Kampung Ulos Huta Raja
Kampung Ulos Huta Raja ima sada huta na adong di Pulo Samosir di topian Tao Toba. Huta on gabe inganan holding paturehon manang mambahen ulos ima abit ni halak Batak. Mambahen ulos on ima proses manual manang di tenun, di jolo jabu Bolon di Huta Raja. Kampung Ulos on adong na di huta Lumban Suhi Suhi Toruan, kecamatan Pangururan, Kabupaten Samosir, propinsi Sumatra Utara. Andorangsona, Kampung Ulos direvitalisasi manang dipature pamarinta taon 2020 sahat tu 2021, dung i Kampung Ulos ditabalhon presiden Indonesia, Joko Widodo, tanggal 2 Pebruari 2022, asa boi gabe inganan ni jola marrekreasi mamereng pambahenan ulos Batak[1]
Turiturian
patotaKampung ulos Huta Raja naung leleng adong, alai dang pola adong pambangunan lobi modern dibahen. Dung i, taon 2019, ro ma presiden ni Indonesia Joko Widodo tu huta on, lao mambereng angka inganan wisata di ruas ni Tao Toba, tarmasuk ma tu son. Didok Joko Widodo tu Menteri PUPR ima Basuki Hadimuljono asa dipature huta on museng lobi modern, gabe sada inganan wisata tu joloan.[2]
Dipature
patota.jpg)
Dung adong parinta sian Joko Widodo tu Menteri PUPR, jala dipadalan ma paturehon kawasan Huta Raja on. Mula na taon 2020 sahat tu taon 2021 ma dipasidung paturehon Huta Raja on. Angka na dipature ima tarup ni Jabu Bolon na adong di huta on, dung i adong museng dibahen Jabu Bolon naimbaru, mambangun Pusat Informasi Budaya Galeri dohot silua. Adong museng paturehon pagar ni kuburan, mambangun inganan parkopian, dohot mambangun toilet. Bahat nihepeng paturehon Kampung Ulos Huta Raja ima hira-hira Rp 25,8 miliar. Bidang ni huta nadipature ima 16 ribu meter persegi sanga pe 0,016 km2.[2]
Mambahen jabu bolon naimbaru, alana asa sarupo tompa ni angka jabu di huta on. Andorangsona, adong dope jabu di huta tompa jabu umumna, dang songon Jabu Bolon, jabu adat ni halak Batak. Dibahen sarupo tompa ni angka jabu i, asa gabe tanda halobianna, jala gabe panarik minat ni wisatawan ro mamereng manang marwisata tu huta on. Adong hira-hira 40 Jabu Bolon bahatna. Dalan mardalan di huta on pe dipature, idia andorang sona sian tano dope alaman ni huta on. Dung dipature, dalan di huta on gabe dalan sian batu candi, dang sian tano be.[3]
Pogu tenun ulos
patota
Sarupo tu goarga ima Kampung Ulos manang Huta Ulos, huta on gabe dibahen pogu ni mambahen ulos di Pangururan, Samosir. Marragama angka ulos, adong ulos ni par Angkola, Simalungun, Mandailing, alai nadibahen di Huta Raja on, somalna ima ulos ni halak Batak Toba. Na mambahen Huta Raja gabe dihasudunghon inganan wisata pogu tenun ulos, alana adong Jabu Bolon na marjejer di huta. Dang pola boi dipajumpang tompa ni huta naasing na songon i. Alani ima gabe huta dibahen pogu mambahen ulos Batak Toba, asa boi wisatawan sian Indonesia manang ruar negeri, boi mamereng, manang boha do mambahen ulos i.[4]
Pranala ruar
patotaPustaha
patota- ↑ Nugraheny, Dian Erika. (2 Pebruari 2022) Resmikan Kampung Ulos Huta Raja, Jokowi: Semoga Konservasi Warisan Pusaka Bisa Kita Kerjakan, www.asional.kompas.com, Diakses tanggal 11 Pebruari 2022
- ↑ 2.0 2.1 Maulana, Sapri. (3 Pebruari 2022), Jokowi Resmikan Huta Siallagan - Kampung Ulos Huta Raja, Telan Biaya Rp 55,8 M, www.nasional.tempo.co, Diakses tanggal 11 Pebruari 2022
- ↑ Pardosi, Maurits. (2 Pebruari 2022) Kades Sebut Beberapa Pembangunan di Kampung Ulos Huta Raja, Setelah Dikunjungi Presiden Jokowi, www.medan.tribunnews.com, Diakses tanggal 11 Pebruari 2022
- ↑ Oktalia, Natasha. (6 Juli 2020), Taris Turis Asing di New Normal, Kampung Ulos Akan "Ditenun" , www.economy.okezone.com, Diakses tanggal 11 Pebruari 2022