sada hasapi dohot sada saoan sere gok angka na hushus, i ma tangiang ni angka na badia. ᯀᯘ ᯑᯮᯰ ᯑᯪᯐᯞᯬ ᯅᯮᯄ᯦ᯮ ᯤ ᯔᯉᯮᯰᯄ᯦ᯇ᯲ ᯔ ᯉ ᯀᯬᯇᯖ᯲ ᯇᯒ᯲ᯝᯬᯞᯮ ᯤ ᯑᯬᯂᯖᯬ᯲ ᯉ ᯑᯮᯀᯇᯮᯞᯮ ᯀᯬᯇᯖ᯲ ᯘᯉᯪ᯲ᯖᯮᯀ ᯤ ᯑᯪ ᯐᯬᯞᯬ ᯉᯪ ᯅᯪᯒᯮᯅᯪᯒᯮ ᯤ ᯎᯉᯇᯮ᯲ ᯉᯘᯪᯑ ᯔᯉᯪᯀᯇᯬ᯲ ᯘᯑ ᯂᯘᯇᯪ ᯑᯬᯂᯖᯬ᯲ ᯘᯑ ᯘᯀᯬᯀᯉ᯲ ᯘᯩᯒᯩ ᯎᯄ᯦ᯬ᯲ ᯀᯰᯄ᯦ ᯉ ᯂᯘᯮ᯲ᯘᯘᯮ᯲ ᯤ ᯔ ᯖᯝᯪᯀᯰ ᯉᯪ ᯀᯰᯄ᯦ ᯉ ᯅᯑᯪᯀ

5:9 Diendehon nasida ende na imbaru, ninna ma: Na tama do Ho manjalo buku i jala mangungkap angka sahapna, ai naung tarbunu do Ho jala marhitehite mudarmu ditobus Ho do tu Debata jolma sian saluhut marga, hata, houm dohot bangso. ᯑᯪᯀᯉᯩ᯲ᯑᯩᯂᯉᯬ᯲ ᯉᯘᯪᯑ ᯀᯉᯩ᯲ᯑᯩ ᯉ ᯀᯔᯪ᯲ᯅᯒᯮ ᯉᯉᯪ᯲ᯉ ᯔ ᯉ ᯖᯔ ᯑᯬ ᯂᯬ ᯔᯉ᯲ᯐᯞᯬ ᯅᯮᯄ᯦ᯮ ᯤ ᯐᯞ ᯔᯝᯮᯰᯄ᯦ᯇ᯲ ᯀᯰᯄ᯦ ᯘᯂᯇ᯲ᯉ ᯀᯤ ᯉᯀᯮᯰ ᯖᯒ᯲ᯅᯮᯉᯮ ᯑᯬ ᯂᯬ ᯐᯞ ᯔᯒ᯲ᯂᯪᯖᯩᯂᯪᯖᯩ ᯔᯮᯑᯒ᯲ᯔᯮ ᯑᯪᯖᯬᯅᯘᯮ᯲ ᯂᯬ ᯑᯬ ᯖᯮ ᯑᯩᯅᯖ ᯐᯞᯬ᯲ᯔ ᯘᯪᯀᯉ᯲ ᯘᯞᯮᯂᯖᯮ᯲ ᯔᯒ᯲ᯎ ᯂᯖ ᯂᯬᯀᯔᯮ᯲ ᯑᯬᯂᯖᯬ᯲ ᯅᯰᯘᯬ

5:10 Jala dijadihon Ho do nasida gabe harajaon hamalimon di Debatanta, asa manggomgomi nasida di atas tano i! ᯐᯞ ᯑᯪᯐᯑᯪᯂᯉᯬ᯲ ᯂᯬ ᯑᯬ ᯉᯘᯪᯑ ᯂᯒᯐᯀᯉᯬ᯲ ᯂᯔᯞᯪᯔᯉᯬ᯲ ᯑᯪ ᯑᯩᯅᯖᯉ᯲ᯖ ᯀᯘ ᯔᯰᯎᯔᯬ᯲ᯎᯬᯔᯪ ᯉᯘᯪᯑ ᯑᯪ ᯀᯖᯘ᯲ ᯖᯉᯬ ᯤ

5:11 Dung i mamereng ma ma ahu, gabe hubege ma songon soara ni torop surusuruan humaliang habangsa i, nang soara ni angka parngolu i dohot angka sintua i; ia toropnasida marloksaloksa jala marriburibu. ᯑᯮᯰ ᯤ ᯔᯔᯩᯒᯰᯩ ᯔ ᯀᯂᯮ ᯎᯅᯩ ᯂᯮᯅᯩᯎᯩ ᯔ ᯘᯬᯝᯉᯬ᯲ ᯘᯬᯀᯒ ᯉᯪ ᯖᯬᯒᯇᯬ᯲ ᯘᯮᯒᯮᯘᯮᯒᯮᯀᯉ᯲ ᯂᯮᯔᯞᯪᯀᯰ ᯂᯅᯰᯘ ᯤ ᯉᯰ ᯘᯬᯀᯒ ᯉᯪ ᯀᯰᯄ᯦ ᯇᯒ᯲ᯝᯬᯞᯮ ᯤ ᯑᯬᯂᯖᯬ᯲ ᯀᯰᯄ᯦ ᯘᯉᯪ᯲ᯖᯮᯀ ᯤ ᯤᯀ ᯖᯬᯒᯇᯬ᯲ᯉᯘᯪᯑ ᯔᯒ᯲ᯞᯄ᯦ᯬ᯦᯲ᯞᯄ᯦ᯬ᯲ᯘ ᯐᯞ ᯔᯒ᯲ᯒᯪᯅᯮᯒᯪᯅᯮ

5:12 Marsoara na gogo nasida mandok: Na tama do Birubiru naung tarbunu i manjalo hagogoon dohot hamoraon dohot hapistaran dohot sahala dohot hamuliaon dohot hasangapon dohot pujipujian! ᯔᯒ᯲ᯘᯬᯀᯒ ᯉ ᯎᯬᯎᯬ ᯉᯘᯪᯑ ᯔᯉ᯲ᯑᯄ᯦ᯬ᯲ ᯉ ᯖᯔ ᯑᯬ ᯅᯪᯒᯮᯅᯪᯒᯮ ᯉᯀᯮᯰ ᯖᯒ᯲ᯅᯮᯉᯮ ᯤ ᯔᯉ᯲ᯐᯞᯬ ᯂᯎᯬᯎᯬᯀᯉᯬ᯲ ᯑᯬᯂᯖᯬ᯲ ᯂᯔᯬᯒᯀᯉᯬ᯲ ᯑᯬᯂᯖᯬ᯲ ᯂᯇᯘᯪ᯲ᯖᯒᯉ᯲ ᯑᯬᯂᯖᯬ᯲ ᯘᯂᯞ ᯑᯬᯂᯖᯬ᯲ ᯂᯔᯮᯞᯪᯀᯀᯉᯬ᯲ ᯑᯬᯂᯖᯬ᯲ ᯂᯘᯝᯇᯉᯬ᯲ ᯑᯬᯂᯖᯬ᯲ ᯇᯮᯐᯪᯇᯮᯐᯪᯀᯉ᯲

5:13 Gabe hubege ma soara ni nasa na tinompa, angka na di banua ginjang, di tano, ditoru ni tano ro di na di laut, tung saluhutna na di bagasan angka i mandok: Pujipujian dohot hamuliaon dohot hasangapon dohot hagogoon ro di salelenglelengna ma di Ibana, na hundul di habangsa i dohot di Birubiru i! ᯎᯅᯩ ᯂᯮᯅᯩᯎᯩ ᯔ ᯘᯬᯀᯒ ᯉᯪ ᯉᯘ ᯉ ᯖᯪᯉᯔᯬ᯲ᯇ ᯀᯰᯄ᯦ ᯉ ᯑᯪ ᯅᯉᯮᯀ ᯎᯉᯪ᯲ᯐᯰ ᯑᯪ ᯖᯉᯬ ᯑᯪ ᯖᯬᯒᯮ ᯉᯪ ᯖᯉᯬ ᯒᯬ ᯑᯪ ᯉ ᯑᯪ ᯞᯀᯖᯮ᯲ ᯖᯮᯰ ᯘᯞᯮᯂᯖᯮ᯲ᯉ ᯉ ᯑᯪ ᯅᯎᯘᯉ᯲ ᯀᯰᯄ᯦ ᯤ ᯔᯉ᯲ᯑᯄ᯦ᯬ᯲ ᯇᯮᯐᯪᯇᯮᯐᯪᯀᯉ᯲ ᯑᯬᯂᯖᯬ᯲ ᯂᯔᯮᯞᯪᯀᯀᯉᯬ᯲ ᯑᯬᯂᯖᯬ᯲ ᯂᯘᯝᯇᯉᯬ᯲ ᯑᯬᯂᯖᯬ᯲ ᯂᯎᯬᯎᯬᯀᯉᯬ᯲ ᯑᯪ ᯘᯞᯩᯞᯰᯩᯞᯩᯞᯰᯩᯉ ᯔ ᯑᯪ ᯤᯅᯉ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘ ᯤ ᯑᯬᯂᯖᯬ᯲ ᯑᯪ ᯅᯪᯒᯮᯅᯪᯒᯮ ᯤ

5:14 Jadi didok na opat parngolu i ma: Amen! Laos manungkap ma angka sintua i huhut marsomba. ᯐᯑᯪ ᯑᯪᯑᯄ᯦ᯬ᯲ ᯉ ᯀᯬᯇᯖ᯲ ᯇᯒ᯲ᯝᯬᯞᯮ ᯤ ᯔ ᯀᯔᯉᯩ᯲ ᯞᯀᯘᯬ᯲ ᯔᯉᯮᯰᯄ᯦ᯇ᯲ ᯔ ᯀᯰᯄ᯦ ᯘᯉᯪ᯲ᯖᯮᯀ ᯤ ᯂᯮᯂᯖᯮ᯲ ᯔᯒ᯲ᯘᯔᯬ᯲ᯅ

Pangungkapon ᯇᯝᯮᯰᯄ᯦ᯇᯉᯬ᯲ 6

6:1 Dung i huida ma, diungkap Birubiru i ma sada sahap sian na pitu i, jadi hubege ma sada sian parngolu na opat i marsoara songon ronggur mandok: Ro ma ho! ᯑᯮᯰ ᯤ ᯂᯮᯤᯑ ᯔ ᯑᯪᯀᯮᯰᯄ᯦ᯇ᯲ ᯅᯪᯒᯮᯅᯪᯒᯮ ᯤ ᯔ ᯘᯑ ᯘᯂᯇ᯲ ᯘᯪᯀᯉ᯲ ᯉ ᯇᯪᯖᯮ ᯤ ᯐᯑᯪ ᯂᯮᯅᯩᯎᯩ ᯔ ᯘᯑ ᯘᯪᯀᯉ᯲ ᯇᯒ᯲ᯝᯬᯞᯮ ᯉ ᯀᯬᯇᯖ᯲ ᯤ ᯔᯒ᯲ᯘᯬᯀᯒ ᯘᯬᯝᯉᯬ᯲ ᯒᯰᯬᯎᯒᯮ᯲ ᯔᯉ᯲ᯑᯄ᯦ᯬ᯲ ᯒᯬ ᯔ ᯂᯬ

6:2 Dung i hubereng, jadi adong ma hoda sihapaspili; na marsior do na mangkunduli hoda i, dilehon do tu ibana tumpal, laos borhat do ibana marhamonangan, asa monang. ᯑᯮᯰ ᯤ ᯂᯮᯅᯰᯩᯒᯰᯩ ᯐᯑᯪ ᯀᯑᯰᯬ ᯔ ᯂᯬᯑ ᯘᯪᯂᯇᯘ᯲ᯇᯪᯞᯪ ᯉ ᯔᯒ᯲ᯘᯪᯀᯒᯬ᯲ ᯑᯬ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯬᯑ ᯤ ᯑᯪᯞᯩᯂᯉᯬ᯲ ᯑᯬ ᯖᯮ ᯤᯅᯉ ᯖᯔᯮ᯲ᯇᯞ᯲ ᯞᯀᯘᯬ᯲ ᯅᯒᯬ᯲ᯂᯖ᯲ ᯑᯬ ᯤᯅᯉ ᯔᯒ᯲ᯂᯔᯬᯉᯝᯉ᯲ ᯀᯘ ᯔᯬᯉᯰ

6:3 Jadi dung diungkap sahap paduahon, hubege ma parngolu paduahon mandok: Ro ma ho! ᯐᯑᯪ ᯑᯮᯰ ᯑᯪᯀᯮᯰᯄ᯦ᯇ᯲ ᯘᯂᯇ᯲ ᯇᯑᯮᯀᯂᯉᯬ᯲ ᯂᯮᯅᯩᯎᯩ ᯔ ᯇᯒ᯲ᯝᯬᯞᯮ ᯇᯑᯮᯀᯂᯉᯬ᯲ ᯔᯉ᯲ᯑᯄ᯦ᯬ᯲ ᯒᯬ ᯔ ᯂᯬ

6:4 Dung i ruar ma hoda na asing, na rara songon api; dilehon ma tu na mangkunduli hoda i huaso mambuat dame sian tano on, asa masiseatan, laos dilehon ma podang na balga tu ibana. ᯑᯮᯰ ᯤ ᯒᯮᯀᯒ᯲ ᯔ ᯂᯬᯑ ᯉ ᯀᯘᯰᯪ ᯉ ᯒᯒ ᯘᯬᯝᯉᯬ᯲ ᯀᯇᯪ ᯑᯪᯞᯩᯂᯉᯬ᯲ ᯔ ᯖᯮ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯬᯑ ᯤ ᯂᯮᯀᯘᯬ ᯔᯔ᯲ᯅᯮᯀᯖ᯲ ᯑᯔᯩ ᯘᯪᯀᯉ᯲ ᯖᯉᯬ ᯀᯉᯬ᯲ ᯀᯘ ᯔᯘᯪᯘᯩᯀᯖᯉ᯲ ᯞᯀᯘᯬ᯲ ᯑᯪᯞᯩᯂᯉᯬ᯲ ᯔ ᯇᯪᯑᯰ ᯉ ᯅᯞ᯲ᯎ ᯖᯮ ᯤᯅᯉ

6:5 Jadi dung diungkap sahap patoluhon, hubege ma soara ni parngolu patoluhon mandok: Ro ma ho! Jadi huida, adong ma hoda sada na birong; ditiop na mangkunduli hoda i do sada dasing di tanganna. ᯐᯑᯪ ᯑᯮᯰ ᯑᯪᯀᯮᯰᯄ᯦ᯇ᯲ ᯘᯂᯇ᯲ ᯇᯖᯬᯞᯮᯂᯉᯬ᯲ ᯂᯮᯅᯩᯎᯩ ᯔ ᯘᯬᯀᯒ ᯉᯪ ᯇᯒ᯲ᯝᯬᯞᯮ ᯇᯖᯬᯞᯮᯂᯉᯬ᯲ ᯔᯉ᯲ᯑᯂᯬ᯲ ᯒᯬ ᯔ ᯂᯬ ᯐᯑᯪ ᯂᯮᯤᯑ ᯀᯑᯰᯬ ᯔ ᯂᯬᯑ ᯘᯑ ᯉ ᯅᯪᯒᯰᯬ ᯑᯪᯖᯪᯀᯇᯬ᯲ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯬᯑ ᯤ ᯦᯦ ᯘᯑ ᯑᯘᯰᯪ ᯑᯪ ᯖᯝᯉ᯲ᯉ

6:6 Jadi hubege do songon soara di tongatonga ni na opat parngolu i mandok: Sasolup eme sahupang, jala tolu solup eme na rara sahupang; ia miak dohot anggur, unang hahua! ᯐᯑᯪ ᯂᯮᯅᯩᯎᯩ ᯑᯬ ᯘᯬᯝᯉᯬ᯲ ᯘᯬᯀᯒ ᯑᯪ ᯖᯬᯝᯖᯬᯝ ᯉᯪ ᯉ ᯀᯬᯇᯖ᯲ ᯇᯒ᯲ᯝᯬᯞᯮ ᯤ ᯔᯉ᯲ᯑᯄ᯦ᯬ᯲ ᯘᯘᯬᯞᯇᯮ ᯀᯩᯔᯩ ᯘᯂᯮᯇᯰ ᯐᯞ ᯖᯬᯞᯮ ᯘᯬᯞᯇᯮ᯲ ᯀᯩᯔᯩ ᯉ ᯒᯒ ᯘᯂᯮᯇᯰ ᯤᯀ ᯔᯪᯀᯄ᯦᯲ ᯑᯬᯂᯖᯬ᯲ ᯀᯰᯎᯒᯮ᯲ ᯥᯉᯰ ᯂᯂᯮᯀ

6:7 Jadi dung diungkap sahap paopathon, hubege ma soara ni parngolupaopathon mandok: Ro ma ho! ᯐᯑᯪ ᯑᯮᯰ ᯑᯪᯀᯮᯰᯄ᯦ᯇ᯲ ᯘᯂᯇ᯲ ᯇᯀᯬᯇᯖ᯲ᯂᯉᯬ᯲ ᯂᯮᯅᯩᯎᯩ ᯔ ᯘᯬᯀᯒ ᯉᯪ ᯇᯒ᯲ᯝᯬᯞᯮ ᯇᯀᯬᯇᯖ᯲ᯂᯉᯬ᯲ ᯔᯉ᯲ᯑᯄ᯦ᯬ᯲ ᯒᯬ ᯔ ᯂᯬ

6:8 Jadi hubereng, gabe adong ma hoda sada silansat; ia goar ni na mangkunduli hoda i, hamatean do, jala mangihut do tu ibana banua toru; jadi dilehon do di nasida huaso tu saparopat ni pangisi ni tano on, mamusa nasida marhitehite podang dohot haleon dohot hamatean hian nang marhitehite binatang angka na di tano on. ᯐᯑᯪ ᯂᯮᯅᯩᯒᯰᯩ ᯎᯅᯩ ᯀᯑᯰᯬ ᯔ ᯂᯬᯑ ᯘᯑ ᯘᯪᯞᯉ᯲ᯘᯖ᯲ ᯤᯀ ᯎᯬᯀᯒ᯲ ᯉᯪ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯬᯑ ᯤ ᯂᯔᯖᯩᯀᯉ᯲ ᯑᯬ ᯐᯞ ᯔᯝᯪᯂᯖᯮ᯲ ᯑᯬ ᯖᯮ ᯤᯅᯉ ᯅᯉᯮᯀ ᯖᯬᯒᯮ ᯐᯑᯮ ᯑᯪᯞᯩᯂᯉᯬ᯲ ᯑᯬ ᯑᯪ ᯉᯘᯪᯑ ᯂᯮᯀᯘᯬ ᯖᯮ ᯖᯮ ᯘᯇᯒᯬᯇᯖ᯲ ᯉᯪ ᯇᯝᯪᯘᯪ ᯉᯪ ᯖᯉᯬ ᯀᯉᯬ᯲ ᯔᯔᯮᯘ ᯉᯘᯪᯑ ᯔᯒ᯲ᯂᯪᯖᯩᯂᯪᯖᯩ ᯇᯬᯑᯰ ᯑᯬᯂᯖᯬ᯲ ᯂᯞᯩᯀᯉᯬ᯲ ᯑᯬᯂᯖᯬ᯲ ᯂᯔᯖᯩᯀᯉ᯲ ᯂᯪᯀᯉ᯲ ᯉᯰ ᯔᯒ᯲ᯂᯪᯖᯩᯂᯪᯖᯩ ᯅᯪᯉᯖᯰ ᯀᯰᯄ᯦ ᯉ ᯑᯪ ᯖᯉᯪ ᯀᯉᯬ᯲

6:9 Jadi dung diungkap sahap palimahon, huida ma ditoru ni langgatan i tondi ni angka naung sineat, ala ni hata ni Debata dohot ala ni pangkatindangkonnasida. ᯐᯑᯪ ᯑᯮᯰ ᯑᯪᯀᯮᯰᯄ᯦ᯇ᯲ ᯘᯂᯇ᯲ ᯇᯞᯪᯔᯂᯉᯬ᯲ ᯂᯮᯤᯑ ᯔ ᯑᯪᯖᯬᯒᯮ ᯉᯪ ᯞᯰᯎᯖᯉ᯲ ᯤ ᯖᯉᯬ᯲ᯑᯪ ᯉᯪ ᯀᯰᯄ᯦ ᯉᯀᯮᯰ ᯘᯪᯉᯩᯀᯖ᯲ ᯀᯞ ᯉᯪ ᯂᯖ ᯉᯪ ᯑᯩᯅᯖ ᯑᯬᯂᯖᯬ᯲ ᯀᯞ ᯉᯪ ᯇᯰᯄ᯦ᯖᯉᯪ᯲ᯑᯰᯄ᯦ᯉᯬ᯲ᯉᯘᯪᯑ

6:10 Na marsoara na gogo do nasida manjoujou, angka ninna ma: Sadia leleng nari, ale Tuhan na badia jala na sintong, asa manguhumi Ho jala mangaluluhon mudarnami tu angka na mangingani tano i? ᯉ ᯔᯒ᯲ᯘᯬᯀᯒ ᯉ ᯎᯬᯎᯬ ᯑᯪ ᯉᯘᯪᯑ ᯔᯉ᯲ᯐᯬᯥᯐᯬᯥ ᯀᯰᯄ᯦ ᯉᯉᯪ᯲ᯉ ᯔ ᯘᯑᯪᯀ ᯞᯩᯞᯰᯩ ᯉᯒᯪ ᯀᯞᯩ ᯖᯮᯂᯉ᯲ ᯉ ᯅᯑᯪᯀ ᯐᯞ ᯉ ᯘᯉᯪ᯲ᯖᯰᯬ ᯀᯘ ᯔᯝᯮᯂᯮᯔᯪ ᯂᯬ ᯐᯞ ᯔᯝᯞᯮᯞᯮᯂᯉᯬ᯲ ᯔᯮᯑᯒ᯲ᯉᯔᯪ ᯖᯮ ᯀᯰᯄ᯦ ᯉ ᯔᯝᯪᯝᯉᯪ ᯖᯉᯬ ᯤ

6:11 Gabe dilehon ma tu ganup nasida abit na saksak, jadi didokkon ma nasida maimaima sangombas nari, paima tumpu nang angka dongannasida naposo, angka hahaangginasida, angka sipusaon dope songon nasida. ᯎᯅᯩ ᯑᯪᯞᯩᯂᯉᯬ᯲ ᯔ ᯖᯮ ᯎᯉᯇᯮ᯲ ᯉᯘᯪᯑ ᯀᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯐᯑᯪ ᯑᯪᯑᯄ᯦ᯬ᯲ᯄ᯦ᯉᯬ᯲ ᯔ ᯉᯘᯪᯑ ᯔᯤᯔᯤᯔ ᯘᯝᯔᯬ᯲ᯅᯘ᯲ ᯉᯒᯪ ᯇᯤᯔ ᯖᯔᯮ᯲ᯇᯮ ᯉᯰ ᯀᯰᯄ᯦ ᯑᯬᯝᯉ᯲ᯉᯘᯪᯑ ᯉᯇᯬᯘᯬ ᯀᯰᯄ᯦ ᯂᯂᯀᯰᯎᯪᯉᯘᯪᯑ ᯀᯰᯄ᯦ ᯘᯪᯇᯮᯘᯀᯉᯬ᯲ ᯑᯬᯇᯩ ᯘᯬᯝᯉᯬ᯲ ᯉᯘᯪᯑ

6:12 Jadi huida, dung diungkap sahap paonomhon: Masa ma lalo bolon, gabe mamirong ma mata ni ari songon harung hori, jadi sandok bulan i songon mudar. ᯐᯑᯪ ᯂᯮᯤᯑ ᯑᯪᯀᯮᯰᯄ᯦ᯇ᯲ ᯘᯂᯇ᯲ ᯇᯀᯬᯉᯔᯬ᯲ᯂᯉᯬ᯲ ᯔᯘ ᯔ ᯞᯞᯬ ᯅᯬᯞᯉᯬ᯲ ᯎᯅᯩ ᯔᯔᯪᯒᯰᯬ ᯔ ᯔᯖ ᯉᯪ ᯀᯒᯪ ᯘᯪᯝᯉᯬ᯲ ᯂᯒᯮᯰ ᯂᯬᯒᯪ ᯐᯑᯪ ᯘᯉ᯲ᯑᯂᯬ᯲ ᯅᯮᯞᯉ᯲ ᯤ ᯘᯬᯝᯉᯬ᯲ ᯔᯮᯝᯒ᯲

6:13 Jala mardekdehan ma bintang angka na di langit i tu tano, songon di hau antajau, na mameuthon parbuena, ia jumpa hinutur ni alogo na gogo. ᯐᯞ ᯔᯒ᯲ᯑᯄ᯦᯲ᯑᯩᯂᯉ᯲ ᯔ ᯅᯉᯪ᯲ᯖᯰ ᯀᯰᯄ᯦ ᯉ ᯑᯪ ᯞᯝᯖᯪ᯲ ᯤ ᯖᯮ ᯖᯉᯬ ᯘᯬᯝᯉᯬ᯲ ᯑᯪ ᯂᯥ ᯀᯉ᯲ᯖᯐᯥ ᯉ ᯔᯔᯩᯀᯖᯮ᯲ᯂᯉᯬ᯲ ᯇᯒ᯲ᯅᯮᯀᯩᯉ ᯤᯀ ᯐᯔᯮ᯲ᯇ ᯂᯪᯉᯮᯖᯒᯮ᯲ ᯉᯪ ᯀᯞᯬᯎᯬ ᯉ ᯎᯬᯎᯬ

6:14 Jadi dibalun ma langit i songon surat na binalun, meret ma nasa dolok dohot pulo sian inganannasida. ᯐᯑᯮ ᯑᯪᯅᯞᯉᯮ᯲ ᯔ ᯞᯝᯖᯪ᯲ ᯤ ᯘᯬᯝᯉᯬ᯲ ᯘᯮᯒᯖ᯲ ᯉ ᯅᯪᯉᯞᯉᯮ᯲ ᯔᯩᯒᯖᯩ᯲ ᯔ ᯉᯘ ᯑᯬᯞᯄ᯦ᯬ᯲ ᯑᯬᯂᯖᯬ᯲ ᯇᯮᯞᯬ ᯘᯪᯀᯉᯔ ᯤᯝᯉᯉ᯲ᯉᯘᯪᯑ

᯦6:15 Gabe martabuni ma angka raja ni tano on dohot angka na sangap, angka induk ni soldadu, angka na mora dohot angka na gogo, angka anak somang nang angka anak mata: Martabuni be ma tu angka liang dohot batu na di dolok. ᯎᯅᯩ ᯔᯒ᯲ᯖᯅᯮᯉᯪ ᯔ ᯀᯰᯄ᯦ ᯒᯐ ᯉᯪ ᯖᯉᯬ ᯀᯉᯬ ᯑᯬᯂᯖᯬ᯲ ᯀᯰᯄ᯦ ᯉ ᯘᯝᯇ᯲ ᯀᯰᯄ᯦ ᯀᯉᯪ᯲ᯑᯄ᯦ᯮ᯲ ᯉᯪ ᯘᯞᯬ᯲ᯑᯑᯮ ᯀᯰᯄ᯦ ᯉ ᯔᯬᯒ ᯑᯬᯂᯖᯬ᯲ ᯀᯰᯄ᯦ ᯉ ᯎᯬᯎᯬ ᯀᯰᯄ ᯀᯉᯄ᯦᯲ ᯘᯬᯔᯰ ᯉᯰ ᯀᯰᯄ᯦ ᯀᯉᯄ᯦᯲ ᯔᯖ ᯔᯒ᯲ᯖᯅᯮᯉᯪ ᯅᯩ ᯔ ᯖᯮ ᯀᯰᯄ᯦ ᯞᯪᯀᯰ ᯑᯬᯂᯖᯬ᯲ ᯅᯖᯮ ᯉ ᯑᯪ ᯑᯬᯞᯄ᯦ᯬ᯲

6:16 Gabe didok nasida ma tu angka dolok dohot batu: Tinggang i jala hungkupi hamu ma hami maradophon bohi ni na hundul di habangsa i dohot maradophon rimas ni Birubiru i! ᯎᯅᯩ ᯑᯪᯑᯄ᯦ᯬ᯲ ᯉᯘᯪᯑ ᯔ ᯖᯮ ᯀᯰᯄ᯦ ᯑᯬᯞᯄ᯦ᯬ᯲ ᯑᯬᯂᯖᯬ᯲ ᯅᯖᯮ ᯖᯰᯪᯎᯝᯪ ᯐᯞ ᯂᯮᯰᯄ᯦ᯮᯇᯪ ᯂᯔᯮ ᯔ ᯂᯔᯪ ᯔᯒᯑᯇᯬ᯲ᯂᯉᯬ᯲ ᯅᯪᯂᯪ ᯉᯪ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘ ᯤ ᯑᯬᯂᯖᯬ᯲ ᯔᯒᯑᯇᯬ᯲ᯂᯉᯬ᯲ ᯒᯪᯔᯘ᯲ ᯉᯪ ᯅᯪᯒᯮᯅᯪᯒᯮ ᯤ

6:17 Ai nunga ro ari ni rimasnasida na balga i; tung ise tartahan i? ᯀᯤ ᯉᯮᯝ ᯒᯬ ᯀᯒᯪ ᯉᯪ ᯒᯪᯔᯘ᯲ᯉᯘᯪᯑ ᯉ ᯅᯞ᯲ᯎ ᯤ ᯖᯮᯰ ᯤᯘᯩ ᯖᯒ᯲ᯖᯂᯉ᯲ᯤ

Pangungkapon ᯇᯝᯮᯰᯄ᯦ᯇᯉᯬ᯲ 7

7:1 Dung salpu i, huida ma opat surusuruan jongjong di na opat desa ni tano i, angka na maniop na opat alogo ni tano i, asa unang mangombus alogo di tano, nang di laut nang tu sada hau pe. ᯑᯮᯰ ᯘᯞ᯲ᯇᯮ ᯤ ᯂᯮᯤᯑ ᯔ ᯀᯬᯇᯖ᯲ ᯘᯮᯒᯮᯘᯮᯒᯮᯀᯉ᯲ ᯐᯰᯬᯐᯰᯬ ᯑᯪ ᯉ ᯀᯬᯇᯖ᯲ ᯑᯩᯘ ᯉᯪ ᯖᯉᯬ ᯤ ᯀᯰᯄ᯦ ᯉ ᯔᯉᯪᯀᯇᯬ᯲ ᯉ ᯀᯬᯇᯖ᯲ ᯀᯞᯬᯎᯬ ᯉᯪ ᯖᯉᯬ ᯤ ᯀᯘ ᯥᯉᯰ ᯔᯝᯔᯬ᯲ᯅᯘᯮ᯲ ᯀᯞᯬᯎᯬ ᯑᯪ ᯖᯉᯬ ᯉᯰ ᯑᯪ ᯞᯀᯖᯮ᯲ ᯉᯰ ᯖᯮ ᯘᯑ ᯂᯥ ᯇᯩ

7:2 Dung i huida ma surusuruan na asing hehe sian habinsaran ni mata ni ari, na maniop sahap ni Debata na mangolu, jadi balga ma soarana manjouhon dompak surusuruan na opat i, angka naung manjalo sahala mangago tano dohot laut. ᯑᯮᯰ ᯤ ᯂᯮᯤᯑ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯂᯩᯂᯩ ᯘᯪᯀᯉ᯲ ᯂᯅᯉᯪ᯲ᯘᯒᯉ᯲ ᯉᯪ ᯔᯖ ᯉᯪ ᯀᯒᯪ ᯉ ᯔᯉᯪᯀᯇᯬ᯲ ᯘᯂᯇ᯲ ᯉᯪ ᯑᯩᯅᯖ ᯉ ᯔᯝᯬᯞᯮ ᯐᯑᯪ ᯅᯞ᯲ᯎ ᯔ ᯘᯬᯀᯒᯉ ᯔᯉ᯲ᯐᯬᯥᯂᯉᯬ᯲ ᯑᯔᯬ᯲ᯇᯄ᯦᯲ ᯘᯮᯒᯮᯘᯮᯒᯮᯀᯉ᯲ ᯉ ᯀᯬᯇᯖ᯲ ᯤ ᯀᯰᯄ᯦ ᯉᯀᯮᯰ ᯔᯉ᯲ᯐᯞᯬ ᯘᯂᯞ ᯔᯝᯎᯬ ᯖᯉᯬ ᯑᯬᯂᯖᯬ᯲ ᯞᯀᯖᯮ᯲

7:3 Ninna ma: Unang ma ago hamu tano nang laut nang angka hau, paima husahapi hami angka naposo ni Debatanta di bohinasida be! ᯉᯉᯪ᯲ᯉ ᯔ ᯥᯉᯰ ᯔ ᯀᯎᯬ ᯂᯔᯮ ᯖᯉᯬ ᯉᯰ ᯞᯀᯖᯮ᯲ ᯉᯰ ᯀᯰᯄ᯦ ᯂᯥ ᯇᯤᯔ ᯂᯮᯘᯂᯇᯪ ᯂᯔᯪ ᯀᯰᯄ᯦ ᯉᯇᯬᯘᯬ ᯉᯪ ᯑᯩᯅᯖᯉ᯲ᯖ ᯑᯪ ᯅᯬᯂᯪᯉᯘᯪᯑ ᯅᯩ

7:4 Laos hubege do bilangan ni angka na tarsahap i: Saratus opatpulu opat ribu sian saluhut marga ni halak Israel: ᯞᯀᯘᯬ᯲ ᯂᯮᯅᯩᯎᯩ ᯑᯬ ᯅᯪᯞᯝᯉ᯲ ᯉᯪ ᯀᯰᯄ᯦ ᯉ ᯖᯒ᯲ᯘᯂᯇ᯲ ᯤ ᯘᯒᯖᯘᯮ᯲ ᯀᯬᯇᯖ᯲ᯇᯮᯞᯮ ᯀᯬᯇᯖ᯲ ᯒᯪᯅᯮ ᯘᯪᯀᯉ᯲ ᯘᯞᯮᯂᯖᯮ᯲ ᯔᯒ᯲ᯎ ᯉᯪ ᯂᯞᯄ᯦᯲ ᯀᯘᯪ᯲ᯒᯀᯞᯩ᯲

7:5 Sian marga Juda sampuludua ribu angka na tarsahap, sian marga Ruben sampuludua ribu, sian marga Gad sampuludua ribu, ᯘᯪᯀᯉ᯲ ᯔᯒ᯲ᯎ ᯐᯮᯑ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯀᯰᯄ᯦ ᯉ ᯖᯒ᯲ᯘᯂᯇ᯲ ᯘᯪᯀᯉ᯲ ᯔᯒ᯲ᯎ ᯒᯮᯅᯉᯩ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯘᯪᯀᯉ᯲ ᯔᯒ᯲ᯎ ᯎᯑ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ

7:6 sian marga Aser sampuludua ribu, sian marga Naptali sampuludua ribu, sian marga Manasse sampuludua ribu, ᯘᯪᯀᯉ᯲ ᯔᯒ᯲ᯎ ᯀᯘᯒᯩ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯘᯪᯀᯉ᯲ ᯔᯒ᯲ᯎ ᯉᯇ᯲ᯖᯞᯪ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯘᯪᯀᯉ᯲ ᯔᯒ᯲ᯎ ᯔᯉᯘ᯲ᯘᯩ ᯘᯔ᯲ᯇᯮᯞᯮᯑᯮᯀ ᯒᯪᯅᯮ

7:7 sian marga Simeon sampuludua ribu, sian marga Lepi sampuludua ribu, sian marga Isasar sampuludua ribu, ᯘᯪᯀᯉ᯲ ᯔᯒ᯲ᯎ ᯘᯪᯔᯩᯀᯉᯬ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯘᯪᯀᯉ᯲ ᯔᯒ᯲ᯎ ᯞᯩᯇᯪ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯘᯪᯀᯉ᯲ ᯔᯒ᯲ᯎ ᯤᯘᯘᯒ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ

7:8 sian marga Zebulon sampuludua ribu, sian marga Josep sampuludua ribu, sian marga Benjamin sampuludua ribu angka na tarsahap. ᯘᯪᯀᯉ᯲ ᯔᯒ᯲ᯎ ᯐᯩᯅᯮᯞᯉᯬ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯘᯪᯀᯉ᯲ ᯔᯒ᯲ᯎ ᯐᯬᯘᯇᯩ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯘᯪᯀᯉ᯲ ᯔᯒ᯲ᯎ ᯅᯉᯩ᯲ᯐᯔᯉᯪ᯲ ᯘᯔ᯲ᯇᯮᯞᯮᯑᯮᯀ ᯒᯪᯅᯮ ᯀᯰᯄ᯦ ᯉ ᯖᯒ᯲ᯘᯂᯇ᯲

7:9 Dung salpu i, adong ma hubereng mansai torop, na so dapot bilangan ni jolma, sian nasa bangso, marga dohot houm dohot hata, angka na jongjong diadopan ni habangsa i dohot di adopan ni Birubiru i, angka na maruloshon abit na saksak jala na maniop maremare di tangannasida. ᯑᯮᯰ ᯘᯞ᯲ᯇᯮ ᯤ ᯀᯑᯰᯬ ᯔ ᯂᯮᯅᯩᯒᯰᯩ ᯔᯉ᯲ᯘᯤ ᯖᯬᯒᯇᯬ᯲ ᯉ ᯘᯬ ᯑᯇᯖᯬ᯲ ᯅᯪᯞᯝᯉ᯲ ᯉᯪ ᯐᯞᯬ᯲ᯔ ᯘᯪᯀᯉ᯲ ᯉᯘ ᯅᯰᯘᯬ ᯔᯒ᯲ᯎ ᯑᯬᯂᯖᯬ᯲ ᯂᯬᯀᯔᯮ᯲ ᯑᯬᯂᯖᯬ᯲ ᯂᯖ ᯀᯰᯄ᯦ ᯉ ᯐᯰᯬᯐᯰᯬ ᯑᯪ ᯀᯑᯬᯇᯉ᯲ ᯉᯪ ᯂᯅᯰᯘ ᯤ ᯑᯬᯂᯖᯬ᯲ ᯑᯪ ᯀᯑᯬᯇᯉ᯲ ᯉᯪ ᯅᯪᯒᯮᯅᯪᯒᯮ ᯤ ᯀᯰᯄ᯦ ᯉ ᯔᯒᯮᯞᯘᯬ᯲ᯂᯉᯬ᯲ ᯀᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯐᯞ ᯉ ᯔᯉᯪᯀᯇᯬ᯲ ᯔᯒᯩᯔᯒᯩ ᯑᯪ ᯖᯝᯉ᯲ᯉᯘᯪᯑ

7:10 Gogo ma soaranasida manjoujou, angka ninna ma: Tua ma di Debatanta, na mangkunduli habangsa i, dohot di Birubiru i! ᯎᯬᯎᯬ ᯔ ᯘᯬᯀᯒᯉᯑᯪᯑ ᯔᯉ᯲ᯐᯬᯥᯐᯬᯥ ᯀᯰᯄ᯦ ᯉᯉᯪ᯲ᯉ ᯔ ᯖᯮᯀ ᯔ ᯑᯪ ᯑᯩᯅᯖᯉ᯲ᯖ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯅᯰᯘ ᯤ ᯑᯬᯂᯖᯬ᯲ ᯑᯪ ᯅᯪᯒᯮᯅᯪᯒᯮ ᯤ

7:11 Jadi jongjong ma saluhut surusuruan i humaliang habangsa i dohot humaliang angka sintua i dohot parngolu na opat i, dung i manungkap ma nasida di jolo ni habangsa i huhut marsomba tu Debata. ᯐᯑᯪ ᯐᯰᯬᯐᯰᯬ ᯔ ᯘᯞᯮᯂᯖᯮ᯲ ᯘᯮᯒᯮᯘᯮᯒᯮᯀᯉ᯲ ᯤ ᯂᯮᯔᯞᯪᯀᯰ ᯂᯅᯰᯘ ᯤ ᯑᯬᯂᯖᯬ᯲ ᯂᯮᯔᯞᯪᯀᯰ ᯀᯰᯄ᯦ ᯘᯉᯪ᯲ᯖᯮᯀ ᯤ ᯑᯬᯂᯖᯬ᯲ ᯇᯒ᯲ᯝᯬᯞᯮ ᯉ ᯀᯬᯇᯖ᯲ ᯤ ᯑᯮᯰ ᯤ ᯔᯉᯮᯰᯄ᯦ᯇ᯲ ᯔ ᯉᯘᯪᯑ ᯑᯪ ᯐᯬᯞᯬ ᯉᯪ ᯂᯅᯰᯘ ᯤ ᯂᯮᯂᯖᯮ᯲ ᯔᯒ᯲ᯘᯔᯬ᯲ᯅ ᯖᯮ ᯑᯩᯅᯖ

7:12 Ninna nasida ma: Amen! Pujipujian dohot hasangapon dohot hapistaran dohot hamauliateon dohot hagogoon dohot hatoguon ma di Debatanta ro di salelenglelengna! Amen. ᯉᯉᯪ᯲ᯉ ᯉᯘᯪᯑ ᯔ ᯀᯔᯉᯩ᯲ ᯇᯮᯐᯪᯇᯮᯐᯪᯀᯉ᯲ ᯑᯬᯂᯖᯬ᯲ ᯂᯘᯝᯇᯉᯬ᯲ ᯑᯬᯂᯖᯬ᯲ ᯂᯇᯘᯪ᯲ᯖᯒᯉ᯲ ᯑᯬᯂᯖᯬ᯲ ᯂᯔᯥᯞᯪᯀᯖᯩᯀᯉᯬ᯲ ᯑᯬᯂᯖᯬ᯲ ᯂᯎᯬᯎᯬᯀᯉᯬ᯲ ᯑᯬᯂᯖᯬ᯲ ᯂᯖᯬᯎᯮᯀᯉᯬ᯲ ᯔ ᯑᯪ ᯑᯩᯅᯖᯉ᯲ᯖ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ ᯀᯔᯉᯩ᯲

7:13 Dung i mangalusi ma sada sian angka sintua, didok ma mandok ahu: Ise do angka i; jala sian dia do ro angka na maruloshon abit na saksak i? ᯑᯮᯰ ᯤ ᯔᯝᯞᯮᯘᯪ ᯔ ᯘᯑ ᯘᯪᯀᯉ᯲ ᯀᯰᯄ᯦ ᯘᯉᯪ᯲ᯖᯮᯀ ᯑᯪᯑᯄ᯦ᯬ᯲ ᯔ ᯔᯉ᯲ᯑᯄ᯦ᯬ᯲ ᯀᯂᯮ ᯤᯘᯩ ᯑᯬ ᯀᯰᯄ᯦ ᯤ ᯐᯞ ᯘᯪᯀᯉ᯲ ᯑᯪᯀ ᯑᯬ ᯒᯬ ᯀᯰᯄ᯦ ᯉ ᯔᯒᯮᯞᯘᯬ᯲ᯂᯉᯬ᯲ ᯀᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯤ

7:14 Jadi hudok ma mandok ibana: Ale tuanku, ho do umbotosa. Gabe didok ma tu ahu: I ma angka naung ro sian haporsuhon godang; nunga diburi nasida abitnasida jala dipasaksak di bagasan mudar ni Birubiru i. ᯐᯑᯪ ᯂᯮᯑᯄ᯦ᯬ᯲ ᯔ ᯔᯉ᯲ᯑᯄ᯦ᯬ᯲ ᯤᯅᯉ ᯀᯞᯩ ᯖᯮᯀᯉ᯲ᯄ᯦ᯮ ᯂᯬ ᯑᯬ ᯀᯔᯮ᯲ᯅᯬᯖᯬᯘ ᯎᯅᯩ ᯑᯪᯑᯄ᯦ᯬ᯲ ᯔ ᯖᯮ ᯀᯂᯮ ᯤ ᯔ ᯀᯰᯄ᯦ ᯉᯀᯮᯰ ᯒᯬ ᯘᯪᯀᯉ᯲ ᯂᯇᯒᯬ᯲ᯘᯮᯂᯉᯬ᯲ ᯎᯬᯑᯰ ᯉᯮᯝ ᯑᯪᯅᯮᯒᯪ ᯉᯘᯪᯑ ᯀᯅᯖᯪ᯲ᯉᯘᯪᯑ ᯐᯞ ᯑᯪᯇᯘᯄ᯦᯲ᯘᯄ᯦᯲ ᯑᯪ ᯅᯎᯘᯉ᯲ ᯔᯮᯑᯒ᯲ ᯉᯪ ᯅᯪᯒᯮᯅᯪᯒᯮ ᯤ

7:15 Ala ni i sai di jolo ni habangsa ni Debata do nasida, mangoloi Ibana arian dohot borngin di bagasan jorona i, jala Ibana, na mangkunduli habangsa i, ma paulihon inganan di atasnasida. ᯀᯞ ᯉᯪ ᯤ ᯘᯤ ᯑᯪ ᯐᯬᯞᯬ ᯉᯪ ᯂᯅᯰᯘ ᯉᯪ ᯑᯩᯅᯖ ᯑᯬ ᯉᯘᯪᯑ ᯔᯝᯬᯞᯬᯤ ᯤᯅᯉ ᯀᯒᯪᯀᯉ᯲ ᯑᯬᯂᯖᯬ᯲ ᯅᯒᯬ᯲ᯝᯉᯪ᯲ ᯑᯪ ᯅᯎᯘᯉ᯲ ᯐᯬᯒᯬᯉ ᯤ ᯐᯞ ᯤᯅᯉ ᯉ ᯔᯰᯂᯉᯮ᯲ᯑᯮᯞᯪ ᯎᯅᯰᯘ ᯤ ᯔ ᯇᯥᯞᯪᯂᯉᯬ᯲ ᯤᯝᯉᯉ᯲ ᯑᯪ ᯀᯖᯘ᯲ᯉᯘᯪᯑ

7:16 Ndang be male nasida, ndang be mauas, ndang be ditinggang las ni ari nasida, manang dia na mohop pe. ᯉ᯲ᯑᯰ ᯅᯩ ᯔᯞᯩ ᯉᯘᯪᯑ ᯉ᯲ᯑᯰ ᯅᯩ ᯔᯥᯀᯘ᯲ ᯉ᯲ᯑᯰ ᯅᯩ ᯑᯪᯖᯰᯪᯎᯰ ᯞᯘ᯲ ᯉᯪ ᯀᯒᯪ ᯉᯘᯪᯑ ᯔᯉᯰ ᯑᯪᯀ ᯉ ᯔᯬᯂᯇᯬ᯲ ᯇᯩ

