Geosite Batu Basiha

Geosite Batu Basiha ima sada sian 16 Geosite naung di akkui sada punguan na balga na margoar UNESCO (Dibahasa Inggris na: United Nations Educational, Scientific and Cultural Organization), ima na di tanggal 7 bulan pitu taon 2020 naung salpu. Geosite Batu Basiha on, Maringanan ma on di Desa Aek Bolon, Kecamatan Balige, Kabupaten Toba, Provinsi Sumatera Utara, Indonesia.

Peta inganan ni Geosite Batu Basiha - Di Kecamatan Balige

Sarita dohot goar ni Geosite

Sarita taringot tu hahaadongan ni Geosite on, molo sian akka siboto surat, idok ma on adong ima alani na mapultak Dolok Toba hira hira ratusan manang ribuantaon naung salpu (74.000) taon naung salpu, alai molo sarita ni akka jolma na tingga di huta i, idok ma on haroro na alani adong do hau na di papungu hian aneng mambahen gabu bolok ni haka batak toba, alai di buat ronggur ma hau i, jala gabe batu ma hau naung di papungu i, addorang dang dope di buat ronggur, ro ma sada babiat majjupai jolama na papungu hau i, paboahon asa unang di bahen imana jabu di inganan i, jala di paso imana ma na aneng mambahen jabu, jala ro ma ronggur mabbuat hau naung di papungu na i Molo diakka parhuta i, Goar ni Batu Basida ima na artina, Batu na sian Hau, Sahat tu nuaeng, godang doep na porsea tu akka sarita na jolo na maddok haadongan ni Batu on, ima sian hau na i buat ni Ronggur.

Bahen bahen ni Pamaretta tu Geosite on

Alani nungga gabe sada inganan laho marwisata, pamaretta pe torus do mabaen bahen bahen na denggan taringot tu inganan on, di padenggan nasida do akka dalan lao tu inganan on, di bahen do muse sada inganan lao hundul hundul manang lao maradi, ima gajebo, jala di pukai nasida do muse porlak na gelleng di inganan on.

Pranala Ruar

• CNNIndonesia
• Mistar
• KalderaTobaGeopark.org
• Merdeka.com
• AntaraNews