Bolanda

Harajaon Bolanda
Koninkrijk der Nederlanden (Bolanda)
Reino Hulandes (Papiamento)
Keninkryk fan de Nederlannen (Prisia Hasundutan)


Bandera	Partanda

Moto :
Je maintendrai (Prancis)

Logu habangsoan : Wilhelmus

Peta ni Bolanda

Peta ni opat nagara konstituen ni Harajaon Bolanda

Harajaon Bolanda (Hata Bolanda : Koninkrijk der Nederlanden ; pandokhonan : [ˈkoːnɪŋkrɛiɡ dɛr ˈneːdərlɑndə(n)]) i ma sada nagara monarki konstitusional na maringanan di hasundutan ni Banua Eropa jala marnampunahon pigapiga luat di Karibia. Di Eropa, adong do sampulu dua propinsi di bagasan nagara nian jala marbatasan dohot Jerman di bariba habinsaran, Belgia di bariba hasundutan, Laut Utara di bariba manabia jala batas laut dohot Britania Godang. Adong do pe luat ni Bolanda di Karibia i ma Sint Eustasius, Bonaire dohot Saba na gabe luat na sudung ni Bolanda. Adong do opat luat na gabe bagian ni Harajaon Bolanda i ma Bolanda, Aruba, Curaçao dohot Sint Maarten - i ma nagara konstituen (anggo di hata Bolanda didok landen). Huta sabungan ni Harajaon Bolanda maringanan di Amsterdam, hape Den Haag dibahen gabe lumban raja ni Bolanda.

Nagara konstituen

Sadari on Harajaon Bolanda marnampunahon opat nagara konstituen i ma Bolanda, Aruba, Curaçao dohot Sint Maarten. Parbedaan ni Harajaon Bolanda (Kingdom of Netherlands) dohot Bolanda (Netherlands): Harajaon Bolanda i ma sada nagara na mardaulat, tagan Bolanda i ma sada sian opat nagara konstituen. Tolu pulo di Laut Karibia (Aruba, Curaçao dohot Sint Maarten) i ma tolu nagara konstituen. Tolu pulo na asing di Laut Karibia (Bonaire, Sint Eustasius dohot Saba) i ma munisipalitas khusus di bagasan Bolanda. Sahat parsiranghonna di taon 2010, ditompaon pulopulo nian do gabe Antillen Bolanda , hape nunga haruar do Aruba sian punguan Antillen Bolanda di taon 1986.

Nagara Konstituen ni Harajaon Bolanda
Nagara		Populasi (bulan Nopember 2019)	Persentase sian populasi harajaon	Bidang ni luat^[1]	Persentase sian bidang ni harajaon	Hapadaton populasi
Bolanda		17.424.978	98,24%	41.873 km² (16.167 mil persegi)	98,45%	516/km² (1.340/mil persegi)
	Subbagian ni Bolanda
	Propinsi di Eropa	17.399.821	98,10%	41.545 km² (16.041 mil persegi)	97,68%	521/km² (1.350/mil persegi)
	Bonaire^†^‡	20.104	0,11%	294 km² (114 mil persegi)	0,69%	69/km² (180/mil persegi)
	Sint Eustasius^†^‡	3.138	0,02%	21 km² (8,1 mil persegi)	0,05%	150/km² (390/mil persegi)
	Saba^†^‡	1.915	0,01%	13 km² (5,0 mil persegi)	0,03%	148/km² (380/mil persegi)
Aruba		112.309	0,63%	180 km² (69 mil persegi)	0,42%	624/km² (1.620/mil persegi)
Curaçao		158.665	0,89%	444 km² (171 mil persegi)	1.04%	358/km² (930/mil persegi)
Sint Maarten		41.486	0,23%	34 km² (13 mil persegi)	0,08%	1.221/km² (3.160/mil persegi)
Harajaon Bolanda		17.737.438	100,00%	42.531 km² (16.421 mil persegi)	100,00%	515/km² (1,330/mil persegi)
^† Ditompa gabe bagian ni Karibia Bolanda. ^‡ Ditompa gabe bagian ni Bolanda Karibia.

Pustaha

↑ Ministerie van Algemene Zaken (19 May 2015). "Waaruit bestaat het Koninkrijk der Nederlanden? - Rijksoverheid.nl" Periksa nilai |url= (bantuan). onderwerpen.

[1] Ministerie van Algemene Zaken (19 May 2015). "Waaruit bestaat het Koninkrijk der Nederlanden? - Rijksoverheid.nl" Periksa nilai |url= (bantuan). onderwerpen.

[1]