7:17 Ai parmahanon ni Birubiru na di parsitongaan ni habangsa i do nasida jadi togihononna ma nasida tu angka mual aek hangoluan, jadi apusan ni Debata nasa iluilu sian matanasida. ᯀᯤ ᯇᯒ᯲ᯔᯂᯉᯉᯬ᯲ ᯉᯪ ᯅᯪᯒᯮᯅᯪᯒᯮ ᯉ ᯑᯪ ᯇᯒ᯲ᯘᯪᯖᯬᯝᯀᯉ᯲ ᯉᯪ ᯂᯅᯰᯘ ᯤ ᯑᯬ ᯉᯘᯪᯑ ᯐᯑᯮᯪ ᯖᯬᯎᯪᯂᯬᯉᯉᯬ᯲ᯉ ᯔ ᯉᯘᯪᯑ ᯖᯮ ᯀᯰᯄ᯦ ᯔᯮᯀᯞ᯲ ᯀᯀᯄᯩ᯲ ᯂᯝᯬᯞᯮᯀᯉ᯲ ᯐᯑᯪ ᯀᯇᯮᯘᯉ᯲ ᯉᯪ ᯑᯩᯅᯖ ᯉᯘ ᯤᯞᯮᯤᯞᯮ ᯘᯪᯀᯉ᯲ ᯔᯖᯉᯘᯪᯑ

Pangungkapon ᯇᯝᯮᯰᯄ᯦ᯇᯉᯬ᯲ 8

8:1 Jadi dung diungkap sahap na papituhon i, hohom ma angka na di banua ginjang i, arga satonga jom lelengna. ᯐᯑᯪ ᯑᯮᯰ ᯑᯪᯀᯮᯰᯄ᯦ᯇ᯲ ᯘᯂᯇ᯲ ᯉ ᯇᯇᯪᯖᯮᯂᯉᯬ᯲ ᯤ ᯂᯬᯂᯔᯬ᯲ ᯔ ᯀᯰᯄ᯦ ᯉ ᯑᯪ ᯅᯉᯮᯀ ᯎᯉᯪ᯲ᯐᯰ ᯤ ᯀᯒ᯲ᯎ ᯘᯖᯬᯝ ᯐᯔᯬ᯲ ᯞᯩᯞᯰᯩᯉ

8:2 Dung i huida ma na pitu surusuruan, na jongjong di adopan ni Debata, jadi dilehon ma tu nasida pitu sarune. ᯑᯮᯰ ᯤ ᯂᯮᯤᯑ ᯔ ᯉ ᯇᯪᯖᯮ ᯘᯮᯒᯮᯘᯮᯒᯮᯀᯉ᯲ ᯉ ᯐᯰᯬᯐᯰᯬ ᯑᯪ ᯀᯑᯬᯇᯉ᯲ ᯉᯪ ᯑᯩᯅᯖ ᯐᯑᯪ ᯑᯪᯞᯩᯂᯉᯬ᯲ ᯔ ᯖᯮ ᯉᯘᯪᯑ ᯇᯪᯖᯮ ᯘᯒᯮᯉᯩ

8:3 Dung i ro ma surusuruan na asing, jongjong tondongkon langgatan pamelean i, ditiop ma pardaupaan sere, gabe dilehon ma tu ibana godang daupa, asa lehononna i tu atas langgatan sere na di jolo ni habangsa i, manambai tangiang ni saluhut angka na badia. ᯑᯮᯰ ᯤ ᯒᯬ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯐᯰᯬᯐᯰᯬ ᯖᯉᯬ᯲ᯑᯰᯬᯄ᯦ᯉᯬ᯲ ᯞᯰᯎᯖᯉ᯲ ᯇᯔᯩᯞᯩᯀᯉ᯲ ᯤ ᯑᯪᯖᯪᯀᯇᯬ᯲ ᯔ ᯇᯒ᯲ᯑᯥᯇᯀᯉ᯲ ᯘᯩᯒᯩ ᯎᯅᯩ ᯑᯪᯞᯩᯂᯉᯬ᯲ ᯔ ᯖᯮ ᯤᯅᯉ ᯎᯬᯑᯰ ᯑᯥᯇ ᯀᯘ ᯞᯩᯂᯬᯉᯉᯬ᯲ᯉ ᯤ ᯖᯮ ᯀᯖᯘ᯲ ᯞᯰᯎᯖᯉ᯲ ᯘᯩᯒᯩ ᯉ ᯑᯪ ᯐᯬᯞᯬ ᯉᯪ ᯂᯅᯰᯘ ᯤ ᯔᯉᯔ᯲ᯅᯤ ᯖᯝᯪᯀᯰ ᯉᯪ ᯘᯞᯮᯂᯖᯮ᯲ ᯀᯰᯄ᯦ ᯉ ᯅᯑᯪᯀ

8:4 Gabe manaek ma timus ni daupa i, tamba ni tangiang ni angka na badia i, sian tangan ni surusuruan i tujolo ni Debata. ᯎᯅᯩ ᯔᯉᯀᯄᯩ᯲ ᯔ ᯖᯪᯔᯘᯮ᯲ ᯉᯪ ᯑᯥᯇ ᯤ ᯖᯔ᯲ᯅ ᯉᯪ ᯖᯝᯪᯀᯰ ᯉᯪ ᯀᯰᯄ᯦ ᯉ ᯅᯑᯪᯀ ᯤ ᯘᯪᯀᯉ᯲ ᯖᯝᯉ᯲ ᯉᯪ ᯘᯮᯒᯮᯘᯮᯒᯮᯀᯉ᯲ ᯤ ᯖᯮ ᯐᯬᯞᯬ ᯉᯪ ᯑᯩᯅᯖ

8:5 Dung i dibuat surusuruan i ma pardaupaan i, digohi ma i dohot api na sian langgatan i, didabu ma i tu tano i, gabe masa ma angka ronggur dohot soara na mardoromdorom, angka hilap dohot lalo. ᯑᯮᯰ ᯤ ᯑᯪᯅᯮᯀᯖ᯲ ᯘᯮᯒᯮᯘᯮᯒᯮᯀᯉ᯲ ᯤ ᯔ ᯇᯒ᯲ᯑᯥᯇᯀᯉ᯲ ᯤ ᯑᯪᯎᯬᯂᯪ ᯔ ᯤ ᯑᯬᯂᯖᯬ᯲ ᯀᯇᯪ ᯉ ᯘᯪᯀᯉ᯲ ᯞᯰᯎᯖᯉ᯲ ᯤ ᯑᯪᯑᯅᯮ ᯔ ᯤ ᯖᯮ ᯖᯉᯬ ᯤ ᯎᯅᯩ ᯔᯘ ᯔ ᯀᯰᯄ᯦ ᯒᯰᯬᯎᯒᯮ᯲ ᯑᯬᯂᯖᯬ᯲ ᯘᯬᯀᯒ ᯉ ᯔᯒ᯲ᯑᯬᯒᯔᯬ᯲ᯑᯬᯒᯔᯬ᯲ ᯀᯰᯄ᯦ ᯂᯪᯞᯇ᯲ ᯑᯬᯂᯖᯬ᯲ ᯞᯞᯬ

8:6 Jadi marhobas ma na pitu surusuruan, na maniop sarune na pitu i, asa dipalu sarunena be. ᯐᯑᯪ ᯔᯒ᯲ᯂᯬᯅᯘ᯲ ᯔ ᯉ ᯇᯪᯖᯮ ᯘᯮᯒᯮᯘᯮᯒᯮᯀᯉ᯲ ᯉ ᯔᯉᯪᯀᯇᯬ᯲ ᯘᯒᯮᯉᯩ ᯉ ᯇᯪᯖᯮ ᯤ ᯀᯘ ᯑᯪᯇᯞᯮ ᯘᯒᯮᯉᯩᯉ ᯅᯩ

8:7 Gabe dipalu na parjolo i ma sarunena, jadi masa ma ambolas dohot api saor mudar didabu tu tano i, gabe mosok ma sapartolu ni tano i, mosok ma dohot sapartolu ni angka hau, mosok ma nang saluhut duhutduhut na rata i. ᯎᯅᯩ ᯑᯪᯇᯞᯮ ᯉ ᯇᯒ᯲ᯐᯬᯞᯬ ᯤ ᯔ ᯘᯒᯮᯉᯩᯉ ᯐᯑᯪ ᯔᯘ ᯔ ᯀᯔ᯲ᯅᯬᯞᯘ᯲ ᯑᯬᯂᯖᯬ᯲ ᯀᯇᯪ ᯘᯀᯒᯬ᯲ ᯔᯮᯑᯒ᯲ ᯑᯪᯑᯅᯮ ᯖᯮ ᯖᯉᯬ ᯤ ᯎᯅᯩ ᯔᯬᯘᯄ᯦ᯬ᯲ ᯔ ᯘᯇᯒ᯲ᯖᯬᯞᯮ ᯉᯪ ᯀᯰᯄ᯦ ᯂᯥ ᯔᯬᯘᯄ᯦ᯬ᯲ ᯔ ᯉᯰ ᯘᯞᯮᯂᯖᯮ᯲ ᯑᯮᯂᯖᯮ᯲ᯑᯮᯂᯖᯮ᯲ ᯉ ᯒᯖ ᯤ

8:8 Dung i dipalu surusuruan na paduahon ma sarunena, gabe didabu ma api tu laut songon dolok na balga na marsigorgor, gabe mudar ma sapartolu ni laut i. ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯑᯮᯀᯂᯉᯬ᯲ ᯔ ᯘᯒᯮᯉᯩᯉ ᯎᯅᯩ ᯑᯪᯑᯅᯮ ᯔ ᯀᯇᯪ ᯖᯮ ᯞᯀᯖᯮ᯲ ᯘᯬᯝᯉᯬ᯲ ᯑᯬᯞᯄ᯦ᯬ᯲ ᯉ ᯅᯞ᯲ᯎ ᯉ ᯔᯒ᯲ᯘᯪᯎᯒᯬ᯲ᯎᯒᯬ᯲ ᯎᯅᯩ ᯔᯮᯑᯒ᯲ ᯔ ᯘᯇᯒ᯲ᯖᯬᯞᯮ ᯉᯪ ᯞᯀᯖᯮ᯲ ᯤ

8:9 Laos mate ma sapartolu ni angka na tinompa na mangolu di laut, rendep ma sapartolu ni angka parau. ᯞᯀᯘᯬ᯲ ᯔᯖᯩ ᯔ ᯘᯇᯒ᯲ᯖᯬᯞᯮ ᯉᯪ ᯀᯰᯄ᯦ ᯉ ᯖᯪᯉᯔᯬ᯲ᯇ ᯉ ᯔᯝᯬᯞᯮ ᯑᯪ ᯞᯀᯖᯮ᯲ ᯒᯉᯩ᯲ᯑᯇᯩ᯲ ᯔ ᯘᯇᯒ᯲ᯖᯬᯞᯮ ᯉᯪ ᯀᯰᯄ᯦ ᯇᯒᯥ

8:10 Dung i dipalu surusuruan na patoluhon ma sarunena, gabe madabu ma sian langit sada bintang na balga, na marsigorgor songon palito, laos ditinggang ma sapartolu ni angka batang aek dohot mual. ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯖᯬᯞᯮᯂᯉᯬ᯲ ᯔ ᯘᯒᯮᯉᯩᯉ ᯎᯅᯩ ᯔᯑᯅᯮ ᯔ ᯘᯪᯀᯉ᯲ ᯞᯝᯖᯪ᯲ ᯘᯑ ᯅᯉᯪ᯲ᯖᯰ ᯉ ᯅᯞ᯲ᯎ ᯉ ᯔᯒ᯲ᯘᯪᯎᯒᯬ᯲ᯎᯒᯬ᯲ ᯘᯬᯝᯉᯬ᯲ ᯇᯞᯪᯖᯬ ᯞᯀᯘᯬ᯲ ᯑᯪᯖᯰᯪᯎᯰ ᯔ ᯘᯇᯒ᯲ᯖᯬᯞᯮ ᯉᯪ ᯀᯰᯄ᯦ ᯅᯖᯰ ᯀᯀᯄᯩ᯲ ᯑᯬᯂᯖᯬ᯲ ᯔᯮᯀᯞ᯲

8:11 Apsintos (hapaeton) do goar ni bintang i; jadi gabe paet do sapartolu ni aek i, laos mate do torop halak dibahen aek i, naung gabe paet. ᯀᯇ᯲ᯘᯉᯪ᯲ᯖᯘᯬ᯲ ᯂᯇᯀᯩᯖᯉᯬ᯲ ᯑᯬ ᯎᯬᯀᯒ᯲ ᯉᯪ ᯅᯉᯪ᯲ᯖᯰ ᯤ ᯐᯑᯪ ᯎᯅᯩ ᯇᯀᯖᯩ᯲ ᯑᯬ ᯘᯇᯒ᯲ᯖᯬᯞᯮ ᯉᯪ ᯀᯀᯄᯩ᯲ ᯤ ᯞᯀᯘᯬ᯲ ᯔᯖᯩ ᯑᯬ ᯖᯬᯒᯇᯬ᯲ ᯂᯞᯄ᯦᯲ ᯑᯪᯅᯂᯉᯩ᯲ ᯀᯀᯄᯩ᯲ ᯤ ᯉᯀᯮ ᯎᯅᯩ ᯇᯀᯖᯩ᯲

8:12 Dung i dipalu surusuruan na paopathon ma sarunena, gabe hona pungkul ma sapartolu ni mata ni ari dohot sapartolu ni bulan dohot sapartolu ni angka bintang, gabe mangkolom ma na sapartolu i, laos so marsinondang be na sapartolu i arianna, borngin i pe songon i do. ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯀᯬᯇᯖ᯲ᯂᯉᯬ᯲ ᯔ ᯘᯒᯮᯉᯩᯉ ᯎᯅᯩ ᯂᯬᯉ ᯇᯮᯰᯄ᯦ᯞᯮ᯲ ᯔ ᯘᯇᯒ᯲ᯖᯬᯞᯮ ᯉᯪ ᯔᯖ ᯉᯪ ᯀᯒᯪ ᯑᯬᯂᯖᯬ᯲ ᯘᯇᯒ᯲ᯖᯬᯞᯮ ᯉᯪ ᯅᯮᯞᯉ᯲ ᯑᯬᯂᯖᯬ᯲ ᯘᯇᯒ᯲ᯖᯬᯞᯮ ᯉᯪ ᯀᯰᯄ᯦ ᯅᯉᯪ᯲ᯖᯰ ᯎᯅᯩ ᯔᯰᯄ᯦ᯬᯞᯔᯬ᯲ ᯔ ᯉ ᯘᯇᯒ᯲ᯖᯬᯇᯮ ᯤ ᯞᯀᯘᯬ᯲ ᯘᯬ ᯔᯒ᯲ᯘᯪᯉᯉᯬ᯲ᯑᯰ ᯅᯩ ᯉ ᯘᯇᯒ᯲ᯖᯬᯞᯮ ᯤ ᯀᯒᯪᯀᯉ᯲ᯉ ᯅᯒᯬ᯲ᯝᯉᯪ᯲ ᯤ ᯇᯩ ᯘᯬᯝᯉᯬ᯲ ᯤ ᯑᯬ

8:13 Dung i hubereng, jadi hubege ma sada pidong raja ualu habang martongatonga langit; marsoara na gogo do ibana mandok: Marjea, marjea, marjea ma angka na mangingani tano i, horhonon ni soara na tading i dope, i ma sarune ni surusuruan na tolu nari, angka na naeng marsarune dope! ᯑᯮᯰ ᯤ ᯂᯮᯅᯩᯒᯰᯩ ᯐᯑᯪ ᯂᯮᯅᯩᯎᯩ ᯔ ᯘᯑ ᯇᯪᯑᯰᯬ ᯒᯐ ᯥᯀᯞᯮ ᯂᯅᯰ ᯔᯒ᯲ᯖᯬᯝᯖᯬᯝ ᯞᯝᯖᯪ᯲ ᯔᯒ᯲ᯘᯬᯀᯒ ᯉ ᯎᯬᯎᯬ ᯑᯬ ᯤᯅᯉ ᯔᯉ᯲ᯑᯄ᯦ᯬ᯲ ᯔᯒ᯲ᯐᯩᯀ ᯔᯒ᯲ᯐᯩᯀ ᯔᯒ᯲ᯐᯩᯀ ᯔ ᯀᯰᯄ᯦ ᯉ ᯔᯝᯪᯝᯉᯪ ᯖᯉᯬ ᯤ ᯂᯒᯬ᯲ᯂᯬᯉᯉᯬ᯲ ᯉᯪ ᯘᯬᯀᯒ ᯉ ᯖᯑᯰᯪ ᯤ ᯑᯬᯇᯩ ᯤ ᯔ ᯘᯒᯮᯉᯩ ᯉᯪ ᯘᯮᯒᯮᯘᯮᯒᯮᯀᯉ᯲ ᯉ ᯖᯬᯞᯮ ᯉᯒᯪ ᯀᯰᯄ᯦ ᯉ ᯉᯀᯰᯩ ᯔᯒ᯲ᯘᯒᯮᯉᯩ ᯑᯬᯇᯩ

Pangungkapon ᯇᯝᯮᯰᯄ᯦ᯇᯉᯬ᯲ 9

9:1 Dung i dipalu surusuruan na palimahon ma sarunena. Gabe huida ma bintang sada madabu sian langit tu tano i, jadi dilehon ma tu ibana anak hinsu ni ruang parbanua toru. ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯞᯪᯔᯂᯉᯬ᯲ ᯔ ᯘᯒᯮᯉᯩᯉ ᯎᯅᯩ ᯂᯮᯤᯑ ᯔ ᯅᯉᯪ᯲ᯖᯰ ᯘᯑ ᯔᯑᯅᯮ ᯘᯪᯀᯉ᯲ ᯞᯝᯖᯪ᯲ ᯖᯮ ᯖᯉᯬ ᯤ ᯐᯑᯪ ᯑᯪᯞᯩᯂᯉᯬ᯲ ᯔ ᯖᯮ ᯤᯅᯉ ᯀᯉᯄ᯦᯲ ᯂᯉᯪ᯲ᯘᯮ ᯉᯪ ᯒᯮᯀᯰ ᯇᯒ᯲ᯅᯉᯮᯀ ᯖᯬᯒᯮ

9:2 Gabe diungkap ma ruang parbanua toru i, jadi manaek ma timus sian ruang i songon timus ni pamurunan na balga, gabe mangkolom ma mata ni ari ro di parlangitan, dibahen timus na sian ruang i. ᯎᯅᯩ ᯑᯪᯀᯮᯰᯄ᯦ᯇ᯲ ᯔ ᯒᯮᯀᯰ ᯇᯒ᯲ᯅᯉᯮᯀ ᯖᯬᯒᯮ ᯤ ᯐᯑᯪ ᯔᯉᯀᯄᯩ᯲ ᯔ ᯖᯪᯔᯘᯮ᯲ ᯘᯪᯀᯉ᯲ ᯒᯮᯀᯰ ᯤ ᯘᯬᯝᯉᯬ᯲ ᯖᯪᯔᯘᯮ᯲ ᯉᯪ ᯇᯔᯮᯒᯮᯉᯉ᯲ ᯉ ᯅᯞ᯲ᯎ ᯎᯅᯩ ᯔᯰᯄ᯦ᯬᯞᯔᯬ᯲ ᯔ ᯔᯖ ᯉᯪ ᯀᯒᯪ ᯒᯬ ᯑᯪ ᯇᯒ᯲ᯞᯝᯪᯖᯉ᯲ ᯑᯪᯅᯂᯉᯩ᯲ ᯖᯪᯔᯘᯮ᯲ ᯉ ᯘᯪᯀᯉ᯲ ᯒᯮᯀᯰ ᯤ

9:3 Jadi marruaran ma angka sihapor sian timus i tu tano i, dung i dilehon ma tu nasida huaso songon huaso ni hala di tano on. ᯐᯑᯪ ᯔᯒ᯲ᯒᯮᯀᯒᯉ᯲ ᯔ ᯀᯰᯄ᯦ ᯘᯪᯂᯇᯒᯬ᯲ ᯘᯪᯀᯉ ᯖᯪᯔᯘᯮ᯲ ᯤ ᯖᯮ ᯖᯉᯬ ᯤ ᯑᯮᯰ ᯤ ᯑᯪᯞᯩᯂᯉᯬ᯲ ᯔ ᯖᯮ ᯉᯘᯪᯑ ᯂᯮᯀᯘᯬ ᯘᯬᯝᯉᯬ᯲ ᯂᯮᯀᯑᯬ ᯉᯪ ᯂᯞ ᯑᯪ ᯖᯉᯬ ᯀᯉᯬ᯲

9:4 Jadi dipaksa ma nasida, unang disegai duhutduhut ni tano i, manang angka na rata, manang agia sada hau, ia so holan jolma, angka na so marsahap di pardompahanna sian Debata. ᯐᯑᯪ ᯑᯪᯇᯄ᯦᯲ᯘ ᯔ ᯉᯘᯪᯑ ᯥᯉᯰ ᯑᯪᯘᯩᯎᯤ ᯑᯮᯂᯖᯮ᯲ᯑᯮᯂᯖᯮ᯲ ᯉᯪ ᯖᯉᯬ ᯤ ᯔᯉᯰ ᯀᯰᯄ᯦ ᯔ ᯒᯖ ᯔᯉᯰ ᯀᯎᯪᯀ ᯘᯑ ᯂᯥ ᯤᯀ ᯘᯬ ᯂᯬᯞᯉ᯲ ᯐᯞᯬ᯲ᯔ ᯀᯰᯄ᯦ ᯉ ᯘᯬ ᯔᯒ᯲ᯘᯂᯇ᯲ ᯑᯪ ᯇᯒ᯲ᯑᯔᯬ᯲ᯇᯂᯉ᯲ᯉ ᯘᯪᯀᯉ᯲ ᯑᯩᯅᯖ

9:5 Dipaksa do nasida, unang mamusa; sipaporsukporsuhonna do jolma i lima bulan lelengna. Ia porsukna suman tu pangonai ni hala, jumpa didoit jolma. ᯑᯪᯇᯄ᯦᯲ᯘ ᯑᯬ ᯉᯘᯪᯑ ᯥᯉᯰ ᯔᯔᯮᯘ ᯘᯪᯇᯇᯒᯬ᯲ᯘᯄᯮ᯲ᯇᯒᯬ᯲ᯘᯮᯂᯉᯬ᯲ᯉ ᯑᯬ ᯐᯞᯬ᯲ᯔ ᯤ ᯞᯪᯔ ᯅᯮᯞᯉ᯲ ᯞᯩᯞᯰᯩᯉ ᯤᯀ ᯇᯒᯬ᯲ᯘᯄ᯦ᯮᯉ ᯘᯮᯔᯉ᯲ ᯖᯮ ᯇᯝᯬᯉᯤ ᯉᯪ ᯂᯞ ᯐᯔᯮ᯲ᯇ ᯑᯪᯑᯬᯀᯖᯪ᯲ ᯐᯞᯬ᯲ᯔ

9:6 Luluan ni jolma ma hamatean di angka ari i, alai ndang jumpangsa; mangido do rohanasida, naeng mate nian, alai maporus do hamatean i sian nasida. ᯞᯮᯞᯮᯀᯉ᯲ ᯉᯪ ᯐᯞᯬ᯲ᯔ ᯔ ᯂᯔᯖᯩᯀᯉ᯲ ᯑᯪ ᯀᯰᯄ᯦ ᯀᯒᯪ ᯤ ᯀᯞᯤ ᯉ᯲ᯑᯰ ᯐᯔᯮ᯲ᯇᯰᯘ ᯔᯝᯪᯑᯬ ᯑᯬ ᯒᯬᯂᯉᯘᯪᯑ ᯉᯀᯰᯩ ᯔᯖᯩ ᯉᯪᯀᯉ᯲ ᯀᯞᯤ ᯔᯇᯬᯒᯘᯮ᯲ ᯑᯬ ᯂᯔᯖᯩᯀᯉ᯲ ᯤ ᯘᯪᯀᯉ᯲ ᯉᯘᯪᯑ

9:7 Ia rupa ni angka sihapor i suman do tu hoda, naung hobas tu parmusuon; ia di ulunasida dijujung do tumpal songon sere. Ia bohinasida songon bohi ni jolma do idaon; ᯤᯀ ᯒᯮᯇ ᯉᯪ ᯀᯰᯄ᯦ ᯘᯪᯂᯇᯒᯬ᯲ ᯤ ᯘᯮᯔᯉ᯲ ᯑᯬ ᯖᯮ ᯂᯬᯑ ᯉᯀᯮᯰ ᯂᯬᯅᯘ᯲ ᯖᯮ ᯇᯒ᯲ᯔᯮᯘᯮᯀᯉᯬ᯲ ᯤᯀ ᯑᯪ ᯥᯞᯮᯉᯘᯪᯑ ᯑᯪᯐᯮᯐᯮᯰ ᯑᯬ ᯖᯔᯮ᯲ᯇᯞ᯲ ᯘᯬᯝᯉᯬ᯲ ᯘᯩᯒᯩ ᯤᯀ ᯅᯬᯂᯪᯉᯘᯪᯑ ᯘᯬᯝᯉᯬ᯲ ᯅᯬᯂᯪ ᯉᯪ ᯐᯞᯬ᯲ᯔ ᯑᯬ ᯤᯑᯀᯉᯬ᯲

9:8 ia obuknasida songon obuk ni boruboru, jala iponnasida songon ipon ni singa. ᯤᯀ ᯀᯬᯅᯄ᯦ᯮ᯲ᯉᯘᯪᯑ ᯘᯬᯝᯉᯬ᯲ ᯀᯬᯅᯄ᯦ᯮ᯲ ᯉᯪ ᯅᯬᯒᯮᯅᯬᯒᯮ ᯐᯞ ᯤᯇᯉᯬ᯲ᯉᯘᯪᯑ ᯘᯬᯝᯉᯬ᯲ ᯤᯇᯉᯬ᯲ ᯉᯪ ᯘᯪᯝ

9:9 Marbajubaju do nasida suman tu bajubaju bosi; ia pangkuling ni habonghabongnasida songon soara ni torop hureta na tinait ni hoda, na marlojong tu tongtangan. ᯔᯒ᯲ᯅᯐᯮᯅᯐᯮ ᯑᯬ ᯉᯘᯪᯑ ᯘᯮᯔᯉ᯲ ᯖᯮ ᯅᯐᯮᯅᯐᯮ ᯅᯬᯘᯪ ᯤᯀ ᯇᯰᯄ᯦ᯮᯞᯰᯪ ᯉᯪ ᯂᯅᯰᯬᯂᯅᯰᯬᯉᯘᯪᯑ ᯘᯬᯝᯉᯬ᯲ ᯘᯬᯀᯒ ᯉᯪ ᯖᯬᯒᯇᯬ᯲ ᯂᯮᯒᯩᯖ ᯉ ᯖᯪᯉᯀᯖᯪ᯲ ᯉᯪ ᯂᯬᯑ ᯉ ᯔᯒ᯲ᯞᯬᯐᯰᯬ ᯖᯮ ᯖᯰᯬᯖᯝᯉ᯲

9:10 Marihur nasida songon ihur ni hala na marsorop; laos di bagasan ihurnasida do huasonasida, i ma na mangago angka jolma, leleng ni lima bulan. ᯔᯒᯪᯂᯒᯮ᯲ ᯉᯘᯪᯑ ᯘᯬᯝᯉᯬ᯲ ᯤᯂᯒᯮ᯲ ᯉᯪ ᯂᯞ ᯉ ᯔᯒ᯲ᯘᯬᯒᯇᯬ᯲ ᯞᯀᯘᯬ᯲ ᯑᯪ ᯅᯎᯘᯉ᯲ ᯤᯂᯒᯮ᯲ᯉᯘᯪᯑ ᯑᯬ ᯂᯮᯀᯘᯬᯉᯘᯪᯑ ᯤ ᯔ ᯉ ᯔᯝᯎᯬ ᯀᯰᯄ᯦ ᯐᯞᯬ᯲ᯔ ᯞᯩᯞᯰᯩᯉᯪ ᯞᯪᯔ ᯅᯮᯞᯉ᯲

9:11 Ia raja na manggomgom nasida, surusuruan sada sian banua toru, na margoar Abdon di hata Heber; ia di hata Junani Apollion do goarna. ᯤᯀ ᯒᯐ ᯉ ᯔᯰᯎᯔᯬ᯲ᯎᯔᯬ᯲ ᯉᯘᯪᯑ ᯘᯮᯒᯮᯘᯮᯒᯮᯀᯉ᯲ ᯘᯑ ᯘᯪᯀᯉ᯲ ᯅᯉᯮᯀ ᯖᯬᯒᯮ ᯉ ᯔᯒ᯲ᯎᯬᯀᯒ᯲ ᯀᯅ᯲ᯑᯉᯬ᯲ ᯑᯪ ᯂᯖ ᯂᯩᯅᯒᯩ᯲ ᯤᯀ ᯑᯪ ᯂᯖ ᯐᯮᯉᯉᯪ ᯀᯇᯞᯬ᯲ᯞᯪᯀᯉᯬ᯲ ᯑᯬ ᯎᯬᯀᯒ᯲ᯉ

9:12 Nunga salpu jea na parjolo; ida ma, na ro ma jea dua nari, dung salpu on! ᯉᯮᯝ ᯘᯞ᯲ᯇᯮ ᯐᯩᯀ ᯉ ᯇᯒ᯲ᯐᯬᯞᯬ ᯤᯑ ᯔ ᯉ ᯒᯬ ᯔ ᯐᯩᯀ ᯑᯮᯀ ᯉᯒᯪ ᯑᯮᯰ ᯘᯞ᯲ᯇᯮ ᯀᯉᯬ᯲

9:13 Dung i dipalu surusuruan na paonomhon na sarunena. Jadi hubege ma sada soara sian na opat suhi ni langgatan sere na di jolo ni Debata. ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯀᯬᯉᯔᯬ᯲ᯂᯉᯬ᯲ ᯔ ᯘᯒᯮᯉᯩᯉ ᯐᯑᯪ ᯂᯮᯅᯩᯎᯩ ᯔ ᯘᯑ ᯘᯬᯀᯒ ᯘᯪᯀᯉ᯲ ᯉ ᯀᯬᯇᯖ᯲ ᯘᯮᯂᯪ ᯉᯪ ᯞᯰᯎᯖᯉ᯲ ᯘᯩᯒᯩ ᯉ ᯑᯪ ᯐᯬᯞᯬ ᯉᯪ ᯑᯩᯅᯖ

9:14 On do hatana tu surusuruan paonomhon na marsarune i: Harhari ma surusuruan na opat na tambat di topi ni batang aek Euprat na balga i! ᯀᯉᯬ᯲ ᯑᯬ ᯂᯖᯉ ᯖᯮ ᯘᯮᯒᯮᯘᯮᯒᯮᯀᯉ᯲ ᯇᯀᯬᯉᯔᯬ᯲ᯂᯉᯬ᯲ ᯉ ᯔᯒ᯲ᯘᯒᯮᯉᯩ ᯤ ᯂᯒ᯲ᯂᯒᯪ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯬᯇᯖ᯲ ᯉ ᯖᯔ᯲ᯅᯖ᯲ ᯑᯪ ᯖᯬᯇᯪ ᯉᯪ ᯅᯖᯯ ᯀᯀᯄᯩ᯲ ᯀᯩᯥᯇ᯲ᯒᯖ᯲ ᯉ ᯅᯞ᯲ᯎ ᯤ

9:15 Jadi malua ma surusuruan na opat i, angka naung pinarade, asa hobas di ombasna, di arina, di bulanna, di taonna, laho mambunu sapartolu ni hajolmaon. ᯐᯑᯪ ᯔᯞᯮᯀ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯬᯇᯖ᯲ ᯤ ᯀᯰᯄ᯦ ᯉᯀᯮᯰ ᯇᯪᯉᯒᯑᯩ ᯀᯘ ᯂᯬᯅᯘ᯲ ᯀᯔᯬ᯲ᯅᯘ᯲ᯉ ᯑᯪ ᯀᯒᯪᯉ ᯑᯪ ᯅᯮᯞᯉ᯲ᯉ ᯞᯂᯬ ᯔᯔ᯲ᯅᯮᯉᯮ ᯘᯇᯒ᯲ᯖᯬᯞᯮ ᯉᯪ ᯂᯐᯞᯬ᯲ᯉᯀᯉᯬ᯲

9:16 Ia torop ni angka parporang na mangkunduli hoda, dua loksa hali loksa do; hubege do bilangannasida. ᯤᯀ ᯖᯬᯒᯇᯬ᯲ ᯉᯪ ᯀᯰᯄ᯦ ᯇᯒ᯲ᯇᯬᯒᯰ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯬᯑ ᯑᯮᯀ ᯞᯄ᯦ᯬ᯲ᯘ ᯂᯞᯪ ᯞᯄ᯦ᯬ᯲ᯘ ᯑᯬ ᯂᯮᯅᯩᯎᯩ ᯑᯬ ᯅᯪᯞᯑᯉ᯲ᯉᯘᯪᯑ

9:17 Songon on do huida di bagasan tondingku angka hoda nang angka na mangkundulisa: Dialithon do angka bajubaju partahanan na songon api deba, na deba angka na rara, na deba angka na gorsing songon barerang. Ia ulu ni angka hodanasida songon ulu ni singa; na puas do sian babanasida api mardongan timus dohot barerang. ᯘᯬᯝᯉᯬ᯲ ᯀᯉᯬ᯲ ᯑᯪ ᯂᯮᯤᯑ ᯑᯪ ᯅᯎᯘᯉ᯲ ᯖᯉᯬ᯲ᯑᯰᯪᯄ᯦ᯮ ᯀᯰᯄ᯦ ᯂᯬᯑ ᯉᯰ ᯀᯰᯄ᯦ ᯉ ᯔᯰᯄ᯦ᯉᯮ᯲ᯑᯮᯞᯪᯘ ᯑᯪᯀᯞᯖᯪ᯲ᯂᯉᯬ᯲ ᯑᯬ ᯀᯰᯄ᯦ ᯅᯐᯮᯅᯐᯮ ᯇᯒ᯲ᯖᯂᯉᯉ᯲ ᯉ ᯘᯬᯝᯉᯬ᯲ ᯀᯇᯪ ᯑᯩᯅ ᯉ ᯑᯩᯅ ᯀᯰᯄ᯦ ᯉ ᯒᯒ ᯉ ᯑᯩᯅ ᯀᯰᯄ᯦ ᯉ ᯎᯒᯬ᯲ᯘᯰᯪ ᯘᯬᯝᯉᯬ᯲ ᯅᯒᯩᯒᯰ ᯤᯀ ᯥᯞᯮ ᯉᯪ ᯀᯰᯄ᯦ ᯂᯬᯑᯉᯘᯪᯑ ᯘᯬᯝᯉᯬ᯲ ᯥᯞᯮ ᯉᯪ ᯘᯪᯝ ᯉ ᯇᯮᯀᯘ᯲ ᯑᯬ ᯘᯪᯀᯉ᯲ ᯅᯅᯉᯘᯪᯑ ᯀᯇᯪ ᯔᯒ᯲ᯑᯬᯝᯉ᯲ ᯖᯪᯔᯘᯮ᯲ ᯑᯬᯂᯖᯬ᯲ ᯅᯒᯩᯒᯰ

9:18 Hinorhon ni haporsuhon na tolu i tarbunu do sapartolu ni hajolmaon, i ma hinorhon ni api dohot timus dohot barerang, angka na puas sian babanasida. ᯂᯪᯉᯒᯬ᯲ᯂᯉᯬ᯲ ᯉᯪ ᯂᯇᯒᯬ᯲ᯘᯮᯂᯉᯬ᯲ ᯉ ᯖᯬᯞᯮᯤ ᯖᯒ᯲ᯅᯮᯉᯮ ᯑᯬ ᯘᯇᯒ᯲ᯖᯬᯞᯮ ᯉᯪ ᯂᯐᯞᯬ᯲ᯔᯀᯉᯬ᯲ ᯤ ᯔ ᯂᯪᯉᯒ᯲ᯂᯉᯬ᯲ ᯉᯪ ᯀᯇᯪ ᯑᯬᯂᯖᯬ᯲ ᯖᯪᯔᯘᯮ᯲ ᯑᯬᯂᯖᯬ᯲ ᯅᯒᯩᯒᯰ ᯀᯰᯄ᯦ ᯉ ᯇᯮᯀᯘ᯲ ᯘᯪᯀᯉ᯲ ᯅᯅᯉᯘᯪᯑ

9:19 Ai di bagasan angka babanasida dohot ihurnasida do gogo ni angka hoda i, ai suman tu ulok do angka ihurnasida, angka na marulu; marhitehite i do nasida mangago. ᯀᯤ ᯑᯪ ᯅᯎᯘᯉ᯲ ᯀᯰᯄ᯦ ᯅᯅᯉᯘᯪᯑ ᯑᯬᯂᯖᯬ᯲ ᯤᯂᯒᯮ᯲ᯉᯘᯪᯑ ᯑᯬ ᯎᯬᯎᯬ ᯉᯪ ᯀᯰᯂ᯦ ᯂᯬᯑ ᯤ ᯀᯤ ᯘᯮᯔᯉ᯲ ᯖᯮ ᯥᯞᯄ᯦ᯬ᯲ ᯑᯬ ᯀᯰᯄ᯦ ᯤᯂᯒᯮ᯲ᯉᯘᯪᯑ ᯀᯰᯄ᯦ ᯉ ᯔᯒᯮᯞᯮ ᯔᯒ᯲ᯂᯪᯖᯩᯂᯪᯖᯩ ᯤ ᯑᯬ ᯉᯘᯪᯑ ᯔᯝᯎᯬ

9:20 Anggo angka jolma na tading, na so binunu ni angka haporsuhon i, laos so dipauba do rohanasida, tumadingkon niula ni tangannasida, asa unang be nian marsomba nasida tu sibolis manang tu ajiajian, angka na sian sere, sian perak, tombaga, hau dohot batu, angka na so tarbahen marnida manang marbinege manang mardalan pe. ᯀᯰᯎᯬ ᯀᯰᯄ᯦ ᯐᯞᯬ᯲ᯔ ᯉ ᯖᯑᯰᯪ ᯉ ᯘᯬ ᯅᯪᯉᯮᯉᯮ ᯉᯪ ᯀᯰᯄ᯦ ᯂᯇᯒᯬ᯲ᯘᯮᯂᯉᯬ᯲ ᯤ ᯞᯀᯘᯬ᯲ ᯘᯬ ᯑᯪᯇᯥᯅ ᯑᯬ ᯒᯬᯂᯉᯘᯪᯑ ᯖᯮᯔᯑᯰᯪᯄᯉᯬ᯲ ᯉᯪᯥᯞ ᯉᯪ ᯖᯝᯉ᯲ᯉᯘᯪᯑ ᯀᯘ ᯥᯉᯰ ᯅᯩ ᯉᯪᯀᯉ᯲ ᯔᯒ᯲ᯘᯔᯬ᯲ᯅ ᯉᯘᯪᯑ ᯖᯮ ᯘᯪᯅᯬᯞᯘᯪ᯲ ᯔᯉᯰ ᯖᯮ ᯀᯐᯪᯀᯐᯪᯀᯉ᯲ ᯀᯰᯄ᯦ ᯉ ᯘᯪᯀᯉ᯲ ᯘᯩᯒᯩ ᯘᯪᯀᯉ᯲ ᯇᯩᯒᯄ᯦᯲ ᯖᯔᯬ᯲ᯅᯎ ᯂᯥ ᯑᯬᯂᯖᯬ᯲ ᯅᯖᯮ ᯀᯰᯄ᯦ ᯉ ᯘᯬ ᯖᯒ᯲ᯅᯂᯉᯩ᯲ ᯔᯒ᯲ᯉᯪᯑ ᯔᯉᯰ ᯔᯒ᯲ᯅᯪᯉᯩᯎᯩ ᯔᯉᯰ ᯔᯒ᯲ᯑᯞᯉ᯲ ᯇᯩ

9:21 Ndang dipauba nasida rohanasida tumadingkon pamunuon nang na pauli rasun nang parmainanon ro di panangkoon. ᯉ᯲ᯑᯰ ᯑᯪᯇᯥᯅ ᯉᯘᯪᯑ ᯒᯬᯂᯉᯘᯪᯑ ᯖᯮᯔᯑᯰᯪᯄ᯦ᯉᯬ᯲ ᯇᯔᯮᯉᯮᯀᯉᯬ᯲ ᯉᯰ ᯉ ᯇᯥᯞᯪ ᯒᯘᯉᯮ᯲ ᯉᯰ ᯇᯒ᯲ᯔᯤᯉᯉᯉᯬ᯲ ᯒᯬ ᯑᯪ ᯇᯉᯰᯄ᯦ᯬᯀᯉᯬ᯲

Pangungkapon ᯇᯑᯮᯰᯄ᯦ᯇᯉᯬ᯲ 10

10:1 Dung i huida ma surusuruan na asing na gogo, tuat sian banua ginjang; na maruloshon ombun, halibutongan do di atas uluna, songon mata ni ari do bohina, ia patna songon tiang api do. ᯑᯮᯰ ᯤ ᯂᯮᯤᯑ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯉ ᯎᯬᯎᯬ ᯖᯮᯀᯖ᯲ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯉ ᯔᯒᯮᯞᯘᯬ᯲ᯂᯉᯬ᯲ ᯀᯔᯬ᯲ᯅᯉᯮ᯲ ᯂᯞᯪᯅᯮᯖᯬᯝᯉ᯲ ᯑᯬ ᯑᯪ ᯀᯖᯘ᯲ ᯥᯞᯮᯉ ᯘᯬᯝᯉᯬ᯲ ᯔᯖ ᯉᯪ ᯀᯒᯪ ᯑᯬ ᯅᯬᯂᯪᯉ ᯤᯀ ᯇᯖ᯲ᯉ ᯘᯬᯝᯉᯬ᯲ ᯖᯪᯀᯰ ᯀᯇᯪ ᯑᯬ

10:2 Ditiop do di tanganna buku sada na metmet, naung binungka; diojakkon do patna siamun tu laut, ia patna hambirang tu tano. ᯑᯪᯖᯪᯀᯇᯬ᯲ ᯑᯬ ᯑᯪ ᯖᯝᯉ᯲ᯉ ᯅᯮᯄ᯦ᯮ ᯘᯑ ᯉ ᯔᯖᯩ᯲ᯔᯖᯩ᯲ ᯉᯀᯮᯰ ᯅᯪᯉᯮᯰᯄ᯦ ᯑᯪᯀᯬᯐᯄ᯦ᯄ᯦ᯉᯬ᯲ ᯑᯬ ᯇᯖ᯲ᯉ ᯘᯪᯀᯔᯉᯮ᯲ ᯖᯮ ᯞᯀᯖᯮ᯲ ᯤᯀ ᯇᯖ᯲ᯉ ᯂᯔ᯲ᯅᯪᯒᯰ ᯖᯮ ᯖᯉᯬ

10:3 Gogo ma soarana manjoujou songon singa na maungaung; jadi di na manjoujou i ibana, mangkuling ma pitu ronggur.ᯎᯬᯎᯬ ᯔ ᯘᯬᯀᯒᯉ ᯔᯉ᯲ᯐᯬᯥᯐᯬᯥ ᯘᯬᯝᯉᯬ᯲ ᯘᯪᯝ ᯉ ᯔᯀᯮᯰᯀᯀᯮᯰ ᯐᯑᯪ ᯑᯪ ᯉ ᯔᯉ᯲ᯐᯬᯥᯐᯬᯥ ᯤ ᯤᯅᯉ ᯔᯰᯄ᯦ᯞᯰᯪ ᯔ ᯇᯪᯖᯮ ᯒᯰᯬᯎᯒᯮ᯲

10:4 Jadi dung mangkuling ronggur na pitu i, naeng manurat ahu; jadi hubege ma soara sian banua ginjang na mandok: Sahapi ma na hinatahon ni ronggur na pitu i; unang ma surathon! ᯐᯑᯪ ᯑᯮᯰ ᯔᯰᯄ᯦ᯮᯞᯰᯪ ᯒᯰᯬᯎᯒᯮ᯲ ᯉ ᯇᯪᯖᯮ ᯤ ᯉᯀᯰᯩ ᯔᯉᯮᯒᯖ᯲ ᯀᯂᯮ ᯐᯑᯪ ᯂᯮᯅᯩᯎᯩ ᯔ ᯘᯬᯀᯒ ᯘᯪᯀᯉ᯲ ᯅᯉᯮᯀ ᯎᯉᯪ᯲᯲ᯐᯰ ᯉ ᯔᯉ᯲ᯑᯄ᯦ᯬ᯲ ᯘᯂᯇᯪ ᯔ ᯉ ᯂᯪᯉᯖᯂᯉᯬ᯲ ᯉᯪ ᯒᯰᯬᯎᯒᯮ᯲ ᯉ ᯇᯪᯖᯮ ᯤ ᯥᯉᯰ ᯔ ᯘᯮᯒᯖ᯲ᯂᯉᯬ᯲

10:5 Dung i dipatoltol surusuruan, na huida jongjong di atas laut dohot tano, ma tanganna siamun dompak ginjang.ᯑᯮᯰ ᯤ ᯑᯪᯇᯖᯞᯬ᯲ᯖᯞᯬ᯲ ᯘᯮᯒᯮᯘᯮᯒᯮᯀᯉ᯲ ᯉ ᯂᯮᯤᯑ ᯐᯰᯬᯐᯰᯬ ᯑᯪ ᯀᯖᯘ᯲ ᯞᯀᯖᯮ᯲ ᯑᯬᯂᯖᯬ᯲ ᯖᯉᯬ ᯔ ᯖᯝᯉ᯲ᯉ ᯘᯪᯀᯔᯉᯮ᯲ ᯑᯔᯬ᯲ᯇᯄ᯦᯲ ᯎᯉᯪ᯲ᯐᯰ

10:6 Jadi manolon ma ibana tu Debata na mangolu ro di salelenglelengna, naung tumompa langit dohot isina, tano padohot isina, nang laut ro di na dibagasanna, paboa na so masa be na paginjangkon tingki: ᯐᯑᯪ ᯔᯉᯬᯞᯉᯬ᯲ ᯔ ᯤᯅᯉ ᯖᯮ ᯑᯩᯅᯖ ᯉ ᯔᯝᯬᯞᯮ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ ᯉᯀᯮᯰ ᯖᯮᯔᯔᯬ᯲ᯇ ᯞᯝᯖᯪ᯲ ᯑᯬᯂᯖᯬ᯲ ᯤᯘᯪᯉ ᯖᯉᯬ ᯇᯑᯬᯂᯖᯬ᯲ ᯤᯘᯪᯉ ᯉᯰ ᯞᯀᯖᯮ᯲ ᯒᯬ ᯑᯪ ᯉ ᯑᯪᯅᯎᯘᯉ᯲ᯉ ᯇᯅᯬᯀ ᯉ ᯘᯬ ᯔᯘ ᯅᯩ ᯉ ᯇᯎᯉᯪ᯲ᯐᯰᯄ᯦ᯉᯬ᯲ ᯖᯰᯪᯄ᯦

10:7 Tung di ari ni soara ni surusuruan na papituhon, di na naeng paluonna sarune i, disi ma patuluson hahomion ni Debata, songon naung binaritahonna i tu angka naposona, i ma angka panurirang i. ᯖᯮᯰ ᯑᯪ ᯀᯒᯪ ᯉᯪ ᯘᯬᯀᯒ ᯉᯪ ᯘᯮᯒᯮᯘᯮᯒᯮᯀᯉ᯲ ᯉ ᯇᯇᯪᯖᯮᯂᯉᯬ᯲ ᯑᯪ ᯉ ᯉᯀᯰᯩ ᯇᯞᯮᯀᯉᯬ᯲ᯉ ᯘᯒᯮᯉᯩ ᯤ ᯑᯪᯘᯪ ᯔ ᯇᯖᯮᯞᯮᯘᯉᯬ᯲ ᯂᯂᯬᯔᯪᯀᯉᯬ᯲ ᯉᯪ ᯑᯩᯅᯖ ᯘᯬᯑᯉᯬ᯲ ᯉᯀᯮᯰ ᯅᯪᯉᯒᯪᯖᯂᯉᯬ᯲ᯉ ᯤ ᯖᯮ ᯀᯰᯄ᯦ ᯉᯇᯬᯘᯬᯉ ᯤ ᯔ ᯁᯰᯄ᯦ᯇᯉᯮᯒᯪᯒᯰ ᯤ

10:8 Ia soara, naung hubege hian sian banua ginjang, mangulahi mangkulingi ahu, ninna ma: Laho ma, jalo ma buku naung binungka i, na di tangan ni surusuruan, na jongjong di atas laut dohot tano! ᯤᯀ ᯘᯬᯀᯒ ᯉᯀᯮᯰ ᯂᯮᯅᯩᯎᯩ ᯂᯪᯀᯉ᯲ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯔᯝᯮᯞᯂᯪ ᯔᯰᯄ᯦ᯮᯞᯪᯝᯪ ᯀᯂᯮ ᯉᯉᯪ᯲ᯉ ᯔ ᯞᯂᯬ ᯔ ᯐᯞᯬ ᯔ ᯅᯮᯄ᯦ᯮ ᯉᯀᯮᯰ ᯅᯪᯉᯮᯰᯄ᯦ ᯤ ᯉ ᯑᯪ ᯖᯝᯉ᯲ ᯉᯪ ᯘᯮᯒᯮᯘᯮᯒᯮᯀᯉ᯲ ᯉ ᯐᯰᯬᯐᯰᯬ ᯑᯪ ᯀᯖᯘ᯲ ᯞᯀᯖᯮ᯲ ᯑᯬᯂᯖᯬ᯲ ᯖᯉᯬ

10:9 Dung i hutopot ma surusuruan i, hudokkon ma ibana, mangalehon buku i tu ahu. Jadi didok ma: Na, pangan ma; gabe paet ma i di butuham, alai tonggi songon situak ni loba anggo di pamanganmu. ᯑᯮ ᯤ ᯂᯮᯖᯬᯇᯖᯬ᯲ ᯔ ᯘᯮᯒᯮᯘᯮᯒᯮᯀᯉ᯲ ᯤ ᯂᯮᯑᯄ᯦ᯬ᯲ᯄ᯦ᯉᯬ᯲ ᯔ ᯤᯅᯉ ᯔᯝᯞᯩᯂᯉᯬ᯲ ᯅᯮᯄ᯦ᯮ ᯤ ᯖᯮ ᯀᯂᯮ ᯐᯑᯪ ᯑᯪᯑᯄ᯦ᯬ᯲ ᯔ ᯉ ᯇᯝᯉ᯲ ᯔ ᯎᯅᯩ ᯇᯀᯖᯩ᯲ ᯔ ᯤ ᯑᯪ ᯅᯮᯖᯮᯂᯔ᯲ ᯀᯞᯤ ᯖᯰᯬᯎᯪ ᯘᯬᯝᯉᯬ᯲ ᯘᯪᯖᯮᯀᯄ᯦᯲ ᯉᯪ ᯞᯬᯅ ᯀᯰᯎᯬ ᯑᯪ ᯇᯔᯝᯉ᯲ᯔᯮ

10:10 Jadi hujalo ma buku i sian tangan ni surusuruan i jala hupangan, gabe tonggi ma i di bagasan pamanganku songon situak ni Loba; jadi dung hubondut, gabe paet do i dihilala butuhangku. ᯐᯑᯪ ᯂᯮᯐᯞᯬ ᯔ ᯅᯮᯄ᯦ᯮ ᯤ ᯘᯪᯀᯉ᯲ ᯖᯝᯉ᯲ ᯉᯪ ᯘᯮᯒᯮᯘᯮᯒᯮᯀᯉ᯲ ᯤ ᯐᯞ ᯂᯮᯇᯝᯉ᯲ ᯎᯅᯩ ᯖᯰᯬᯎᯪ ᯔ ᯤ ᯑᯪ ᯅᯎᯘᯉ᯲ ᯇᯔᯝᯉ᯲ᯄ᯦ᯮ ᯘᯬᯝᯉᯬ᯲ ᯘᯪᯖᯮᯀᯂ᯦᯲ ᯉᯪ ᯞᯬᯅ ᯐᯑᯪ ᯑᯮᯰ ᯂᯮᯅᯉᯬ᯲ᯑᯖᯮ᯲ ᯎᯅᯩ ᯇᯀᯖᯩ᯲ ᯑᯬ ᯤ ᯑᯪᯂᯪᯞᯞ ᯅᯮᯖᯮᯂᯰᯄ᯦ᯮ

10:11 Jala angka didok ma tu ahu: Ingkon ulahanmu dope manurirangi dompak angka marga dohot bangso dohot hata, nang dompak torop raja. ᯐᯞ ᯀᯰᯄ᯦ ᯑᯪᯑᯄ᯦ᯬ᯲ ᯔ ᯖᯮ ᯀᯂᯮ ᯀᯰᯪᯄ᯦ᯉᯬ᯲ ᯥᯞᯂᯉ᯲ᯔᯮ ᯑᯬᯇᯩ ᯔᯉᯮᯒᯪᯒᯝᯪ ᯑᯔᯬ᯲ᯇᯄ᯦᯲ ᯀᯰᯄ᯦ ᯔᯒ᯲ᯎ ᯑᯬᯂᯖᯬ᯲ ᯂᯖ ᯉᯰ ᯑᯔᯬ᯲ᯇᯄ᯦᯲ ᯖᯬᯒᯇᯬ᯲ ᯒᯐ

Pangungkapon ᯇᯝᯮᯰᯄ᯦ᯇᯉᯬ᯲ 11

11:1 Dung i dilehon ma tu ahu arung sada songon tungkot, huhut ma didok: Hehe ma ho, suhati ma joro ni Debata ro di langgatan i, nang angka na marsomba disi. ᯑᯮᯰ ᯤ ᯑᯪᯞᯩᯂᯉᯬ᯲ ᯔ ᯖᯮ ᯀᯂᯮ ᯀᯒᯮᯰ ᯘᯑ ᯘᯬᯝᯉᯬ᯲ ᯖᯮᯰᯄᯖᯬ᯲ ᯂᯮᯂᯖᯮ᯲ ᯔ ᯑᯪᯑᯄ᯦ᯬ᯲ ᯂᯩᯂᯩ ᯔ ᯂᯬ ᯘᯮᯂᯖᯪ ᯔ ᯐᯬᯒᯬ ᯉᯪ ᯑᯩᯅᯖ ᯒᯬ ᯑᯪ ᯞᯰᯎᯖᯉ᯲ ᯤ ᯉᯰ ᯀᯰᯄ᯦ ᯉ ᯔᯒ᯲ᯘᯔᯬ᯲ᯅ ᯑᯪᯘᯪ

11:2 Laosi ma ia alaman parduru ni joro i, unang suhati anggo i; ai nunga dipasahat i tu angka parbegu: Padegedegeonnasida do huta na badia i, leleng ni opatpulu dua bulan. ᯞᯀᯬᯘᯪ ᯔ ᯤᯀ ᯀᯞᯔᯉ᯲ ᯇᯒ᯲ᯑᯮᯒᯮ ᯉᯪ ᯐᯬᯒᯬ ᯤ ᯥᯉᯰ ᯘᯮᯂᯖᯪ ᯀᯰᯎᯬ ᯤ ᯀᯤ ᯉᯮᯝ ᯑᯪᯇᯘᯂᯖ᯲ ᯤ ᯖᯮ ᯀᯰᯄ᯦ ᯇᯒ᯲ᯅᯩᯎᯮ ᯇᯑᯩᯎᯩᯑᯩᯎᯩᯀᯉᯬ᯲ᯉᯘᯪᯑ ᯑᯬ ᯂᯮᯖ ᯉ ᯅᯑᯪᯀ ᯤ ᯞᯩᯞᯰᯩ ᯉᯪ ᯀᯬᯇᯖ᯲ᯇᯮᯞᯮ ᯑᯮᯀ ᯅᯮᯞᯉ

11:3 Dung i lehononku ma tu na dua sitindangingku, asa manurirangi nasida, maruloshon hori, leleng ni saribu duaratus onompulu ari. ᯑᯮᯰ ᯤ ᯞᯩᯂᯬᯉᯉᯬ᯲ᯄ᯦ᯮ ᯔ ᯖᯮ ᯉ ᯑᯮᯀ ᯘᯪᯖᯉᯪ᯲ᯑᯝᯰᯪᯄ᯦ᯮ ᯀᯘ ᯔᯉᯮᯒᯪᯒᯝᯪ ᯉᯘᯪᯑ ᯔᯒᯮᯞᯘᯬ᯲ᯂᯉᯬ᯲ ᯂᯬᯒᯪ ᯞᯩᯞᯰᯩ ᯉᯪ ᯘᯒᯪᯅᯮ ᯑᯮᯀᯒᯖᯘᯮ᯲ ᯀᯬᯉᯔᯬ᯲ᯇᯮᯞᯮ ᯀᯒᯪ

11:4 Nasida ma na dua hau jetun jala na dua parpalitoan, angka na jongjoᯯng di adopan ni Tuhan ni tano i. ᯉᯘᯪᯑ ᯔ ᯉ ᯑᯮᯀ ᯂᯥ ᯐᯩᯖᯉᯮ᯲ ᯐᯞ ᯉ ᯑᯮᯀ ᯇᯒ᯲ᯇᯞᯪᯖᯬᯀᯉ᯲ ᯀᯰᯄ᯦ ᯉ ᯐᯰᯬᯐᯰᯬ ᯑᯪ ᯀᯑᯬᯇᯉ᯲ ᯉᯪ ᯖᯮᯂᯉ᯲

11:5 Ia adong na naeng manjahati nasida, rungkar ma api sian pamangannasida, mangallang musunasida; ia adong na naeng manjahati nasida, ingkon songon i do ibana mate. ᯤᯀ ᯀᯑᯰᯬ ᯉ ᯉᯀᯰᯩ ᯔᯉ᯲ᯐᯂᯖᯪ ᯉᯘᯪᯑ ᯒᯮᯰᯄ᯦ᯒ᯲ ᯔ ᯀᯇᯪ ᯘᯪᯀᯉ᯲ ᯇᯔᯝᯉ᯲ᯉᯘᯪᯑ ᯔᯝᯞ᯲ᯞᯰ ᯔᯮᯘᯮᯉᯘᯪᯑ ᯤᯀ ᯀᯑᯰᯬ ᯉ ᯉᯀᯰᯩ ᯔᯉ᯲ᯐᯂᯖᯪ ᯉᯘᯪᯑ ᯀᯰᯪᯂᯉᯬ᯲ ᯘᯬᯝᯉᯬ᯲ ᯤ ᯑᯬ ᯤᯅᯉ ᯔᯖᯩ

11:6 Na marhuaso do nasida mangkinsu langit, asa unang ro udan di angka ari panurirangonnasida; jadi na marhuaso do nasida, paimbarhon angka aek gabe mudar, jala mangkonahon nasa haporsuhon tu tano i, manang beha pe jotjotna di rohanasida. ᯉ ᯔᯒ᯲ᯂᯮᯀᯘᯬ ᯑᯬ ᯉᯘᯪᯑ ᯔᯰᯄ᯦ᯉᯪ᯲ᯘᯮ ᯞᯝᯖᯪ᯲ ᯀᯘ ᯥᯉᯰ ᯒᯬ ᯥᯑᯉ᯲ ᯑᯪ ᯀᯰᯄ᯦ ᯀᯒᯪ ᯇᯉᯮᯒᯪᯒᯝᯉᯬ᯲ᯉᯘᯪᯑ ᯐᯑᯪ ᯉ ᯔᯒ᯲ᯂᯮᯀᯘᯬ ᯑᯪ ᯉᯘᯪᯑ ᯇᯀᯔᯪ᯲ᯅᯒ᯲ᯂᯉᯬ᯲ ᯀᯰᯄ᯦ ᯀᯀᯄᯩ᯲ ᯎᯅᯩ ᯔᯮᯑᯒ᯲ ᯐᯞ ᯔᯰᯄ᯦ᯬᯉᯂᯉᯬ᯲ ᯉᯘ ᯂᯇᯒᯬ᯲ᯘᯮᯂᯉᯬ᯲ ᯖᯮ ᯖᯉᯬ ᯤ ᯔᯉᯰ ᯅᯩᯂ ᯇᯩ ᯐᯖᯬ᯲ᯐᯖᯬ᯲ᯉ ᯑᯪ ᯒᯬᯂᯉᯘᯪᯑ

11:7 Anggo dung dipatulus nasida panindangionnasida, nangkok ma binatang i sian banua toru marmusu dompak nasida; taluhononna ma nasida jala pusaonna.ᯀᯰᯎᯬ ᯑᯮᯰ ᯑᯪᯇᯖᯮᯞᯘᯮ᯲ ᯉᯘᯪᯑ ᯇᯉᯉᯪ᯲ᯑᯎᯪᯀᯉᯬ᯲ᯉᯘᯪᯑ ᯉᯰᯄ᯦ᯄ᯦ᯬ᯲ ᯔ ᯅᯪᯉᯖᯰ ᯤ ᯘᯪᯀᯉ᯲ ᯅᯉᯮᯀ ᯖᯬᯒᯮ ᯔᯔᯮᯘᯮ ᯑᯔᯬ᯲ᯇᯄ᯦᯲ ᯉᯘᯪᯑ ᯖᯞᯮᯂᯬᯉᯉᯬ᯲ᯉ ᯔ ᯉᯘᯪᯑ ᯐᯞ ᯇᯮᯘᯀᯉᯬ᯲ᯉ

11:8 Peak ma bangkenasida di alaman ni huta na balga i; ia goarna partondion Sodom dohot Misir, ai disi do naung tarpajal nang Tuhannasida i. ᯇᯩᯀᯄ᯦᯲ ᯔ ᯅᯰᯄ᯦ᯩᯉᯘᯪᯑ ᯑᯪ ᯀᯞᯔᯉ᯲ ᯉᯪ ᯂᯮᯖ ᯉ ᯅᯞ᯲ᯎ ᯤ ᯤᯀ ᯎᯬᯀᯒ᯲ᯉ ᯇᯒ᯲ᯖᯉᯬ᯲ᯑᯪᯀ ᯬ᯲ ᯘᯬᯑᯔᯬ᯲ ᯑᯬᯂᯖᯬ᯲ ᯔᯪᯘᯒᯪ᯲ ᯀᯔ ᯑᯪᯘᯪ ᯑᯬ ᯉᯀᯮᯰ ᯖᯒ᯲ᯇᯐᯞ᯲ ᯉᯰ ᯖᯮᯂᯉ᯲ᯉᯘᯪᯑ ᯤ

11:9 Dung i paberengberengon ni halak sian angka bangso dohot marga dohot hata dohot houm ma bangkenasida tonga opat ari lelengna: Ndang diloas tartanom bangkenasida. ᯑᯮᯰ ᯤ ᯇᯅᯩᯒᯰᯩᯅᯩᯒᯩᯝᯉᯬ᯲ ᯉᯪ ᯂᯞᯄ᯦᯲ ᯘᯪᯀᯉ᯲ ᯀᯰᯄ᯦ ᯅᯰᯘᯬ ᯑᯬᯂᯖᯬ᯲ ᯔᯒ᯲ᯎ ᯑᯬᯂᯖᯬ᯲ ᯂᯖ ᯑᯬᯂᯖᯬ᯲ ᯂᯬᯀᯔᯮ᯲ ᯔ ᯅᯰᯄᯩᯉᯘᯪᯑ ᯖᯬᯝ ᯀᯬᯇᯖ᯲ ᯀᯒᯪ ᯞᯩᯞᯰᯩᯉ ᯉ᯲ᯑᯰ ᯑᯪᯞᯬᯀᯘ᯲ ᯖᯒ᯲ᯖᯉᯔᯬ᯲ ᯅᯰᯄ᯦ᯉᯘᯪᯑ

11:10 Marlas ni roha ma angka pangisi ni tano i mida nasida jala mariaia, pola masitongosan silua sama nasida, ala naung dipaporsukporsuk panurirang na dua i angka pangisi ni tano i. ᯔᯒᯪᯀᯘ᯲ ᯉᯪ ᯒᯬᯂ ᯔ ᯀᯰᯄ᯦ ᯇᯝᯪᯘᯪ ᯉᯪ ᯖᯉᯬ ᯤ ᯔᯪᯑ ᯉᯘᯪᯑ ᯐᯞ ᯔᯒᯪᯀᯤᯀ ᯇᯬᯞ ᯔᯘᯪᯖᯬᯝᯬᯘᯉ᯲ ᯘᯪᯞᯮᯀ ᯘᯔ ᯉᯘᯪᯑ ᯀᯞ ᯉᯀᯮᯰ ᯑᯪᯇᯇᯒᯬ᯲ᯘᯄ᯦ᯮ᯲ᯇᯒᯬ᯲ᯘᯄ᯦ᯮ᯲ ᯇᯉᯮᯒᯪᯒᯰ ᯉ ᯑᯮᯀ ᯤ ᯀᯰᯄ᯦ ᯇᯝᯪᯘᯪ ᯉᯪ ᯖᯉᯬ ᯤ

11:11 Jadi dung salpu tonga opat ari, songgop ma tu nasida tondi hangoluan na sian Debata, gabe diojakkon ma patnasida, jadi lalu ma hatahuton godang tu angka na marnida nasida. ᯐᯑᯪ ᯑᯮᯰ ᯘᯞ᯲ᯇᯮ ᯖᯬᯝ ᯀᯬᯇᯖ᯲ ᯀᯒᯪ ᯘᯰᯬᯎᯇᯬ᯲ ᯔ ᯖᯮ ᯉᯘᯪᯑ ᯖᯉᯬ᯲ᯑᯪ ᯂᯝᯬᯞᯮᯀᯉ᯲ ᯉ ᯘᯪᯀᯉ᯲ ᯑᯩᯅᯖ ᯎᯅᯩ ᯑᯪᯀᯬᯐᯄ᯦᯲ᯂᯉᯬ᯲ ᯔ ᯇᯖ᯲ ᯉᯘᯪᯑ ᯐᯑᯪ ᯞᯞᯮ ᯔ ᯂᯖᯂᯮᯖᯉᯬ᯲ ᯎᯬᯑᯰ ᯖᯮ ᯀᯰᯄ᯦ ᯉ ᯔᯒ᯲ᯉᯪᯑ ᯉᯘᯪᯑ

11:12 Jala dibege nasida ma soara na gogo sian banua ginjang, na mandok tu nasida: Manaek ma hamu tuson! Dung i manaek ma nasida di bagasan ombun tu banua ginjang, dipanotnoti angka musunasida. ᯐᯞ ᯑᯪᯅᯩᯎᯩ ᯉᯘᯪᯑ ᯔ ᯘᯬᯀᯒ ᯉ ᯎᯬᯎᯬ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯉ ᯔᯉ᯲ᯑᯄ᯦ᯬ᯲ ᯖᯮ ᯉᯘᯪᯑ ᯔᯉᯀᯄᯩ᯲ ᯔ ᯂᯔᯮ ᯖᯮ ᯘᯉᯬ᯲ ᯝᯮᯰ ᯤ ᯔᯉᯀᯄᯩ᯲ ᯔ ᯉᯘᯪᯑ ᯑᯪ ᯅᯎᯘᯉ᯲ ᯀᯔᯬ᯲ᯅᯉᯮ᯲ ᯖᯮ ᯅᯉᯮᯀ ᯎᯉᯪ᯲ᯐᯰ ᯑᯪᯇᯉᯖᯬ᯲ᯉᯬᯖᯪ ᯀᯰᯄ᯦ ᯔᯮᯘᯮᯉᯘᯪᯑ

11:13 Jadi di na sangombas i masa ma lalo bolon, marumpak ma saparsampulu ni huta i, mate ma di lalo i pitu ribu jolma, gabe mabiar ma angka na tading i, dipasangap ma Debata na di banua ginjang i. ᯐᯑᯪ ᯑᯪ ᯉ ᯘᯝᯔᯬ᯲ᯅᯘ᯲ ᯤ ᯔᯘ ᯔ ᯞᯞᯬ ᯅᯬᯞᯉᯬ᯲ ᯔᯒᯔᯮ᯲ᯇᯄ᯦᯲ ᯔ ᯘᯇᯒ᯲ᯘᯔ᯲ᯇᯮᯞᯮ ᯉᯪ ᯂᯮᯖ ᯤ ᯔᯖᯩ ᯔ ᯑᯪ ᯞᯞᯬ ᯤ ᯇᯪᯖᯮ ᯒᯪᯅᯮ ᯐᯞᯬ᯲ᯔ ᯎᯅᯩ ᯔᯅᯪᯀᯒ᯲ ᯔ ᯀᯰᯄ᯦ ᯉ ᯖᯑᯰᯪ ᯤ ᯑᯪᯇᯘᯝᯇ᯲ ᯔ ᯑᯩᯅᯖ ᯉ ᯑᯪ ᯅᯉᯮᯀ ᯎᯉᯪ᯲ᯐᯰ

11:14 Nunga salpu jea na paduahon; tibu ma ro jea na patoluhon! ᯉᯮᯝ ᯘᯞ᯲ᯇᯮ ᯐᯩᯀ ᯉ ᯇᯑᯮᯀᯂᯉᯬ᯲ ᯖᯪᯅᯮ ᯔ ᯒᯬ ᯐᯩᯀ ᯉ ᯇᯖᯬᯞᯮᯂᯉᯬ᯲

11:15 Dung i dipalu surusuruan na papituhon ma sarunena; jadi masa ma soara na gogo di banua ginjang, angka dipandok: Nunga sahat tu Tuhanta i dohot tu Kristusna i harajaon ni hasiangan on; bangkit Raja ma Ibana ro di salelenglelengna! ᯑᯮᯰ ᯤ ᯑᯪᯇᯞᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯇᯪᯖᯮᯂᯬ᯲ ᯔ ᯘᯒᯮᯉᯩᯉ ᯐᯑᯪ ᯔᯘ ᯔ ᯘᯬᯀᯒ ᯉ ᯎᯬᯎᯬ ᯑᯪ ᯅᯉᯮᯀ ᯎᯉᯪ᯲ᯐᯰ ᯀᯰᯄ᯦ ᯑᯪᯇᯉ᯲ᯑᯄ᯦ᯬ᯲ ᯉᯮᯝ ᯘᯂᯖ᯲ ᯖᯮ ᯖᯮᯂᯉ᯲ᯖ ᯤ ᯑᯬᯂᯖᯬ᯲ ᯖᯮ ᯄ᯦᯲ᯒᯘᯪ᯲ᯖᯘᯮ᯲ ᯤ ᯂᯒᯐᯀᯉᯬ᯲ ᯉᯪ ᯂᯘᯪᯀᯝᯉ᯲ ᯀᯉᯬ᯲ ᯅᯰᯄ᯦ᯖᯪ᯲ ᯎᯐ ᯔ ᯤᯅᯉ ᯒᯞ ᯑᯪ ᯘᯞᯩᯞᯰᯩᯞᯩᯞᯰᯩᯉ

11:16 Ia sintua na duapulu opat na di adopan ni Debata, angka na masihunduli habangsana be, dipatungkap ma bohinasida huhut disomba ma Debata. ᯤᯀ ᯘᯉᯪ᯲ᯖᯮᯀ ᯉ ᯑᯮᯀᯇᯮᯞᯮ ᯀᯬᯇᯖ᯲ ᯉ ᯑᯪ ᯀᯑᯬᯇᯉ᯲ ᯉᯪ ᯑᯩᯅᯖ ᯀᯰᯄ᯦ ᯉ ᯔᯘᯪᯂᯉᯮ᯲ᯑᯮᯞᯪ ᯂᯅᯰᯘᯉ ᯅᯩ ᯑᯪᯇᯖᯮᯰᯄ᯦ᯇ᯲ ᯔ ᯅᯬᯂᯪᯉᯘᯪᯑ ᯂᯮᯂᯖᯮ᯲ ᯑᯪᯘᯔᯬ᯲ᯅ ᯔ ᯑᯩᯅᯖ

11:17 Ninna nasida ma: Na mandok mauliate do hami tu Ho, ale Tuhan Debata, Sigomgom saluhutna, na mangolu nuaeng nang najolo, ala naung dialithon Ho hagogoonmu na balga i, jala ala naung bangkit Raja Ho! ᯉᯉᯪ᯲ᯉ ᯉᯘᯪᯑ ᯔ ᯉ ᯔᯉ᯲ᯑᯄ᯦ᯬ᯲ ᯔᯥᯞᯪᯀᯖᯩ ᯑᯬ ᯂᯔᯪ ᯖᯮ ᯂᯬ ᯀᯞᯩ ᯖᯮᯂᯉ᯲ ᯑᯩᯅᯖ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ ᯉ ᯔᯝᯬᯞᯮ ᯉᯮᯀᯀᯰᯩ ᯉᯰ ᯉ ᯐᯬᯞᯬ ᯀᯞ ᯉᯀᯮᯰ ᯑᯪᯀᯞᯖᯪ᯲ᯂᯉᯬ᯲ ᯂᯬ ᯂᯎᯬᯎᯬᯀᯉᯬ᯲ᯔᯮ ᯉ ᯅᯞ᯲ᯎ ᯤ ᯐᯞ ᯀᯞ ᯉᯀᯮᯰ ᯅᯰᯄᯖᯪ᯲ ᯒᯐ ᯂᯬ

11:18 Nunga tarrimas angka bangso, gabe ro ma rimasmu, dapot ma tingki ni angka naung mate asa niuhuman, huhut mangalehon upa tu angka naposom, i ma angka panurirang i dohot angka na badia, angka na mangkabiari Goarmu, angka na metmet ro di angka na balga, huhut mangago angka na mangago tano i. ᯉᯮᯝ ᯖᯒ᯲ᯒᯪᯔᯘ᯲ ᯀᯰᯄ᯦ ᯅᯰᯘᯬ ᯎᯅᯩ ᯒᯬ ᯔ ᯒᯪᯔᯘ᯲ᯔᯮ ᯑᯇᯖᯬ᯲ ᯔ ᯖᯰᯪᯄ᯦ᯪ ᯉᯪ ᯀᯰᯄ᯦ ᯉᯀᯮᯰ ᯔᯖᯩ ᯀᯘ ᯉᯪᯥᯂᯮᯔᯉ᯲ ᯂᯮᯂᯖᯮ᯲ ᯔᯝᯞᯩᯂᯉᯬ᯲ ᯥᯇ ᯖᯮ ᯀᯰᯄ᯦ ᯉᯇᯬᯘᯔᯬ᯲ ᯤ ᯔ ᯀᯰᯄ᯦ ᯇᯉᯮᯒᯪᯒᯰ ᯤ ᯑᯬᯂᯖᯬ᯲ ᯀᯰᯄ᯦ ᯉ ᯅᯑᯪᯀ ᯀᯰᯄ᯦ ᯉ ᯔᯰᯄ᯦ᯅᯪᯀᯒᯪ ᯎᯬᯀᯒ᯲ᯔᯮ ᯀᯰᯄ᯦ ᯔ ᯔᯖᯩ᯲ᯔᯖᯩ᯲ ᯒᯬ ᯑᯪ ᯀᯰᯄ᯦ ᯉ ᯅᯞ᯲ᯎ ᯂᯮᯂᯖᯮ᯲ ᯔᯝᯎᯬ ᯀᯰᯄ᯦ ᯉ ᯔᯝᯎᯬ ᯖᯉᯬ ᯤ

11:19 Dung i tarungkap ma joro ni Debata na di banua ginjang i, gabe tarida ma poti parpadananna di jorona i, jadi masa ma angka hilap dohot soara, ronggur dohot lalo, nang ambolas na balga. ᯑᯮᯰ ᯤ ᯖᯒᯮᯰᯄ᯦ᯇ᯲ ᯔ ᯐᯬᯒᯬ ᯉᯪ ᯑᯩᯅᯖ ᯉ ᯑᯪ ᯅᯉᯮᯀ ᯎᯉᯪ᯲ᯐᯰ ᯤ ᯎᯅᯩ ᯖᯒᯪᯑ ᯔ ᯇᯬᯖᯪ ᯇᯒ᯲ᯇᯑᯉᯉ᯲ᯉ ᯑᯪ ᯐᯬᯒᯬᯉ ᯤ ᯐᯑᯪ ᯔᯘ ᯔ ᯀᯰᯄ᯦ ᯂᯪᯞᯇ᯲ ᯑᯬᯂᯖᯬ᯲ ᯘᯬᯀᯒ ᯒᯰᯬᯎᯒᯮ᯲ ᯑᯬᯂᯖᯬ᯲ ᯞᯞᯬ ᯉᯰ ᯀᯔ᯲ᯅᯬᯞᯘ᯲ ᯉ ᯅᯞ᯲ᯎ

Pangungkapon ᯇᯝᯮᯰᯄ᯦ᯇᯉᯬ᯲ 12

12:1 Dung i tarida ma partinandaan na balga di langit: I ma sada boruboru, na maruloshon mata ni ari, bulan i do ditoru ni patna, sampuludua bintang do tumpal ni uluna. ᯑᯮᯰ ᯤ ᯖᯒᯪᯑ ᯔ ᯇᯒ᯲ᯖᯪᯉᯉ᯲ᯑᯀᯉ᯲ ᯉ ᯅᯞ᯲ᯎ ᯑᯪ ᯞᯝᯖᯪ᯲ ᯤ ᯔ ᯘᯑ ᯅᯬᯒᯮᯅᯬᯒᯮ ᯉ ᯔᯒᯮᯞᯘᯬ᯲ᯂᯉᯬ᯲ᯔᯖ ᯉᯪ ᯀᯒᯪ ᯅᯮᯞᯉ᯲ ᯤ ᯑᯬ ᯑᯪᯖᯬᯒᯮ ᯉᯪ ᯇᯖ᯲ᯉ ᯘᯔ᯲ᯇᯮᯞᯮᯑᯮᯀ ᯅᯉᯪ᯲ᯖᯰ ᯑᯬ ᯖᯔᯮ᯲ᯇᯞ᯲ ᯉᯪ ᯥᯞᯮᯉ

12:2 Na gabegabean do ibana, jala mangangguhi, ai pambebeonna do tongon jala mangae laho mangintubu. ᯉ ᯎᯅᯩᯎᯅᯩᯀᯉ᯲ ᯑᯬ ᯤᯅᯉ ᯐᯞ ᯔᯝᯰᯎᯮᯂᯪ ᯀᯤ ᯇᯔ᯲ᯅᯩᯅᯩᯀᯉᯬ᯲ ᯑᯬ ᯖᯬᯝᯉᯬ᯲ ᯐᯞ ᯔᯝᯀᯩ ᯞᯂᯬ ᯔᯝᯉᯪ᯲ᯖᯮᯅᯮ

12:3 Dung i tarida ma partinandaan na asing di langit, i ma sada naga na bolon songon api; pitu do uluna, sampulu tandukna, pitu tumpal harajaon di angka uluna i. ᯑᯮᯰ ᯤ ᯖᯒᯪᯑ ᯔ ᯇᯒ᯲ᯖᯪᯉᯉ᯲ᯑᯀᯉ᯲ ᯉ ᯀᯘᯰᯪ ᯑᯪ ᯞᯝᯖᯬ᯲ ᯤ ᯔ ᯘᯑ ᯉᯎ ᯉ ᯅᯬᯞᯉᯬ᯲ ᯘᯬᯝᯉᯬ᯲ ᯀᯇᯪ ᯇᯪᯖᯮ ᯑᯬ ᯥᯞᯮᯉ ᯘᯔ᯲ᯇᯮᯞᯮ ᯖᯉ᯲ᯑᯄ᯦ᯮ᯲ᯉ ᯇᯪᯖᯮ ᯖᯔᯮ᯲ᯇᯞ᯲ ᯂᯒᯐᯀᯉᯬ᯲ ᯑᯪ ᯀᯰᯄ᯦ ᯥᯞᯮᯉ ᯤ

12:4 Jadi disarat ihurna i sapartolu ni angka bintang na di langit i, gabe didabu tu tano i. Jadi jongjong ma naga i di jolo ni boruboru, na naeng mangintubu, asa bondutonna posoposona, dung tubu. ᯐᯑᯪ ᯑᯪᯘᯒᯖ᯲ ᯤᯂᯒᯮ᯲ᯉ ᯤ ᯘᯇᯒ᯲ᯖᯬᯞᯮ ᯉᯪ ᯀᯰᯄ᯦ ᯅᯉᯪ᯲ᯖᯰ ᯉ ᯑᯪ ᯞᯝᯖᯪ᯲ ᯤ ᯎᯅᯩ ᯑᯪ ᯑᯅᯮ ᯖᯮ ᯖᯉᯬ ᯤ ᯐᯑᯪ ᯐᯰᯬᯐᯰᯬ ᯔ ᯉᯎ ᯤ ᯑᯪ ᯐᯬᯞᯬ ᯉᯪ ᯅᯬᯒᯮᯅᯬᯒᯮ ᯉ ᯉᯀᯰᯩ ᯔᯝᯉᯪ᯲ᯖᯮᯅᯮ ᯀᯘ ᯅᯉᯬ᯲ᯑᯮᯖᯉᯬ᯲ᯉ ᯇᯬᯘᯬᯇᯬᯘᯬᯉ ᯑᯮᯰ ᯖᯮᯅᯮ

12:5 Dung i ditubuhon ma posoposo baoa, na naeng marmahanhon sogot nasa bangso marhitehite tungkot bosi. Jadi tarhinsat ma anakna i tu adopan ni Debata dohot tu habangsana. ᯑᯮᯰ ᯤ ᯑᯪᯖᯮᯅᯮᯂᯉᯬ᯲ ᯔ ᯇᯬᯘᯬᯇᯬᯘᯬ ᯅᯀᯬᯀ ᯉ ᯉᯀᯰᯩ ᯔᯒ᯲ᯔᯂᯉ᯲ᯂᯉᯬ᯲ ᯘᯬᯎᯖᯬ᯲ ᯉᯘ ᯅᯰᯘᯬ ᯔᯒ᯲ᯂᯪᯖᯩᯂᯪᯖᯩ ᯖᯮᯰᯄ᯦ᯖᯬ᯲ ᯅᯬᯘᯪ ᯐᯑᯪ ᯖᯒ᯲ᯂᯉᯪ᯲ᯘᯖ᯲ ᯔ ᯀᯉᯄ᯦᯲ᯉ ᯤ ᯖᯮ ᯀᯑᯬᯇᯉ᯲ ᯉᯪ ᯑᯩᯅᯖ ᯑᯬᯂᯖᯬ᯲ ᯖᯮ ᯂᯅᯰᯘᯉ

12:6 Na maporus do boruboru i tu halongonan, tu ingananna na pinarade ni Debata, asa disi dipatureture leleng ni saribu duaratus onompulu ari. ᯉ ᯔᯇᯬᯒᯘᯮ᯲ ᯑᯬ ᯅᯬᯒᯮᯅᯬᯒᯮ ᯤ ᯖᯮ ᯂᯞᯬᯝᯇᯉᯉ᯲ ᯖᯮ ᯤᯝᯉᯉ᯲ ᯉ ᯇᯪᯉᯒᯑᯩ ᯉᯪ ᯑᯩᯅᯖ ᯀᯘ ᯑᯪᯘᯪ ᯑᯪᯇᯖᯮᯒᯩᯖᯮᯒᯩ ᯞᯩᯞᯰᯩ ᯉᯪ ᯘᯒᯪᯅᯮ ᯑᯮᯀᯒᯖᯘᯮ᯲ ᯀᯬᯉᯔᯬ᯲ᯇᯮᯞᯮ ᯀᯒᯪ

12:7 Dung i masa ma hamusuon di banua ginjang, martongtang ma Mikhael rap dohot angka surusuruanna dompak naga i. Marmusu ma nang naga i rap dohot angka surusuruanna. ᯑᯮᯰ ᯤ ᯔᯘ ᯔ ᯂᯔᯮᯘᯮᯀᯉᯬ᯲ ᯑᯪ ᯅᯉᯮᯀ ᯎᯉᯪ᯲ᯐᯰ ᯔᯒ᯲ᯖᯉᯬ᯲ᯖᯰ ᯔ ᯔᯪᯄ᯦᯲ᯂᯀᯞᯩ᯲ ᯒᯇ᯲ ᯑᯬᯂᯖᯬ᯲ ᯀᯰᯄ᯦ ᯘᯮᯒᯮᯘᯮᯒᯮᯀᯉ᯲ᯉ ᯑᯔᯬ᯲ᯇᯄ᯦᯲ ᯉᯎ ᯤ ᯔᯖ᯲ᯔᯮᯘᯮ ᯔ ᯉᯰ ᯉᯎ ᯤ ᯒᯇ᯲ ᯑᯬᯂᯖᯬ᯲ ᯀᯰᯄ᯦ ᯘᯮᯒᯮᯘᯮᯒᯮᯀᯉ᯲ᯉ

12:8 Alai ndang manahan nasida; ndang be dapot inganannasida di banua ginjang. ᯀᯞᯤ ᯉ᯲ᯑᯰ ᯔᯉᯂᯉ᯲ ᯉᯘᯪᯑ ᯉ᯲ᯑᯰ ᯅᯩ ᯑᯇᯖᯬ᯲ ᯤᯝᯉᯉ᯲ᯉᯘᯪᯑ ᯑᯪ ᯅᯉᯮᯀ ᯎᯉᯪ᯲ᯐᯰ

12:9 Jadi dipabali ma naga na balga i, ulok na robi i, na margoar sibolis dohot setan, na paotootohon liat portibi on, dipabali ma ibana tu tano i, dipabali ma nang angka surusuruanna raphon ibana. ᯐᯑᯪ ᯑᯪᯇᯅᯞᯪ ᯔ ᯉᯎ ᯉ ᯅᯞ᯲ᯎ ᯤ ᯦᯦ᯥᯞᯄ᯦ᯬ᯲ ᯉ ᯒᯬᯅᯪ ᯤ ᯉ ᯔᯒ᯲ᯎᯬᯀᯒ᯲ ᯘᯪᯅᯬᯞᯘᯪ᯲ ᯑᯬᯂᯖᯬ᯲ ᯘᯩᯖᯉ᯲ ᯉ ᯇᯀᯬᯖᯬᯀᯬᯖᯬᯂᯉᯬ᯲ ᯞᯪᯀᯖ᯲ ᯇᯒᯬ᯲ᯖᯪᯅᯪ ᯀᯉᯬ᯲ ᯑᯪᯇᯅᯞᯪ ᯔ ᯤᯅᯉ ᯖᯮ ᯖᯉᯬ ᯤ ᯑᯪᯇᯅᯞᯪ ᯔ ᯉᯰ ᯀᯰᯄ᯦ ᯘᯮᯒᯮᯘᯮᯒᯮᯀᯉ᯲ᯉ ᯒᯇ᯲ᯂᯉᯬ᯲ ᯤᯅᯉ

12:10 Dung i hubege ma soara na gogo di banua ginjang, na mandok: Nunga sahat nuaeng haluaon dohot hagogoon dohot harajaon ni Debatanta dohot hamuliaon ni Kristusna; ai nunga dipabali pangasung i, na mangasungi angka hahaangginta arian dohot borngin di jolo ni Debata ᯑᯮᯰ ᯤ ᯂᯮᯅᯩᯎᯩ ᯔ ᯘᯬᯀᯒ ᯉ ᯎᯬᯎᯬ ᯑᯪ ᯅᯉᯮᯀ ᯎᯉᯪ᯲ᯐᯰ ᯉ ᯔᯉ᯲ᯑᯂᯬ᯲ ᯉᯮᯝ ᯘᯂᯖ᯲ ᯉᯮᯀᯀᯰᯩ ᯂᯞᯮᯀᯀᯉᯬ᯲ ᯑᯬᯂᯖᯬ᯲ ᯂᯎᯬᯎᯬᯀᯉᯬ᯲ ᯑᯬᯂᯖᯬ᯲ ᯂᯒᯐᯀᯉᯬ᯲ ᯉᯪ ᯑᯩᯅᯖᯉ᯲ᯖ ᯑᯬᯂᯖᯬ᯲ ᯂᯔᯮᯞᯪᯀᯀᯉᯬ᯲ ᯉᯪ ᯄ᯦᯲ᯒᯘᯪ᯲ᯖᯘᯮ᯲ ᯀᯤ ᯉᯮᯝ ᯑᯪᯇᯅᯞᯪ ᯇᯝᯘᯮᯰ ᯤ ᯉ ᯔᯝᯘᯮᯝᯪ ᯀᯰᯄ᯦ ᯂᯂᯀᯰᯎᯉᯪ᯲ᯖ ᯀᯒᯪᯀᯉ᯲ ᯑᯬᯂᯖᯬ᯲ ᯅᯒᯬ᯲ᯝᯉᯪ᯲ ᯑᯪ ᯐᯬᯞᯬ ᯉᯪ ᯑᯩᯅᯖ

12:11 Nunga ditaluhon nasida ibana hinorhon ni mudar ni Birubiru i dohot hinorhon ni hata na hinatindangkonnasida; ndang diparhamaol nasida hosanasida rasirasa mate. ᯉᯮᯝ ᯑᯪᯖᯞᯮᯂᯉᯬ᯲ ᯉᯘᯪᯑ ᯤᯅᯉ ᯂᯪᯉᯒᯬ᯲ᯂᯉᯬ᯲ ᯉᯪ ᯔᯮᯑᯒ᯲ ᯉᯪ ᯅᯪᯒᯮᯅᯪᯒᯮ ᯤ ᯑᯬᯂᯖᯬ᯲ ᯂᯪᯉᯒᯬ᯲ᯂᯉᯬ᯲ ᯉᯪ ᯂᯖ ᯉ ᯂᯪᯉᯖᯉᯪ᯲ᯑᯰᯄ᯦ᯉᯬ᯲ᯉᯘᯪᯑ ᯉ᯲ᯑᯰ ᯑᯪᯇᯒ᯲ᯂᯔᯀᯞᯬ᯲ ᯉᯘᯪᯑ ᯂᯬᯘᯉᯘᯪᯑ ᯒᯘᯪᯒᯘ ᯔᯖᯩ

12:12 Dibahen i marlas ni roha ma hamu, angka banua ginjang dohot pangisina! Marjea ma tano i dohot laut, ai nunga tuat sibolis i tu hamu, marrimas situtu; ai diboto, otik nama tingkina! ᯑᯪᯅᯂᯉᯩ᯲ ᯤ ᯔᯒ᯲ᯞᯘ᯲ ᯉᯪ ᯒᯬᯂ ᯔ ᯂᯔᯮ ᯀᯰᯄ᯦ ᯅᯉᯮᯀ ᯎᯉᯪ᯲ᯐᯰ ᯑᯬᯂᯖᯬ᯲ ᯇᯝᯪᯘᯪᯉ ᯔᯒ᯲ᯐᯩᯀ ᯔ ᯖᯉᯬ ᯤ ᯑᯬᯂᯖᯬ᯲ ᯞᯀᯖᯮ᯲ ᯀᯤ ᯉᯮᯝ ᯖᯮᯀᯖ᯲ ᯘᯪᯅᯬᯞᯘᯪ᯲ ᯖᯮ ᯂᯔᯮ ᯔᯒ᯲ᯒᯪᯔᯘ᯲ ᯘᯪᯖᯮᯖᯮ ᯀᯤ ᯑᯪᯅᯬᯖᯬ ᯀᯬᯖᯄ᯦ᯪ᯲ ᯉᯔ ᯖᯰᯪᯄ᯦ᯪᯉ

12:13 Alai dung diida naga i, naung bali ibana tu tano, dilele ma boruboru na tumubuhon anak i. ᯀᯞᯤ ᯑᯮᯰ ᯑᯪᯤᯑ ᯉᯎ ᯤ ᯉᯀᯮᯰ ᯅᯞᯪ ᯤᯅᯉ ᯖᯮ ᯖᯉᯬ ᯑᯪᯞᯩᯞᯩ ᯔ ᯅᯬᯒᯮᯅᯬᯒᯮ ᯉ ᯖᯮᯔᯮᯅᯮᯂᯉᯬ᯲ ᯀᯉᯄ᯦᯲ ᯤ

12:14 Gabe dilehon ma tu boruboru i dua habonghabong ni pidong raja ualu na balga i, asa habang tu ingananna di halongonan, asa disi dipatureture sangombas dohot dua ngombas dohot satonga ombas, holang sian adopan ni ulok i. ᯎᯅᯩ ᯑᯪᯞᯩᯂᯉᯬ᯲ ᯔ ᯖᯮ ᯅᯬᯒᯮᯅᯬᯒᯮ ᯤ ᯑᯮᯀ ᯂᯅᯰᯬᯂᯅᯰᯬ ᯉᯪ ᯇᯪᯑᯰᯬ ᯒᯐ ᯥᯀᯞᯮ ᯉ ᯅᯞ᯲ᯎ ᯤ ᯀᯘ ᯂᯅᯰ ᯖᯮ ᯤᯝᯉᯉ᯲ᯉ ᯑᯪ ᯂᯞᯬᯝᯬᯉᯉ᯲ ᯀᯘ ᯑᯪᯘᯪ ᯑᯪᯇᯖᯮᯒᯩᯖᯮᯒᯩ ᯘᯝᯔᯬ᯲ᯅᯘ᯲ ᯑᯬᯂᯖᯬ᯲ ᯑᯮᯀ ᯝᯔᯬ᯲ᯅᯘ᯲ ᯑᯬᯂᯖᯬ᯲ ᯘᯖᯬᯝ ᯀᯔᯬ᯲ᯅᯘ᯲ ᯂᯬᯞᯰ ᯘᯪᯀᯉ᯲ ᯀᯑᯬᯇᯉ᯲ ᯉᯪ ᯥᯞᯄ᯦ᯬ᯲ ᯤ

12:15 Ia ulok i, dibursikkon do sian babana aek na sabatang aek sian pudi ni boruboru i, anggiat diauphon batang aek i ibana. ᯤᯀ ᯥᯞᯄ᯦ᯬ᯲ ᯤ ᯑᯪᯅᯒᯮ᯲ᯘᯄ᯦ᯪ᯲ᯄ᯦ᯉᯬ᯲ ᯑᯬ ᯘᯪᯀᯉ᯲ ᯅᯅᯉ ᯀᯀᯄᯩ᯲ ᯉ ᯘᯅᯖᯰ ᯀᯀᯄᯩ᯲ ᯘᯪᯀᯉ᯲ ᯇᯮᯑᯪ ᯉᯪ ᯅᯬᯒᯮᯅᯬᯒᯮ ᯤ ᯀᯰᯎᯪᯀᯖ᯲ ᯑᯪᯀᯀᯇᯮ᯲ᯂᯉᯬ᯲ ᯅᯖᯰ ᯀᯀᯄᯩ᯲ ᯤ ᯤᯅᯉ

12:16 Alai diurupi tano i ma boruboru i, ai dipangangang tano i do babana, dibondut do batang aek, na binursikkon ni naga i sian babana. ᯀᯞᯤ ᯑᯪᯥᯒᯮᯇᯪ ᯖᯉᯬ ᯤ ᯔ ᯅᯬᯒᯮᯅᯬᯒᯮ ᯤ ᯀᯤ ᯑᯪᯇᯝᯝᯰ ᯖᯉᯬ ᯤ ᯑᯬ ᯅᯅᯉ ᯑᯪᯅᯉᯬ᯲ᯑᯖᯮ᯲ ᯑᯬ ᯅᯖᯰ ᯀᯀᯄᯩ᯲ ᯉ ᯅᯪᯉᯒᯮ᯲ᯘᯄ᯦ᯪ᯲ᯄ᯦ᯉᯬ᯲ ᯉᯪ ᯉᯎ ᯤ ᯘᯪᯀᯉ᯲ ᯅᯅᯉ

12:17 Jadi tarrimas ma naga i mida boruboru i, gabe laho ma ibana marmusu dompak angka pomparanna na tading i, angka na mangaradoti patik ni Debata jala marsihohot di panindangion ni Jesus. Jala didapothon ma tu pasir ni laut. ᯐᯑᯪ ᯖᯒ᯲ᯒᯪᯔᯘ᯲ ᯔ ᯉᯎ ᯤ ᯔᯪᯑ ᯅᯬᯒᯮᯅᯬᯒᯮ ᯤ ᯎᯅᯩ ᯞᯂᯬ ᯔ ᯤᯅᯉ ᯔᯒ᯲ᯔᯮᯘᯮ ᯑᯔᯬ᯲ᯇᯄ᯦᯲ ᯀᯰᯄ᯦᯲ ᯇᯔᯬ᯲ᯇᯒᯉ᯲ᯉ ᯉ ᯖᯑᯰᯪ ᯤ ᯀᯰᯄ᯦ ᯉ ᯔᯝᯒᯑᯬᯖᯪ ᯇᯖᯄ᯦ᯪ᯲ ᯉᯪ ᯑᯩᯅᯖ ᯐᯞ ᯔᯒ᯲ᯘᯪᯂᯬᯂᯖᯬ᯲ ᯑᯪ ᯇᯉᯉᯪ᯲ᯑᯝᯪᯀᯉᯬ᯲ ᯉᯪ ᯐᯩᯘᯘᯮ᯲ ᯐᯞ ᯑᯪᯑᯇᯖᯬ᯲ᯂᯉᯬ᯲ ᯔ ᯖᯮ ᯇᯘᯒᯪ᯲ ᯉᯪ ᯞᯀᯖᯮ᯲

Pangungkapon ᯇᯝᯮᯰᯄ᯦ᯇᯉᯬ᯲ 13

13:1 Dung i huida ma ruar sian laut i sada binatang: Sampulu do tandukna, pitu uluna; diatas ni angka tandukna adong ma sampulu tumpal, jadi angka goar panginsahion do di angka uluna i. ᯑᯮᯰ ᯤ ᯂᯮᯤᯑ ᯔ ᯒᯮᯀᯒ᯲ ᯘᯪᯀᯉ᯲ ᯞᯖᯮ᯲ ᯤ ᯘᯑ ᯅᯪᯉᯖᯰ ᯘᯔ᯲ᯇᯮᯞᯮ ᯑᯬ ᯖᯉ᯲ᯑᯄ᯦ᯮ᯲ᯉ ᯇᯪᯖᯮ ᯥᯞᯮᯉ ᯑᯪ ᯀᯖᯘ᯲ ᯉᯪ ᯀᯰᯄ᯦ ᯖᯉ᯲ᯑᯄ᯦ᯮ᯲ᯉ ᯀᯑᯰᯬ ᯔ ᯘᯔ᯲ᯇᯮᯞᯮ ᯖᯔᯮ᯲ᯇᯞ᯲ ᯐᯑᯪ ᯀᯰᯄ᯦ ᯎᯬᯀᯒ᯲ ᯇᯝᯉᯪ᯲ᯘᯂᯪᯀᯉᯬ᯲ ᯑᯬ ᯑᯪ ᯀᯰᯄ᯦ ᯥᯞᯮᯉ ᯤ

13:2 Suman tu babiat do binatang i huida, patna songon pat ni gompul, babana songon baba ni singa; jadi dilehon naga i ma tu ibana gogona nang habangsana dohot sahala godang. ᯘᯮᯔᯉ᯲ ᯖᯮ ᯅᯅᯪᯀᯖ᯲ ᯑᯬ ᯅᯪᯉᯖᯰ ᯤ ᯂᯮᯤᯑ ᯇᯖ᯲ᯉ ᯘᯬᯝᯉᯬ᯲ ᯇᯖ᯲ ᯉᯪ ᯎᯔᯬ᯲ᯇᯞᯮ᯲ ᯅᯅᯉ ᯘᯬᯝᯉᯬ᯲ ᯅᯅ ᯉᯪ ᯘᯪᯝ ᯐᯑᯪ ᯑᯪᯞᯩᯂᯉᯬ᯲ ᯉᯎ ᯤ ᯔ ᯖᯮ ᯤᯅᯉ ᯎᯬᯎᯬᯉ ᯉᯰ ᯂᯅᯰᯘᯉ ᯑᯬᯂᯖᯬ᯲ ᯘᯂᯞ ᯎᯬᯑᯰ

13:3 Dung i huida ma sian angka uluna sada naung hona tagil, sihamatehononna hian; hape gabe malum do bugangna hamatean i. Jadi longang ma liat portibi on paidaida binatang i. ᯑᯮᯰ ᯤ ᯂᯮᯤᯑ ᯔ ᯘᯪᯀᯉ᯲ ᯀᯰᯄ᯦ ᯥᯞᯮᯉ ᯘᯑ ᯉᯀᯮᯰ ᯂᯬᯉ ᯖᯎᯞᯪ᯲ ᯘᯪᯂᯔᯖᯩᯂᯬᯉᯉᯬ᯲ᯉ ᯂᯪᯀᯉ᯲ ᯂᯇᯩ ᯎᯅᯩ ᯔᯞᯔᯮ᯲ ᯑᯬ ᯅᯮᯎᯰᯉ ᯂᯔᯖᯩᯀᯉ᯲ ᯤ ᯐᯑᯪ ᯞᯬᯝᯰ ᯔ ᯞᯪᯀᯖ᯲ ᯇᯒᯬ᯲ᯖᯪᯅᯪ ᯀᯉᯬ᯲ ᯇᯤᯑᯤᯑ ᯅᯪᯉᯖᯰ ᯤ

13:4 Gabe disomba nasida ma naga i, ala ibana mangalehon sahala tu binatang i; laos disomba ma binatang i, angka ninna ma: Ise ma tudos tu binatang i; ise tarbahen marmusu dompak ibana? ᯎᯅᯩ ᯑᯪᯘᯔᯬ᯲ᯅ ᯉᯘᯪᯑ ᯔ ᯉᯎ ᯤ ᯀᯞ ᯤᯅᯉ ᯔᯝᯞᯩᯂᯉᯬ᯲ ᯘᯂᯞ ᯖᯮ ᯅᯪᯉᯖᯰ ᯤ ᯞᯀᯘᯬ᯲ ᯑᯪᯘᯔ᯲ᯅ ᯔ ᯅᯪᯉᯖᯰ ᯤ ᯀᯰᯄ᯦ ᯉᯉᯪ᯲ᯉ ᯔ ᯤᯘᯩ ᯔ ᯖᯮᯑᯘᯬ᯲ ᯖᯮ ᯅᯪᯉᯖᯰ ᯤ ᯤᯘᯩ ᯖᯒ᯲ᯅᯂᯉᯩ᯲ ᯔᯔᯮᯘᯮ ᯑᯔᯬ᯲ᯇᯄ᯦᯲ ᯤᯅᯉ

13:5 Dung i dilehon ma tu ibana soara mangkatahon hata na balga dohot panginsahion, jala dilehon tu ibana huaso mangulahonsa leleng ni opatpulu dua bulan. ᯑᯮᯰ ᯤ ᯑᯪᯞᯩᯂᯉᯬ᯲ ᯔ ᯖᯮ ᯤᯅᯉ ᯘᯬᯀᯒ ᯔᯰᯄ᯦ᯖᯂᯉᯬ᯲ ᯂᯖ ᯉ ᯅᯞ᯲ᯎ ᯑᯬᯂᯖᯬ᯲ ᯇᯝᯉᯪ᯲ᯘᯂᯪᯀᯉᯬ᯲ ᯐᯞ ᯑᯪᯞᯩᯂᯉᯬ᯲ ᯖᯮ ᯤᯅᯉ ᯂᯮᯀᯘᯬ ᯔᯝᯮᯞᯂᯉᯬ᯲ᯘ ᯞᯩᯞᯰᯩ ᯉᯪ ᯀᯬᯇᯖ᯲ᯇᯮᯞᯮ ᯑᯮᯀ ᯅᯮᯞᯉ᯲

13:6 Gabe dibungka ma pamanganna manginsahi Debata, manginsahi Goarna dohot jorona, ro di angka na maringanan di banua ginjang. ᯎᯅᯩ ᯑᯪᯅᯮᯰᯄ᯦ ᯔ ᯇᯔᯝᯉ᯲ᯉ ᯔᯝᯉᯪ᯲ᯘᯂᯪ ᯑᯩᯅᯖ ᯔᯝᯉᯪ᯲ᯘᯂᯪ ᯎᯬᯀᯒ᯲ᯉ ᯑᯬᯂᯖᯬ᯲ ᯐᯬᯒᯬᯉ ᯒᯬ ᯑᯪ ᯀᯰᯄ᯦ ᯉ ᯔᯒᯪᯝᯉᯉ᯲ ᯑᯪ ᯅᯉᯮᯀ ᯎᯉᯪ᯲ᯐᯰ

13:7 Jadi dilehon ma tu ibana huaso, marmusu dompak angka na badia ro di na manaluhon nasida; laos dilehon tu ibana sahala manggomgomi saluhut marga dohot houm dohot hata dohot bangso. ᯐᯑᯪ ᯑᯪᯞᯩᯂᯉᯬ᯲ ᯔ ᯖᯮ ᯤᯅᯉ ᯂᯮᯀᯘᯬ ᯔᯔᯮᯘᯮ ᯑᯔᯬ᯲ᯇᯄ᯦᯲ ᯀᯰᯄ᯦ ᯉ ᯅᯑᯪᯀ ᯒᯬ ᯑᯪ ᯉ ᯔᯉᯞᯮᯂᯉᯬ᯲ ᯉᯘᯪᯑ ᯞᯀᯘᯬ᯲ ᯑᯪᯞᯩᯂᯉᯬ᯲ ᯖᯮ ᯤᯅᯉ ᯘᯂᯞ ᯔᯰᯎᯔᯬ᯲ᯎᯬᯔᯪ ᯘᯞᯮᯂᯖᯮ᯲ ᯔᯒ᯲ᯎ ᯑᯬᯂᯖᯬ᯲ ᯂᯬᯀᯔᯮ᯲ ᯑᯬᯂᯖᯬ᯲ ᯂᯖ ᯑᯬᯂᯖᯬ᯲ ᯅᯰᯘᯬ

13:8 Sombaon ni saluhut pangisi ni tano on ma ibana, nasa na so tarsurat goarna olat ni haoojak ni hasiangan on di buku hangoluan ni Birubiru naung tarbunu i. ᯘᯔᯬ᯲ᯅᯀᯉᯬ᯲ ᯉᯪ ᯘᯞᯮᯂᯖᯮ᯲ ᯇᯝᯪᯘᯪ ᯉᯪ ᯖᯉᯬ ᯀᯉᯬ᯲ ᯔ ᯤᯅᯉ ᯉᯘ ᯉ ᯘᯬ ᯖᯒ᯲ᯘᯮᯒᯖ᯲ ᯎᯬᯀᯒ᯲ᯉ ᯀᯬᯞᯖ᯲ ᯉᯪ ᯂᯀᯬᯀᯬᯐᯄ᯦᯲ ᯉᯪ ᯂᯘᯪᯀᯝᯉ᯲ ᯀᯉᯬ᯲ ᯑᯪ ᯅᯮᯄ᯦ᯮ ᯂᯝᯬᯞᯮᯀᯉ᯲ ᯉᯪ ᯅᯪᯒᯮᯅᯪᯒᯮ ᯉᯀᯮᯰ ᯖᯒ᯲ᯅᯮᯉᯮ ᯤ

13:9 Ganup na marpinggol, ditangihon ma! ᯎᯉᯇᯮ᯲ ᯉ ᯔᯒ᯲ᯇᯰᯪᯎᯞᯬ᯲ ᯑᯪᯖᯝᯪᯂᯉᯬ᯲ ᯔ

13:10 Nasa na martaban, ingkon tartaban do; nasa na mambunu dohot podang, ingkon mate bunuon ni podang! Disi ma jumpang habengeton dohot haporseaon ni angka na badia! ᯉᯘ ᯉ ᯔᯒ᯲ᯖᯅᯉ᯲ ᯀᯰᯪᯄ᯦ᯉᯬ᯲ ᯖᯒ᯲ᯖᯅᯉ᯲ ᯑᯬ ᯉᯘ ᯉ ᯔᯔ᯲ᯅᯮᯉᯮ ᯑᯬᯂᯖᯬ᯲ ᯇᯬᯑᯰ ᯀᯰᯪᯄ᯦ᯉᯬ᯲ ᯔᯖᯩ ᯅᯮᯉᯮᯀᯉᯬ᯲ ᯉᯪ ᯇᯬᯑᯰ ᯑᯪᯘᯪ ᯔ ᯐᯔᯮ᯲ᯇᯰ ᯂᯅᯩᯝᯩᯖᯉᯬ᯲ ᯑᯬᯂᯖᯬ᯲ ᯂᯇᯒᯬ᯲ᯘᯩᯀᯀᯉᯬ᯲ ᯉᯪ ᯀᯰᯄ᯦ ᯉ ᯅᯑᯪᯀ

13:11 Dung i huida ma binatang na asing ruar sian tano i: Dua do tandukna, songon tanduk ni birubiru; songon hata ni naga i do ia hatana. ᯑᯮᯰ ᯤ ᯂᯮᯤᯑ ᯔ ᯅᯪᯉᯖᯰ ᯉ ᯀᯘᯰᯪ ᯒᯮᯀᯒ᯲ ᯘᯪᯀᯉ᯲ ᯖᯉᯬ ᯤ ᯑᯮᯀ ᯑᯬ ᯖᯉ᯲ᯑᯄ᯦ᯮ᯲ᯉ ᯘᯬᯝᯉᯬ᯲ ᯖᯉ᯲ᯑᯄ᯦ᯮ ᯉᯪ ᯅᯪᯒᯮᯅᯪᯒᯮ ᯘᯬᯝᯉᯬ᯲ ᯂᯖ ᯉᯪ ᯉᯎ ᯤ ᯑᯬ ᯤᯀ ᯂᯖᯉ

13:12 Diulahon do nasa huaso ni binatang na parjolo i di jolona. Disuru do tano i dohot pangisina sumomba binatang na parjolo i, nampuna bugang hamatean naung gabe malum i. ᯑᯪᯥᯞᯂᯉᯬ᯲ ᯑᯬ ᯉᯘ ᯂᯮᯀᯘᯬ ᯉᯪ ᯅᯪᯉᯖᯰ ᯉ ᯇᯒ᯲ᯐᯬᯞᯬ ᯤ ᯑᯪ ᯐᯬᯞᯬᯉ ᯑᯪᯘᯮᯒᯮ ᯑᯬ ᯖᯉᯬ ᯤ ᯑᯬᯂᯖᯬ᯲ ᯇᯝᯪᯘᯪᯉ ᯘᯮᯔᯔᯬ᯲ᯅ ᯅᯪᯉᯖᯰ ᯉ ᯇᯒ᯲ᯐᯬᯞᯬ ᯤ ᯉᯔ᯲ᯇᯮᯉ ᯅᯮᯎᯰ ᯂᯔᯖᯩᯀᯉ᯲ ᯉᯀᯮᯰ ᯎᯅᯩ ᯔᯞᯔᯮ᯲ ᯤ

13:13 Diula do tanda angka na balga, pola dipatuat do api sian langit tu tano di jolo ni jolma. ᯑᯪᯥᯞ ᯑᯬ ᯖᯉ᯲ᯑ ᯀᯰᯄ᯦ ᯉ ᯅᯞ᯲ᯎ ᯇᯬᯞ ᯑᯪᯇᯖᯮᯀᯖ᯲ ᯑᯬ ᯘᯪᯀᯉ᯲ ᯞᯝᯖᯪ᯲ ᯖᯮ ᯖᯉᯬ ᯑᯪ ᯐᯬᯞᯬ ᯉᯪ ᯐᯞᯬ᯲ᯔ

13:14 Dililuhon do angka na maringanan di tano i hinorhon ni angka tanda, naung dilehon tu ibana, sipatupaonna di jolo ni binatang i, ai didokkon do angka na maringanan di tano i paulihon gombaran di binatang, naung mabugang najolo binahen ni podang, gabe mangolu. ᯑᯪᯞᯪᯞᯮᯂᯉᯬ᯲ ᯑᯬ ᯀᯰᯄ᯦ ᯉ ᯔᯒᯪᯝᯉᯉ᯲ ᯑᯪ ᯖᯉᯬ ᯤ ᯂᯪᯉᯒᯬ᯲ᯂᯉᯬ᯲ ᯉᯪ ᯀᯰᯄ᯦ ᯖᯉ᯲ᯑ ᯉᯀᯮᯰ ᯑᯪᯞᯩᯂᯉᯬ᯲ ᯖᯮ ᯤᯅᯉ ᯘᯪᯇᯖᯮᯇᯀᯉᯬ᯲ᯉ ᯑᯪ ᯐᯬᯞᯬ ᯉᯪ ᯅᯪᯉᯖᯰ ᯤ ᯀᯤ ᯑᯪᯑᯄ᯦ᯬ᯲ᯄᯉᯬ᯲ ᯑᯬ ᯀᯰᯄ᯦ ᯉ ᯔᯒᯪᯝᯉᯉ᯲ ᯑᯪ ᯖᯉᯬ ᯤ ᯇᯥᯞᯪᯂᯉᯬ᯲ ᯎᯔᯬ᯲ᯅᯒᯉ᯲ ᯉᯪ ᯅᯉᯖᯰ ᯉᯀᯮᯰ ᯔᯅᯮᯎᯰ ᯉᯐᯬᯞᯬ ᯅᯪᯉᯂᯉᯩ᯲ ᯉᯪ ᯇᯬᯑᯰ ᯎᯅᯩ ᯔᯝᯬᯞᯮ

13:15 Laos dilehon do huaso tu ibana, mangalehon hosa tu gombaran ni binatang i, gabe marsoara do gombaran ni binatang i, jala mambahen mate nasa na so sumomba gombaran ni binatang i. ᯞᯀᯘᯬ᯲ ᯑᯪᯞᯩᯂᯉᯬ᯲ ᯑᯬ ᯂᯮᯀᯘᯬ ᯖᯮ ᯤᯅᯉ ᯔᯝᯞᯩᯂᯉᯬ᯲ ᯂᯬᯘ ᯖᯪ ᯎᯔᯬ᯲ᯅᯒᯉ᯲ ᯉᯪ ᯅᯪᯉᯖᯰ ᯤ ᯎᯅᯩ ᯔᯒ᯲ᯘᯬᯀᯒ ᯑᯬ ᯎᯔᯬ᯲ᯅᯒᯉ᯲ ᯉᯪ ᯅᯪᯉᯖᯰ ᯤ ᯐᯞ ᯔᯔ᯲ᯅᯂᯉᯩ᯲ ᯔᯖᯩ ᯉᯘ ᯉ ᯘᯬ ᯘᯮᯔᯔᯬ᯲ᯅ ᯎᯔᯬ᯲ᯅᯒᯉ᯲ ᯉᯪ ᯅᯪᯉᯖᯰ ᯤ

13:16 Jadi disuru ma saluhutna, na metmet nang na magodang, na mora nang na pogos, anak mata nang hatoban, mambahen partinandaan tu tangannasida siamun manang tu pardompahannasida. ᯐᯑᯪ ᯑᯪᯘᯮᯒᯮ ᯔ ᯘᯞᯮᯂᯖᯮ᯲ᯉ ᯉ ᯔᯖᯩ᯲ᯔᯖᯩ᯲ ᯉᯰ ᯉ ᯔᯎᯬᯑᯰ ᯉ ᯔᯬᯒ ᯉᯰ ᯉ ᯇᯬᯎᯘᯬ᯲ ᯀᯉᯄ᯦᯲ ᯔᯖ ᯉᯰ ᯂᯖᯬᯅᯉ᯲ ᯔᯔ᯲ᯅᯂᯉᯩ᯲ ᯇᯒ᯲ᯖᯪᯉᯉ᯲ᯑᯀᯉ᯲ ᯖᯮ ᯖᯝᯉ᯲ᯉᯘᯪᯑ ᯘᯪᯀᯔᯉᯮ᯲ ᯔᯉᯰ ᯖᯮ ᯇᯒ᯲ᯑᯔᯬ᯲ᯇᯂᯉ᯲ ᯉᯘᯪᯑ

13:17 Asa unang tarbahen halak manuhor manang manggadis, anggo so di ibana partinandaan i, i ma goar ni binatang i manang bilangan ni goarna. ᯀᯘ ᯥᯉᯰ ᯖᯒ᯲ᯅᯂᯉᯩ᯲ ᯂᯞᯄ᯦᯲ ᯔᯉᯮᯂᯒᯬ᯲ ᯔᯉᯰ ᯔᯰᯎᯑᯘᯪ᯲ ᯀᯰᯎᯬ ᯘᯬ ᯑᯪ ᯤᯅᯉ ᯇᯒ᯲ᯖᯪᯉᯉ᯲ᯑᯀᯉ᯲ ᯤ ᯤ ᯔ ᯎᯬᯀᯒ᯲ ᯉᯪ ᯅᯪᯉᯖᯰ ᯤ ᯔᯉᯰ ᯅᯪᯞᯝᯉ᯲ ᯉᯪ ᯎᯬᯀᯒ᯲ᯉ

13:18 Dison do habisuhon! Dirajumi na marroha ma bilangan ni binatang i, ai bilangan ni jolma do i. Onomratus onompulu onom do bilangan i. ᯑᯪᯘᯉᯬ᯲ ᯑᯬ ᯂᯅᯪᯘᯮᯂᯉᯬ᯲ ᯑᯪᯒᯐᯮᯔᯪ ᯉ ᯔᯒ᯲ᯒᯬᯂ ᯔ ᯅᯪᯞᯝᯉ᯲ ᯉᯪ ᯅᯪᯉᯖᯰ ᯤ ᯀᯤ ᯅᯪᯞᯝᯉ᯲ ᯉᯪ ᯐᯞᯬ᯲ᯔ ᯑᯬ ᯤ ᯀᯬᯉᯔᯬ᯲ᯒᯖᯘᯮ᯲ ᯀᯬᯉᯔᯬ᯲ᯇᯮᯞᯮ ᯀᯬᯉᯔᯬ᯲ ᯑᯬ ᯅᯪᯞᯝᯉ᯲ ᯤ

Pangungkapon ᯇᯝᯮᯰᯄ᯦ᯇᯉᯬ᯲ 14

14:1 Dung i hubereng: Jongjong ma Birubiru i di dolok Sion, adong ma donganna saratus opatpulu opat ribu, angka naung tarsurat Goarna dohot Goar ni Amana di pardompahannasida. ᯑᯮᯰ ᯤ ᯂᯮᯅᯩᯒᯰᯩ ᯐᯰᯬᯐᯰᯬ ᯔ ᯅᯪᯒᯮᯅᯪᯒᯮ ᯤ ᯑᯪ ᯑᯬᯞᯄ᯦ᯬ᯲ ᯘᯪᯀᯉᯬ᯲ ᯀᯑᯰᯬ ᯔ ᯑᯬᯝᯉ᯲ᯉ ᯘᯒᯖᯘᯮ᯲ ᯀᯬᯇᯖ᯲ᯇᯮᯞᯮ ᯀᯬᯇᯖ᯲ ᯒᯪᯅᯮ ᯀᯰᯄ᯦ ᯉᯀᯮᯰ ᯖᯒ᯲ᯘᯮᯒᯖ᯲ ᯎᯬᯀᯒ᯲ᯉ ᯑᯬᯂᯖᯬ᯲ ᯎᯬᯀᯒ᯲ ᯉᯪ ᯀᯔᯉ ᯑᯪ ᯇᯒ᯲ᯑᯔᯬ᯲ᯇᯂᯉ᯲ᯉᯘᯪᯑ

14:2 Jadi hubege ma soara sian banua ginjang songon parhasak ni aek godang jala songon parlatas ni ronggur na gogo; ia soara na hubege i, suman nang tu parhasapion ni angka parhasapi, angka na mamalu hasapina. ᯐᯑᯪ ᯂᯮᯅᯩᯎᯩᯔ ᯘᯬᯀᯒ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯘᯬᯝᯉᯬ᯲ ᯇᯒ᯲ᯂᯘᯄ᯲ ᯉᯪ ᯀᯀᯄᯩ᯲ ᯎᯬᯑᯰ ᯐᯞ ᯘᯬᯝᯉᯬ᯲ ᯇᯒ᯲ᯞᯖᯘ᯲ ᯉᯪ ᯒᯰᯬᯎᯒᯮ᯲ ᯉ ᯎᯬᯎᯬ ᯤᯀ ᯘᯬᯀᯒ ᯉ ᯂᯮᯅᯩᯎᯩ ᯤ ᯘᯮᯔᯉ᯲ ᯉᯰ ᯖᯮ ᯇᯒ᯲ᯂᯘᯇᯪᯀᯉᯬ᯲ ᯉᯪ ᯀᯰᯄ᯦ ᯇᯒ᯲ᯂᯘᯇᯪ ᯀᯰᯄ᯦ ᯉ ᯔᯔᯞᯮ ᯂᯘᯇᯪᯉ

14:3 Diendehon nasida do ende na imbaru di jolo ni habangsa i dohot di jolo ni parngolu na opat i nang angka sintua i. Ndang targuruhon manang ise ende i, nda holan na saratus opatpulu opat ribu, angka naung ditobus sian tano i. ᯑᯪᯀᯉᯩ᯲ᯑᯩᯂᯉᯬ᯲ ᯉᯘᯪᯑ ᯑᯬ ᯀᯉᯩ᯲ᯑᯩ ᯉ ᯀᯔᯪ᯲ᯅᯒᯮ ᯑᯪ ᯐᯬᯞᯬ ᯉᯪ ᯂᯅᯰᯘ ᯤ ᯑᯪᯂᯖᯬ᯲ ᯑᯪ ᯐᯬᯞᯬ ᯉᯪ ᯇᯒ᯲ᯝᯬᯞᯮ ᯉ ᯀᯬᯇᯖ᯲ ᯤ ᯉᯰ ᯀᯰᯄ᯦ ᯘᯉᯪ᯲ᯖᯮᯀ ᯤ ᯉ᯲ᯑᯰ ᯖᯒ᯲ᯎᯮᯒᯮᯂᯉᯬ᯲ ᯔᯉᯰ ᯤᯘᯩ ᯀᯉᯩ᯲ᯑᯩ ᯤ ᯉ᯲ᯑ ᯂᯬᯞᯉ᯲ ᯉ ᯘᯒᯖᯘᯮ᯲ ᯀᯬᯇᯖ᯲ᯇᯮᯞᯮ ᯒᯪᯅᯮ ᯀᯰᯄ᯦ ᯉᯀᯮᯰ ᯑᯪᯖᯬᯅᯘᯮ᯲ ᯘᯪᯀᯉ᯲ ᯖᯉᯬ ᯤ

14:4 I ma angka na so pasaorhon dirina tu boruboru, angka na marbaju do nasida; diihuthon nasida do Birubiru i, manang tudia pe i laho. Nasida do angka na tartobus sian hajolmaon, patumonaan di Debata dohot di Birubiru i. ᯤ ᯔ ᯀᯰᯄ᯦ ᯉ ᯘᯬ ᯇᯘᯀᯒᯬ᯲ᯂᯉᯬ᯲ ᯑᯪᯒᯪᯉ ᯖᯮ ᯅᯬᯒᯮᯅᯬᯒᯮ ᯀᯰᯄ᯦ ᯉ ᯔᯒ᯲ᯅᯐᯮ ᯑᯬ ᯉᯘᯪᯑ ᯑᯪᯤᯂᯖᯮ᯲ᯂᯉᯬ᯲ ᯉᯘᯪᯑ ᯑᯬ ᯅᯪᯒᯮᯅᯪᯒᯮ ᯤ ᯔᯉᯰ ᯖᯮᯑᯪᯀ ᯇᯩ ᯞᯂᯬ ᯉᯘᯪᯑ ᯑᯬ ᯀᯰᯄ᯦ ᯉ ᯖᯒ᯲ᯖᯬᯅᯘᯮ᯲ ᯘᯪᯀᯉ᯲ ᯂᯐᯞᯬ᯲ᯔᯀᯉᯬ᯲ ᯇᯖᯮᯔᯬᯉᯀᯉ᯲ ᯑᯪ ᯝᯩᯅᯖ ᯑᯬᯂᯖᯬ᯲ ᯅᯪᯒᯮᯅᯪᯒᯮ ᯤ

14:5 Ndang adong jumpang gabus di pamangannasida; ndang adong agia aha lindangnasida. ᯉ᯲ᯑᯰ ᯀᯑᯰᯬ ᯐᯔᯮ᯲ᯇᯰ ᯎᯅᯘᯮ᯲ ᯑᯪ ᯇᯔᯝᯉ᯲ᯉᯘᯪᯑ ᯉ᯲ᯑᯰ ᯀᯑᯰᯬ ᯀᯎᯪᯀ ᯀᯂ ᯞᯉᯪ᯲ᯑᯰᯉᯘᯪᯑ

14:6 Dung i huida ma surusuruan na asing habang martongatonga langit, na umpeop barita na uli sisalelenglelengna, sibaritahononna tu angka pangisi ni tano i, tu saluhut bangso dohot marga dohot hata dohot houm. ᯑᯮᯰ ᯤ ᯂᯮᯤᯑ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯂᯅᯰ ᯔᯒ᯲ᯖᯬᯝᯖᯬᯝ ᯞᯝᯖᯪ᯲ ᯉ ᯀᯔᯮ᯲ᯇᯩᯀᯇᯬ᯲ ᯅᯒᯪᯖ ᯉ ᯥᯞᯪ ᯘᯪᯘᯞᯩᯞᯰᯩᯞᯩᯞᯰᯩᯉ ᯘᯪᯅᯒᯪᯖᯂᯬᯉᯉᯬ᯲ᯉ ᯖᯮ ᯀᯰᯄ᯦ ᯇᯝᯪᯘᯪ ᯉᯪ ᯖᯉᯬ ᯤ ᯖᯮ ᯘᯞᯮᯂᯖᯮ᯲ ᯅᯰᯘᯬ ᯑᯬᯂᯖᯬ᯲ ᯔᯒ᯲ᯎ ᯑᯬᯂᯖᯬ᯲ ᯂᯖ ᯑᯬᯂᯖᯬ᯲ ᯂᯬᯀᯔᯮ᯲

14:7 Gogo ma soarana mandok: Habiari hamu ma Debata jala pasangap Ibana, ai nunga dapot tingki ni panguhumonna! Somba hamu ma Ibana, Sitompa langit dohot tano dohot laut ro di angka mual aek! ᯎᯬᯎᯬ ᯔ ᯘᯬᯀᯒᯉ ᯔᯉ᯲ᯑᯄ᯦ᯬ᯲ ᯂᯅᯪᯀᯒᯪ ᯂᯔᯮ ᯔ ᯑᯩᯅᯖ ᯐᯞ ᯇᯘᯝᯇ᯲ ᯤᯅᯉ ᯀᯤ ᯉᯮᯝ ᯑᯇᯖᯬ᯲ ᯖᯰᯄ᯦ᯪ ᯉᯪ ᯇᯝᯮᯂᯮᯔᯉᯬ᯲ᯉ ᯘᯔᯬ᯲ᯅ ᯂᯔᯮᯔ ᯤᯅᯉ ᯘᯪᯖᯔᯬ᯲ᯇ ᯞᯝᯖᯪ᯲ ᯑᯬᯂᯖᯬ᯲ ᯖᯉᯬ ᯑᯬᯂᯖᯬ᯲ ᯞᯀᯖᯮ᯲ ᯒᯬ ᯑᯪ ᯀᯰᯄ᯦ ᯔᯮᯀᯞ᯲ ᯀᯀᯄᯩ᯲

14:8 Dung i mangihut ma surusuruan na asing, na mandok: Nunga pesan, nunga pesan Babel na balga, na painumhon anggur harimason ni parmainanonna tu saluhut bangso. ᯑᯮᯰ ᯤ ᯔᯝᯪᯂᯖᯮ᯲ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯉ ᯔᯉ᯲ᯑᯄ᯦ᯬ᯲ ᯉᯮᯝ ᯇᯩᯘᯉ᯲ ᯉᯮᯝ ᯇᯩᯘᯉ᯲ ᯅᯅᯞᯩ᯲ ᯉ ᯅᯞ᯲ᯎ ᯉ ᯇᯤᯉᯔᯮ᯲ᯂᯉᯬ᯲ ᯀᯰᯎᯒᯮ᯲ ᯂᯒᯪᯔᯘᯉᯬ᯲ ᯉᯪ ᯇᯒ᯲ᯔᯤᯉᯉᯬ᯲ᯉ ᯖᯮ ᯘᯞᯮᯂᯖᯮ᯲ ᯅᯰᯘᯬ

14:9 Mangihut ma tu nasida surusuruan na patoluhon, na marsoara na gogo mandok: Molo adong halak na sumomba binatang i dohot gombaranna jala na manjalo partinandaan i tu bohina manang tu tanganna: ᯔᯝᯪᯂᯖᯮ᯲ ᯔ ᯖᯮ ᯉᯘᯪᯑ ᯘᯮᯒᯮᯘᯮᯒᯮᯀᯉ᯲ ᯉ ᯇᯖᯬᯞᯮᯂᯉᯬ᯲ ᯉ ᯔᯒ᯲ᯘᯬᯀᯒ ᯉ ᯎᯬᯎᯬ ᯔᯉ᯲ᯑᯄ᯦ᯬ᯲ ᯔᯬᯞᯬ ᯀᯑᯰᯬ ᯂᯞᯄ᯦᯲ ᯉ ᯘᯮᯔᯔᯬ᯲ᯅ ᯅᯪᯉᯖᯰ ᯤ ᯑᯬᯂᯖᯬ᯲ ᯎᯔᯬ᯲ᯅᯒᯉ᯲ᯉ ᯐᯞ ᯉ ᯔᯉ᯲ᯑᯞᯬ ᯇᯒ᯲ᯖᯪᯉᯉ᯲ᯑᯀᯉ᯲ ᯤ ᯖᯮ ᯅᯬᯂᯪᯉ ᯔᯉᯰ ᯖᯮ ᯖᯝᯉ᯲ᯉ

14:10 Ingkon minum do ibana sian anggur harimason ni Debata, naung polin dipadiri tu panginuman ni rimasna, jala sipaporsukporsuhon do ibana di bagasan api dohot barerang diadopan ni angka surusuruan na badia i dohot di adopan ni Birubiru i. ᯀᯰᯪᯄ᯦ᯉᯬ᯲ ᯔᯪᯉᯔᯮ᯲ ᯑᯬ ᯤᯅᯉ ᯘᯪᯀᯉ᯲ ᯀᯰᯎᯒᯮ᯲ ᯂᯒᯪᯔᯘᯉᯬ᯲ ᯉᯪ ᯑᯩᯅᯖ ᯉᯀᯮᯰ ᯇᯬᯞᯉᯪ᯲ ᯑᯪᯇᯑᯪᯒᯪ ᯖᯮᯇᯝᯪᯉᯮᯔᯉ᯲ ᯉᯪ ᯒᯪᯔᯘ᯲ᯉ ᯝᯞ ᯘᯪᯇᯇᯒᯬ᯲ᯘᯄ᯦ᯮᯇᯒᯬ᯲ᯘᯮᯂᯉᯬ᯲ ᯑᯬ ᯤᯅᯉ ᯑᯪ ᯅᯎᯘᯉ᯲ ᯀᯇᯪ ᯑᯬᯂᯖᯬ᯲ ᯅᯒᯩᯒᯰ ᯑᯪ ᯀᯑᯬᯇᯉ᯲ ᯉᯪ ᯀᯰᯄ᯦ ᯘᯮᯒᯮᯘᯮᯒᯮᯀᯉ᯲ ᯉ ᯅᯑᯪᯀ ᯤ ᯑᯬᯂᯖᯬ᯲ ᯑᯪ ᯀᯑᯬᯇᯉ᯲ ᯉᯪ ᯅᯪᯒᯮᯅᯪᯒᯮ ᯤ

14:11 Manaek ma timus ni haporsuhonnasida ro di salelenglelengna; ndang dapot paradianan arian nang borngin angka na marsomba tu binatang i dohot tu gombaranna, ro di angka naung manjalo partinandaan ni goarna. ᯔᯉᯀᯄᯩ᯲ ᯔ ᯖᯪᯔᯘᯮ᯲ ᯉᯪ ᯂᯇᯒᯬ᯲ᯘᯮᯂᯉᯬ᯲ᯉᯘᯪᯑ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ ᯉ᯲ᯑᯰ ᯑᯇᯖᯬ᯲ ᯇᯒᯑᯪᯀᯉᯉ᯲ ᯀᯒᯪᯀᯉ᯲ ᯉᯰ ᯅᯒᯬ᯲ᯝᯉᯪ᯲ ᯀᯰᯄ᯦ ᯉ ᯔᯒ᯲ᯘᯔᯬ᯲ᯅ ᯖᯮ ᯅᯪᯉᯖᯰ ᯤ ᯑᯬᯂᯖᯬ᯲ ᯖᯮ ᯎᯔᯬ᯲ᯅᯒᯉ᯲ᯉ ᯒᯬ ᯑᯪ ᯀᯰᯄ᯦ ᯉᯀᯮᯰ ᯔᯉ᯲ᯐᯞᯬ ᯇᯒ᯲ᯖᯪᯉᯉ᯲ᯑᯀᯉ᯲ ᯉᯪ ᯎᯬᯀᯒ᯲ᯉ

14:12 Disi ma jumpang habengeton ni angka na badia, angka na mangaradoti patik ni Debata dohot haporseaon di Jesus. ᯑᯪᯘᯪ ᯔ ᯐᯔᯮ᯲ᯇᯰ ᯂᯅᯩᯝᯩᯖᯉᯬ᯲ ᯉᯪ ᯀᯰᯄ᯦ ᯉ ᯅᯑᯪᯀ ᯀᯰᯄ᯦ ᯉ ᯔᯝᯒᯑᯬᯖᯪ ᯇᯖᯄ᯦ᯪ᯲ ᯉᯪ ᯑᯩᯅᯖ ᯑᯬᯂᯖᯬ᯲ ᯂᯇᯒᯬ᯲ᯘᯩᯀᯀᯉᯬ᯲ ᯑᯪ ᯐᯩᯘᯘᯮ᯲

14:13 Jadi hubege ma soara sian banua ginjang na mandok: Surathon ma: Martua ma angka na mate di bagasan Tuhan i, olat ni on! Tutu, didok Tondi i, mansohot ma nasida sian parungkilonnasida, ai na mangihut ma tu nasida niulanasida i! ᯐᯑᯪ ᯂᯮᯅᯩᯎᯩ ᯔ ᯘᯬᯀᯒ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯉ ᯔᯉ᯲ᯑᯄ᯦ᯬ᯲ ᯘᯮᯒᯖ᯲ᯂᯉᯬ᯲ ᯔ ᯔᯒ᯲ᯖᯮᯀ ᯔ ᯀᯰᯄ᯦ ᯉ ᯔᯖᯩ ᯑᯪ ᯅᯎᯘᯉ᯲ ᯖᯮᯂᯉ᯲ ᯤ ᯀᯬᯞᯖ᯲ ᯉᯪ ᯀᯉᯬ᯲ ᯖᯮᯖᯮ ᯑᯪᯑᯄ᯦ᯬ᯲ ᯖᯉᯬ᯲ᯑᯪ ᯤ ᯔᯉ᯲ᯘᯬᯂᯖᯬ᯲ ᯔ ᯉᯘᯪᯑ ᯘᯪᯀᯉ᯲ ᯇᯒᯮᯰᯄ᯦ᯪᯞᯉᯬ᯲ᯉᯘᯪᯑ ᯀᯤ ᯉ ᯔᯝᯪᯂᯖᯮ᯲ ᯔ ᯖᯮ ᯉᯘᯪᯑ ᯉᯪᯥᯞᯉᯘᯪᯑ

14:14 Dung i hubereng ma: Adong ma ombun sada na bontar, jadi hundul ma di atas ombun i sahalak na suman tu anak ni jolma, na martumpal sere di uluna, jadi sasabi na tajom di tanganna ᯑᯮᯰ ᯤ ᯂᯮᯅᯩᯒᯰᯩ ᯔ ᯀᯑᯰᯬ ᯔ ᯀᯔᯬ᯲ᯅᯉᯮ᯲ ᯘᯑ ᯉ ᯅᯉᯬ᯲ᯖᯒ᯲ ᯐᯑᯪ ᯂᯉᯮ᯲ᯑᯞᯮ᯲ ᯔ ᯑᯪ ᯀᯖᯘ᯲ ᯀᯔᯬ᯲ᯅᯉᯮ᯲ ᯤ ᯘᯂᯞᯂ᯦᯲ ᯉ ᯘᯮᯔᯉ᯲ ᯖᯮ ᯀᯉᯄ᯦᯲ ᯉᯪ ᯐᯞᯬ᯲ᯔ ᯉ ᯔᯒ᯲ᯖᯔᯮ᯲ᯇᯞ᯲ ᯘᯩᯒᯩ ᯑᯪ ᯥᯞᯮᯉ ᯐᯑᯪ ᯘᯘᯅᯪ ᯉ ᯖᯐᯔᯬ᯲ ᯑᯪ ᯖᯝᯉ᯲ᯉ

14:15 Jadi ruar ma surusuruan na asing sian joro i, na marsoara na gogo manjouhon tu na hundul di atas ombun i: Suruhon ma sasabim jala sabihon, ai nunga dapot tingki gotilon, ai nunga masak situtu sigotilon na di tano i. ᯐᯑᯪ ᯒᯮᯀᯒ᯲ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯘᯪᯀᯉ᯲ ᯐᯬᯒᯬ ᯤ ᯉ ᯔᯒ᯲ᯘᯬᯀᯒ ᯉ ᯎᯬᯎᯬ ᯔᯉ᯲ᯐᯬᯥᯂᯉᯬ᯲ ᯖᯮ ᯉ ᯂᯉᯮ᯲ᯑᯞᯮ᯲ ᯑᯪ ᯀᯖᯘ᯲ ᯀᯔᯬ᯲ᯅᯉᯮ᯲ ᯤ ᯘᯮᯒᯮᯂᯉᯬ᯲ ᯔ ᯘᯘᯅᯔᯪ᯲ ᯐᯞ ᯘᯅᯪᯂᯉᯬ᯲ ᯀᯤ ᯉᯮᯝ ᯑᯇᯖᯬ᯲ ᯖᯰᯪᯄ᯦ᯪ ᯎᯬᯖᯪᯞᯉᯬ᯲ ᯀᯤ ᯉᯮᯝ ᯔᯘᯄ᯦᯲ ᯘᯪᯖᯮᯖᯮ ᯘᯪᯎᯬᯖᯪᯞᯉᯬ᯲ ᯉ ᯑᯪ ᯖᯉᯬ ᯤ

14:16 Gabe didabu na hundul di atas ombun i ma sasabina tu tano i, jadi disabi ma tano i. ᯎᯅᯩ ᯑᯪᯘᯅᯮ ᯉ ᯂᯉᯮ᯲ᯑᯞᯮ᯲ ᯑᯪ ᯀᯖᯘ᯲ ᯀᯔᯬ᯲ᯅᯉᯮ᯲ ᯤ ᯔ ᯘᯘᯅᯪᯉ ᯖᯮ ᯖᯉᯬ ᯤ ᯐᯑᯪ ᯑᯪᯘᯅᯪ ᯔ ᯖᯉᯬ ᯤ

14:17 Laos ruar ma surusuruan na asing sian joro na di banua ginjang i; dohot do ibana maniop sasabi na tajom. ᯞᯀᯘᯬ᯲ ᯒᯮᯀᯒ᯲ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯘᯪᯀᯉ᯲ ᯐᯬᯒᯬ ᯉ ᯑᯪ ᯅᯉᯮᯀ ᯎᯉᯪᯔᯐᯰ ᯤ ᯑᯬᯂᯖᯬ᯲ ᯑᯬ ᯤᯅᯉ ᯔᯉᯪᯀᯇᯬ᯲ ᯘᯘᯅᯪ ᯉ ᯖᯐᯔᯬ᯲

14:18 Gabe ruar ma sian langgatan i surusuruan na asing, na marhuaso taringot tu api, jadi marsoara na gogo ma ibana manjoujou dompak sitiop sasabi na tajom i, didok ma: Suruhon ma sasabim na tajom i, gotili ma angka parbue ni hau anggur na di tano i, ai nunga malamun parbuena! ᯎᯅᯩ ᯒᯮᯀᯒ᯲ ᯔ ᯘᯪᯀᯉ᯲ ᯞᯰᯎᯖᯉ᯲ ᯤ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯉ ᯔᯒ᯲ᯂᯮᯀᯘᯬ ᯖᯒᯪᯝᯖᯬ᯲ ᯖᯮ ᯀᯇᯪ ᯐᯑᯪ ᯔᯒ᯲ᯘᯬᯀᯒ ᯉ ᯎᯬᯎᯬ ᯔ ᯤᯅᯉ ᯔᯉ᯲ᯐᯬᯥᯐᯬᯥ ᯑᯔᯬ᯲ᯇᯄ᯦᯲

14:19 Jadi didabu surusuruan i ma sasabina tu tano i, digotili ma hau anggur ni tano i, didabu ma tubagasan pangilangan harimason na bolon na di Debata. ᯐᯑᯪ ᯑᯪᯑᯅᯮ ᯘᯮᯒᯮᯘᯮᯒᯮᯀᯉ᯲ ᯤ ᯔ ᯘᯘᯅᯪᯉ ᯖᯮ ᯖᯉᯬ ᯤ ᯑᯪᯎᯬᯖᯪᯞᯪ ᯔ ᯂᯥ ᯀᯰᯎᯒᯮ᯲ ᯉᯪ ᯖᯉᯬ ᯤ ᯑᯪᯑᯅᯮ ᯔ ᯖᯮᯅᯎᯘᯉ᯲ ᯇᯝᯪᯞᯝᯉ᯲ ᯂᯒᯪᯔᯘᯉᯬ᯲ ᯉ ᯅᯬᯞᯉᯬ᯲ ᯉ ᯑᯪ ᯑᯩᯅᯖ

14:20 Dibalian ni huta i ma didegei pangilangan i, gabe puas ma mudar sian pangilangan i sahat ro di kongkang ni angka hoda, duaratus paal daona. ᯑᯪ ᯅᯞᯪᯀᯉ᯲ ᯉᯪ ᯂᯮᯖ ᯤ ᯔ ᯑᯪᯑᯩᯎᯩᯤ ᯇᯝᯪᯞᯝᯉ᯲ ᯤ ᯎᯅᯩ ᯇᯮᯀᯘ᯲ ᯔ ᯔᯮᯑᯒ᯲ ᯘᯪᯀᯉ᯲ ᯇᯝᯪᯞᯝᯉ᯲ ᯤ ᯘᯂᯖ᯲ ᯒᯬ ᯑᯪ ᯄᯰ᯦ᯬᯄᯰ᯦ ᯉᯪ ᯀᯰᯄ᯦ ᯂᯬᯑ ᯑᯮᯀᯒᯖᯘᯮ᯲ ᯇᯀᯞ᯲ ᯑᯀᯬᯉ

Pangungkapon ᯇᯝᯮᯰᯄ᯦ᯇᯉᯬ᯲ 15

15:1 Dung i huida ma di banua ginjang tanda na asing na balga jala halongangan: Adong ma pitu surusuruan, na umpeop pitu haporsuhon na parpudi; ai di bagasan i do marujung rimas ni Debata. ᯑᯮᯰ ᯤ ᯂᯮᯤᯑ ᯔ ᯑᯪ ᯅᯉᯮᯀ ᯎᯉᯪ᯲ᯐᯰ ᯖᯉ᯲ᯑ ᯉ ᯀᯘᯰᯪ ᯉ ᯅᯞ᯲ᯎ ᯐᯞ ᯂᯞᯬᯝᯝᯉ᯲ ᯀᯑᯰᯬ ᯔ ᯇᯪᯖᯮ ᯘᯮᯒᯮᯘᯮᯒᯮᯀᯉ᯲ ᯉ ᯀᯔᯮ᯲ᯇᯩᯀᯇᯬ᯲ ᯇᯪᯖᯮ ᯂᯇᯒᯬ᯲ᯘᯮᯂᯉᯬ᯲ ᯉ ᯇᯒ᯲ᯇᯮᯑᯪ ᯀᯤ ᯑᯪᯅᯎᯘᯉ᯲ ᯤ ᯑᯬ ᯔᯒᯮᯐᯮᯰ ᯒᯪᯔᯘ᯲ ᯉᯪ ᯑᯩᯅᯖ

15:2 Jadi huida ma laut sada songon sorminan, na marsaor api; na jongjong do di topi laut sorminan i angka naung monang maralohon binatang i nang taringot tu gombaranna dohot bilangan ni goarna, ditiop do angka hasapi ni Debata. ᯐᯑᯪ ᯂᯮᯤᯑ ᯔ ᯞᯀᯖᯮ᯲ ᯘᯑ ᯘᯬᯝᯉᯬ᯲ ᯘᯒᯬ᯲ᯔᯪᯉᯉ᯲ ᯉ ᯔᯒ᯲ᯘᯀᯒᯬ᯲ ᯀᯇᯪ ᯉ ᯐᯰᯬᯐᯰᯬ ᯑᯬ ᯑᯪ ᯖᯬᯇᯪ ᯞᯀᯖᯮ᯲ ᯘᯒᯬ᯲ᯔᯪᯉᯉ᯲ ᯤ ᯀᯰᯄ᯦ ᯉᯀᯮᯰ ᯔᯬᯉᯰ ᯔᯒᯞᯬᯂᯉᯬ᯲ ᯅᯪᯉᯖᯰ ᯤ ᯉᯰ ᯖᯒᯪᯝᯖᯬ᯲ ᯖᯮ ᯎᯔᯬ᯲ᯅᯒᯉ᯲ᯉ ᯑᯬᯂᯖᯬ᯲ ᯅᯪᯞᯝᯉ᯲ ᯉᯪ ᯎᯬᯀᯒ᯲ᯉ ᯑᯪᯖᯪᯀᯇᯬ᯲ ᯑᯬ ᯀᯰᯄ᯦ ᯂᯘᯇᯪ ᯉᯪ ᯑᯩᯅᯖ

15:3 Jadi diendehon nasida ma ende ni Musa, naposo ni Debata, dohot ende ni Birubiru i, angka ninna ma: Na balga jala halongangan do angka ulaonmu, ale Tuhan Debata. Sigomgom saluhutna; na tigor jala na sintong do angka dalanmu, ale Raja ni angka bangso! ᯐᯑᯪ ᯑᯪᯀᯉᯩ᯲ᯑᯩᯂᯉᯬ᯲ ᯉᯘᯪᯑ ᯔ ᯀᯉᯩ᯲ᯑᯩ ᯉᯪ ᯔᯮᯘ ᯉᯇᯬᯘᯬ ᯉᯪ ᯑᯩᯅᯖ ᯑᯬᯂᯖᯬ᯲ ᯀᯉᯩ᯲ᯑᯩ ᯉᯪ ᯅᯪᯒᯮᯅᯪᯒᯮ ᯤ ᯀᯰᯄ᯦ ᯉᯉᯪ᯲ᯉ ᯔ ᯉ ᯅᯞ᯲ᯎ ᯐᯞ ᯂᯞᯬᯝᯝᯉ᯲ ᯑᯬ ᯀᯰᯄ᯦ ᯥᯞᯀᯉᯬ᯲ᯔᯮ ᯀᯞᯩ ᯖᯮᯂᯉ᯲ ᯑᯩᯅᯖ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ. ᯉ ᯖᯪᯎᯒᯬ᯲ ᯐᯞ ᯉ ᯘᯉᯪ᯲ᯖᯰᯬ ᯀᯰᯄ᯦ ᯑᯞᯉ᯲ᯔᯮ ᯀᯞᯩ ᯒᯐ ᯉᯪ ᯀᯰᯄ᯦ ᯅᯰᯘᯬ

15:4 Tung ise ma na so mangkabiari Ho, ale Tuhan, dohot pasangaphon Goarmu? Ai sasada Ho do na badia; ai na ro ma saluhut bangso marsomba tu jolom, ai nunga gabe patar angka panguhummu na tigor i! ᯖᯰᯮ ᯤᯘᯩ ᯔ ᯉ ᯘᯬ ᯔᯰᯄ᯦ᯅᯪᯀᯒᯪᯂᯬ ᯀᯞᯩ ᯖᯮᯂᯉ᯲ ᯑᯬᯂᯖᯬ᯲ ᯇᯘᯝᯇ᯲ᯂᯉᯬ᯲ ᯎᯬᯀᯒ᯲ᯔᯮ ᯀᯤ ᯘᯘᯑ ᯂᯬ ᯑᯬ ᯉ ᯅᯑᯪᯀ ᯀᯤ ᯉ ᯒᯬ ᯔ ᯘᯞᯮᯂᯖᯮ᯲ ᯅᯰᯘᯬ ᯔᯒ᯲ᯘᯔᯬ᯲ᯅ ᯖᯮ ᯐᯬᯞᯔᯬ᯲ ᯀᯤ ᯉᯮᯝ ᯎᯅᯩᯇᯖᯒ᯲ ᯀᯰᯄ᯦ ᯇᯝᯮᯂᯔᯮ᯲ᯔᯮ ᯉ ᯖᯪᯎᯒᯬ᯲ ᯤ

15:5 Dung i huida ma, mungkap ma joro ni undungundung panindangion na di banua ginjang i. ᯑᯮᯰ ᯤ ᯂᯮᯤᯑ ᯔ ᯔᯮᯰᯄ᯦ᯇ᯲ ᯔ ᯐᯬᯒᯬ ᯉᯪ ᯀᯉᯮ᯲ᯑᯨᯮᯀᯉᯮ᯲ᯑᯰᯮ ᯇᯉᯉᯪ᯲ᯑᯝᯪᯀᯉᯬ᯲ ᯉ ᯑᯪ ᯅᯉᯮᯀ ᯎᯉᯪ᯲ᯐᯰ ᯤ

15:6 Jadi ruar ma sian joro i na pitu surusuruan na umpeop haporsuhon na pitu i; haen na ias na marlinanglinang do diuloshon nasida, jala marhohos sere di pamatangna. ᯐᯑᯪ ᯒᯮᯀᯒ᯲ ᯔ ᯘᯪᯀᯉ᯲ ᯐᯬᯒᯬ ᯤ ᯉ ᯇᯪᯖᯮ ᯘᯮᯒᯮᯘᯮᯒᯮᯀᯉ᯲ ᯉ ᯀᯔᯮ᯲ᯇᯩᯀᯇᯬ᯲ ᯂᯇᯒᯬ᯲ᯘᯮᯂᯉᯬ᯲ ᯉ ᯇᯪᯖᯮ ᯤ ᯂᯀᯉᯩ᯲ ᯉ ᯤᯀᯘ᯲ ᯉ ᯔᯒ᯲ᯞᯪᯉᯰᯞᯪᯉᯰ ᯑᯬ ᯑᯪᯥᯞᯘᯬ᯲ᯂᯉᯬ᯲ ᯉᯘᯪᯑ ᯐᯞ ᯔᯒ᯲ᯂᯬᯂᯘᯬ᯲ ᯘᯩᯒᯩ ᯑᯪ ᯇᯔᯖᯰᯉ

15:7 Gabe dilehon sada sian na opat parngolu i ma tu na pitu surusuruan i pitu saoan sere, angka na gok rimas ni Debata, na mangolu ro di salelenglelengna. ᯎᯅᯩ ᯑᯪᯞᯩᯂᯉᯬ᯲ ᯘᯑ ᯘᯪᯀᯉ᯲ ᯉ ᯀᯬᯇᯖ᯲ ᯇᯒ᯲ᯝᯬᯞᯮ ᯤ ᯔ ᯖᯮ ᯉ ᯇᯪᯖᯮ ᯘᯮᯒᯮᯘᯮᯒᯮᯀᯉ ᯤ ᯇᯪᯖᯮ ᯘᯀᯬᯀᯉ᯲ ᯘᯩᯒᯩ ᯀᯰᯄ᯦ ᯉ ᯎᯄ᯦ᯬ᯲ ᯒᯪᯔᯘ᯲ ᯉᯪ ᯑᯩᯅᯖ ᯉ ᯔᯝᯬᯞᯮ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ

15:8 Jadi gok timus ma joro i, dibahen hasangapon ni Debata dohot hagogoonna; ndang tarbahen manang ise mambongoti joro i, paima marujung na pitu haporsuhon, sipatupaon ni surusuruan na pitu i. ᯐᯑᯪ ᯎᯄ᯦ᯬ᯲ ᯖᯪᯔᯘᯮ᯲ ᯔ ᯐᯬᯒᯬ ᯤ ᯑᯪᯅᯂᯉᯩ᯲ ᯂᯘᯝᯇᯉᯬ᯲ ᯉᯪ ᯑᯩᯅᯖ ᯑᯬᯂᯖᯬ᯲ ᯂᯎᯬᯎᯬᯀᯉᯬ᯲ᯉ ᯉ᯲ᯑᯰ ᯖᯒ᯲ᯅᯂᯉᯩ᯲ ᯔᯉᯰ ᯤᯘᯩ ᯔᯔ᯲ᯅᯬᯝᯬᯖᯪ ᯐᯬᯒᯬ ᯤ ᯇᯤᯔ ᯔᯒᯮᯐᯮᯰ ᯉ ᯇᯪᯖᯮ ᯂᯇᯒᯬ᯲ᯘᯮᯂᯉᯬ᯲ ᯘᯪᯇᯖᯮᯇᯀᯉᯬ᯲ ᯉᯪ ᯘᯮᯒᯮᯘᯮᯒᯮᯀᯉ᯲ ᯉ ᯇᯪᯖᯮ ᯤ

Pangungkapon ᯇᯝᯮᯰᯄ᯦ᯇᯉᯬ᯲ 16

16:1 Dung i hubege ma soara na gogo sian joro i, na mandok tu surusuruan na pitu i: Borhat ma hamu, usehon hamu ma saoan na pitu i, inganan ni rimas ni Debata, tu tano i! ᯑᯮᯨ. ᯤ ᯂᯮᯅᯩᯎᯩ ᯔ ᯘᯬᯀᯒ ᯉ ᯎᯬᯎᯬ ᯘᯪᯀᯉ᯲ ᯐᯬᯒᯬ ᯤ ᯉ ᯔᯉ᯲ᯑᯄ᯦ᯬ᯲ ᯖᯮ ᯘᯮᯒᯮᯘᯮᯒᯮᯀᯉ᯲ ᯉ ᯇᯪᯖᯮ ᯤ ᯅᯒᯬ᯲ᯂᯖ᯲ ᯔ ᯂᯔᯮ ᯥᯘᯩᯂᯉᯬ᯲ ᯂᯔᯮ ᯔ ᯘᯀᯬᯀᯉ᯲ ᯉ ᯇᯪᯖᯮ ᯤ ᯤᯝᯉᯉ᯲ ᯉᯪ ᯒᯪᯔᯘ᯲ ᯉᯪ ᯑᯩᯅᯖ ᯖᯮ ᯖᯉᯬ ᯤ

16:2 Gabe borhat ma na parjolo, diusehon ma saoanna tu tano i. Jadi masa ma baro na roa jala na jahat di jolma, angka naung manjalo partinandaan ni binatang i, jala naung marsomba tu gombaranna. ᯎᯅᯩ ᯅᯒᯬ᯲ᯂᯖ᯲ ᯔ ᯉ ᯇᯒ᯲ᯐᯬᯞᯬ ᯑᯪᯥᯘᯩᯂᯉᯬ᯲ ᯔ ᯘᯀᯬᯀᯉ᯲ᯉ ᯖᯮ ᯖᯉᯬ ᯤ ᯐᯑᯪ ᯔᯘ ᯔ ᯅᯒᯬ ᯉ ᯒᯬᯀ ᯐᯞ ᯉ ᯐᯂᯖ᯲ ᯑᯪ ᯐᯞᯬ᯲ᯔ ᯀᯰᯄ᯦ ᯉᯀᯮᯰ ᯔᯉ᯲ᯐᯞᯬ ᯇᯒ᯲ᯖᯪᯉᯉ᯲ᯑᯀᯉ᯲ ᯉᯪ ᯅᯪᯉᯖᯰ ᯤ ᯐᯞ ᯉᯀᯮᯰ ᯔᯒ᯲ᯘᯔᯬ᯲ᯅ ᯖᯮ ᯎᯔᯬ᯲ᯅᯒᯉ᯲ᯉ

16:3 Dung i diusehon na paduahon ma saoanna tu laut, jadi gabe mudar ma i songon mudar ni na mate; laos mate ma nasa na marhosa di laut. ᯑᯮᯰ ᯤ ᯑᯪᯥᯘᯩᯂᯉᯬ᯲ ᯉ ᯇᯑᯮᯀᯂᯉᯬ᯲ ᯔ ᯘᯀᯬᯀᯉ᯲ᯉ ᯖᯮ ᯞᯀᯖᯮ᯲ ᯐᯑᯪ ᯎᯅᯩ ᯔᯮᯑᯒ᯲ ᯔ ᯤ ᯘᯬᯝᯉᯬ᯲ ᯔᯮᯑᯒ᯲ ᯉᯪ ᯉ ᯔᯖᯩ ᯞᯀᯘᯬ᯲ ᯔᯖᯩ ᯔ ᯉᯘ ᯉ ᯔᯒ᯲ᯂᯬᯘ ᯑᯪ ᯞᯀᯖᯮ᯲

16:4 Dung i diusehon na patoluhon ma saoanna tu angka batang aek dohot tu angka mual aek; laos gabe mudar ma angka i. ᯑᯮᯰ ᯤ ᯑᯪᯥᯘᯩᯂᯉᯬ᯲ ᯉ ᯇᯖᯬᯞᯮᯂᯉᯬ᯲ ᯔ ᯘᯀᯬᯀᯉ᯲ᯉ ᯖᯮ ᯀᯰᯄ᯦ ᯅᯖᯰ ᯀᯀᯄᯩ᯲ ᯑᯬᯂᯖᯬ᯲ ᯖᯮ ᯀᯰᯄ᯦ ᯔᯮᯀᯞ᯲ ᯀᯀᯄᯩ᯲ ᯞᯀᯘᯬ᯲ ᯎᯅᯩ ᯔᯮᯑᯒ᯲ ᯔ ᯀᯰᯄ᯦ ᯤ

16:5 Jadi hubege ma soara ni surusuruan, sigomgom angka aek, mandok: Na tigor do Ho, na mangolu i nuaeng nang najolo, na badia do Ho, ala songon i panguhumonmu! ᯐᯑᯪ ᯂᯮᯅᯩᯎᯩ ᯔ ᯘᯬᯀᯒ ᯉᯪ ᯘᯮᯒᯮᯘᯮᯒᯮᯀᯉ᯲ ᯘᯪᯎᯔᯬ᯲ᯎᯔᯬ᯲ ᯀᯰᯄ᯦ ᯀᯀᯄᯩ᯲ ᯔᯉ᯲ᯑᯄ᯦ᯬ᯲ ᯉ ᯖᯪᯎᯒᯬ᯲ ᯑᯬ ᯂᯬ ᯉ ᯔᯝᯬᯞᯮ ᯤ ᯉᯮᯀᯀᯰᯩ ᯉᯰ ᯉᯐᯬᯞᯬ ᯉ ᯅᯑᯪᯀ ᯑᯬ ᯂᯬ ᯀᯞ ᯘᯬᯝᯉᯬ᯲ ᯤ ᯇᯝᯮᯂᯮᯔᯉᯬ᯲ᯔᯮ

16:6 Ai didurushon nasida do mudar ni angka na badia dohot angka panurirang, gabe mudar do dipainumhon Ho tu nasida; patut ma i di nasida! ᯀᯤ ᯑᯪᯑᯮᯒᯘᯮ᯲ᯂᯉᯬ᯲ ᯉᯘᯪᯑ ᯑᯬ ᯔᯮᯑᯒ᯲ ᯉᯪ ᯀᯰᯄ᯦ ᯉ ᯅᯑᯪᯀ ᯑᯬᯂᯖᯬ᯲ ᯀᯰᯄ᯦ ᯇᯉᯮᯒᯪᯒᯰ ᯎᯅᯩ ᯔᯮᯑᯒ᯲ ᯑᯬ ᯑᯪᯇᯤᯉᯔᯮ᯲ᯂᯉᯬ᯲ ᯂᯬ ᯖᯮ ᯉᯘᯪᯑ ᯇᯖᯖᯮ᯲ ᯔ ᯤ ᯑᯪ ᯉᯘᯪᯑ

16:7 Jadi hubege ma langgatan i mandok: Olo, ale Tuhan Debata, Sigomgom saluhutna; na sintong jala na tigor do angka uhummu! ᯐᯑᯪ ᯂᯮᯅᯩᯎᯩ ᯔ ᯞᯰᯎᯖᯉ᯲ ᯤ ᯔᯉ᯲ᯑᯄ᯦ᯬ᯲ ᯀᯬᯞᯬ ᯀᯞᯩ ᯖᯮᯂᯉ᯲ ᯑᯩᯅᯖ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ ᯉ ᯘᯉᯪ᯲ᯖᯰᯬ ᯐᯞ ᯉ ᯖᯪᯎᯒᯬ᯲ ᯑᯬ ᯀᯰᯄ᯦ ᯥᯂᯔᯮ᯲ᯔᯮ

16:8 Dung i diusehon na paopathon ma saoanna tu mata ni ari, jadi dilehon ma tu mata ni ari huaso mamosohi angka jolma marhitehite api. ᯑᯮᯰ ᯤ ᯑᯪᯥᯘᯩᯂᯉᯬ᯲ ᯉ ᯇᯀᯬᯇᯖ᯲ᯂᯉᯬ᯲ ᯔ ᯘᯀᯬᯀᯉ᯲ᯉ ᯖᯮ ᯔᯖ ᯉᯪ ᯀᯒᯪ ᯐᯑᯪ ᯑᯪᯞᯩᯂᯉᯬ᯲ ᯔ ᯖᯮ ᯔᯖ ᯉᯪ ᯀᯒᯪ ᯂᯮᯀᯘᯬ ᯔᯔᯬᯘᯬᯂᯪ ᯀᯰᯄ᯦ ᯐᯞᯬ᯲ᯔ ᯔᯒ᯲ᯂᯪᯖᯩᯂᯪᯖᯩ ᯀᯇᯪ

16:9 Gabe mosok situtu ma angka jolma, jala diinsahi nasida do Debata na marhuaso manongos angka haporsuhon i, laos so dipauba nasida rohanasida pasangaphon Debata. ᯎᯅᯩ ᯔᯬᯘᯄ᯦ᯬ᯲ ᯘᯪᯖᯮᯖᯮ ᯔ ᯀᯰᯄ᯦ ᯐᯞᯬ᯲ᯔ ᯐᯞ ᯑᯪᯀᯉᯪ᯲ᯘᯂᯪ ᯉᯘᯪᯑ ᯑᯬ ᯑᯩᯅᯖ ᯉ ᯔᯒ᯲ᯂᯮᯀᯘᯬ ᯔᯉᯬᯝᯘᯬ᯲ ᯀᯰᯄ᯦ ᯂᯇᯒᯬ᯲ᯘᯮᯂᯉᯬ᯲ ᯤ ᯞᯀᯘᯬ᯲ ᯘᯬ ᯑᯪᯇᯥᯅ ᯉᯘᯪᯑ ᯒᯬᯂᯉᯘᯪᯑ ᯇᯘᯝᯇ᯲ᯂᯉᯬ᯲ ᯑᯩᯅᯖ

16:10 Dung i diusehon na palimahon ma saoanna tu habangsa ni binatang i, gabe mangkolom ma harajaonna. Jadi dihaharati nasida do angka dilanasida dibahen hansitna i. ᯑᯮᯰ ᯤ ᯑᯪᯥᯘᯩᯂᯉᯬ᯲ ᯉ ᯇᯞᯪᯔᯂᯉᯬ᯲ ᯔ ᯘᯀᯬᯀᯉ᯲ᯉ ᯖᯮ ᯂᯅᯰᯘ ᯉᯪ ᯅᯪᯉᯖᯰ ᯤᯎᯅᯩ ᯔᯰᯄᯬᯞᯔᯬ᯲ ᯔ ᯂᯒᯐᯀᯉᯬ᯲ᯉ ᯐᯑᯪ ᯑᯪᯂᯂᯒᯖᯪ ᯉᯘᯪᯑ ᯑᯬ ᯀᯰᯄ᯦ ᯑᯪᯞᯉᯘᯪᯑ ᯑᯪᯅᯂᯉᯩ᯲ ᯂᯉ᯲ᯘᯖᯪ᯲ᯉ ᯤ

16:11 Gabe diinsahi nasida ma Debata Parbanua ginjang i, dibahen hansit ni baro na niaenasida; laos so dipauba rohanasida, manadingkon angka ulaonnasida nian. ᯎᯅᯩ ᯑᯪᯀᯉᯪ᯲ᯘᯂᯪ ᯉᯘᯪᯑ ᯔ ᯑᯩᯅᯖ ᯇᯒ᯲ᯅᯉᯮᯀ ᯎᯉᯪ᯲ᯐᯰ ᯤ ᯑᯪᯅᯂᯉᯩ᯲ ᯂᯉ᯲ᯘᯖᯪ᯲ ᯉᯪ ᯅᯒᯬ ᯉ ᯉᯪᯀᯀᯩᯉᯘᯪᯑ ᯞᯀᯘᯬ᯲ ᯘᯬ ᯑᯪᯇᯥᯅ ᯒᯬᯂᯉᯘᯪᯑ ᯔᯉᯑᯰᯪᯄ᯦ᯉᯬ᯲ ᯀᯰᯄ᯦ ᯥᯞᯀᯉᯬ᯲ᯉᯘᯪᯑ ᯉᯪᯀᯉ᯲

16:12 Dung i diusehon na paonomhon ma saoanna tu batang aek Euprat na balga i. Jadi marsik ma aekna, asa pinarade dalan ni angka raja na sian habinsaran ni mata ni ari. ᯑᯮᯰ ᯤ ᯑᯪᯥᯘᯩᯂᯉᯬ᯲ ᯉ ᯇᯀᯬᯉᯔᯬ᯲ᯂᯉᯬ᯲ᯔ ᯘᯀᯬᯀᯉ᯲ᯉ ᯖᯮ ᯅᯖᯰ ᯀᯀᯄᯩ᯲ ᯀᯩᯥᯇ᯲ᯒᯖ᯲ ᯉ ᯅᯞ᯲ᯎ ᯤ ᯐᯑᯪ ᯔᯒ᯲ᯘᯄ᯦ᯪ᯲ ᯔ ᯀᯀᯄᯩ᯲ᯉ ᯀᯘ ᯇᯪᯉᯒᯑᯩ ᯑᯞᯉ᯲ ᯉᯪ ᯀᯰᯄ ᯒᯐ ᯉ ᯘᯪᯀᯉ᯲ ᯂᯅᯉᯪ᯲ᯘᯒᯉ᯲ ᯉᯪ ᯔᯖ ᯉᯪ ᯀᯒᯪ

16:13 Dung i huida ma tolu tondi na hodar songon tohuk, ruar sian baba ni naga i dohot sian baba ni binatang i, songon i sian baba ni panurirang pargapgap i. ᯑᯮᯰ ᯤ ᯂᯮᯤᯑ ᯔ ᯖᯬᯞᯮ ᯖᯉᯬ᯲ᯑᯪ ᯉ ᯂᯬᯝᯒ᯲ ᯘᯬᯝᯉᯬ᯲ ᯖᯬᯂᯄ᯦ᯮ᯲ ᯒᯮᯀᯒ᯲ ᯘᯪᯀᯉ᯲ ᯅᯅ ᯉᯪ ᯉᯎ ᯤ ᯑᯬᯂᯖᯬ᯲ ᯘᯪᯀᯉ᯲ ᯅᯅ ᯉᯪ ᯇᯉᯮᯒᯪᯒᯰ ᯇᯒ᯲ᯎᯇ᯲ᯎᯇ᯲ ᯤ

16:14 Ai tondi ni angka sibolis do i, na mambahen angka tanda i; angka na borhat tumopot angka raja ni liat portibi on, laho papunguhon nasida tu hamusuon na di ari na bolon i, ari ni Debata, Sigomgom saluhutna. ᯀᯤ ᯖᯉᯬ᯲ᯑᯪ ᯉᯪ ᯀᯰᯄ᯦ ᯘᯪᯅᯬᯞᯘᯪ᯲ ᯑᯬ ᯤ ᯉ ᯔᯔ᯲ᯅᯂᯉᯩ᯲ ᯀᯰᯄ᯦ ᯖᯉ᯲ᯑ ᯤ ᯀᯰᯄ᯦ ᯉ ᯅᯒᯬ᯲ᯂᯖ᯲ ᯖᯮᯔᯬᯇᯖᯬ᯲ ᯁᯰᯄ᯦ ᯒᯐ ᯉᯪ ᯞᯪᯀᯖ᯲ ᯇᯒᯬ᯲ᯖᯪᯅᯪ ᯀᯉᯬ᯲ ᯞᯂᯬ ᯇᯇᯮᯝᯮᯂᯉᯬ᯲ ᯉᯘᯪᯑ ᯖᯮ ᯂᯔᯮᯘᯮᯀᯉᯬ᯲ ᯉ ᯑᯪ ᯀᯒᯪ ᯉ ᯅᯬᯞᯉᯬ᯲ ᯤ ᯀᯒᯪ ᯉᯪ ᯑᯩᯅᯖ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ

16:15 Ida ma, na ro ma Ahu songon panangko! Martua ma na dungo jala na mangaramoti abitna, asa hobas, asa unang marsaemara ibana mardalan, gabe tarida hailaonna! ᯤᯑ ᯔ ᯉ ᯒᯬ ᯔ ᯀᯂᯮ ᯘᯬᯝᯉᯬ᯲ ᯇᯉᯰᯄ᯦ᯬ ᯔᯒ᯲ᯖᯮᯀ ᯔ ᯉ ᯑᯮᯝᯬ ᯐᯞ ᯉ ᯔᯝᯒᯔᯬᯖᯪ ᯀᯅᯖᯪ᯲ᯉ ᯀᯘ ᯂᯬᯅᯘ᯲ ᯀᯘ ᯥᯉᯰ ᯔᯒ᯲ᯘᯀᯩᯔᯒ ᯤᯅᯉ ᯔᯒ᯲ᯑᯞᯉ᯲ ᯎᯅᯩ ᯖᯒᯪᯑ ᯂᯤᯞᯀᯉᯬ᯲ᯉ

16:16 Jadi dipaluhut ma nasida tu sada inganan, na margoar Armagedon, ia di hata Heber. ᯐᯑᯪ ᯑᯪᯇᯞᯮᯂᯖᯮ᯲ ᯔ ᯉᯘᯪᯑ ᯖᯮ ᯘᯑ ᯤᯝᯉᯉ᯲ ᯉ ᯔᯒ᯲ᯎᯬᯀᯒ᯲ ᯀᯒ᯲ᯔᯎᯩᯑᯉᯬ᯲ ᯤᯀ ᯑᯪ ᯂᯖ ᯂᯩᯅᯒᯩ᯲

16:17 Dung i diusehon na papituhon ma saoanna tu aoangaoang. Jadi ro ma soara na gogo sian joro i, sian habangsa i, na mandok: Nunga saut! ᯑᯮᯰ ᯤ ᯑᯪᯥᯘᯩᯂᯉᯬ᯲ ᯉ ᯇᯇᯪᯖᯮᯂᯉᯬ᯲ ᯔ ᯘᯀᯬᯀᯉ᯲ ᯖᯮ ᯁᯀᯬᯀᯰᯀᯀᯬᯀᯰ ᯐᯑᯪ ᯒᯬ ᯔ ᯘᯬᯀᯒ ᯉ ᯎᯬᯎᯬ ᯘᯪᯀᯉ᯲ ᯐᯬᯒᯬ ᯤ ᯘᯪᯀᯉ᯲ ᯂᯅᯰᯘ ᯤ ᯉ ᯔᯉ᯲ᯑᯄ᯦ᯬ᯲ ᯉᯮᯝ ᯘᯀᯖᯮ᯲

16:18 Dung i masa ma angka hilap dohot soara dohot ronggur, masa ma dohot lalo bolon, songon na so dung masa, olat ni dung adong jolma di tano i, lalo na sai bolon i. ᯑᯮᯰ ᯤ ᯔᯘ ᯔ ᯀᯰᯄ᯦ ᯂᯪᯞᯇ᯲ ᯑᯬᯂᯖᯬ᯲ ᯘᯬᯀᯒ ᯑᯬᯐᯖᯬ᯲ ᯒᯰᯬᯎᯒᯮ᯲ ᯔᯘ ᯔ ᯑᯬᯂᯖᯬ᯲ ᯞᯞᯬ ᯅᯬᯞᯉᯬ᯲ ᯘᯬᯝᯉᯬ᯲ ᯉ ᯘᯬ ᯑᯮᯰ ᯔᯘ ᯀᯬᯞᯖ᯲ ᯉᯪ ᯑᯮᯰ ᯀᯑᯰᯬ ᯐᯞᯬ᯲ᯔ ᯑᯪ ᯖᯉᯬ ᯤ ᯞᯞᯬ ᯉ ᯘᯤ ᯅᯬᯞᯉᯬ᯲ ᯤ

16:19 Jadi mabola ma huta na bolon i, gabe tolu ponggol; marrumpahan ma ia huta ni angka bangso. Jadi diingot Debata ma Babel na balga i, mangalehon tu ibana panginuman na gok anggur pangarimasan dohot hamuruhonna. ᯐᯑᯪ ᯔᯅᯬᯞ ᯔ ᯂᯮᯖ ᯉ ᯅᯬᯞᯉᯬ᯲ ᯤ ᯎᯅᯩ ᯖᯬᯞᯮ ᯇᯰᯬᯎᯞᯬ᯲ ᯔᯒ᯲ᯒᯔᯮ᯲ᯇᯂᯉ᯲ ᯔ ᯤᯀ ᯂᯮᯖ ᯉᯪ ᯀᯰᯄ᯦ ᯅᯰᯘᯬ ᯐᯑᯪ ᯑᯪᯤᯝᯖᯬ᯲ ᯑᯩᯉᯖ ᯔ ᯅᯅᯞᯩ᯲ ᯉ ᯅᯞ᯲ᯎ ᯤ ᯔᯝᯞᯩᯂᯉᯬ᯲ ᯖᯮ ᯤᯅᯉ ᯇᯝᯪᯉᯮᯔᯉ᯲ ᯉ ᯎᯄ᯦ᯬ᯲ ᯀᯰᯎᯒᯮ᯲ ᯇᯝᯒᯪᯔᯘᯉ᯲ ᯑᯬᯂᯖᯬ᯲ ᯂᯔᯮᯒᯮᯂᯉᯬ᯲ᯉ

16:20 Gabe maporus ma saluhut angka pulo, jadi angka dolok ndang adong jumpang be. ᯎᯅᯩ ᯔᯇᯬᯒᯘᯮ᯲ ᯔ ᯘᯞᯮᯂᯖᯮ᯲ ᯀᯰᯄ᯦ ᯇᯮᯞᯬ ᯐᯑᯪ ᯀᯰᯄ᯦ ᯑᯬᯞᯄ᯦ᯬ᯲ ᯉ᯲ᯑᯰ ᯀᯑᯰᯬ ᯐᯔᯮ᯲ᯇᯰ ᯅᯩ

16:21 Jala madabu ma ambolas na balga, na sahat i dokdokna, sian langit tu angka jolma; gabe diinsahi angka jolma i do Debata dibahen porsuk ni ambolas i, ai balga situtu do bernit ni haporsuhon i. ᯐᯞ ᯔᯑᯅᯮ ᯔ ᯀᯔ᯲ᯅᯬᯞᯘ᯲ ᯉ ᯅᯞ᯲ᯎ ᯉ ᯘᯂᯖ᯲ ᯤ ᯑᯄ᯦ᯬ᯲ᯑᯄ᯦ᯬ᯲ᯉ ᯘᯪᯀᯉ᯲ ᯞᯝᯖᯪ᯲ ᯖᯮ ᯀᯰᯄ᯦ ᯐᯞᯬ᯲ᯔ ᯎᯅᯩ ᯑᯪᯀᯉᯪ᯲ᯘᯂᯪ ᯀᯰᯄ᯦ ᯐᯞᯬ᯲ᯔ ᯤ ᯑᯬ ᯑᯩᯅᯖ ᯑᯪᯅᯂᯉᯩ᯲ ᯇᯒᯬ᯲ᯘᯄ᯦ᯮ ᯉᯪ ᯀᯔ᯲ᯅᯬᯞᯘ᯲ ᯤ ᯀᯤ ᯅᯞ᯲ᯎ ᯘᯪᯖᯮᯖᯮ ᯑᯬ ᯅᯒᯩ᯲ᯉᯖᯪ᯲ ᯉᯪ ᯂᯇᯒᯬ᯲ᯘᯮᯂᯉᯬ᯲ ᯤ

Pangungkapon ᯇᯝᯮᯰᯄ᯦ᯇᯉᯬ᯲ 17

17:1 Dung i ro ma sada sian na pitu surusuruan, na umpeop saoan na pitu i, mangkatai dohot ahu, didok ma: Ro ma, hupatuduhon ma tu ho uhum na tu boruboru na jahat, na balga, na hundul di topi ni angka aek godang! ᯑᯮᯰ ᯤ ᯒᯬ ᯔ ᯘᯑ ᯘᯪᯀᯉ᯲ ᯉ ᯇᯪᯖᯮ ᯘᯮᯒᯮᯘᯮᯒᯮᯀᯉ᯲ ᯔ ᯀᯔᯮ᯲ᯇᯩᯀᯇᯬ᯲ ᯘᯀᯬᯀᯉ᯲ ᯉ ᯇᯪᯖᯮ ᯤ ᯔᯰᯄ᯦ᯖᯤ ᯑᯬᯂᯖᯬ᯲ ᯀᯂᯮ ᯑᯪᯑᯄ᯦ᯬ᯲ ᯔ ᯒᯬ ᯔ ᯂᯮᯇᯖᯮᯑᯮᯂᯉᯬ᯲ ᯔ ᯖᯮ ᯂᯬ ᯥᯂᯔᯮ᯲ ᯉ ᯖᯮ ᯅᯬᯒᯮᯅᯬᯒᯮ ᯉ ᯐᯂᯖ᯲ ᯉ ᯅᯞ᯲ᯎ ᯉ ᯂᯉᯮ᯲ᯑᯞᯮ᯲ ᯑᯪ ᯖᯬᯇᯪ ᯉᯪ ᯀᯰᯄ᯦ ᯀᯀᯄᯩ᯲ ᯎᯬᯑᯰ

17:2 Donganna marmainan do angka raja na di tano i, jala naung gabe mabuk do pangisi ni tano i dibahen anggur parmainanonna i. ᯑᯬᯝᯉ᯲ᯉ ᯔᯒ᯲ᯔᯤᯉᯉ᯲ ᯑᯬ ᯀᯰᯄ᯦ ᯒᯐ ᯉ ᯑᯪ ᯖᯉᯬ ᯤ ᯐᯞ ᯉᯀᯮᯰ ᯎᯅᯩ ᯔᯅᯄᯮ᯲ ᯑᯬ ᯇᯝᯪᯘᯪ ᯉᯪ ᯖᯉᯬ ᯤ ᯑᯪᯅᯂᯉᯩ᯲ ᯀᯰᯎᯒᯮ᯲ ᯇᯒ᯲ᯔᯤᯉᯉᯬ᯲ᯉ ᯤ

17:3 Jadi diluahon ma ahu di bagasan tondi tu halongonan. Jadi huida ma sada boruboru hundul di atas binatang na rara, na gok goar panginsahion, pitu do uluna, sampulu tandukna. ᯐᯑᯪ ᯑᯪᯞᯮᯀᯂᯉᯬ᯲ ᯔ ᯀᯂᯮ ᯑᯪ ᯅᯎᯘᯉ᯲ ᯖᯉᯬ᯲ᯑᯪ ᯖᯮ ᯂᯞᯬᯝᯬᯉᯉ᯲ ᯐᯑᯪ ᯂᯮᯤᯑ ᯔ ᯘᯑ ᯅᯬᯒᯮᯅᯬᯒᯮ ᯂᯉᯮ᯲ᯑᯞᯮ᯲ ᯑᯪ ᯀᯖᯘ᯲ ᯅᯪᯉᯖᯰ ᯉ ᯒᯒ ᯉ ᯎᯄ᯦ᯬ᯲ ᯎᯬᯀᯒ᯲ ᯇᯝᯉᯪ᯲ᯘᯂᯪᯀᯉᯬ᯲ ᯇᯪᯖᯮ ᯑᯬ ᯥᯞᯮᯉ ᯘᯔ᯲ᯇᯮᯞᯮ ᯖᯉ᯲ᯑᯄ᯦ᯮᯉ

17:4 Haen na rara dohot haen hasumba do abit ni boruboru i, na nilampisan dohot sere nang mata intan dohot mutiha; ditiop do di tanganna panginuman sere na gok hagigian dohot hahodaron sian parmainanonna i. ᯂᯀᯉᯩ᯲ ᯉ ᯒᯒ ᯑᯬᯂᯖᯬ᯲ ᯂᯀᯉᯩ᯲ ᯂᯘᯔᯮ᯲ᯅ ᯑᯬ ᯀᯅᯖᯪ᯲ ᯉᯪ ᯅᯬᯒᯮᯅᯬᯒᯮ ᯤ ᯉ ᯉᯪᯞᯔ᯲ᯇᯪᯘᯉ᯲ ᯑᯬᯂᯖᯬ᯲ ᯘᯩᯒᯩ ᯉᯰ ᯔᯖ ᯀᯉᯪ᯲ᯖᯉ᯲ ᯑᯬᯂᯖᯬ᯲ ᯔᯮᯖᯪᯂ ᯑᯪᯖᯪᯀᯇᯬ᯲ ᯑᯬ ᯑᯪ ᯖᯝᯉ᯲ᯉ ᯇᯝᯪᯉᯮᯔᯉ᯲ ᯘᯩᯒᯩ ᯉ ᯎᯄ᯦ᯬ᯲ ᯂᯎᯪᯎᯪᯀᯉ᯲ ᯑᯬᯂᯖᯬ᯲ ᯂᯂᯬᯑᯒᯉᯬ᯲ ᯘᯪᯀᯉ᯲ ᯇᯒ᯲ᯔᯤᯉᯉᯬ᯲ᯉ ᯤ

17:5 Na tarsurat do di pardompahanna goar hahomion: Babel na balga, ina ni angka parmainan dohot angka hagigian na di tano on. ᯉ ᯖᯒ᯲ᯘᯮᯒᯖ᯲ ᯑᯬ ᯑᯪ ᯇᯒ᯲ᯑᯔᯬ᯲ᯇᯂᯉ᯲ᯉ ᯎᯬᯀᯒ᯲ ᯂᯂᯬᯔᯪᯀᯉᯬ᯲ ᯅᯅᯞᯩ᯲ ᯉ ᯅᯞ᯲ᯎ ᯤᯉ ᯉᯪ ᯀᯰᯰᯄ᯦ ᯇᯒ᯲ᯔᯤᯉᯉ᯲ ᯑᯬᯂᯖᯬ᯲ ᯂᯎᯪᯎᯪᯀᯉ᯲ ᯉ ᯑᯪ ᯖᯉᯬ ᯀᯉᯪ᯲

17:6 Jadi huida boruboru i mabuk, dibahen mudar ni angka na badia dohot mudar ni angka sitindangi ni Jesus, gabe longang situtu ma rohangku marnidasa. ᯐᯑᯪ ᯂᯮᯤᯑ ᯅᯬᯒᯮᯅᯬᯒᯮ ᯤ ᯔᯅᯄ᯦ᯮ᯲ ᯑᯪᯅᯂᯉᯩ᯲ ᯔᯮᯑᯒ᯲ ᯉᯪ ᯀᯰᯄ᯦ ᯉ ᯅᯑᯪᯀ ᯑᯬᯂᯖᯬ᯲ ᯔᯮᯑᯒ᯲ ᯉᯪ ᯀᯰᯄ᯦ ᯘᯪᯖᯉᯬ᯲ᯑᯝᯪ ᯉᯪ ᯐᯩᯘᯘᯮ᯲ ᯎᯅᯩ ᯞᯬᯝᯰ ᯘᯪᯖᯮᯖᯮ ᯔ 'ᯒᯬᯂᯰᯄ᯦ᯮ ᯔᯒ᯲ᯉᯪᯑᯘ

17:7 Gabe didok surusuruan i ma mandok ahu: Boasa longang roham? Hupaboa ma tu ho hahomion ni boruboru on dohot binatang na mangusung ibana, na marulu pitu jala martanduk sampulu. ᯎᯅᯩ ᯑᯪᯑᯂᯬ᯲ ᯘᯮᯒᯮᯘᯮᯒᯮᯀᯉ᯲ ᯤ ᯔ ᯔᯉ᯲ᯑᯄ᯦ᯬ᯲ ᯀᯂᯮ ᯅᯬᯀᯘ ᯞᯬᯝᯰ ᯒᯬᯂᯔ᯲ ᯂᯮᯇᯅᯬᯀ ᯔ ᯖᯮ ᯂᯬ ᯂᯂᯬᯔᯪᯀᯉᯬ᯲ ᯉᯪ ᯅᯬᯒᯮᯅᯬᯒᯮ ᯀᯉᯬ᯲ᯑᯬᯂᯖᯬ᯲ ᯅᯪᯉᯖᯰ ᯉ ᯔᯝᯮᯘᯮᯰ ᯤᯅᯉ ᯉ ᯔᯒᯮᯞᯮ ᯇᯪᯖᯮ ᯐᯞ ᯔᯒ᯲ᯖᯉ᯲ᯑᯄ᯦ᯮ᯲ ᯘᯔ᯲ᯇᯮᯞᯮ

17:8 Ia binatang na niidami, na mangolu do i najolo, ndang mangolu be nuaeng, na nangkok ma i muse sian banua toru, asa laho tumopot hamagoan. Gabe longang ma roha ni pangisi ni tano on, nasa na so tarsurat goarna di buku hangoluan na sian mula ni hasiangan on, di na idaonnasida binatang i, naung mangolu najolo jala ndang mangolu be nuaeng, gabe ro muse. ᯤᯀ ᯅᯪᯉᯖᯰ ᯉ ᯉᯪᯤᯑᯔᯪ ᯉ ᯔᯝᯬᯞᯮ ᯑᯬ ᯤ ᯉᯐᯬᯞᯬ ᯉ᯲ᯑᯰ ᯔᯝᯬᯞᯮ ᯅᯩ ᯉᯮᯀᯀᯰᯩ ᯉ ᯉᯰᯄ᯦ᯂ᯦ᯬ᯲ ᯔ ᯤ ᯔᯮᯘᯩ ᯘᯪᯀᯉ᯲ ᯅᯉᯮᯀ ᯖᯬᯒᯮ ᯀᯘ ᯞᯂᯬ ᯖᯮᯔᯬᯇᯖᯬ᯲ ᯂᯔᯎᯬᯀᯉ᯲ ᯎᯅᯩ ᯞᯬᯝᯰ ᯔ ᯒᯬᯂ ᯉᯪ ᯇᯝᯪᯘᯪ ᯉᯪ ᯖᯉᯬ ᯀᯉᯬ᯲ ᯉᯘ ᯉ ᯘᯬ ᯖᯒ᯲ᯘᯮᯒᯖ᯲ ᯎᯬᯀᯒ᯲ᯉ ᯑᯪ ᯅᯮᯄ᯦ᯮ ᯂᯝᯬᯞᯮᯀᯉ᯲ ᯉ ᯘᯪᯀᯉ᯲ ᯔᯮᯞ ᯉᯪ ᯂᯘᯪᯀᯝᯉ᯲ ᯀᯉᯬ᯲ ᯑᯪ ᯉ ᯤᯑᯀᯉᯬ᯲ᯉᯘᯪᯑ ᯅᯪᯉᯖᯰ ᯤ ᯉ᯲ᯑᯰ ᯔᯝᯬᯞᯮ ᯅᯩ ᯉᯮᯀᯀᯰᯩ ᯎᯅᯩ ᯒᯬ ᯔᯮᯘᯩ

17:9 On do lapatanna na marhabisuhon: Na pitu ulu, i ma pitu dolok, na hinundulan ni boruboru i, jala pitu raja do i. ᯀᯉᯬ᯲ ᯑᯬ ᯞᯇᯖᯉ᯲ᯉ ᯉ ᯔᯒ᯲ᯂᯅᯪᯘᯮᯂᯉᯬ᯲ ᯉ ᯇᯪᯖᯮ ᯥᯞᯮ ᯤ ᯔ ᯇᯪᯖᯮ ᯑᯬᯞᯄ᯦ᯬ᯲ ᯉ ᯂᯪᯉᯉᯮ᯲ᯑᯮᯞᯉ᯲ ᯉᯪ ᯅᯬᯒᯮᯅᯬᯒᯮ ᯤ ᯐᯞ ᯇᯪᯖᯮ ᯒᯐ ᯑᯬ ᯤ

17:10 Nunga pesan na lima, disi dope na sada, ndang dope ro na sada nari; jala dung ro, satongkin sambing ibana mian. ᯉᯮᯝ ᯇᯩᯘᯉ᯲ ᯉ ᯞᯪᯔ ᯑᯪᯘᯪ ᯑᯬᯇᯩ ᯉ ᯘᯑ ᯉ᯲ᯑᯰ ᯑᯬᯇᯩ ᯒᯬ ᯉ ᯘᯑ ᯉᯒᯪ ᯐᯞ ᯑᯮᯰ ᯒᯬ ᯘᯖᯰᯬᯄᯉᯪ᯲ ᯘ᯲ᯅᯰᯪ ᯤᯅᯉ ᯔᯪᯀᯉ᯲

17:11 Ia binatang na mangolu najolo, gabe ndang mangolu be, i do na paualuhon; laos sian na pitu ondeng do ibana, jadi na laho tumopot hamagoan. ᯤᯀ ᯅᯪᯉᯖᯰ ᯉ ᯔᯝᯬᯞᯮ ᯉ ᯐᯬᯞᯬ ᯎᯅᯩ ᯉ᯲ᯑᯰ ᯔᯝᯬᯞᯮ ᯅᯩ ᯤ ᯑᯬ ᯉ ᯇᯥᯀᯞᯮᯂᯉᯬ᯲ ᯞᯀᯘᯬ᯲ ᯘᯪᯀᯉ᯲ ᯉ ᯇᯪᯖᯮ ᯀᯉᯬ᯲ᯑᯰᯩ ᯑᯬ ᯤᯅᯉ ᯐᯑᯪ ᯉ ᯞᯂᯬ ᯖᯮᯔᯬᯇᯖᯬ᯲ ᯂᯔᯎᯬᯀᯉ᯲

17:12 Ia na sampulu tanduk na niidami, sampulu raja do i, na so manjalo dope harajaon, alai jaloonnasida do huaso mangarajai sangombas, rap dohot binatang i. ᯤᯀ ᯉ ᯘᯔ᯲ᯇᯮᯞᯮ ᯖᯉ᯲ᯑᯄ᯦ᯮ᯲ ᯉ ᯉᯪᯤᯑᯔᯪ ᯘᯔ᯲ᯇᯮᯞᯮ ᯒᯝ ᯑᯬ ᯤ ᯉ ᯘᯬ ᯔᯉ᯲ᯐᯞᯬ ᯑᯬᯇᯩ ᯂᯒᯐᯀᯉᯬ᯲ ᯀᯞᯤ ᯐᯞᯬᯀᯉᯬ᯲ ᯉᯘᯪᯑ ᯑᯬ ᯂᯮᯀᯘᯬ ᯔᯝᯒᯐᯤ ᯘᯝᯔᯬ᯲ᯅᯘ᯲ ᯒᯇ᯲ ᯑᯬᯂᯖᯬ᯲ ᯅᯪᯉᯖᯰ ᯤ

17:13 Saroha ma nasida, lehononnasida do gogo dohot huasonasida tu binatang i. ᯘᯒᯬᯂ ᯔ ᯉᯘᯪᯑ ᯞᯩᯂᯬᯉᯉᯬ᯲ᯉᯘᯪᯑ ᯑᯬ ᯎᯬᯎᯬ ᯑᯬᯂᯖᯬ᯲ ᯂᯮᯀᯘᯬᯉᯘᯪᯑ ᯖᯮ ᯅᯪᯉᯖᯰ ᯤ

17:14 Na marmusu ma nasida dompak Birubiru i, gabe taluhonon ni Birubiru i ma nasida, ala Ibana Tuhan ni angka tuan jala Raja ni angka raja; ia angka donganna, i ma angka na tarjou, angka na tarpillit jala haposan. ᯉ ᯔᯒ᯲ᯔᯮᯘᯮ ᯔ ᯉᯘᯪᯑ ᯑᯔᯬ᯲ᯇᯄ᯦᯲ ᯅᯪᯒᯮᯅᯪᯒᯮ ᯤ ᯎᯅᯩ ᯖᯞᯮᯂᯬᯉᯉᯬ᯲ ᯉᯪ ᯅᯪᯒᯮᯅᯪᯒᯮ ᯤ ᯔ ᯉᯘᯪᯑ ᯀᯞ ᯤᯅᯉ ᯖᯮᯂᯉ᯲ ᯉᯪ ᯀᯰᯄ᯦ ᯖᯮᯀᯉ᯲ ᯐᯞ ᯒᯐᯉᯪ ᯀᯰᯄ᯦ ᯒᯐ ᯤᯀ ᯀᯰᯄ᯦ ᯑᯬᯝᯉ᯲ᯉ ᯤ ᯔ ᯀᯰᯄ᯦ ᯉ ᯖᯒ᯲ᯐᯬᯥ ᯀᯰᯄ᯦ ᯉ ᯖᯒ᯲ᯇᯞᯪ᯲ᯞᯖᯪ᯲ ᯐᯞ ᯂᯇᯬᯘᯉ᯲

17:15 Dung i didok ma tu ahu: Ia angka aek na niidami, inganan ni boruboru na jahat i, i ma angka bangso, angka punguan bolon, angka marga dohot hata. ᯑᯮᯰ ᯤ ᯑᯪᯑᯄ᯦ᯬ᯲ ᯔ ᯖᯮ ᯀᯂᯮ ᯤᯀ ᯀᯰᯄ᯦ ᯀᯀᯄᯩ᯲ ᯉ ᯉᯪ ᯤᯑᯔᯪ ᯤᯝᯉᯉ᯲ ᯉᯪ ᯅᯬᯒᯮᯅᯬᯒᯮ ᯉ ᯐᯂᯖ᯲ ᯤ ᯤ ᯔ ᯀᯰᯄ᯦ ᯅᯰᯘᯬ ᯀᯰᯄ᯦ ᯇᯮᯝᯮᯀᯉ᯲ ᯅᯬᯞᯉᯬ᯲ ᯀᯰᯄ᯦ ᯔᯒ᯲ᯎ ᯑᯬᯂᯖᯬ᯲ ᯂᯖ

17:16 Ia tanduk na sampulu, na niidami, dohot binatang i, hosomannasida ma boruboru na jahat i, lungunan ma bahenonnasida ibana jala marsaemara, allangonnasida ma sibukna, jala tutungonnasida ma ibana tu api. ᯤᯀ ᯖᯉ᯲ᯑᯄ᯦ᯮ᯲ ᯉ ᯘᯔ᯲ᯇᯮᯞᯮ ᯉ ᯉᯪᯤᯑᯔᯪ ᯑᯬᯂᯖᯬ᯲ ᯅᯪᯉᯖᯰ ᯤ ᯂᯬᯘᯬᯔᯉ᯲ᯉᯘᯪᯑ ᯔ ᯅᯬᯒᯮᯅᯬᯒᯮ ᯉ ᯐᯂᯖ᯲ ᯤ ᯞᯮᯝᯮᯉᯉ᯲ ᯔ ᯅᯂᯩᯉᯉᯬ᯲ᯉᯘᯪᯑ ᯤᯅᯉ ᯐᯞ ᯖᯮᯖᯮᯝᯉᯬ᯲ ᯉᯘᯪᯑ ᯔ ᯤᯅᯉ ᯖᯮ ᯀᯇᯪ

17:17 Ai dipahehe Debata do rohanasida pasauthon tahina hian, mangulahon hasadaon ni roha, mangalehon harajaonnasida tu binatang i, paima saut angka hata ni Debata. ᯀᯤ ᯑᯪᯇᯂᯩᯂᯩ ᯑᯩᯅᯖ ᯑᯬ ᯒᯬᯂᯉᯘᯪᯑ ᯇᯘᯖᯮ᯲ᯂᯉᯬ᯲ ᯖᯂᯪᯉ ᯂᯪᯀᯉ᯲ ᯔᯝᯮᯞᯂᯉᯬ᯲ ᯂᯘᯑᯀᯉᯬ᯲ ᯉᯪ ᯒᯬᯂ ᯔᯝᯞᯩᯂᯉᯬ᯲ ᯂᯒᯐᯀᯉᯬ᯲ᯉᯘᯪᯑ ᯖᯮ ᯅᯪᯉᯖᯰ ᯤ ᯇᯤᯔ ᯘᯀᯖᯮ᯲ ᯀᯰᯄ᯦ ᯂᯖ ᯉᯪ ᯑᯩᯅᯖ

17:18 Ia boruboru na niidami, i ma huta na balga, na mangarajai angka raja na di tano on. ᯤᯀ ᯅᯬᯒᯮᯅᯬᯒᯮ ᯉ ᯉᯪᯤᯑᯔᯪ ᯤ ᯔ ᯂᯮᯖ ᯉ ᯅᯞ᯲ᯎ ᯉ ᯔᯝᯒᯐᯤ ᯀᯰᯄ᯦ ᯒᯐ ᯉ ᯑᯪ ᯖᯉᯬ ᯀᯉᯬ᯲

Pangungkapon ᯇᯝᯮᯰᯄ᯦ᯇᯉᯬ᯲ 18

18:1 Dung salpu i, huida ma surusuruan na asing tuat sian banua ginjang, na marhuaso godang, gabe tiur ma tano i dibahen hasangaponna. ᯑᯮᯰ ᯘᯞ᯲ᯇᯮ ᯤ ᯂᯮᯤᯑ ᯔ ᯘᯮᯒᯮᯘᯮᯒᯮᯀᯉ᯲ ᯉ ᯀᯘᯰᯪ ᯖᯮᯀᯖ᯲ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯉ ᯔᯒ᯲ᯂᯮᯀᯘᯬ ᯎᯬᯑᯰ ᯎᯅᯩ ᯖᯪᯀᯒᯮ᯲ ᯔ ᯖᯉᯬ ᯤ ᯑᯪᯅᯂᯉᯩ᯲ ᯂᯘᯝᯇᯉᯬ᯲ᯉ

18:2 Gogo ma soarana manjoujouhon: Nunga pesan, nunga pesan Babel na balga i, gabe inganan ni angka sibolis jala hurungan ni nasa tondi na hodar jala huruhuruan ni nasa pidong na ronsam, angka hagigian. ᯎᯬᯎᯬ ᯔ ᯘᯬᯀᯒᯉ ᯔᯉ᯲ᯐᯬᯥᯐᯬᯥᯂᯉᯬ᯲ ᯉᯮᯝ ᯇᯩᯘᯉ᯲ ᯉᯮᯝ ᯇᯩᯘᯉ᯲ ᯅᯅᯞᯩ᯲ ᯉ ᯅᯞ᯲ᯎ ᯤ ᯎᯅᯩ ᯤᯝᯔᯉ᯲ ᯉᯪ ᯀᯰᯄ᯦ ᯘᯪᯅᯬᯞᯘᯪ᯲ ᯐᯞ ᯂᯮᯒᯮᯝᯉ᯲ ᯉᯪ ᯉᯘ ᯖᯉᯬ᯲ᯑᯪ ᯉ ᯂᯬᯑᯒ᯲ ᯐᯞ ᯂᯮᯒᯮᯂᯮᯒᯮᯀᯉ᯲ ᯉᯪ ᯉᯘ ᯇᯪᯑᯰᯬ ᯉ ᯒᯉᯬ᯲ᯘᯔ᯲ ᯀᯰᯄ᯦ ᯂᯎᯪᯎᯪᯀᯉ᯲

18:3 Ai naung minum do saluhut bangso sian anggur pangarimasan na sian parmainanonna, jala donganna, marmainan do angka raja na di tano on; naung gabe mamora do angka partigatiga ni tano on binahen ni hagogoon ni hageduhonna. ᯀᯤ ᯉᯀᯮᯰ ᯔᯪᯉᯔᯮ᯲ ᯑᯬ ᯘᯞᯮᯂᯖᯮ᯲ ᯅᯰᯘᯬ ᯘᯪᯀᯉ᯲ ᯀᯰᯎᯒᯮ᯲ ᯇᯝᯒᯪᯔᯘᯉ᯲ ᯉ ᯘᯪᯀᯉ᯲ ᯇᯒ᯲ᯔᯤᯉᯉᯬ᯲ᯉ ᯐᯞ ᯑᯬᯝᯉ᯲ᯉ ᯔᯒ᯲ᯔᯤᯉᯉ᯲ ᯑᯬ ᯀᯰᯄ᯦ ᯒᯐ ᯉ ᯑᯪ ᯖᯉᯬ ᯀᯉᯬ᯲ ᯉᯀᯮᯰ ᯎᯅᯩ ᯔᯔᯬᯒ ᯑᯬ ᯀᯰᯄ᯦ ᯇᯒ᯲ᯖᯪᯎᯖᯪᯎ ᯉᯪ ᯖᯉᯬ ᯀᯉᯬ᯲ ᯅᯪᯉᯂᯉᯩ᯲ ᯉᯪ ᯂᯎᯬᯎᯬᯀᯉᯬ᯲ ᯉᯪ ᯂᯎᯩᯑᯮᯂᯉᯬ᯲ᯉ

18:4 Dung i hubege ma soara na asing sian banua ginjang, na mandok: Laho ma hamu, ale bangsongku, ruar sian i, asa unang partohap hamu di angka dosana, unang dohot hamu manjalo di haporsuhonna i! ᯑᯮᯨ ᯤ ᯂᯮᯅᯩᯎᯩ ᯔ ᯘᯬᯀᯒ ᯉ ᯀᯘᯰᯪ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯉ ᯔᯉ᯲ᯑᯄ᯦ᯬ᯲ ᯞᯂᯬ ᯔ ᯂᯔᯮ ᯀᯞᯩ ᯅᯰᯘᯰᯬ᯲ᯄ᯦ᯮ ᯒᯮᯀᯒ᯲ ᯘᯪᯀᯉ᯲ ᯤ ᯀᯘ ᯥᯉᯰ ᯇᯒ᯲ᯖᯬᯂᯇ᯲ ᯂᯔᯮ ᯑᯪ ᯀᯰᯄ᯦ ᯑᯬᯘᯉ ᯥᯉᯰ ᯑᯬᯂᯖᯬ᯲ ᯂᯔᯮ ᯔᯉ᯲ᯐᯞᯬ ᯑᯪ ᯂᯇᯒᯬ᯲ᯘᯮᯂᯉᯬ᯲ᯉ ᯤ

18:5 Ai nunga sahat ro di banua ginjang angka dosana; nunga marningot Debata di angka hajahatonna. ᯀᯤ ᯉᯮᯝ ᯘᯂᯖ᯲ ᯒᯬ ᯑᯪ ᯅᯉᯮᯀ ᯎᯉᯪ᯲ᯐᯰ ᯀᯰᯄ᯦ ᯑᯬᯘᯉ ᯉᯮᯝ ᯔᯒ᯲ᯉᯪᯝᯖᯬ᯲ ᯑᯩᯅᯖ ᯑᯪ ᯀᯰᯄ᯦ ᯂᯐᯂᯖᯉᯬ᯲ᯉ

18:6 Baloshon hamu tu ibana songon naung binahenna i, silompit ma bahen hamu marguru tu angka ulaonna; silompit dua ma tahuhon hamu di ibana tu panginuman na sinaorhonna i! ᯅᯞᯘᯬ᯲ᯂᯉᯬ᯲ ᯂᯔᯮ ᯖᯮ ᯤᯅᯉ ᯘᯬᯝᯉᯬ᯲ ᯉᯀᯮᯰ ᯅᯪᯉᯂᯉᯩ᯲ᯉ ᯤ ᯘᯞᯔᯬ᯲ᯇᯖᯪ᯲ ᯔ ᯉᯂᯉᯩ᯲ ᯂᯔᯮ ᯔᯒ᯲ᯎᯮᯒᯮ ᯖᯮ ᯀᯰᯄ᯦ ᯥᯞᯀᯉᯬ᯲ᯉ ᯘᯪᯞᯔᯬ᯲ᯇᯖᯪ᯲ ᯑᯮᯀ ᯔ ᯖᯂᯮᯂᯉᯬ᯲ ᯂᯔᯮ ᯑᯪ ᯤᯅᯉ ᯖᯮ ᯇᯝᯪᯉᯮᯔᯉ᯲ ᯉ ᯘᯪᯉᯀᯒᯬ᯲ᯂᯉᯬ᯲ᯉ ᯤ

18:7 Manang sadia hasangapon dohot pargadombuson na niaithonna tu dirina, na sai godang haporsuhon dohot arsak ni roha ma lehon hamu tu ibana? Ai didok ibana di bagasan rohana: Na hundul do ahu mangarajai, ndang na mabalu ahu, na so tupa idaonku arsak ni roha. ᯔᯉᯰ ᯘᯑᯪᯀ ᯂᯘᯝᯇᯉᯬ᯲ ᯑᯬᯂᯖᯬ᯲ ᯇᯒ᯲ᯎᯑᯔᯬ᯲ᯅᯮᯘᯉᯬ᯲ ᯉ ᯉᯪᯀᯀᯖᯪ᯲ᯂᯉᯬ᯲ᯉ ᯖᯮ ᯑᯪᯒᯪᯉ ᯉ ᯘᯤ ᯎᯬᯑᯰ ᯂᯇᯒᯬ᯲ᯘᯮᯂᯉᯬ᯲ ᯑᯬᯂᯖᯬ᯲ ᯀᯒ᯲ᯘᯄ᯦᯲ ᯉᯪ ᯒᯬᯂ ᯔ ᯞᯩᯂᯉᯬ᯲ ᯂᯔᯮ ᯖᯮ ᯤᯅᯉ ᯀᯤ ᯑᯪᯑᯄ᯦ᯬ᯲ ᯤᯅᯉ ᯑᯪ ᯅᯎᯘᯉ᯲ ᯒᯬᯂᯉ ᯉ ᯂᯉᯮ᯲ᯑᯞᯮ᯲ ᯑᯬ ᯀᯂᯮ ᯔᯝᯒᯐᯤ ᯉ᯲ᯑᯰ ᯉ ᯔᯅᯞᯮ ᯀᯂᯮ ᯉ ᯘᯬ ᯖᯮᯇ ᯤᯑᯀᯉᯬ᯲ᯄ᯦ᯮ ᯀᯒ᯲ᯘᯄ᯦᯲ ᯉᯪ ᯒᯬᯂ

18:8 Dibahen i, di bagasan na sadari ma songgop tu ibana angka haporsuhon: Hamatean dohot andung dohot haraparon; dung i tutungon ma ibana tu api. Ai na gogo do Tuhan Debata, na manguhum ibana. ᯑᯪᯅᯂᯉᯩ᯲ ᯤ ᯑᯪ ᯅᯎᯘᯉ᯲ ᯉ ᯘᯑᯒᯪ ᯔ ᯘᯰᯬᯎᯇᯬ᯲ ᯖᯮ ᯤᯅᯉ ᯀᯰᯄ᯦ ᯂᯇᯒᯬ᯲ᯘᯮᯂᯉᯬ᯲ ᯂᯔᯖᯩᯀᯉ᯲ ᯑᯬᯂᯖᯬ᯲ ᯀᯉ᯲ᯑᯮᯰ ᯑᯬᯂᯖᯬ᯲ ᯂᯒᯇᯒᯉᯬ᯲ ᯑᯮᯰ ᯤ ᯖᯮᯖᯮᯝᯉᯬ᯲ ᯔ ᯤᯅᯉ ᯖᯮ ᯀᯇᯪ ᯀᯤ ᯉ ᯎᯬᯎᯬ ᯑᯬ ᯖᯮᯂᯉ᯲ ᯑᯩᯅᯖ ᯉ ᯔᯝᯮᯂᯔᯮ᯲ ᯤᯅᯉ

18:9 Angka raja na di tano on, angka donganna marmainan jala margadombus, i ma mananangisi jala mangandungi ibana, di na idaonnasida timus ni panutunganna i. ᯀᯰᯄ᯦ ᯒᯐ ᯉ ᯑᯪ ᯖᯉᯬ ᯘᯉᯬ᯲ ᯀᯰᯄ ᯑᯬᯝᯉ᯲ᯉ ᯔᯒ᯲ᯔᯤᯉᯉ᯲ ᯐᯞ ᯔᯒ᯲ᯎᯑᯔᯬ᯲ᯅᯘᯮ᯲ ᯤ ᯔ ᯔᯉᯉᯝᯪᯘᯪ ᯐᯞ ᯔᯝᯉ᯲ᯑᯮᯝᯪ ᯤᯅᯉ ᯑᯪ ᯉ ᯤᯑᯀᯉᯬ᯲ᯉᯘᯪᯑ ᯖᯪᯔᯘᯮ᯲ ᯉᯪ ᯇᯉᯮᯖᯮᯝᯉ᯲ᯉ ᯤ

18:10 Na mandaodao nama nasida jongjong dibahen biarnasida mida parniahapanna i; ia hatanasida: Na marjea, na marjea do ho, huta na balga, huta Babel na togu i, ai di bagasan na sajom do lalu uhum na tu ho: ᯉ ᯔᯉ᯲ᯑᯀᯬᯑᯀᯬ ᯉᯔ ᯉᯘᯪᯑ ᯐᯰᯬᯐᯰᯬ ᯑᯪᯅᯂᯉᯩ᯲ ᯅᯪᯀᯒ᯲ᯉᯘᯪᯑ ᯔᯪᯑ ᯇᯒ᯲ᯉᯪᯀᯂᯇᯉ᯲ᯉ ᯤ ᯤᯀ ᯂᯖᯉᯘᯪᯑ ᯉ ᯔᯒ᯲ᯐᯩᯀ ᯑᯬ ᯂᯬ ᯂᯮᯖ ᯉ ᯅᯞ᯲ᯎ ᯂᯮᯖ ᯅᯅᯞᯩ᯲ ᯉ ᯖᯬᯎᯮ ᯤ ᯀᯤ ᯑᯪᯅᯎᯘᯉ᯲ ᯉ ᯘᯐᯔᯬ᯲ ᯑᯬ ᯞᯞᯮ ᯥᯂᯔᯮ᯲ ᯉ ᯖᯮ ᯂᯬ

18:11 Tangis ma angka partigatiga ni tano on, angka naung marsak mida ibana, ala so adong be na manuhor boniaganasida. ᯖᯝᯘᯪ᯲ ᯔ ᯀᯰᯄ᯦ ᯇᯒ᯲ᯖᯪᯎᯖᯪᯎ ᯉᯪ ᯖᯉᯬ ᯀᯉᯬ᯲ ᯀᯰᯄ᯦ ᯉᯀᯮᯰ ᯔᯒ᯲ᯘᯄ᯦᯲ ᯔᯪᯑ ᯤᯅᯉ ᯀᯞ ᯘᯬ ᯀᯑᯰᯬ ᯅᯩ ᯉ ᯔᯉᯮᯂᯒᯬ᯲ ᯅᯬᯉᯪᯀᯎᯉᯘᯪᯑ

18:12 I ma angka boniaga sere dohot perak, mata intan, mutiha, haen na bontar, hasumba, surta, abit na rara dohot nasa na hushus ro di ragam ni ulaula na sian gading, sian hau na arga, sian haksa, bosi dohot batu marmar, ᯤ ᯔ ᯀᯰᯄ᯦ ᯅᯬᯉᯪᯀᯎ ᯘᯩᯒᯩ ᯑᯬᯂᯖᯬ᯲ ᯇᯩᯒᯄ᯦᯲ ᯔᯖ ᯀᯉᯪ᯲ᯖᯉ᯲ ᯔᯮᯖᯪᯂ ᯂᯀᯉᯩ᯲ ᯉ ᯅᯉᯬ᯲ᯖᯒ᯲ ᯂᯘᯔᯮ᯲ᯅ ᯘᯒᯮ᯲ᯖ ᯀᯅᯖᯪ᯲ ᯉ ᯒᯒ ᯑᯬᯂᯖᯬ᯲ ᯉ ᯘ ᯉ ᯂᯉᯮ᯲ᯘᯘᯮ᯲ ᯒᯬ ᯑᯪ ᯒᯎᯔ᯲ ᯉᯪ ᯥᯞᯤᯞ ᯉ ᯘᯪᯀᯉ᯲ ᯎᯑᯰᯪ ᯘᯪᯀᯉ᯲ ᯂᯥ ᯉ ᯀᯒ᯲ᯎ ᯘᯪᯀᯉ᯲ ᯂᯄ᯦᯲ᯘ ᯅᯬᯘᯪ ᯑᯬᯂᯖᯬ᯲ ᯅᯖᯮ ᯔᯒ᯲ᯔᯒ᯲

18:13 angkup ni i ulu mamis dohot miak na hushus, pamurpuri dohot mir dohot haminjon, anggur, miak, itak, eme, horbo, birubiru, hoda, hureta, hatoban ro di hosa ni jolma. ᯀᯰᯄᯇᯮ᯲ ᯉᯪ ᯥᯞᯮ ᯔᯔᯘᯪ᯲ ᯑᯬᯂᯖᯬ᯲ ᯔᯪᯀᯄ᯦᯲ ᯉ ᯂᯘᯮ᯲ᯘᯘᯮ᯲ ᯇᯔᯒᯮ᯲ᯇᯮᯒᯪ ᯑᯬᯂᯖᯬ᯲ ᯔᯒᯪ᯲ ᯑᯬᯂᯖᯬ᯲ ᯂᯔᯉᯪ᯲ᯐᯉᯬ᯲ ᯀᯰᯎᯒᯮ᯲ ᯔᯪᯀᯄ᯦᯲ ᯤᯖᯄ᯦᯲ ᯀᯩᯔᯩ ᯂᯒᯬ᯲ᯅᯬ ᯅᯪᯒᯮᯅᯪᯒᯮ ᯂᯬᯑ ᯂᯮᯒᯩᯖ ᯂᯖᯬᯅᯉ᯲ ᯒᯬ ᯑᯪ ᯂᯬᯘ ᯉᯪ ᯐᯞᯬ᯲ᯔ

18:14 Nunga munsat sian ho parbue ni hau na hinasolohon ni roham; nunga mago sian ho nasa na uli jala na tiur berengon, na so tupa be jumpang angka i! ᯉᯮᯝ ᯔᯉᯮ᯲ᯘᯖ᯲ ᯘᯪᯀᯉ᯲ ᯂᯬ ᯇᯒ᯲ᯅᯮᯀᯩ ᯉᯪ ᯂᯥ ᯉ ᯂᯪᯉᯘᯬᯞᯬᯂᯉᯬ᯲ ᯉᯪ ᯒᯬᯂᯔ᯲ ᯉᯮᯝ ᯔᯎᯬ ᯘᯪᯀᯉ᯲ ᯂᯬ ᯉᯘ ᯉ ᯥᯞᯪ ᯐᯞ ᯉ ᯖᯪᯀᯒᯮ᯲ ᯅᯩᯒᯩᯝᯉᯬ᯲ ᯉ ᯘᯬ ᯖᯮᯇ ᯅᯩ ᯐᯔᯮ᯲ᯇᯰ ᯀᯰᯄ᯦ ᯤ

18:15 Angka na martigatigahon sisongon i, angka naung gabe mamora binahenna i, jongjong mandaodao dibahen biarnasida mida parniahapanna, tumatangis jala mangangguhi? ᯀᯰᯄ᯦ ᯉ ᯔᯒ᯲ᯖᯪᯎᯖᯪᯎᯂᯉᯬ᯲ ᯘᯪᯘᯬᯝᯉᯬ᯲ ᯤ ᯀᯰᯄ᯦ ᯉᯀᯮᯰ ᯎᯅᯩ ᯔᯔᯬᯒ ᯅᯪᯉᯂᯉᯩ᯲ᯉ ᯤ ᯐᯰᯬᯐᯰᯬ ᯔᯉ᯲ᯑᯀᯬᯑᯀᯬ ᯑᯪᯅᯂᯉᯩ᯲ ᯅᯪᯀᯒ᯲ᯉᯘᯪᯑ ᯔᯪᯑ ᯇᯒ᯲ᯉᯪᯀᯂᯇᯉ᯲ᯉ ᯖᯮᯔᯖᯝᯘᯪ᯲ ᯐᯞ ᯔᯝᯰᯎᯮᯂᯪ

18:16 Ninna nasida ma: Na marjea, na marjea do ho, huta na balga, na marabithon abit na bontar dohot na rara dohot hasumba, na nilampisan dohot sere nang mata intan ro di mutiha, ai di bagasan sajom do gabe suda hamoraon na songon i! ᯉᯉᯪ᯲ᯉ ᯉᯘᯪᯑ ᯔ ᯉ ᯔᯒ᯲ᯐᯩᯀ ᯉ ᯔᯒ᯲ᯐᯩᯀ ᯑᯬ ᯂᯬ ᯂᯮᯖ ᯉ ᯅᯞ᯲ᯎ ᯉ ᯔᯒᯅᯖᯪ᯲ᯂᯉᯬ᯲ ᯀᯅᯖᯪ᯲ ᯉ ᯅᯉᯬ᯲ᯖᯒ᯲ ᯑᯬᯂᯖᯬ᯲ ᯉ ᯒᯒ ᯑᯬᯂᯖᯬ᯲ ᯂᯘᯔᯮ᯲ᯅ ᯉ ᯉᯪ ᯞᯔ᯲ᯇᯪᯘᯉ᯲ ᯑᯬᯂᯖᯬ᯲ ᯘᯩᯒᯩ ᯉᯰ ᯔᯖ ᯀᯉᯪ᯲ᯖᯉ᯲ ᯒᯬ ᯑᯪ ᯔᯮᯖᯪᯂ ᯀᯤ ᯑᯪ ᯅᯎᯘᯉ᯲ ᯘᯐᯔᯬ᯲ ᯑᯬ ᯎᯅᯩ ᯘᯮᯑ ᯂᯔᯬᯒᯀᯉᯬ᯲ᯉ

18:17 Na jongjong mandaodao ma saluhut juaramudi dohot angka na marparau mangkoris topilaut dohot anak parau ro di saluhut na marulaon di laut. ᯉ ᯐᯰᯬᯐᯰᯬ ᯔᯉ᯲ᯑᯀᯬᯑᯀᯬ ᯔ ᯘᯞᯮᯂᯖᯮ᯲ ᯐᯮᯀᯒᯔᯮᯑᯪ ᯑᯬᯂᯖᯬ᯲ ᯀᯰᯄ᯦ ᯉ ᯔᯒ᯲ᯇᯒᯥ ᯔᯰᯄ᯦ᯬᯒᯘᯪ᯲ ᯖᯬᯇᯪᯞᯀᯖᯮ᯲ ᯑᯬᯂᯖᯬ᯲ ᯀᯉᯄ᯦᯲ ᯇᯒᯥ ᯒᯬ ᯑᯪ ᯘᯞᯮᯂᯖᯮ᯲ᯉ ᯔᯒᯮᯞᯀᯉᯬ᯲ ᯑᯪ ᯞᯀᯖᯮ᯲

18:18 Jadi manjoujou ma nasida marnida timus ni pamurunanna, ninna ma: Dia na tudos tu huta na balga i? ᯐᯑᯪ ᯔᯉ᯲ᯐᯬᯥᯐᯬᯥ ᯔ ᯉᯘᯪᯑ ᯔᯒ᯲ᯉᯪᯑ ᯖᯪᯔᯘᯮ᯲ ᯉᯪ ᯇᯔᯮᯒᯮᯉᯉ᯲ᯉ ᯉᯉᯪ᯲ᯉ ᯔ ᯑᯪᯀ ᯉ ᯖᯮᯑᯘᯬ᯲ ᯖᯮ ᯂᯮᯖ ᯉ ᯅᯞ᯲ᯎ ᯤ

18:19 Gabe dipirpirhon nasida ma orbuk tu ulunasida, jala manjoujou ma nasida huhut tumatangis jala mangangguhi, angka ninna ma: Na marjea, na marjea do ho, huta na balga i; binahenna i do gabe mamora saluhut na marparau dilaut marhite sian hamoraonna, ai di bagasan sajom do dipanepnep! ᯎᯅᯩ ᯑᯪᯇᯒᯪ᯲ᯇᯒᯪ᯲ᯂᯉᯬ᯲ ᯉᯘᯪᯑ ᯔ ᯀᯒᯬ᯲ᯅᯄ᯦ᯮ ᯖᯮ ᯥᯞᯮᯉᯘᯪᯑ ᯐᯞ ᯔᯉ᯲ᯐᯬᯥᯐᯬᯥ ᯔ ᯉᯘᯪᯑ ᯂᯮᯂᯖᯮ᯲ ᯖᯮᯔᯖᯝᯘᯪ᯲ ᯐᯞ ᯔᯝᯰᯎᯮᯂᯪ ᯀᯰᯄ᯦ ᯉᯉᯪ᯲ᯉ ᯔ ᯉ ᯔᯒ᯲ᯐᯩᯀ ᯉ ᯔᯒ᯲ᯐᯩᯀ ᯑᯬ ᯂᯬ ᯂᯮᯖ ᯉ ᯅᯞ᯲ᯎ ᯤ ᯅᯪᯉᯂᯉᯩ᯲ᯉ ᯤ ᯑᯬ ᯎᯅᯩ ᯔᯔᯬᯒ ᯘᯞᯮᯂᯖᯮ᯲ ᯉ ᯔᯒ᯲ᯇᯒᯥ ᯑᯪ ᯞᯀᯖᯮ᯲ ᯔᯒ᯲ᯂᯪᯖᯩ ᯘᯪᯀᯉ᯲ ᯂᯔᯬᯒᯀᯉᯬ᯲ᯉ ᯀᯤ ᯑᯪ ᯅᯎᯘᯉ᯲ ᯘᯐᯔᯬ᯲ ᯑᯬ ᯑᯪᯇᯉᯇᯩ᯲ᯉᯇᯩ᯲

18:20 Halashon ma i, ale banua ginjang, dohot hamu, angka na badia ro di angka apostel nang panurirang; ai nunga diluluhon Debata hamu tu ibana! ᯂᯞᯘ᯲ᯂᯉᯬ᯲ ᯔ ᯤ ᯀᯞᯩ ᯅᯉᯮᯀ ᯎᯉᯪ᯲ᯐᯰ ᯑᯬᯂᯖᯬ᯲ ᯂᯔᯮ ᯀᯰᯄ᯦ ᯉ ᯅᯑᯪᯀ ᯒᯬ ᯑᯪ ᯀᯰᯄ᯦ ᯀᯇᯘᯬ᯲ᯖᯞᯩ᯲ ᯉᯰ ᯇᯉᯮᯒᯪᯒᯰ ᯀᯤ ᯉᯮᯝ ᯑᯪᯞᯮᯞᯮᯂᯉᯬ᯲ ᯑᯩᯅᯖ ᯂᯔᯮ ᯖᯮ ᯤᯅᯉ

18:21 Jadi dihindat sada surusuruan na gogo ma sada batu na salosung na bolon, didabu ma i tu laut, huhut ma didok: Songon i sahali mandanggurhon, bolongkononhon ma huta Babel na balga i, gabe ndang jumpang be! ᯐᯑᯪ ᯑᯪᯂᯉᯪ᯲ᯑᯖ᯲ ᯘᯑ ᯘᯮᯒᯮᯘᯮᯒᯮᯀᯉ᯲ ᯉ ᯎᯬᯎᯬ ᯔ ᯘᯑ ᯅᯖᯮ ᯉ ᯘᯞᯬᯘᯮᯰ ᯉ ᯅᯬᯞᯉᯬ᯲ ᯑᯪᯑᯅᯮ ᯔ ᯤ ᯖᯮ ᯞᯀᯖᯮ᯲ ᯂᯮᯂᯖᯮ᯲ ᯔ ᯑᯪᯑᯂᯬ᯲ ᯘᯬᯝᯉᯬ᯲ ᯤ ᯘᯂᯞᯪ ᯔᯉ᯲ᯑᯰᯎᯒᯮ᯲ᯂᯉᯬ᯲ ᯅᯬᯞᯰᯬᯄ᯦ᯬᯉᯉᯬ᯲ᯂᯉᯬ᯲ ᯔ ᯂᯮᯖ ᯅᯅᯞᯩ ᯉ ᯅᯞ᯲ᯎ ᯤ ᯎᯅᯩ ᯉ᯲ᯑᯰ ᯐᯔᯮ᯲ᯇᯰ ᯅᯩ

18:22 Na so tupa be tarbege di bagasan ho soara ni angka parhasapi dohot siparende dohot partulila dohot parsarune; ndang jumpang be di bagasan ho nanggo sada ragam ni siula hapandean; jala ndang be tarbege di bagasan ho pangkuling ni panduda. ᯉᯘᯬ ᯖᯮᯇ ᯅᯩ ᯖᯒ᯲ᯅᯩᯎᯩ ᯑᯪ ᯅᯎᯘᯉ᯲ ᯂᯬ ᯘᯬᯀᯒ ᯉᯪ ᯀᯰᯄ᯦ ᯇᯒ᯲ᯂᯘᯇᯪ ᯑᯬᯂᯖᯬ᯲ ᯘᯪᯇᯒᯉᯩ᯲ᯑᯩ ᯑᯬᯂᯖᯬ᯲ ᯇᯒ᯲ᯖᯮᯞᯪᯞ ᯑᯬᯂᯖᯬ᯲ ᯇᯒ᯲ᯘᯒᯮᯉᯩ ᯉ᯲ᯑᯰ ᯐᯔᯮ᯲ᯇᯰ ᯅᯩ ᯑᯪ ᯅᯎᯘᯉ᯲ ᯂᯬ ᯉᯰᯎᯬ ᯘᯑ ᯒᯎᯔ᯲ ᯉᯪ ᯘᯪᯥᯞ ᯂᯇᯉ᯲ᯑᯩᯀᯉᯬ᯲ ᯐᯞ ᯉ᯲ᯑᯰ ᯅᯩ ᯖᯒ᯲ᯅᯩᯎᯩ ᯑᯪ ᯅᯎᯘᯉ᯲ ᯂᯬ ᯇᯰᯄ᯦ᯮᯞᯰᯪ ᯉᯪ ᯇᯉ᯲ᯑᯮᯑ

18:23 Na so tupa be marsinondang di bagasan ho nanggo palito sada, ndang tagamon tarbege be di bagasan ho soara ni pangoli dohot oroan, ai naung dirajai angka partigatigamu do tano on, jala marhitehite hadatuonmu do gabe lilu angka bangso. ᯉ ᯘᯬ ᯖᯮᯇ ᯅᯩ ᯔᯒ᯲ᯘᯪᯉᯉᯬ᯲ᯑᯰ ᯑᯪ ᯅᯎᯘᯉ᯲ ᯂᯬ ᯉᯰᯎᯬ ᯇᯞᯪᯖᯬ ᯘᯑ ᯉ᯲ᯑᯰ ᯖᯎᯔᯉᯬ᯲ ᯖᯒ᯲ᯅᯩᯎᯩ ᯅᯩ ᯑᯪ ᯅᯎᯘᯉ᯲ ᯂᯬ ᯘᯬᯀᯒ ᯉᯪ ᯇᯝᯬᯞᯪ ᯑᯬᯂᯖᯬ᯲ ᯀᯬᯒᯬᯀᯉ᯲ ᯀᯤ ᯉᯀᯮᯰ ᯑᯪᯒᯐᯤ ᯀᯰᯄ᯦ ᯇᯒ᯲ᯖᯪᯎᯖᯪᯎᯔᯮ ᯑᯬ ᯖᯉᯬ ᯀᯉᯬ᯲ ᯐᯞ ᯔᯒ᯲ᯂᯪᯖᯩᯂᯪᯖᯩ ᯂᯑᯖᯮᯀᯉᯬ᯲ᯔᯮ ᯑᯬ ᯎᯅᯩ ᯞᯪᯞᯮ ᯀᯰᯄ᯦ ᯅᯰᯘᯬ

18:24 Na jumpang do di bagasan huta i mudar ni angka panurirang dohot angka na badia, ro di mudar ni saluhut naung tarseat di tano on. ᯉ ᯐᯔᯮ᯲ᯇᯰ ᯑᯬ ᯑᯪ ᯅᯎᯘᯉ᯲ ᯂᯮᯖ ᯤ ᯔᯮᯑᯒ᯲ ᯉᯪ ᯀᯰᯄ᯦ ᯇᯉᯮᯒᯪᯒᯰ ᯑᯬᯂᯖᯬ᯲ ᯀᯰᯄ᯦ ᯉ ᯅᯑᯪᯀ ᯒᯬ ᯑᯪ ᯔᯮᯑᯒ᯲ ᯉᯪ ᯘᯞᯮᯂᯖᯮ᯲ ᯉᯀᯮᯰ ᯖᯒ᯲ᯘᯩᯀᯖ᯲ ᯑᯪ ᯖᯉᯬ ᯀᯉᯬ᯲

Pangungkapon ᯇᯝᯮᯰᯄ᯦ᯇᯉᯬ᯲ 19

19:1 Dung salpu i, hubege ma di banua ginjang soara na gogo songon sian torop halak, na mandok: Halleluya! Rimpun di Debatanta do haluaon dohot hasangapon dohot hagogoon! ᯑᯮᯰ ᯘᯞ᯲ᯇᯮ ᯤ ᯂᯮᯅᯩᯎᯩ ᯔ ᯑᯪ ᯅᯉᯮᯀ ᯎᯉᯪ᯲ᯐᯰ ᯘᯬᯀᯒ ᯉ ᯎᯬᯎᯬ ᯘᯬᯝᯉᯬ᯲ ᯘᯪᯀᯉ᯲ ᯖᯬᯒᯇᯬ᯲ ᯂᯞᯄ᯦᯲ ᯉ ᯔᯉ᯲ᯑᯄ᯦ᯬ᯲ ᯂᯞ᯲ᯞᯩᯞᯮᯛ ᯒᯔᯪ᯲ᯇᯉᯮ᯲ ᯑᯪ ᯑᯩᯅᯖᯉ᯲ᯖ ᯑᯬ ᯂᯞᯮᯀᯀᯉᯬ᯲ ᯑᯬᯂᯖᯬ᯲ ᯂᯘᯝᯇᯉᯬ᯲ ᯑᯬᯂᯖᯬ᯲ ᯂᯎᯬᯎᯬᯀᯉᯬ᯲

19:2 Ai na sintong jala na tigor do angka uhumna, ai nunga diuhumi Ibana borubou na jahat, na balga i, naung mangago tano on binahen ni parmainanonna, jala diluluhon Ibana do mudar ni naposona sian tanganna. ᯀᯤ ᯉ ᯘᯉᯪ᯲ᯖᯰᯬ ᯐᯞ ᯉ ᯖᯪᯎᯒᯬ᯲ ᯑᯬ ᯀᯰᯄ᯦ ᯥᯂᯔᯮ᯲ᯉ ᯀᯤ ᯉᯮᯝ ᯑᯪᯥᯂᯮᯔᯪ ᯤᯅᯉ ᯅᯬᯒᯮᯅᯬᯒᯮ ᯉ ᯐᯂᯖ᯲ ᯉ ᯅᯞ᯲ᯎ ᯤ ᯉᯀᯮᯰ ᯔᯝᯎᯬ ᯖᯉᯬ ᯀᯉᯬ᯲ ᯅᯪᯉᯂᯉᯩ᯲ ᯉᯪ ᯇᯒ᯲ᯔᯤᯉᯉᯬ᯲ᯉ ᯐᯞ ᯑᯪᯞᯮᯞᯮᯂᯉᯬ᯲ ᯤᯅᯉ ᯑᯬ ᯔᯮᯑᯒ᯲ ᯉᯪ ᯉᯇᯬᯘᯬᯉ ᯘᯪᯀᯉ᯲ ᯖᯝᯉ᯲ᯉ

19:3 Dung i didok nasida ma paduahalihon: Halleluya! Na manaek do timusna ro di salelenglelengna: ᯑᯮᯰ ᯤ ᯑᯪᯑᯄ᯦ᯬ᯲ ᯉᯘᯪᯑ ᯔ ᯇᯑᯮᯀᯂᯞᯪᯂᯉᯬ᯲ ᯂᯞ᯲ᯞᯩᯞᯮᯛ ᯉ ᯔᯉᯀᯀᯄᯩ᯲ ᯑᯬ ᯖᯪᯔᯘᯮ᯲ᯉ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ

19:4 Jala manungkap ma sintua na duapulu opat i ro di parngolu na opat i laho sumomba Debata, na hundul di habangsa i, angka ninna ma: Amen! Halleluya! ᯐᯞ ᯔᯉᯮᯰᯄ᯦ᯇ᯲ ᯔ ᯘᯉᯪ᯲ᯖᯮᯀ ᯉ ᯑᯮᯀᯇᯮᯞᯮ ᯀᯬᯇᯖ᯲ ᯤ ᯒᯬ ᯑᯪ ᯇᯒ᯲ᯝᯬᯞᯮ ᯉ ᯀᯬᯇᯖ᯲ ᯤ ᯞᯂᯬ ᯘᯮᯔᯔᯬ᯲ᯅ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘ ᯤ ᯀᯰᯄ᯦ ᯉᯉᯪ᯲ᯉ ᯔ ᯀᯔᯉᯩ᯲ ᯂᯞ᯲ᯞᯩᯞᯮᯛ

19:5 Jadi ruar ma sada soara sian habangsa i na mandok: Puji hamu ma Debatanta, hamu saluhut naposona, na mangkabiari Ibana, angka na metmet nang angka na balga! ᯐᯑᯪ ᯒᯮᯀᯒ᯲ ᯔ ᯘᯑ ᯘᯬᯀᯒ ᯘᯪᯀᯉ᯲ ᯂᯅᯰᯘ ᯤ ᯉ ᯔᯉ᯲ᯑᯄ᯦ᯬ᯲ ᯇᯮᯐᯪ ᯂᯔᯮᯔ ᯑᯩᯅᯖᯉ᯲ᯖ ᯂᯔᯮ ᯘᯞᯮᯂᯖᯮ᯲ ᯉᯇᯬᯘᯬᯉ ᯉ ᯔᯰᯄ᯦ᯅᯪᯀᯒᯪ ᯤᯅᯉ ᯀᯰᯄᯉ ᯔᯖᯩ᯲ᯔᯖᯩ᯲ ᯉᯰ ᯀᯰᯄ᯦ ᯉ ᯅᯞ᯲ᯎ

19:6 Dung i hubege ma songon soara ni natorop situtu, songon soara ni aek godang, songon soara ni angka ronggur na gogo, na mandok: Halleluya! Ai nunga mangarajai Tuhan Debatanta, Sigomgom saluhutna! ᯑᯮᯰ ᯤ ᯂᯮᯅᯩᯎᯩ ᯔ ᯘᯬᯝᯉᯬ᯲ ᯘᯬᯀᯒ ᯉᯪ ᯉᯖᯬᯒᯇᯬ᯲ ᯘᯪᯖᯮᯖᯮ ᯘᯬᯝᯉᯬ᯲ ᯘᯬᯀᯒ ᯉᯪ ᯀᯀᯄᯩ᯲ ᯎᯬᯑᯰ ᯘᯬᯝᯉᯬ᯲ ᯘᯬᯀᯒ ᯉᯪ ᯀᯰᯄ᯦ ᯒᯰᯬᯎᯒᯮ᯲ ᯉ ᯎᯬᯎᯬ ᯉ ᯔᯉ᯲ᯑᯄ᯦ᯬ᯲ ᯂᯞ᯲ᯞᯩᯞᯮᯛ ᯀᯤ ᯉᯮᯝ ᯔᯝᯒᯐᯤ ᯖᯮᯂᯉ᯲ ᯑᯩᯅᯖᯉ᯲ᯖ ᯘᯬᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ

19:7 Marlas ni roha ma hita jala mariaia, jala talehon ma tu Ibana hasangapon, ai nunga jumpang hasampuran raya ni Birubiru i; nunga hobas soripadana. ᯔᯒᯪᯀᯘ᯲ ᯉᯪ ᯒᯪᯂ ᯔ ᯂᯪᯖ ᯐᯞ ᯔᯒᯪᯀᯤᯀ ᯐᯞ ᯖᯞᯩᯂᯉᯬ᯲ ᯔ ᯖᯮ ᯤᯅᯉ ᯂᯘᯝᯇᯉᯬ᯲ ᯀᯤ ᯉᯮᯝ ᯐᯔ᯲ᯇᯰ ᯂᯘᯔ᯲ᯇᯮᯒᯉ᯲ ᯒᯛ ᯉᯪ ᯅᯪᯒᯮᯅᯪᯒᯮ ᯤ ᯉᯮᯝ ᯂᯬᯅᯘ᯲ ᯘᯬᯒᯪᯇᯑᯉ

19:8 Nunga dilehon tu ibana abit na saksak jala na ias sialithononna. Ia abit na saksak i, i ma hapintoron ni angka na badia. ᯉᯮᯝ ᯑᯪᯞᯩᯂᯉᯬ᯲ ᯖᯮ ᯤᯅᯉ ᯀᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯐᯞ ᯉ ᯤᯀᯘ᯲ ᯘᯪᯀᯞᯖᯪ᯲ᯂᯬᯉᯉᯬ᯲ᯉ ᯤᯀ ᯀᯅᯖᯪ᯲ ᯉ ᯘᯄ᯦᯲ᯘᯄ᯦᯲ ᯤ ᯤ ᯔ ᯂᯇᯉᯪ᯲ᯖᯬᯒᯉᯬ᯲ ᯉᯪ ᯀᯰᯄ᯦ ᯉ ᯅᯑᯪᯀ

19:9 Laos didok ma tu ahu: Surathon ma: Martua do angka na jinou tu panganon ujuan ni Birubiru i! Jala didok do tu ahu: On do angka hata na sintong na sian Debata! ᯞᯀᯘᯬ᯲ ᯑᯪᯑᯄ᯦ᯬ᯲ ᯔ ᯖᯮ ᯀᯂᯮ ᯘᯮᯒᯖ᯲ᯂᯉᯬ᯲ ᯔ ᯔᯒ᯲ᯖᯮᯀ ᯑᯬ ᯀᯰᯄ᯦ ᯉ ᯐᯪᯉᯬᯥ ᯖᯮ ᯇᯝᯉᯉᯬ᯲ ᯥᯐᯮᯀᯉ᯲ ᯉᯪ ᯅᯪᯒᯮᯅᯪᯒᯮ ᯤ ᯐᯞ ᯑᯪᯑᯄ᯦ᯬ᯲ ᯑᯬ ᯖᯮ ᯀᯂᯮ ᯀᯉᯬ᯲ᯑᯬ ᯀᯰᯄ᯦ ᯂᯖ ᯉ ᯘᯉᯪ᯲ᯖᯰᯬ ᯉ ᯘᯪᯀᯉ᯲ ᯑᯩᯅᯖ

19:10 Jadi manungkap ma ahu tujolo ni patna, sumomba ibana, gabe didok ma tu ahu: Unang ma songon i! Donganmu naposo do ahu jala dongan ni angka hahaanggim, angka naung manjalo panindangion sian Jesus. Debata do sisombaonmu! Ai panindangion taringot tu Jesus i do tondi panurirangon. ᯐᯑᯪ ᯔᯉᯮᯰᯄ᯦ᯇ᯲ ᯔ ᯀᯂᯮ ᯖᯮᯐᯬᯞᯬ ᯉᯪ ᯇᯖ᯲ᯉ ᯘᯮᯔᯔᯬ᯲ᯅ ᯤᯅᯉ ᯎᯅᯩ ᯑᯪᯑᯄ᯦ᯬ᯲ ᯔ ᯖᯮ ᯀᯂᯮ ᯥᯉᯰ ᯔ ᯘᯬᯝᯉᯬ᯲ ᯤ ᯑᯬᯝᯉ᯲ᯔᯮ ᯉᯇᯬᯘᯬ ᯑᯬ ᯀᯂᯮ ᯐᯞ ᯑᯬᯝᯉ᯲ ᯉᯪ ᯀᯰᯄ᯦ ᯂᯂᯀᯰᯎᯔᯪ᯲ ᯀᯰᯄ᯦ ᯉᯀᯮᯰ ᯔᯉ᯲ᯐᯞᯬ ᯇᯉᯉᯪ᯲ᯑᯝᯪᯀᯉᯬ᯲ ᯘᯪᯀᯉ᯲ ᯐᯩᯘᯘᯮ᯲ ᯑᯩᯅᯖ ᯑᯬ ᯘᯪᯘᯔᯬ᯲ᯅᯀᯉᯬ᯲ᯔᯮ ᯀᯤ ᯇᯉᯉᯪ᯲ᯑᯝᯪᯀᯉᯬ᯲ ᯖᯒᯪᯝᯖᯬ᯲ ᯖᯮ ᯐᯩᯘᯘᯮ᯲ ᯤ ᯑᯬ ᯖᯉᯬ᯲ᯑᯪ ᯇᯉᯮᯒᯪᯒᯝᯉᯬ᯲

19:11 Dung i huida ma mungkap banua ginjang, tarida ma disi sada hoda sihapaspili; ia na hundul di ginjangna margoar Haposan jala Parsintong. Marhatigoran do Ibana manguhum jala marporang. ᯑᯮᯰ ᯤ ᯂᯮᯤᯑ ᯔ ᯔᯮᯄ᯦ᯇ᯲ ᯅᯉᯮᯀ ᯎᯉᯪ᯲ᯐᯰ ᯖᯒᯪᯑ ᯔ ᯑᯪᯘᯪ ᯘᯑ ᯂᯬᯑ ᯘᯪᯂᯇᯘ᯲ᯇᯪᯞᯪ ᯤᯀ ᯉ ᯂᯉᯮ᯲ᯑᯞᯮ᯲ ᯑᯪ ᯎᯉᯪ᯲ᯐᯰᯉ ᯔᯒ᯲ᯎᯬᯀᯒ᯲ ᯂᯇᯬᯘᯉ᯲ ᯐᯞ ᯇᯒ᯲ᯘᯉᯪ᯲ᯖᯰᯬ ᯔᯒ᯲ᯂᯖᯪᯎᯬᯒᯉ᯲ ᯑᯬ ᯤᯅᯉ ᯔᯝᯮᯂᯔᯮ᯲ ᯐᯞ ᯔᯒ᯲ᯇᯬᯒᯰᯰ

19:12 Alai songon nala ni api do anggo matana, torop do tumpal harajaon di uluna; adong do Goarna tarsurat, na so binoto ni manang ise, ia so holan Ibana. ᯀᯞᯤ ᯘᯬᯝᯉᯬ᯲ ᯉᯞ ᯉᯪ ᯀᯇᯪ ᯑᯬ ᯀᯰᯎᯬ ᯔᯖᯉ ᯖᯬᯒᯇᯬ᯲ ᯑᯬ ᯖᯔᯮ᯲ᯇᯞ᯲ ᯂᯒᯐᯀᯉᯬ᯲ ᯑᯪ ᯥᯞᯉ ᯀᯑᯰᯬ ᯑᯬ ᯎᯬᯀᯒ᯲ᯉ ᯖᯒ᯲ᯘᯮᯒᯖ᯲ ᯉ ᯘᯬ ᯅᯪᯉᯬᯖᯬ ᯉᯪ ᯔᯉᯰ ᯤᯘᯩ ᯤᯀ ᯘᯬ ᯂᯬᯞᯉ᯲ ᯤᯅᯉ

19:13 Diuloshon do abit na tinubar tu mudar, didok do Goarna: Hata ni Debata. ᯑᯪᯥᯞᯘᯬ᯲ᯂᯉᯬ᯲ ᯑᯬ ᯀᯅᯖᯪ᯲ ᯉ ᯖᯪᯉᯮᯅᯒ᯲ ᯖᯮ ᯔᯮᯑᯒ᯲ ᯑᯪᯑᯄᯬ᯲ ᯑᯬ ᯎᯬᯀᯒ᯲ᯉ ᯂᯖ ᯉᯪ ᯑᯩᯅᯇᯖ

19:14 Mangihut do tu Ibana angka parangan na di banua ginjang, angka na mangkunduli hoda sihapaspili; haen na saksak jala na ias do abitnasida. ᯔᯝᯪᯂᯖᯮ᯲ ᯑᯬ ᯖᯮ ᯤᯅᯉ ᯀᯄ᯦ ᯇᯒᯝᯉ᯲ ᯉ ᯑᯪ ᯅᯉᯮᯀ ᯎᯉᯪ᯲ᯐᯰ ᯀᯰᯄ᯦ ᯉ ᯔᯰᯄ᯦ᯉᯮ᯲ᯑᯮᯞᯪ ᯂᯬᯑ ᯘᯪᯂᯇᯘ᯲ᯇᯪᯞᯪ ᯂᯀᯉᯩ᯲ ᯉ ᯘᯄ᯦᯲ᯘᯄ᯦᯲ ᯐᯞ ᯉ ᯤᯀᯘ᯲ ᯑᯬ ᯀᯅᯖᯪ᯲ᯉᯘᯪᯑ

19:15 Na ruar do podang na tajom sian pamanganna, asa i tampulhononna tu angka bangso. Parmahanonna ma nasida dohot tungkot bosi, jala Ibana do mandege pangilangan ni anggur pangarimasan ni muruk ni Debata, Sigomgom saluhutna. ᯉ ᯒᯮᯀᯒ᯲ ᯑᯬ ᯇᯬᯑᯰ ᯉ ᯖᯐᯔᯬ᯲ ᯘᯬᯀᯉ᯲ ᯇᯔᯝᯉ᯲ᯉ ᯀᯘ ᯤ ᯖᯔ᯲ᯇᯞᯮ᯲ᯂᯬᯉᯉᯬ᯲ᯉ ᯖᯮ ᯀᯰᯄ᯦ ᯅᯰᯘᯬ ᯇᯒ᯲ᯔᯂᯉᯉᯬ᯲ᯉ ᯔ ᯉᯘᯪᯑ ᯑᯬᯂᯖᯬ᯲ ᯖᯮᯰᯄᯖᯬ᯲ ᯅᯬᯘᯪ ᯐᯞ ᯤᯅᯉ ᯑᯬ ᯔᯉ᯲ᯑᯩᯎᯩ ᯇᯝᯪᯞᯝᯉ᯲ ᯉᯪ ᯀᯰᯎᯒᯮ᯲ ᯇᯝᯒᯪᯔᯘᯉ᯲ ᯉᯪ ᯔᯮᯒᯄ᯦ᯮ᯲ ᯉᯪ ᯑᯩᯅᯖ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ

19:16 Na tarsurat do Goarna di ulosna nang di gontingna: Raja ni angka raja jala Tuhan ni angka tuan. ᯉ ᯖᯒ᯲ᯘᯮᯒᯖ᯲ ᯑᯬ ᯎᯬᯀᯒ᯲ᯉ ᯑᯪ ᯥᯞᯘᯬ᯲ᯉ ᯉᯰ ᯑᯪ ᯎᯉᯬ᯲ᯖᯰᯪᯉ ᯒᯐ ᯉᯪ ᯀᯰᯄ᯦ ᯖᯮᯀᯉ᯲

19:17 Dung i huida ma sada surusuruan jongjong di bagasan mata ni ari, na manjoujou marsoara na gogo, didok ma tu saluhut pidong angka na habang martongatonga langit: Ro ma hamu, marpungu ma hamu tu panganon na balga, na pinarade ni Debata! ᯑᯮᯰ ᯤ ᯂᯮᯤᯑ ᯔ ᯘᯑ ᯘᯮᯒᯮᯘᯮᯒᯮᯀᯉ᯲ ᯐᯰᯬᯐᯰᯬ ᯑᯪ ᯅᯎᯘᯉ᯲ ᯔᯖ ᯉᯪ ᯀᯒᯪ ᯉ ᯔᯉ᯲ᯐᯬᯥᯐᯬᯥ ᯔᯒ᯲ᯘᯬᯀᯒ ᯉ ᯎᯬᯎᯬ ᯑᯪᯑᯄ᯦ᯬ᯲ ᯔ ᯖᯮ ᯘᯞᯮᯂᯖᯮ᯲ ᯇᯪᯑᯰᯬ ᯀᯰᯄ᯦ ᯉ ᯂᯅᯰ ᯔᯒ᯲ᯖᯬᯝᯖᯬᯝ ᯞᯝᯖᯪ᯲ ᯒᯬ ᯔ ᯂᯔᯮ ᯔᯒ᯲ᯇᯮᯝᯮ ᯔ ᯂᯔᯮ ᯖᯮ ᯇᯝᯉᯉᯬ᯲ ᯉ ᯅᯞ᯲ᯎ ᯉ ᯇᯪᯉᯒᯑᯩ ᯉᯪ ᯑᯩᯅᯖ

19:18 Naeng ma allangonmu sibuk ni angka raja dohot sibuk ni angka induk dohot sibuk ni angka pargogo dohot sibuk ni angka hoda ro di na hundul di ginjangna, sibuk ni angka anak mata dohot hatoban, nang na metmet nang na balga! ᯉᯀᯰᯩ ᯔ ᯀᯞ᯲ᯞᯝᯉᯬ᯲ᯔᯮ ᯘᯪᯅᯄ᯦ᯮ ᯉᯪ ᯀᯰᯄ᯦ ᯒᯐ ᯑᯬᯂᯖᯬ᯲ ᯘᯪᯅᯄ᯦ᯮ ᯉᯪ ᯀᯰᯄ᯦ ᯀᯉᯪ᯲ᯑᯄᯮ᯲ ᯑᯬᯂᯖᯬ᯲ ᯘᯪᯅᯄ᯦ᯮ ᯉᯪ ᯀᯰᯄ᯦ ᯇᯒ᯲ᯎᯬᯎᯬ ᯑᯬᯂᯖᯬ᯲ ᯘᯪᯅᯄ᯦ᯮ᯲ ᯉᯪ ᯀᯰᯄ᯦ ᯂᯬᯑ ᯒᯬ ᯑᯪ ᯉ ᯂᯉᯮ᯲ᯑᯞᯮ᯲ ᯑᯪ ᯎᯉᯪ᯲ᯐᯰᯉ ᯘᯪᯅᯄ᯦ᯮ᯲ ᯉᯪ ᯀᯰᯄ᯦ ᯀᯉᯄ᯦᯲ ᯔᯖ ᯑᯬᯂᯖᯬ᯲ ᯂᯖᯬᯅᯉ᯲ ᯉᯰ ᯉ ᯔᯖᯩ᯲ᯔᯖᯩ᯲ ᯉᯰ ᯉ ᯅᯞ᯲ᯎ

19:19 Jadi huida ma binatang i dohot angka raja ni tano on ro di angka parangannasida, nunga marluhut laho marmusu dompak na hundul di atas hoda i nang dompak angka paranganna. ᯐᯑᯪ ᯂᯮᯤᯑ ᯔ ᯅᯪᯉᯖᯰ ᯤ ᯑᯬᯂᯖᯬ᯲ ᯀᯰᯄ᯦ ᯒᯐ ᯉᯪ ᯖᯉᯬ ᯀᯉᯬ᯲ ᯒᯬ ᯑᯪ ᯀᯰᯄ᯦ ᯇᯒᯝᯉ᯲ᯉᯘᯪᯑ ᯉᯮᯝ ᯔᯒ᯲ᯞᯮᯂᯖᯮᯮ᯲ ᯞᯂᯬ ᯔᯒ᯲ᯔᯮᯘᯮ ᯑᯔᯬ᯲ᯇᯄ᯦᯲ ᯉ ᯂᯉᯮ᯲ᯑᯞᯮ᯲ ᯑᯪ ᯀᯖᯘ᯲ ᯂᯬᯑ ᯤ ᯉᯰ ᯑᯔᯬ᯲ᯇᯄ᯦᯲ ᯀᯰᯄ᯦ ᯇᯒᯝᯉ᯲ᯉ

19:20 Gabe tartangkup ma binatang i rap dohot panurirang pargapgap i, naung mambahen angka tanda di jolona, parhiteanna paotootohon angka na manjalo partinandaan ni binatang i ro di angka na sumomba gombaranna. Mangolu do na dua i didabu tu laut api na marsigorgor mardongan barerang. ᯎᯅᯩ ᯖᯒ᯲ᯖᯰᯄ᯦ᯇᯮ᯲ ᯔ ᯅᯪᯉᯖᯰ ᯤ ᯒᯇ᯲ ᯑᯬᯂᯖᯬ᯲ ᯇᯉᯮᯒᯪᯒᯰ ᯇᯒ᯲ᯎᯇ᯲ᯎᯇ᯲ ᯤ ᯉᯀᯮᯰ ᯔᯔ᯲ᯅᯂᯉᯩ᯲ ᯀᯰᯄ᯦ ᯖᯉ᯲ᯑ ᯑᯪ ᯐᯬᯞᯬᯉ ᯇᯒ᯲ᯂᯪᯖᯩᯀᯉ᯲ᯉ ᯇᯀᯬᯖᯬᯀᯬᯖᯬᯂᯉᯬ᯲ ᯀᯰᯄ᯦ ᯉ ᯔᯉ᯲ᯐᯞᯬ ᯇᯒ᯲ᯖᯪᯉᯉ᯲ᯑᯀᯉ᯲ ᯉᯪ ᯅᯪᯉᯖᯰ ᯤ ᯒᯬ ᯑᯪ ᯀᯰᯄ᯦ ᯉ ᯘᯮᯔᯔᯬ᯲ᯅ ᯎᯔᯬ᯲ᯅᯒᯉ᯲ᯉ ᯔᯝᯬᯞᯮ ᯑᯬ ᯉ ᯑᯮᯀ ᯤ ᯑᯪᯑᯅᯮ ᯖᯮ ᯞᯀᯖᯮ᯲ ᯀᯇᯪ ᯉ ᯔᯒ᯲ᯘᯪᯎᯒᯬ᯲ᯎᯒᯬ᯲ ᯔᯒ᯲ᯑᯬᯝᯉ᯲ ᯅᯒᯩᯒᯰ

19:21 Ia angka na tading i dipusa do dohot podang na ruar sian pamangan ni na mangkunduli hoda i, gabe butong ma saluhut pidong dibahen sibuknasida. ᯤᯀ ᯀᯰᯄ᯦ ᯉ ᯖᯑᯰᯪ ᯤ ᯑᯪᯇᯮᯘ ᯑᯬ ᯑᯬᯂᯖᯬ᯲ ᯇᯬᯑᯰ ᯉ ᯒᯮᯀᯒ᯲ ᯘᯪᯀᯉ᯲ ᯇᯔᯝᯉ᯲ ᯉᯪ ᯉ ᯔᯰᯂᯉᯮ᯲ᯑᯮᯞᯪ ᯂᯬᯑ ᯤ ᯎᯅᯩ ᯅᯮᯖᯰᯬ ᯔ ᯘᯞᯮᯂᯖᯮ᯲ ᯇᯪᯑᯰᯬ ᯑᯪᯅᯂᯉᯩ᯲ ᯘᯪᯅᯄ᯦ᯮ᯲ᯉᯘᯪᯑ

Pangungkapon ᯇᯝᯮᯰᯄ᯦ᯇᯉᯬ᯲ 20

20:1 Dung i huida ma sada surusuruan tuat sian banua ginjang, na maniop anak hinsu ni banua toru, jala rante na balga do di tanganna. ᯑᯮᯰ ᯤ ᯂᯮᯤᯑ ᯔ ᯘᯑ ᯘᯮᯒᯮᯘᯮᯒᯮᯀᯉ᯲ ᯖᯮᯀᯖ᯲ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯉ ᯔᯉᯪᯀᯇᯬ᯲ ᯀᯉᯄ᯦᯲ ᯂᯉᯪ᯲ᯘᯮ ᯉᯪ ᯅᯉᯮᯀ ᯖᯬᯒᯮ ᯐᯞ ᯒᯉ᯲ᯖᯩ ᯉ ᯅᯞ᯲ᯎ ᯑᯬ ᯑᯪ ᯖᯝᯉ᯲ᯉ

20:2 Jadi ditangkup ma naga i, ulok na robi i, i ma sibolis jala setan, gabe dirante ma ibana leleng ni saribu taon. ᯐᯑᯪ ᯑᯪᯖᯰᯄᯇᯮ᯲ ᯔ ᯉᯎ ᯤ ᯥᯞᯄ᯦ᯬ᯲ ᯉ ᯒᯬᯅᯪ ᯤ ᯤ ᯔ ᯘᯪᯅᯬᯞᯘᯪ᯲ ᯐᯞ ᯘᯩᯖᯉ᯲ ᯎᯅᯩ ᯑᯪᯒᯉ᯲ᯖᯩ ᯔ ᯤᯅᯉ ᯞᯩᯞᯰᯩ ᯉᯪ ᯘᯒᯪᯅᯮ ᯖᯀᯉᯬ᯲

20:3 Laos didabu ma ibana tu banua toru, jala dihinsu jadi disahap tu atasna, unang be dililuhon angka bangso, paima salpu na saribu taon i. Dung salpu i, ingkon paluaon ibana sangombas na jempek. ᯞᯀᯘᯬ᯲ ᯑᯪᯑᯅᯮ ᯔ ᯤᯅᯉ ᯖᯮ ᯅᯉᯮᯀ ᯖᯬᯒᯮ ᯐᯞ ᯑᯪᯂᯉᯪ᯲ᯘᯮ ᯐᯑᯪ ᯑᯪᯘᯂᯇ᯲ ᯖᯮ ᯀᯖᯘ᯲ᯉ ᯥᯉᯰ ᯅᯩ ᯑᯪᯞᯪᯞᯮᯂᯉᯬ᯲ ᯀᯰᯄ᯦ ᯅᯰᯘᯬ ᯇᯤᯔ ᯘᯞ᯲ᯇᯮ ᯉ ᯘᯒᯪᯅᯮ ᯖᯀᯉᯬ᯲ ᯤ ᯑᯮᯰ ᯘᯞ᯲ᯇᯮ ᯤ ᯀᯰᯪᯄ᯦᯦ᯉᯬ᯲ ᯇᯞᯮᯀᯀᯉᯬ᯲ ᯤᯅᯉ ᯘᯝᯔᯬ᯲ᯅᯘ᯲ ᯉ ᯐᯔᯩ᯲ᯇᯄᯩ᯲

20:4 Dung i huida ma angka habangsa, angka dihunduli ma, dilehon ma tu nasida panguhumon; angkup ni i huida ma tondi ni angka na binunu ala ni panindangion di Jesus dohot ala ni hata ni Debata, i ma angka na so marsomba tu binatang i nang tu gombaranna, jala angka na so manjalo partinandaan i tu pardompahannasida pe. Na mangolu do nasida jala mangarajai rap dohot Kristus leleng ni saribu taon. ᯑᯮᯰ ᯤ ᯂᯮᯤᯑ ᯔ ᯀᯰ ᯄ᯦ ᯂᯅᯰᯘ ᯀᯰᯄ᯦ ᯑᯪᯂᯉᯮ᯲ᯑᯮᯞᯪ ᯔ ᯑᯪᯞᯩᯂᯉᯬ᯲ ᯔ ᯖᯮ ᯉᯘᯪᯑ ᯇᯝᯮᯂᯮᯔᯉᯬ᯲ ᯀᯰᯄ᯦ᯇᯮ᯲ ᯉᯪ ᯤ ᯂᯮᯤᯑ ᯔ ᯖᯉᯬ᯲ᯑᯪ ᯉᯪ ᯀᯰᯄ᯦ ᯉ ᯅᯪᯉᯮᯉᯮ ᯀᯞ ᯉᯪ ᯇᯉᯉᯪ᯲ᯑᯝᯪᯀᯉᯬ᯲ ᯑᯪ ᯐᯩᯘᯘᯮ᯲ ᯑᯬᯂᯖᯬ᯲ ᯀᯞ ᯉᯪ ᯂᯖ ᯉᯪ ᯑᯩᯅᯖ ᯤ ᯔ ᯀᯰᯄ᯦ ᯉ ᯘᯬ ᯔᯒ᯲ᯘᯔᯬ᯲ᯅ ᯖᯮ ᯅᯪᯉᯖᯰ ᯤ ᯉᯰ ᯖᯮ ᯎᯔᯬ᯲ᯅᯒ᯲ᯉ ᯐᯞ ᯀᯰᯄ᯦ ᯉ ᯘᯬ ᯔᯉ᯲ᯐᯞᯬ ᯇᯒ᯲ᯖᯪᯉᯉ᯲ᯑᯀᯉ᯲ ᯤ ᯖᯮ ᯇᯒ᯲ᯑᯔᯬ᯲ᯇᯂᯉ᯲ᯉᯘᯪᯑ ᯇᯩ ᯉ ᯔᯝᯬᯞᯮ ᯑᯬ ᯉᯘᯪᯑ ᯐᯞ ᯔᯝᯒᯐᯤ ᯒᯇ᯲ ᯑᯬᯂᯖᯬ᯲ ᯄ᯦᯲ᯒᯘᯪ᯲ᯖᯘᯮ᯲ ᯞᯩᯞᯰᯩ᯲ ᯉᯪ ᯘᯒᯪᯅᯮ ᯖᯀᯉᯬ᯲

20:5 Ia na mate, angka na asing, ndang mulak mangolu, paima salpu na saribu taon i. I ma haheheon parjolo! ᯤᯀ ᯉ ᯔᯖᯩ ᯀᯰᯄ᯦ ᯉ ᯀᯘᯰᯪ ᯉ᯲ᯑᯰ ᯔᯮᯞᯄ᯦᯲ ᯔᯝᯬᯞᯮ ᯇᯤᯔ ᯘᯞ᯲ᯇᯮ ᯉ ᯘᯒᯪᯅᯮ ᯖᯀᯉᯬ᯲ ᯤ ᯤ ᯔ ᯂᯂᯩᯂᯩᯀᯉᯬ᯲ ᯇᯒ᯲ᯐᯬᯞᯬ

20:6 Na martua jala na badia do halak na martohap di haheheon na parjolo i; ndang marhuaso hamatean paduahon mangago nasida; na gabe malim ni Debata dohot Kristus do nasida, jala mangarajai rap dohot Ibana leleng ni na saribu taon i. ᯉ ᯔᯒ᯲ᯖᯮᯀ ᯐᯞ ᯉ ᯅᯑᯪᯀ ᯑᯬ ᯂᯞᯄ᯦᯲ ᯉ ᯔᯒ᯲ᯖᯬᯂᯇ᯲ ᯑᯪ ᯂᯂᯩᯂᯩᯀᯉᯬ᯲ ᯉ ᯇᯒ᯲ᯐᯬᯞᯬ ᯤ ᯉ᯲ᯑᯰ ᯔᯒ᯲ᯂᯮᯀᯘᯬ ᯂᯔᯖᯩᯀᯉ᯲ ᯇᯑᯮᯀᯂᯉᯬ᯲ ᯔᯝᯎᯬ ᯉᯘᯪᯑ ᯉ ᯎᯅᯩ ᯔᯞᯔᯪ᯲ ᯉᯪ ᯑᯩᯅᯖ ᯑᯬᯂᯖᯬ᯲ ᯄ᯦᯲ᯒᯘᯪ᯲ᯖᯘᯮ᯲ ᯑᯬ ᯉᯘᯪᯑ ᯐᯞ ᯔᯝᯒᯐᯤ ᯒᯇ᯲ ᯑᯬᯂᯖᯬ᯲ ᯤᯅᯉ ᯞᯩᯞᯰᯩ ᯉᯪ ᯉ ᯘᯒᯪᯅᯮ ᯖᯀᯉᯬ᯲ ᯤ

20:7 Dung salpu na saribu taon i, malua ma sibolis i sian hurunganna. ᯑᯮᯰ ᯘᯞ᯲ᯇᯮ ᯉ ᯘᯒᯪᯅᯮ ᯖᯀᯉᯬ᯲ ᯤ ᯔᯞᯮᯀ ᯔ ᯘᯪᯅᯬᯞᯘᯪ᯲ ᯤ ᯘᯪᯀᯉ᯲ ᯂᯮᯒᯮᯝᯉ᯲ᯉ

20:8 Jadi ruar ma ibana mangaliluhon angka bangso di na ualu desa ni tano on, i ma Gog dohot Magog, papunguhon nasida tu parmusuon; na sarihit na di laut do bilangannasida. ᯐᯑᯪ ᯒᯮᯀᯒ᯲ ᯔ ᯤᯅᯉ ᯔᯝᯞᯪᯞᯮᯂᯉᯬ᯲ ᯀᯰᯄ᯦ ᯅᯰᯘᯬ ᯑᯪ ᯉ ᯥᯀᯞᯮ ᯑᯩᯘ ᯉᯪ ᯖᯉᯬ ᯀᯉᯬ᯲ ᯤ ᯔ ᯎᯎᯬ᯲ ᯑᯬᯂᯖᯬ᯲ ᯔᯎᯎᯬ᯲ ᯇᯇᯮᯝᯮᯂᯉᯬ᯲ ᯉᯘᯪᯑ ᯖᯮ ᯇᯒ᯲ᯔᯮᯘᯮᯀᯉᯬ᯲ ᯉ ᯘᯒᯪᯂᯖᯪ᯲ ᯉ ᯑᯪ ᯞᯀᯖᯮ᯲ ᯑᯬ ᯅᯪᯞᯝᯉ᯲ᯉᯘᯪᯑ

20:9 Jala nangkok ma nasida tu adaran ni tano i, dihaliangi ma parsaroan ni angka na badia dohot huta na hinaholongan i, gabe madabu ma api sian banua ginjang; i do mangallang nasida. ᯐᯞ ᯉᯰᯄ᯦ᯄ᯦ᯬ᯲ ᯔ ᯉᯘᯪᯑ ᯖᯮ ᯀᯑᯒᯉ᯲ ᯉᯪ ᯖᯉᯬ ᯤ ᯑᯪ ᯂᯞᯪᯀᯝᯪ ᯔ ᯇᯒ᯲ᯘᯒᯬᯀᯉ᯲ ᯉᯪ ᯀᯰᯄ᯦ ᯉ ᯅᯑᯪᯀ ᯑᯬᯂᯖᯬ᯲ ᯂᯮᯖ ᯉ ᯂᯪᯉᯂᯬᯞᯬᯝᯉ᯲ ᯤ ᯎᯅᯩ ᯔᯑᯅᯮ ᯔ ᯀᯇᯪ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯤ ᯑᯬ ᯔᯝᯞ᯲ᯞᯰ ᯉᯘᯪᯑ

20:10 Jadi didabu ma sibolis i, na mangaliluhon nasida, tu laut api dohot barerang, tu inganan ni binatang dohot panurirang pargapgap i, asa dipaporsukporsuk arian dohot borngin, ro di salelenglelengna. ᯐᯑᯪ ᯑᯪᯑᯅᯮ ᯔ ᯘᯪᯅᯬᯞᯘᯪ᯲ ᯤ ᯉ ᯔᯝᯞᯪᯞᯮᯂᯉᯬ᯲ ᯉᯘᯪᯑ ᯖᯮ ᯞᯀᯖᯮ᯲ ᯀᯇᯪ ᯑᯬᯂᯖᯬ᯲ ᯅᯒᯩᯒᯰ ᯖᯮ ᯤᯝᯉᯉ᯲ ᯉᯪ ᯅᯪᯉᯖᯰ ᯑᯬᯂᯖᯬ᯲ ᯇᯉᯮᯒᯪᯒᯰ ᯇᯒ᯲ᯎᯇ᯲ᯎᯇ᯲ ᯤ ᯀᯘ ᯑᯪᯇᯇᯒᯬ᯲ᯘᯄ᯦ᯮ᯲ᯇᯒᯬ᯲ᯘᯄ᯦ᯮ᯲ ᯀᯒᯪᯀᯉ᯲ ᯑᯬᯂᯖᯬ᯲ ᯅᯒᯬᯝᯉᯪ᯲ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ

20:11 Dung i huida ma sada habangsa na balga, na bontar dohot na hundul di atasna: Na maporus do tano dohot langit maradophon bohina, so adong be jumpang inganannasida. ᯑᯮᯰ ᯤ ᯂᯮᯤᯑ ᯔ ᯘᯑ ᯂᯅᯰᯘ ᯉ ᯅᯞ᯲ᯎ ᯉ ᯅᯉᯬ᯲ᯖᯒ᯲ ᯑᯬᯂᯖᯬ᯲ ᯉ ᯂᯉᯮ᯲ᯑᯞᯮ᯲ ᯑᯪ ᯀᯖᯘ᯲ᯉ ᯉ ᯔᯇᯬᯒᯮ᯲ ᯑᯬ ᯖᯉᯬ ᯑᯬᯂᯖᯬ᯲ ᯞᯝᯖᯪ᯲ ᯔᯒᯑᯇᯬ᯲ᯂᯉᯬ᯲ ᯅᯬᯂᯪᯉ ᯘᯬ ᯀᯑᯰᯬ ᯅᯩ ᯐᯔᯮ᯲ᯇᯰ ᯤᯝᯉᯉ᯲ᯉᯘᯪᯑ

20:12 Dung i huida ma angka naung mate i, angka na metmet nang angka na balga, jongjong di jolo ni habangsa i; jadi diungkap ma angka buku. Dung i diungkap ma sada buku na asing, i ma buku hangoluan, gabe diuhumi ma angka na mate i marguru tu na tarsurat di bagasan angka buku i, hombar tu na niulanasida be. ᯑᯮᯰ ᯤ ᯂᯮᯤᯑ ᯔ ᯀᯰᯄ᯦ ᯉᯀᯮᯰ ᯔᯖᯩ ᯤ ᯀᯰᯄ᯦ ᯉ ᯔᯖᯩ᯲ᯔᯖᯩ᯲ ᯉᯰ ᯀᯰᯄ᯦ ᯉ ᯅᯞ᯲ᯎ ᯐᯰᯬᯐᯰᯬ ᯑᯪ ᯐᯬᯞᯬ ᯉᯪ ᯂᯅᯰᯘ ᯤ ᯐᯑᯪ ᯑᯪᯀᯮᯰᯄ᯦ᯇ᯲ ᯔ ᯘᯑ ᯅᯮᯄ᯦ᯮ ᯑᯮᯰ ᯤ ᯑᯪᯀᯮᯰᯄ᯦ᯇ᯲ ᯔ ᯘᯑ ᯅᯮᯄ᯦ᯮ ᯉ ᯀᯘᯰᯪ ᯤ ᯔ ᯅᯮᯄ᯦ᯮ ᯂᯝᯬᯞᯮᯀᯉ᯲ ᯎᯅᯩ ᯑᯪᯥᯂᯮᯔᯪ ᯔ ᯀᯰᯄ᯦ ᯉ ᯔᯖᯩ ᯤ ᯔᯒ᯲ᯎᯮᯒᯮ ᯖᯮ ᯉ ᯖᯒ᯲ᯘᯮᯒᯖ᯲ ᯑᯪ ᯅᯎᯘᯉ᯲ ᯀᯰᯄ᯦ ᯅᯮᯄᯮ ᯤ ᯂᯔᯬ᯲ᯅᯒ᯲ ᯖᯮ ᯉ ᯉᯪᯀᯞᯮᯘᯉ᯲ᯉᯘᯪᯑ ᯅᯩ

20:13 Dung i dilehon laut i ma angka na mate na disini, dilehon nang hamatean dohot banua toru i ma angka na mate na tiniopna, gabe diuhumi ma ganup, marguru tu na niulana be. ᯑᯮᯰ ᯤ ᯑᯪᯞᯩᯂᯉᯬ᯲ ᯞᯀᯖᯮ᯲ ᯤ ᯔ ᯀᯰᯄ᯦ ᯉ ᯔᯖᯩ ᯉ ᯑᯪᯘᯪᯉᯪ ᯑᯪᯞᯩᯂᯉᯬ᯲ ᯉᯰ ᯂᯔᯖᯩᯀᯉ᯲ ᯑᯬᯂᯖᯬ᯲ ᯅᯉᯮᯀ ᯖᯬᯒᯮ ᯤ ᯔ ᯀᯰᯄ᯦ ᯉ ᯔᯖᯩ ᯉ ᯖᯪᯉᯪᯀᯇᯬ᯲ᯉ ᯎᯅᯩ ᯑᯪᯥᯂᯮᯔᯪ ᯔ ᯎᯉᯇᯮ᯲ ᯔᯒ᯲ᯎᯮᯒᯮ ᯖᯮᯉ ᯉᯪᯥᯞᯉ ᯅᯩ

20:14 Dung i didabu ma hamatean dohot banua toru tubagasan laut api i. I ma hamatean na paduahon; laut api i do i. ᯑᯮᯰ ᯤ ᯑᯪᯑᯅᯮ ᯔ ᯂᯔᯖᯩᯀᯉ᯲ ᯑᯬᯂᯖᯬ᯲ ᯅᯉᯮᯀ ᯖᯬᯒᯮ ᯖᯮ ᯅᯎᯘᯉ᯲ ᯞᯀᯖᯮ᯲ ᯀᯇᯪ ᯤ ᯤ ᯔ ᯂᯔᯖᯩᯀᯉ᯲ ᯉ ᯇᯑᯮᯀᯂᯉᯬ᯲ ᯞᯀᯖᯮ᯲ ᯀᯇᯪ ᯤ ᯑᯬ ᯤ

20:15 Manang ise na so jumpang tarsurat di buku hangoluan i, i ma didabu tubagasan laut api i. ᯔᯉᯰ ᯤᯘᯩ ᯉ ᯘᯬ ᯐᯔᯮ᯲ᯇᯰ ᯖᯒ᯲ᯘᯮᯒᯖ᯲ ᯑᯪ ᯅᯮᯄ᯦ᯮ ᯂᯝᯬᯞᯮᯀᯉ᯲ ᯤ ᯤ ᯔ ᯑᯪ ᯑᯅᯮ ᯖᯮ ᯅᯎᯘᯉ᯲ ᯞᯀᯖᯮ᯲ ᯀᯇᯪ ᯤ

Pangungkapon ᯇᯝᯮᯰᯄ᯦ᯇᯉᯬ᯲ 21

21:1 Dung i huida ma banua ginjang na imbaru dohot tano na imbaru, ai nunga salpu banua ginjang na parjolo dohot tano na parjolo i; laut i pe ndang adong be. ᯑᯮᯰ ᯤ ᯂᯮᯤᯑ ᯔ ᯅᯉᯮᯀ ᯎᯉᯪ᯲ᯐᯰ ᯉ ᯀᯔᯪ᯲ᯅᯒᯮ ᯑᯬᯂᯖᯬ᯲ ᯖᯉᯬ ᯉ ᯀᯔᯪ᯲ᯅᯒᯮ ᯀᯤ ᯉᯮᯰᯝ ᯘᯞ᯲ᯇᯮ ᯅᯉᯮᯀ ᯎᯉᯪ᯲ᯐᯰ ᯉ ᯇᯒ᯲ᯐᯬᯞᯬ ᯑᯬᯂᯖᯬ᯲ ᯖᯉᯬ ᯉ ᯇᯒ᯲ᯐᯬᯞᯬ ᯤ ᯞᯀᯖᯮ᯲ ᯤ ᯇᯩ ᯉ᯲ᯑᯰ ᯀᯑᯰᯬ ᯅᯩ

21:2 Jala huida ma huta na badia i tuat sian banua ginjang sian Debata, i ma Jerusalem na imbaru, na pinature songon oroan na sinanggulan mandapothon harajaanna. ᯐᯞ ᯂᯮᯤᯑ ᯔ ᯂᯮᯖ ᯉ ᯅᯑᯪᯀ ᯤ ᯖᯮᯀᯖ᯲ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯘᯪᯀᯉ᯲ ᯑᯩᯅᯖ ᯤ ᯔ ᯐᯩᯒᯮᯘᯞᯔᯩ᯲ ᯉ ᯀᯔᯪ᯲ᯅᯒᯮ ᯉ ᯇᯪᯉᯖᯮᯒᯩ ᯘᯬᯝᯉᯬ᯲ ᯀᯬᯒᯬᯀᯉ᯲ ᯉ ᯘᯪᯉᯰᯎᯮᯞᯉ᯲

21:3 Jadi hubege ma soara na gogo sian habangsa i, na mandok: On do joro ni Debata di tongatonga ni angka jolma; na maringanan ma Ibana di tongatonganasida, jala nasida ma bangsona, jala Debata sandiri saor tu nasida! ᯐᯑᯪ ᯂᯮᯅᯩᯎᯩ ᯔ ᯘᯬᯀᯒ ᯉ ᯎᯬᯎᯬ ᯘᯪᯀᯉ᯲ ᯂᯅᯰᯘ ᯤ ᯉ ᯔᯉ᯲ᯑᯄ᯦ᯬ᯲ ᯀᯉᯬ᯲ ᯑᯬ ᯐᯬᯒᯬ ᯉᯪ ᯑᯩᯅᯖ ᯑᯪ ᯖᯬᯝᯖᯬᯝ ᯉᯪ ᯀᯰᯄ᯦ ᯐᯞᯬ᯲ᯔ ᯉ ᯔᯒᯪᯝᯉᯉ᯲ ᯔ ᯤᯅᯉ ᯑᯪ ᯖᯬᯝᯖᯬᯝᯉᯘᯪᯑ ᯐᯞ ᯉᯘᯪᯑ ᯔ ᯅᯰᯘᯬᯉ ᯐᯞ ᯑᯩᯅᯖ ᯘᯉ᯲ᯑᯪᯒᯪ ᯘᯀᯒᯬ᯲ ᯖᯮ ᯉᯘᯪᯑ

21:4 Jadi apusan ni Debata ma nasa iluilunasida sian matanasida: Ndang adong be hamatean nang arsak ni roha; nang angguhangguk, nang na hansit, ndang disi be; ai nunga salpu na parjolo i! ᯐᯑᯪ ᯀᯇᯮᯘᯉ᯲ ᯉᯪ ᯑᯩᯅᯖ ᯔ ᯉᯘ ᯤᯞᯮᯤᯞᯮᯉᯘᯪᯑ ᯘᯪᯀᯉ᯲ ᯔᯖᯉᯘᯪᯑ ᯉ᯲ᯑᯰ ᯀᯑᯰᯬ ᯅᯩ ᯂᯔᯖᯩᯀᯉ᯲ ᯉᯰ ᯀᯒ᯲ᯘᯄ᯦᯲ ᯉᯪ ᯒᯬᯂ ᯉᯰ ᯀᯰᯎᯮᯂᯰᯎᯄ᯦ᯮ᯲ ᯉᯰ ᯉ ᯂᯉ᯲ᯘᯖᯪ᯲ ᯉ᯲ᯑᯰ ᯑᯪᯘᯪ ᯅᯩ ᯀᯤ ᯉᯮᯰᯝ ᯘᯞ᯲ᯇᯮ ᯉ ᯇᯒ᯲ᯐᯬᯞᯬ ᯤ

21:5 Dung i didok na hundul di habangsa i ma: Ida ma, saluhutna do hupaimbaru! Jadi didok ma: Surathon ma i, ai haposan do angka hata on jala na sintong! ᯑᯮᯰ ᯤ ᯑᯪᯑᯄ᯦ᯬ᯲ ᯉ ᯂᯉᯮ᯲ᯑᯞᯮ᯲ ᯑᯪ ᯂᯅᯰᯘ ᯤ ᯔ ᯤᯑ ᯔ ᯘᯞᯮᯂᯖᯮ᯲ᯉ ᯑᯬ ᯂᯮᯇᯀᯔᯪ᯲ᯅᯒᯮ ᯐᯑᯪ ᯑᯪᯑᯄ᯦ᯬ᯲ ᯔ ᯘᯮᯒᯖ᯲ᯂᯉᯬ᯲ ᯔ ᯤ ᯀᯤ ᯂᯇᯬᯘᯉ᯲ ᯑᯬ ᯀᯰᯄ᯦ ᯂᯖ ᯀᯉᯬ᯲ ᯐᯞ ᯉ ᯘᯉᯪ᯲ᯖᯰᯬ

21:6 Laos didok ma tu ahu: Nunga saut! Ahu do Parjolo jala Parpudi, Bonana jala Ujungna. Lehononku ma tu na mauas sian mual aek hangoluan i, so pola tuhoron! ᯞᯀᯘᯬ᯲ ᯑᯪᯑᯂ᯦ᯬ᯲ ᯔ ᯖᯮ ᯀᯂᯮ ᯉᯮᯝ ᯘᯀᯖᯮ᯲ ᯀᯂᯮ ᯑᯬ ᯇᯒ᯲ᯐᯬᯞᯬ ᯐᯞ ᯇᯒ᯲ᯇᯮᯑᯪ ᯅᯬᯉᯉ ᯐᯞ ᯥᯐᯮᯰᯉ ᯞᯩᯂᯬᯉᯉᯬ᯲ᯄ᯦ᯮ ᯔ ᯖᯮ ᯉ ᯔᯥᯀᯘ᯲ ᯘᯪᯀᯉ᯲ ᯔᯮᯀᯞ᯲ ᯀᯀᯄᯩ᯲ ᯂᯝᯬᯞᯮᯀᯉ᯲ ᯤ ᯘᯬᯇᯬᯞ ᯖᯮᯂᯬᯒᯉᯬ᯲

21:7 Teanon ni na monang i ma saluhutna; jala Ahu gabe Debatana, ibana gabe anakku! ᯖᯩᯀᯉᯉᯬ᯲ ᯉᯪ ᯉ ᯔᯬᯉᯰ ᯤ ᯔ ᯘᯞᯮᯂᯖᯮ᯲ᯉ ᯐᯞ ᯀᯂᯮ ᯎᯅᯩ ᯑᯩᯅᯖᯉ ᯤᯅᯉ ᯎᯅᯩ ᯀᯉᯄ᯦᯲ᯄ᯦ᯮ

21:8 Alai angka na mandele jala na so porsea jala angka na ramun ro di angka pamunu dohot parmainan dohot angka na sumomba ajiajian ro di saluhut pargabus manjalo tohapna di laut na gor api dohot barerang, i ma hamatean na paduahon i! ᯀᯞᯤ ᯀᯰᯄ᯦ ᯉ ᯔᯉ᯲ᯑᯩᯞᯩ ᯐᯞ ᯉ ᯘᯬ ᯇᯒᯬ᯲ᯘᯩᯀ ᯐᯞ ᯀᯰᯄ᯦ ᯉ ᯒᯔᯉᯮ᯲ ᯒᯬ ᯑᯪ ᯀᯰᯄ᯦ ᯇᯔᯮᯉᯮ ᯑᯬᯂᯖᯬ᯲ ᯇᯒ᯲ᯔᯤᯉᯉ᯲ ᯑᯬᯂᯖᯬ᯲ ᯀᯰᯄ᯦ ᯉ ᯘᯮᯔᯔᯬ᯲ᯅ ᯀᯐᯪᯀᯐᯪᯀᯉ᯲ ᯒᯬ ᯑᯪ ᯘᯞᯮᯂᯖᯮ᯲ ᯇᯒ᯲ᯎᯅᯘᯮ᯲ ᯔᯉ᯲ᯐᯞᯬ ᯖᯬᯂᯇ᯲ᯉ ᯑᯪ ᯞᯀᯖᯮ᯲ ᯉ ᯎᯒᯬ᯲ ᯀᯇᯪ ᯑᯬᯂᯖᯬ᯲ ᯅᯒᯩᯒᯰ ᯤ ᯔ ᯂᯔᯖᯩᯀᯉ᯲ ᯉ ᯇᯑᯮᯀᯂᯉᯬ᯲ ᯤ

21:9 Dung i ro ma sada sian na pitu surusuruan i, naung maniop saoan na pitu, angka na marisi haporsuhon parpudi na pitu i, didok ma mandok ahu: Ro ma tuson; hupatuduhon ma tu ho oroan i, soripada ni Birubiru i! ᯑᯮᯰ ᯤ ᯒᯬ ᯔ ᯘᯑ ᯘᯪᯀᯉ᯲ ᯉ ᯇᯪᯖᯮ ᯘᯮᯒᯮᯘᯮᯒᯮᯀᯉ᯲ ᯤ ᯉᯀᯮᯰ ᯔᯉᯪᯀᯇᯬ᯲ ᯘᯀᯬᯀᯉ᯲ ᯉ ᯇᯪᯖᯮ ᯀᯰᯄ᯦ ᯔ ᯔᯒᯪᯘᯪ ᯂᯇᯒᯬ᯲ᯘᯮᯂᯉᯬ᯲ ᯇᯒ᯲ᯇᯮᯑᯪ ᯉ ᯇᯪᯖᯮ ᯤ ᯑᯪᯑᯄ᯦ᯬ᯲ ᯔ ᯔᯉ᯲ᯑᯄ᯦ᯬ᯲ ᯀᯂᯮ ᯒᯬ ᯔ ᯖᯮᯘᯉᯬ᯲ ᯂᯮᯇᯖᯮᯑᯮᯂᯉᯬ᯲ ᯔ ᯖᯮ ᯂᯬ ᯀᯬᯒᯬᯀᯉ᯲ ᯤ ᯘᯬᯒᯪᯇᯑ ᯉᯪ ᯅᯪᯒᯮᯅᯪᯒᯮ ᯤ

21:10 Jadi diboan ma ahu di bagasan tondi tu dolok na balga jala na timbo, dipatuduhon ma tu ahu huta na badia, i ma Jerusalem, tuat sian banua ginjang, sian Debata. ᯐᯑᯪ ᯑᯪᯅᯬᯀᯉ᯲ ᯔ ᯀᯂᯮ ᯑᯪ ᯅᯎᯘᯉ᯲ ᯖᯉᯬ᯲ᯑᯪ ᯖᯮ ᯑᯬᯞᯄ᯦ᯬ᯲ ᯉ ᯅᯞ᯲ᯎ ᯐᯞ ᯉ ᯖᯔᯪ᯲ᯅᯬ ᯑᯪᯇᯖᯮᯑᯮᯂᯉᯬ᯲ ᯔ ᯖᯮ ᯀᯂᯮ ᯂᯮᯖ ᯉ ᯅᯑᯪᯀ ᯤ ᯔ ᯐᯩᯒᯮᯘᯞᯔᯩ᯲ ᯖᯮᯀᯖ᯲ ᯘᯪᯀᯉ᯲ ᯅᯉᯮᯀ ᯎᯉᯪ᯲ᯐᯰ ᯘᯪᯀᯉ᯲ ᯑᯩᯅᯖ

21:11 Hasangapon sian Debata do di huta i. Ia sondangna tudos do tu mata intan na ummarga, songon batu Jaspis na marhillong. ᯂᯘᯝᯇᯉᯬ᯲ ᯘᯪᯀᯉ᯲ ᯑᯩᯅᯖ ᯑᯬ ᯑᯪ ᯂᯮᯖ ᯤ ᯤᯀ ᯘᯉᯬ᯲ᯑᯰᯉ ᯖᯮᯑᯘᯬ᯲ ᯑᯬ ᯖᯮ ᯔᯖ ᯀᯉᯪ᯲ᯖᯉ᯲ ᯉ ᯀᯔᯮ᯲ᯔᯒ᯲ᯎ ᯘᯬᯝᯉᯬ᯲ ᯅᯖᯮ ᯐᯘ᯲ᯇᯘᯪ᯲ ᯉ ᯔᯒ᯲ᯂᯞᯪ᯲ᯞᯰᯬ

21:12 Balga jala timbo do parik ni huta i, sampuludua do harbanganna; sampuludua surusuruan do di atas harbanganna; ia goar angka na sinuratan disi, i ma goar ni marga Israel na sampuludua i. ᯅᯞ᯲ᯎ ᯐᯞ ᯖᯔᯪ᯲ᯅᯬ ᯑᯬ ᯇᯒᯄ᯦ᯪ᯲ ᯉᯪ ᯂᯮᯖ ᯤ ᯘᯔ᯲ᯇᯮᯞᯮᯑᯮᯀ ᯑᯬ ᯂᯒ᯲ᯅᯝᯉ᯲ᯉ ᯘᯔ᯲ᯇᯮᯞᯮᯑᯮᯀ ᯘᯮᯒᯮᯘᯮᯒᯮᯀᯉ᯲ ᯑᯬ ᯑᯪ ᯀᯖᯘ᯲ ᯂᯒ᯲ᯅᯝᯉ᯲ᯉ ᯤᯀ ᯎᯬᯀᯒ᯲ ᯀᯰᯄ᯦ ᯉ ᯘᯪᯉᯮᯒᯖᯉ᯲ ᯑᯪᯘᯪ ᯤ ᯔ ᯎᯬᯀᯒ᯲ ᯉᯪ ᯔᯒ᯲ᯎ ᯀᯘᯪ᯲ᯒᯀᯞᯩ᯲ ᯉ ᯘᯔ᯲ᯇᯮᯞᯮᯑᯮᯀ ᯤ

21:13 Tolu harbangan sian habinsaran, tolu sian utara, tolu sian dangsina, tolu sian hasundutan. ᯖᯬᯞᯮ ᯂᯒ᯲ᯅᯝᯉ᯲ ᯘᯪᯀᯉ᯲ ᯂᯅᯉᯪ᯲ᯘᯒᯉ᯲ ᯖᯬᯞᯮ ᯘᯪᯀᯉ᯲ ᯥᯖᯒ ᯖᯬᯞᯮ ᯘᯪᯀᯉ᯲ ᯑᯰᯘᯪᯉ ᯖᯬᯞᯮ ᯘᯪᯀᯉ᯲ ᯂᯘᯉᯮ᯲ᯑᯮᯖᯉ᯲

21:14 Sampuludua do batu ojahan ni parik ni huta i; disi do na sampuludua goar ni na sampuludua apostel ni Birubiru i. ᯘᯔ᯲ᯇᯮᯞᯮᯑᯮᯀ ᯑᯬ ᯅᯖᯮ ᯀᯬᯐᯂᯉ᯲ ᯉᯪ ᯇᯒᯄ᯦ᯪ᯲ ᯉᯪ ᯂᯮᯖ ᯤ ᯑᯪᯘᯪ ᯑᯬ ᯉ ᯘᯔ᯲ᯇᯮᯞᯮᯑᯮᯀ ᯎᯬᯀᯒ᯲ ᯉᯪ ᯉ ᯘᯔ᯲ᯇᯮᯞᯮᯑᯮᯀ ᯀᯇᯘᯬ᯲ᯖᯞᯩ᯲ ᯉᯪ ᯅᯪᯒᯮᯅᯪᯒᯮ ᯤ

21:15 Ditiop na mangkatai dohot ahu do sada tungkot sere, asa suhatonna huta i dohot angka harbanganna ro di parikna. ᯑᯪᯖᯪᯀᯇᯬ᯲ ᯉ ᯔᯰᯄ᯦ᯖᯤ ᯑᯬᯂᯖᯬ᯲ ᯀᯂᯮ ᯑᯬ ᯘᯑ ᯖᯮᯰᯄᯖᯬ᯲ ᯘᯩᯒᯩ ᯀᯘ ᯘᯮᯂᯖᯉᯬ᯲ᯉ ᯂᯮᯖ ᯤ ᯑᯬᯂᯖᯬ᯲ ᯀᯰᯄ᯦ ᯂᯒ᯲ᯅᯝᯉ᯲ᯉ ᯒᯬ ᯑᯪ ᯇᯒᯄ᯦ᯪ᯲ᯉ

21:16 Na maropatsuhi do hapeahan ni huta i, dos do bohangna dohot unjurna. Jadi disuhat ma huta i marhitehite tungkot i; dapot ma saribu limaratus paal: Dos do unjurna dohot bohangna dohot timbona. ᯉ ᯔᯒᯬᯇᯖ᯲ᯘᯮᯂᯪ ᯑᯬ ᯂᯇᯩᯀᯂᯉ᯲ ᯉᯪ ᯂᯮᯖ ᯤ ᯑᯘᯬ᯲ ᯑᯬ ᯅᯬᯂᯰᯉ ᯑᯬᯂᯖᯬ᯲ ᯀᯉᯮ᯲ᯐᯒᯮ᯲ᯉ ᯐᯑᯪ ᯑᯪᯘᯮᯂᯖ᯲ ᯔ ᯂᯮᯖ ᯤ ᯔᯒ᯲ᯂᯪᯖᯩᯂᯪᯖᯩ ᯖᯮᯰᯂᯖᯬ᯲ ᯤ ᯑᯇᯖᯬ᯲ ᯔ ᯘᯒᯪᯅᯮ ᯞᯪᯔᯒᯖᯘᯮ᯲ ᯇᯀᯞ᯲ ᯑᯘᯬ᯲ ᯑᯬ ᯀᯉᯮ᯲ᯐᯒᯮ᯲ᯉ ᯑᯬᯂᯖᯬ᯲ ᯅᯬᯂᯰᯉ ᯑᯬᯂᯖᯬ᯲ ᯖᯔᯪ᯲ᯅᯬᯉ

21:17 Laos disuhat ma parikna, saratus opatpulu opat asta; suhatsuhat ni jolma do na di surusuruan i. ᯞᯀᯘᯬ᯲ ᯑᯪᯘᯮᯂᯖ᯲ ᯔ ᯇᯒᯄ᯦ᯪ᯲ᯉ ᯘᯒᯖᯘᯮ᯲ ᯀᯬᯇᯖ᯲ᯇᯮᯞᯮ ᯀᯬᯇᯖ᯲ ᯀᯘ᯲ᯖ ᯘᯮᯂᯖ᯲ᯘᯮᯂᯖ᯲ ᯉᯪ ᯐᯞᯬ᯲ᯔ ᯑᯬ ᯉ ᯑᯪ ᯘᯮᯒᯮᯘᯮᯒᯮᯀᯉ᯲ ᯤ

21:18 Sian batu Jaspis do parik i dipauli, jala sere na pinapita do huta i songon sorminan na tio. ᯘᯪᯀᯉ᯲ ᯅᯖᯮ ᯐᯘ᯲ᯇᯘᯪ᯲ ᯑᯬ ᯇᯒᯄ᯦ᯪ᯲ ᯤ ᯑᯪᯇᯥᯞᯪ ᯐᯞ ᯘᯩᯒᯩ ᯉ ᯇᯪᯉᯇᯪᯖ ᯑᯬ ᯂᯮᯖ ᯤ ᯘᯬᯝᯉᯬ᯲ ᯘᯒᯬ᯲ᯔᯪᯉᯉ᯲ ᯉ ᯖᯪᯀᯬ

21:19 Dipajeges do angka ojahan ni parik ni huta i marhitehite ragam ni batu na arga: Ia ojahan na parjolo batu Jaspis do, ia na paduahon Sapir, na patoluhon Kalkedon, na paopathon batu Samarados. ᯑᯪᯇᯐᯩᯎᯘᯩ᯲ ᯑᯬ ᯀᯰᯄ᯦ ᯀᯬᯐᯂᯉ᯲ ᯉᯪ ᯇᯒᯄ᯦ᯪ᯲ ᯉᯪ ᯂᯮᯖ ᯤ ᯔᯒ᯲ᯂᯪᯖᯩᯂᯪᯖᯩ ᯒᯎᯔ᯲ ᯉᯪ ᯅᯖᯮ ᯉ ᯀᯒ᯲ᯎ ᯤᯀ ᯀᯬᯐᯂᯉ᯲ᯉ ᯇᯒ᯲ᯐᯬᯞᯬ ᯅᯖᯮ ᯐᯘ᯲ᯇᯘᯪ᯲ ᯑᯬ ᯤᯀ ᯉ ᯇᯑᯮᯀᯂᯉᯬ᯲ ᯘᯇᯒᯪ᯲ ᯉ ᯇᯖᯬᯞᯮᯂᯉᯬ᯲ ᯄ᯦ᯞ᯲ᯄᯩᯑᯉᯬ᯲ ᯉ ᯇᯀᯬᯇᯖ᯲ᯂᯉᯬ᯲ ᯅᯖᯮ ᯘᯔᯒᯑᯘᯬ᯲

21:20 Ia na palimahon batu Sardonik, na paonomhon Sardion, na papituhon Krisopras, na paualuhon Berillos, na pasiahon Topasion, na pasampuluhan Krisopras, na pasampulusadahon Hiakintos, na pasampuluduahon batu Ametistos. ᯤᯀ ᯉ ᯇᯞᯪᯔᯂᯉᯬ᯲ ᯅᯖᯮ ᯘᯒ᯲ᯑᯬᯉᯄ᯦ᯪ᯲ ᯉ ᯇᯀᯬᯉᯔᯬ᯲ᯂᯉᯬ᯲ ᯘᯒ᯲ᯑᯪᯀᯉᯬ᯲ ᯉ ᯇᯇᯪᯖᯮᯂᯉᯬ᯲ ᯄ᯦᯲ᯒᯪᯘᯬᯇ᯲ᯒᯘ᯲ ᯉ ᯇᯥᯀᯞᯮᯂᯉᯬ᯲ ᯅᯩᯒᯞᯪ᯲ᯞᯘᯬ᯲ ᯉ ᯇᯘᯪᯀᯂᯉᯬ᯲ ᯖᯬᯇᯘ᯲ᯘᯪᯀᯉᯬ᯲ ᯉ ᯇᯘᯔ᯲ᯇᯮᯞᯮᯂᯉᯬ᯲ ᯄ᯦᯲ᯒᯪᯘᯬᯇ᯲ᯒᯘ᯲ ᯉ ᯇᯘᯔ᯲ᯇᯮᯞᯮᯘᯑᯂᯉᯬ᯲ ᯂᯪᯀᯄ᯦ᯉᯪ᯲ᯖᯘᯬ᯲ ᯉ ᯇᯘᯔ᯲ᯇᯮᯞᯮᯑᯮᯀᯂᯉᯬ᯲ ᯅᯖᯮ ᯀᯔᯩᯖᯘᯪ᯲ᯖᯘᯬ᯲

21:21 Ia na sampuludua harbangan i sampuludua mutiha do; ganup harbangan sian sada mutiha. Ia alaman ni huta i sere na ias do, songon sorminan na tio. ᯤᯀ ᯉ ᯘᯔ᯲ᯇᯮᯞᯮᯑᯮᯀ ᯂᯒ᯲ᯅᯝᯔ᯲ ᯤ ᯘᯔ᯲ᯇᯮᯞᯮᯑᯮᯀ ᯔᯮᯖᯪᯂ ᯑᯬ ᯎᯉᯇᯮ᯲ ᯂᯒ᯲ᯅᯝᯉ᯲ ᯘᯪᯀᯉ᯲ ᯘᯑ ᯔᯮᯖᯪᯂ ᯤᯀ ᯀᯞᯔᯉ᯲ ᯉᯪ ᯂᯮᯖ ᯤ ᯘᯩᯒᯩ ᯉ ᯤᯀᯘ᯲ ᯑᯬ ᯘᯬᯝᯉᯬ᯲ ᯘᯒᯬ᯲ᯔᯪᯉᯉ᯲ ᯉ ᯖᯪᯀᯬ

21:22 Ndang adong huida joro di bagasan huta i, ai Tuhan Debata, Sigomgom saluhutna, do jorona rap dohot Birubiru i. ᯉ᯲ᯑᯰ ᯀᯑᯰᯬ ᯂᯮᯤᯑ ᯐᯬᯒᯬ ᯑᯪ ᯅᯎᯘᯉ᯲ ᯂᯮᯖ ᯤ ᯀᯤ ᯖᯮᯂᯉ᯲ ᯑᯩᯅᯖ ᯘᯪᯎᯔᯬ᯲ᯎᯔᯬ᯲ ᯘᯞᯮᯂᯖᯮ᯲ᯉ ᯑᯬ ᯐᯬᯒᯬᯉ ᯒᯇ᯲ ᯑᯬᯂᯖᯬ᯲ ᯅᯪᯒᯮᯅᯪᯒᯮ ᯤ

21:23 Ndang ringkot di huta i mata ni ari manang bulan, asa sondanganna; ai hasangapon ni Debata do patiurhonsa, Birubiru i do panondangna. ᯉ᯲ᯑᯰ ᯒᯰᯪᯄ᯦ᯖᯬ᯲ ᯑᯪ ᯂᯮᯖ ᯤ ᯔᯖ ᯉᯪ ᯀᯒᯪ ᯔᯉᯰ ᯅᯮᯞᯉ᯲ ᯀᯘ ᯘᯉᯬ᯲ᯑᯎᯝᯉ᯲ᯉ ᯀᯤ ᯂᯘᯝᯇᯉᯬ᯲ ᯉᯪ ᯑᯩᯅᯖ ᯑᯬ ᯇᯖᯪᯀᯒᯮ᯲ᯂᯉᯬ᯲ᯘ ᯅᯪᯒᯮᯅᯪᯒᯮ ᯤ ᯑᯬ ᯇᯉᯉᯬ᯲ᯑᯰᯉ

21:24 Na mardalani ma angka bangso di bagasan sondangna; boanon ni angka raja ni tano on ma hasangaponnasida tusi. ᯉ ᯔᯒ᯲ᯑᯞᯉᯪ ᯔ ᯀᯰᯄ᯦ ᯅᯰᯘᯬ ᯑᯪ ᯅᯎᯘᯉ᯲ ᯘᯉᯬ᯲ᯑᯰᯉ ᯅᯬᯀᯉᯉᯬ᯲ ᯉᯪ ᯀᯰᯄ᯦ ᯒᯐ ᯉᯪ ᯖᯉᯬ ᯀᯉᯬ᯲ ᯔ ᯂᯘᯝᯇᯉᯬ᯲ᯉᯘᯪᯑ ᯖᯮᯘᯪ

21:25 Ndang na hinsu harbanganna manipat ari, ai ndang masa disi borngin. ᯉ᯲ᯑᯰ ᯉ ᯂᯉᯪ᯲ᯘᯮ ᯂᯒ᯲ᯅᯝᯉ᯲ᯉ ᯔᯉᯪᯇᯖ᯲ ᯀᯒᯪ ᯀᯤ ᯉ᯲ᯑᯰ ᯔᯘ ᯑᯪᯘᯪ ᯅᯒᯬᯝᯉᯪ᯲

21:26 Jadi boanonnasida ma hasangapon dohot hamuliaon ni angka bangso tubagasan huta i? ᯐᯑᯪ ᯅᯬᯀᯉᯉᯬᯉᯘᯪᯑ ᯔ ᯂᯘᯝᯇᯉᯬ᯲ ᯑᯬᯂᯖᯬ᯲ ᯂᯔᯮᯞᯪᯀᯀᯉᯬ᯲ ᯉᯪ ᯀᯰᯄ᯦ ᯅᯰᯘᯬ ᯖᯮ ᯅᯎᯘᯉ᯲ ᯂᯮᯖ ᯤ

21:27 Na so tupa masuk tu huta i nasa na ramun, nang siula hagigian dohot gabus, nda holan angka naung tarsurat di buku hangoluan na di Birubiru i. ᯉ ᯘᯬ ᯖᯮᯇ ᯔᯘᯄ᯦ᯮ᯲ ᯖᯮ ᯂᯮᯖ ᯤ ᯉᯘ ᯉ ᯒᯔᯉᯮ᯲ ᯉᯰ ᯘᯪᯥᯞ ᯂᯎᯪᯎᯪᯀᯉ᯲ ᯑᯬᯂᯖᯬ᯲ ᯎᯅᯘᯮ᯲ ᯉ᯲ᯑ ᯂᯬᯞᯉ᯲ ᯀᯰᯄ᯦ ᯉᯀᯮᯰ ᯖᯒ᯲ᯘᯮᯒᯖ᯲ ᯑᯪ ᯅᯮᯄ᯦ᯮ ᯂᯝᯬᯞᯮᯀᯉ᯲ ᯉ ᯑᯪ ᯅᯪᯒᯮᯅᯪᯒᯮ ᯤ

Pangungkapon ᯇᯝᯮᯰᯄ᯦ᯇᯉᯬ᯲ 22

22:1 Dung i dipatuduhon ma tu ahu batang aek hangoluan na tio songon sorminan, na ruar sian habangsa ni Debata dohot Birubiru i. ᯑᯮᯰ ᯤ ᯑᯪᯇᯖᯮᯑᯮᯂᯉᯬ᯲ ᯔ ᯖᯮ ᯀᯂᯮ ᯅᯖᯰ ᯀᯀᯄᯩ᯲ ᯂᯝᯬᯞᯮᯀᯉ᯲ ᯉ ᯖᯪᯀᯬ ᯘᯬᯝᯉᯬ᯲ ᯘᯒᯬ᯲ᯔᯪᯉᯉ᯲ ᯉ ᯒᯮᯀᯒ᯲ ᯘᯪᯀᯉ᯲ ᯂᯅᯰᯘ ᯉᯪ ᯑᯩᯅᯖ ᯑᯬᯂᯖᯬ᯲ ᯅᯪᯒᯮᯅᯪᯒᯮ ᯤ

22:2 Di tongatonga ni alamanna dohot di batang aek i angkupangkup adong hau hangoluan, na marparbue sampuludua hali, na mangalehon parbuena ganup bulan; ia bulung ni hau i gabe hahisaron ni angka bangso. ᯑᯪ ᯖᯬᯝᯖᯬᯝ ᯉᯪ ᯀᯞᯔᯉ᯲ᯉ ᯑᯬᯂᯖᯬ᯲ ᯑᯪ ᯅᯖᯰ ᯀᯀᯄᯩ᯲ ᯤ ᯀᯰᯄ᯦ᯇᯮ᯲ᯀᯰᯄ᯦ᯇᯮ᯲ ᯀᯑᯰᯬ ᯂᯥ ᯂᯝᯬᯞᯮᯀᯉ᯲ ᯉ ᯔᯒ᯲ᯇᯒ᯲ᯅᯮᯀᯩ ᯘᯔ᯲ᯇᯮᯞᯮᯑᯮᯀ ᯂᯞᯪ ᯉ ᯔᯝᯞᯩᯂᯉᯬ᯲ ᯇᯒ᯲ᯅᯮᯀᯩᯉ ᯎᯉᯇᯮ᯲ ᯅᯮᯞᯉ᯲ ᯤᯀ ᯅᯮᯞᯮᯰ ᯉᯪ ᯂᯥ ᯤ ᯎᯅᯩ ᯂᯂᯪᯘᯒᯉᯬ᯲ ᯉᯪ ᯀᯰᯄ᯦᯲ ᯅᯰᯘᯬ

22:3 Ndang adong be na hona bura. Disi do habangsa ni Debata dohot Birubiru i; angka naposona i ma marhalado di Jolona. ᯉ᯲ᯑᯰ ᯀᯑᯰᯬ ᯅᯩ ᯉ ᯂᯬᯉ ᯅᯮᯒ ᯑᯪᯘᯪ ᯑᯬ ᯂᯅᯰᯘ ᯉᯪ ᯑᯩᯅᯖ ᯑᯬᯂᯖᯬ᯲ ᯅᯪᯒᯮᯅᯪᯒᯮ ᯤ ᯀᯰᯄ᯦ ᯉᯇᯬᯘᯬᯉ ᯤ ᯔ ᯔᯒ᯲ᯂᯞᯑᯬ ᯑᯪ ᯐᯬᯞᯬᯉ

22:4 Idaonnasida do Bohina; di pardompahannasida do Goarna. ᯤᯑᯀᯉᯬ᯲ᯉᯘᯪᯑ ᯑᯬ ᯅᯬᯂᯪᯉ ᯑᯪ ᯇᯒ᯲ᯑᯔᯬ᯲ᯇᯂᯉ᯲ᯉᯘᯪᯑ ᯑᯬ ᯎᯬᯀᯒ᯲ᯉ

22:5 Ndang masa be disi borngin, ndang ringkot be di nasida palito manang sondang ni mata ni ari, ai sondangan ni Tuhan Debata do nasida, jala na mangarajai do nasida salelenglelengna. ᯉ᯲ᯑᯰ ᯔᯘ ᯅᯩ ᯑᯪᯘᯪ ᯅᯒᯬ᯲ᯝᯉᯪ᯲ ᯉ᯲ᯑᯰ ᯒᯰᯪᯄᯖᯬ᯲ ᯅᯩ ᯑᯪ ᯉᯘᯪᯑ ᯇᯞᯪᯖᯬ ᯔᯉᯰ ᯘᯉᯬ᯲ᯑᯰ ᯉᯪ ᯔᯖ ᯉᯪ ᯀᯒᯪ ᯀᯤ ᯘᯉᯬ᯲ᯑᯝᯉ᯲ ᯉᯪ ᯖᯮᯂᯉ᯲ ᯑᯩᯅᯖ ᯑᯬ ᯉᯘᯪᯑ ᯐᯞ ᯉ ᯔᯝᯒᯐᯤ ᯑᯬ ᯉᯘᯪᯑ ᯘᯞᯩᯞᯰᯩᯞᯩᯞᯰᯩᯉ

22:6 Dung i didok ma mandok ahu: Haposan do angka hata on jala na sintong; disuru Tuhan Debata, nampuna tondi ni angka panurirang, do surusuruanna, patuduhon tu angka naposona angka na naeng masa tibu. ᯑᯮᯰ ᯤ ᯑᯪᯑᯄ᯦ᯬ᯲ ᯔ ᯔᯉ᯲ᯑᯄ᯦ᯬ᯲ ᯀᯂᯮ ᯂᯇᯬᯘᯉ᯲ ᯑᯬ ᯀᯰᯄ᯦ ᯂᯖ ᯀᯉᯬ᯲ ᯐᯞ ᯉ ᯘᯉᯪ᯲ᯖᯰᯬ ᯑᯪᯘᯮᯒᯮ ᯖᯮᯂᯉ᯲ ᯑᯩᯅᯖ ᯉᯔ᯲ᯇᯮᯉ ᯖᯉᯬ᯲ᯑᯪ ᯉᯪ ᯀᯰᯄ᯦ ᯇᯉᯮᯒᯪᯒᯰ ᯑᯬ ᯘᯮᯒᯮᯘᯮᯒᯮᯀᯉ᯲ᯉ

22:7 Ida ma, gira do Ahu ro! Martua ma na mangaradoti angka hata panurirangon na di bagasan buku on! ᯤᯑ ᯔ ᯎᯪᯒ ᯑᯬ ᯀᯂᯮ ᯒᯬ ᯔᯒ᯲ᯖᯮᯀ ᯔ ᯉ ᯔᯝᯒᯑᯬᯖᯪ ᯀᯰᯄ᯦ ᯂᯖ ᯇᯉᯮᯒᯪᯒᯝᯉᯬ᯲ ᯉ ᯑᯪ ᯅᯎᯘᯉ᯲ ᯅᯮᯄ᯦ᯮ ᯀᯉᯬ᯲

22:8 Ahu, Johannes, do marnida jala umbege angka on. Jadi dung hubege jala huida, manungkap ma ahu marsomba tujolo ni pat ni surusuruan, na patuduhon angka i tu ahu. ᯀᯂᯮ ᯐᯬᯂᯉ᯲ᯉᯘᯩ᯲ ᯑᯬ ᯔᯒ᯲ᯉᯪᯑ ᯐᯞ ᯀᯔᯮ᯲ᯅᯩᯎᯩ ᯀᯰᯄ᯦ ᯀᯉᯬ᯲ ᯐᯑᯪ ᯑᯮᯰ ᯂᯮᯅᯩᯂᯩ ᯐᯞ ᯂᯮᯤᯑ ᯔᯉᯮᯰᯄ᯦ᯇ᯲ ᯔ ᯀᯂᯮ ᯔᯒ᯲ᯘᯔᯬ᯲ᯅ ᯖᯮ ᯐᯬᯞᯬ ᯉᯪ ᯇᯖ᯲ ᯉᯪ ᯘᯮᯒᯮᯘᯮᯒᯮᯀᯉ᯲ ᯉ ᯇᯖᯮᯑᯮᯂᯉᯬ᯲ ᯀᯰᯄ᯦ ᯤ ᯖᯮ ᯀᯂᯮ

22:9 Jadi didok ma mandok ahu: Unang ma songon i! Donganmu naposo do ahu jala dongan ni angka hahaanggim, dongan ni angka panurirang dohot angka na mangaradoti hata ni buku on. Debata ma somba! ᯐᯑᯪ ᯑᯪᯑᯄ᯦ᯬ᯲ ᯔ ᯔᯉ᯲ᯑᯄ᯦ᯬ᯲ ᯀᯂᯮ ᯥᯉᯰ ᯔ ᯘᯬᯝᯉᯬ᯲ ᯤ ᯑᯬᯝᯉ᯲ᯔᯮ ᯉ ᯇᯬᯘᯬ ᯑᯬ ᯀᯂᯮ ᯐᯞ ᯑᯬᯝᯉ᯲ ᯉᯪ ᯀᯰᯄ᯦ ᯂᯂᯀᯰᯎᯔᯪ᯲ ᯑᯬᯝᯉ᯲ ᯉᯪ ᯀᯰᯄ᯦ ᯇᯉᯮᯒᯪᯒᯰ ᯑᯬᯂᯖᯬ᯲ ᯀᯄ᯦ ᯉ ᯔᯝᯒᯑᯬᯖᯪ ᯂᯖ ᯉᯪ ᯅᯮᯄ᯦ᯮ ᯀᯉᯬ᯲ ᯑᯩᯅᯖ ᯔ ᯘᯔᯬ᯲ᯅ

22:10 Dung i didok ma mandok ahu: Unang sahapi angka hata panurirangon ni buku on, ai jonok ma tingkina! ᯑᯮᯰ ᯤ ᯑᯪᯑᯄ᯦ᯬ᯲ ᯔ ᯔᯉ᯲ᯑᯄ᯦ᯬ᯲ ᯀᯂᯮ ᯥᯉᯰ ᯘᯂᯇᯪ ᯀᯰᯄ᯦ ᯂᯖ ᯇᯉᯮᯒᯪᯒᯝᯉᯬ᯲ ᯉᯪ ᯅᯮᯄᯮ ᯀᯉᯬ᯲ ᯀᯤ ᯐᯬᯉᯄᯬ᯲ ᯔ ᯖᯰᯪᯄᯪᯉ

22:11 Tong ma didatdati siula hajahaton mangulahon hajahaton; tong ma diramuni na ramun i dirina; tong ma diulahon na tigor i hatigoran; tong ma diparbadiai na badia i dirina! ᯖᯰᯬ ᯔ ᯑᯪᯑᯖ᯲ᯑᯖᯪ ᯘᯪᯥᯞ ᯂᯐᯂᯖᯉᯬ᯲ ᯔᯝᯮᯞᯂᯉᯬ᯲ ᯂᯐᯂᯖᯉᯬ᯲ ᯖᯰᯬ ᯔ ᯑᯪᯒᯔᯮᯉᯪ ᯉ ᯒᯔᯉᯮ᯲ ᯑᯪᯒᯪᯉ ᯖᯰᯬ ᯔ ᯑᯪᯥᯞᯂᯉᯬ᯲ ᯉ ᯖᯪᯎᯒᯬ᯲ ᯤ ᯂᯖᯪᯎᯬᯒᯉ᯲ ᯖᯰᯬ ᯔ ᯑᯪᯇᯒᯬ᯲ᯅᯑᯪᯀᯤ ᯉ ᯅᯑᯪᯀ ᯤ ᯑᯪᯒᯪᯉ

22:12 Ida ma, gira ma Ahu ro! Boanonku ma upa silehonon tu ganup, hombar tu na niulana! ᯤᯑ ᯔ ᯎᯪᯒ ᯔ ᯀᯂᯮ ᯒᯬ ᯅᯬᯀᯉᯉᯬ᯲ᯄᯮ ᯔ ᯥᯇ ᯘᯪᯞᯩᯂᯬᯉᯉᯬ᯲ ᯖᯮ ᯎᯉᯇᯮ᯲ ᯂᯔᯬ᯲ᯅᯒ᯲ ᯖᯮ ᯉ ᯉᯪᯥᯞᯉ

22:13 Ahu do Mulana jala Punsuna, Parjolo jala Parpudi, Bonana jala Ujungna! ᯀᯂᯮ ᯑᯬ ᯔᯮᯞᯉ ᯐᯞ ᯇᯉᯮ᯲ᯘᯮᯉ ᯇᯒ᯲ᯐᯬᯞᯬ ᯐᯞ ᯇᯒ᯲ᯇᯮᯑᯪ ᯅᯬᯉᯉ ᯐᯞ ᯥᯐᯮᯰᯉ

22:14 Martua ma angka na mamburi abitnasida, asa marhuaso nasida marjambar di hau hangoluan i jala masuk sian angka harbangan tubagasan huta i. ᯔᯒ᯲ᯖᯮᯀ ᯔ ᯀᯰᯄ᯦ ᯉ ᯔᯔ᯲ᯅᯮᯒᯪ ᯀᯅᯖᯪ᯲ᯉᯘᯪᯑ ᯀᯘ ᯔᯒ᯲ᯂᯮᯀᯘᯬ ᯉᯘᯪᯑ ᯔᯒ᯲ᯐᯔ᯲ᯅᯒ᯲ ᯑᯮᯪ ᯂᯥ ᯂᯝᯬᯞᯮᯀᯉ᯲ ᯤ ᯐᯞ ᯔᯘᯄᯮ᯲ ᯘᯪᯀᯉ᯲ ᯀᯰᯄ᯦ ᯂᯒ᯲ᯅᯝᯉ᯲ ᯖᯮ ᯅᯎᯘᯉ᯲ ᯂᯮᯖ

22:15 Dibalian ma angka biang dohot angka siulahon rasun dohot angka parmainan dohot pamunu dohot sioloi na so Debata, ro di nasa na mangkaholongi jala na mangulahon gabus. ᯑᯪ ᯅᯞᯪᯀᯉ᯲ ᯔ ᯀᯰᯄ᯦ ᯅᯪᯀᯰ ᯑᯬᯂᯖᯬ᯲ ᯀᯰᯄ᯦ ᯘᯪᯥᯞᯂᯉᯬ᯲ ᯒᯘᯉᯮ᯲ ᯑᯬᯂᯖᯬ᯲ ᯀᯰᯄ᯦ ᯇᯒ᯲ᯔᯤᯉᯉ᯲ ᯑᯬᯂᯖᯬ᯲ ᯇᯔᯮᯉᯮ ᯑᯬᯂᯖᯬ᯲ ᯘᯪᯀᯬᯞᯬᯤ ᯉ ᯘᯬ ᯑᯩᯅᯖ ᯒᯬ ᯑᯪ ᯉᯘ ᯉ ᯔᯰᯄ᯦ᯂᯬᯞᯬᯝᯪ ᯐᯞ ᯉ ᯔᯝᯮᯞᯂᯉᯬ᯲ ᯎᯅᯘᯮ᯲

22:16 Ahu, Jesus, marsuru surusuruanku, mangkatindangkon tu hamu angka on, mandapothon angka huria i. Ahu do urat dohot marga ni Daud, bintang sipaias na marsinondang i! ᯀᯂᯮ ᯐᯩᯘᯘᯮ᯲ ᯔᯒ᯲ᯘᯮᯒᯮ ᯘᯮᯒᯮᯘᯮᯒᯮᯀᯉ᯲ᯄ᯦ᯮ ᯔᯰᯄ᯦ᯖᯉᯪ᯲ᯑᯰᯄ᯦ᯉᯬ᯲ ᯖᯮ ᯂᯔᯮ ᯀᯰᯄ᯦ ᯀᯉᯬ᯲ ᯔᯉ᯲ᯑᯇᯖᯬ᯲ᯂᯉᯬ᯲ ᯀᯰᯄ᯦ ᯂᯮᯒᯪᯀ ᯤᯀᯂᯮ ᯑᯬ ᯥᯒᯖ᯲ ᯑᯬᯂᯖᯬ᯲ ᯔᯒ᯲ᯎ ᯉᯪ ᯑᯀᯑᯮ᯲ ᯅᯉᯪ᯲ᯖᯰ ᯘᯪᯇᯞᯘ᯲ ᯉ ᯔᯒ᯲ᯘᯪᯉᯉᯬ᯲ᯑᯰ ᯤ

22:17 Jadi didok Tondi dohot oroan i: Ro ma Ho! Laos dohonon ni na umbegesa: Ro ma Ho! Sai ro ma na mauas; dijalo na giot roha i ma aek hangoluan i, dalan basabasa! ᯐᯑᯪ ᯑᯪᯑᯄ᯦ᯬ᯲ ᯖᯉᯬ᯲ᯑᯪ ᯑᯬᯂᯖᯬ᯲ ᯀᯬᯒᯬᯀᯉ᯲ ᯤ ᯒᯬ ᯔ ᯂᯬ ᯞᯀᯘᯬ᯲ ᯑᯬᯂᯬᯉᯉᯬ᯲ ᯉᯪ ᯉ ᯀᯔᯮ᯲ᯅᯩᯎᯩ ᯒᯬ ᯔ ᯂᯬ ᯘᯤ ᯒᯬ ᯔ ᯉ ᯔᯥᯀᯘ᯲ ᯑᯪᯐᯞᯬ ᯉ ᯎᯪᯀᯖᯬ᯲ ᯒᯬᯂ ᯤ ᯔ ᯀᯀᯂᯩ᯲ ᯂᯝᯬᯞᯮᯀᯉ᯲ ᯤ ᯑᯞᯉ᯲ ᯅᯘᯅᯘ

22:18 Ahu mangkatindangkon di ganup, na umbege angka hata panurirangon ni surat on: Ia adong na manambai tusi, tambaan ni Debata ma tu ibana angka haporsuhon, na tarsurat di bagasan buku on. ᯀᯂᯮ ᯔᯰᯄ᯦ᯖᯉᯪ᯲ᯑᯰᯄ᯦ᯉᯬ᯲ ᯑᯪ ᯎᯉᯇᯮ᯲ ᯉ ᯀᯔᯮ᯲ᯅᯩᯎᯩ ᯀᯰᯄ᯦ ᯂᯖ ᯇᯉᯮᯒᯪᯒᯝᯉᯬ᯲ ᯉᯪ ᯘᯮᯒᯖ᯲ ᯀᯉᯬ᯲ ᯤᯀ ᯀᯑᯰᯬ᯲ ᯉ ᯔᯉᯔ᯲ᯅᯤ ᯖᯮ ᯘᯪ ᯖᯔ᯲ᯅᯀᯉ᯲ ᯉᯪ ᯑᯩᯅᯖ ᯔ ᯖᯮ ᯤᯅᯉ ᯀᯰᯄ᯦ ᯂᯇᯒᯬ᯲ᯘᯮᯂᯉᯬ᯲ ᯉ ᯖᯒ᯲ᯘᯮᯒᯖ᯲ ᯑᯪ ᯅᯎᯘᯉ᯲ ᯅᯮᯄᯮ ᯀᯉᯬ᯲

22:19 Jadi molo adong na mamuati angka hata ni buku panurirangon on, buatan ni Debata ma tohapna na di hau hangoluan dohot di huta na badia i, angka na tarsurat di bagasan buku on. ᯐᯑᯪ ᯔᯬᯞᯬ ᯀᯑᯰᯬ ᯉ ᯔᯔᯮᯀᯖᯪ ᯀᯰᯄ᯦ ᯂᯖ ᯉᯪ ᯅᯮᯄ᯦ᯮ ᯇᯉᯮᯒᯪᯒᯝᯉᯬ᯲ ᯀᯉᯬ᯲ ᯅᯮᯀᯖᯉ᯲ ᯉᯪ ᯑᯩᯅᯖ ᯔ ᯖᯬᯂᯇ᯲ᯉ ᯑᯪ ᯂᯥ ᯂᯝᯬᯞᯮᯀᯉ᯲ ᯑᯬᯂᯖᯬ᯲ ᯑᯪ ᯂᯮᯖ ᯉ ᯅᯑᯪᯀ ᯤ ᯀᯰᯄ᯦ ᯉ ᯖᯒ᯲ᯘᯮᯒᯖ᯲ ᯑᯪ ᯅᯎᯑᯉ᯲ ᯅᯮᯄ᯦ᯮ ᯀᯉᯬ᯲

22:20 Didok Ibana na mangkatindangkon on; Olo, na ro ma Ahu tibu! Amen; ro ma Ho, ale Tuhan Jesus! ᯑᯪᯑᯄᯬ᯲ ᯤᯅᯉ ᯉ ᯔᯰᯄ᯦ᯖᯉᯪ᯲ᯑᯰᯄᯉᯬ᯲ ᯀᯉᯬ᯲ ᯀᯬᯞᯬ ᯉ ᯒᯬ ᯔ ᯀᯂᯮ ᯖᯪᯅᯮ ᯀᯔᯉᯩ᯲ ᯒᯬ ᯔ ᯂᯬ ᯀᯞᯩ ᯖᯮᯂᯉ᯲

22:21 Didongani asi ni roha ni Tuhan Jesus ma angka na badia! ᯑᯪᯑᯬᯝᯉᯪ ᯀᯘᯪ ᯉᯪ ᯒᯬᯂ ᯉᯪ ᯖᯮᯂᯉ᯲ ᯐᯩᯘᯘᯮ᯲ ᯔ ᯀᯰᯄ᯦ ᯉ ᯅᯑᯪᯀ