Katedral Sibolga

Katedral Sibolga manang di dok ma i goar na Gereja Katedral Santa Theresia Lisieux ima sada gareja Katolik Katedral na maringanan di Kota Sibolga, Jl. Brigjen Katamso 21, Provisi Sumatera Utara, Indonesia. Di na tanggal 24 oktober taon 1980 di patota ma i gabe pusok ni hauskupan Sibolga.

Dibagas Gareja Katedral Sibolga

Turiturian Taringot tu Katedral Sibolga

Ia di na tanggal 12 Maret taon 1929 sahat ma sada ama di huta Sibolga jala imana ma na gabe pastor parjolo na pabaritahon barita di Bangso Batak, ima ama P. Chrysologus Timmermans OFM Cap. Di na parjolo sahat ibana di disi, tading ma ibana dibagas ni ama Van Pinksteren ima sada halak parkarejoni Bangso Bolanda, leleng na 10 minggu ma ibana disi, dungi di tuhor ibana ma sada jabu di pudi ni pejara na di Tamarindalaan, di padenggan imana jabu i asa gabe ingan na tading.

Di tanggal 19 Mei 1929 ima na di pesta Pentakosta, di pasu pasu ma jabu i, jala disi ma par huta Sibolga na marhaporseaon Khatolik parjolo mabbaen sada parpunguan pargarejaon, hira hira mar pitu pulu halak ma godang na, gumodang ma i sian akka halak eropa jala adong ma piga piga halak na sian bangso China.

Tung massai balga do rohani P. Chrysologus Timmermans OFM Cap na laho pabaritahon barita taringot tu ugamo ni Katolik di ruar ni huta Sibolga, sian mula ni haroro na tu Sibolga, tung massai godang do akka par bangso batak (Na parmalim mamang naung di didi dibagasan gareja kristen) na marroha aneng gabe katolik. Dung di taon 1933 di loas pamaretta ni Kolonian Bolanda na maringanan di Jakarta ma ibana laho haruar mabboan ugamo katolik, jala lao ma ibana tu akka luat ni bangso batak di ruar ni Sibolga, songon huta Pangaribuan sahat tu huta Purbatua na di Tapanuli Selata.

Tingki Parhundulan Jepang

Di taon 1942 terjadi ma naung piga-piga leleng diholsohon, ima tentara Jepang manghunduli bona pasogit Indonesia, tarmasuk Sumatera. Tanggal 15 Maret 1942, kota Sibolga dijajah tantara Jepang, angka misionaris dibahen tahanan jabu jala tanggal 13 Mei 1942, sude nasida diboan tu kamp internment. Ala ni i, marhite situasi na songon i, tung mansai balga do tantangan na diadopi misi ni Huria Katolik di Sumatera. Dang sadia leleng dung ditangkup jala diintern angka zending i, disita ma deba sian arta ni zending i. Sikola na diarihon misi, ditutup. Diloas dope angka biarawati i maringanan di bagasan biara i, alai diorai do nasida kaluar sian biara i.

Andorang so dipaksa borhat sian kota Sibolga, R.P. Didok ibana, “Krisologus, O.F.M. Top. dipasahat ‘parmahanion’ ni Katolik Sibolga dohot humaliangna tu Katekis Paul Guyang Siregar jala dilehon tudutudu na praktis. Di bulan Mei 1942, Katekis Paulus Guyang Siregar rap dohot piga-piga donganna mandohoti sada rapot di Balige, laho manaringoti urusan sending di sandok Sumatera Utara ditingki na so ro angka pandita. Saluhutna 15 halak do katekis na dipabangkit jala ditugashon laho martanggungjawab di pigapiga Distrik i jala dilehon huaso na gok mangulahon ulaon parmahanion na bersama: manjalo Sakramen Pandidion, pahothon parbagason, dna. Dipasada ma sandok Distrik i, i ma luat ni Keuskupan Sibolga gabe “Gereja Katolik Roma Tapanuli dohot Nias/Sumatera Timur dohot Aceh” na marpusat di Balige. Songon ketua diangkat Joseph Bonifacius Panggabean (Balige), sekretaris katekis Paulus Guyang Siregar (Sibolga) dohot Kepulauan Nias ditangani katekis Henrikus Sohiro Dachi. Alai ndang apala lancar mardalan badan koordinasi on, ai masa do parbolatbolaton di tongatonga ni angka katekis i sandiri.

Di tonga-tonga ni tantara Jepang na menempati kota Sibolga, adong do deba na Katolik, ala panghobasion nasida ndang disita gedung Gereja Katolik Sibolga songon deba gedung gereja Kristen na asing. Jadi, marminggu setiap Minggu tanpa pandita, boi dope dipatupa, nang pe sai tongtong dibagasan kegelisahan ala godang do halak Cina na so barani tu Gareja ala ni biarna tu tentara Jepang. Dung menyerah Jepang, tong dope ndang normal. Ndang boi dope angka misionaris i mulak tu penugasanna alani hagunturon ni politik. Bangunan-bangunan gereja na hea dikuasai tentara pendudukan Jepang, dibuat tantara nasional, ala menurut nasida, bangunan-bangunan on ima arta ni musu.

Haroro Dua Imam Jesuit sian Jawa

Di bona ni taon 1947, ala pangidoan ni Wakil Apostolik Medan, Mgr. Mathias Leonardus Trudon Brans, O.F.M.Cap., tu Uskup Semarang, disuru ma sahalak Pandita na margoar R.P. Sutapanitra S.J. laho manghobasi di luat Batak dohot Sibolga. Di tanggal 18 Juli 1948, ro ma pandita na asing, i ma R.P. A. Pudjahandaja S.J. sian Sumatera Barat dan berlokasi di Sibolga. Marhite haroro ni Pandita na 2 on, mulai ma denggan situasi panghobasion, Paroki Sibolga lam denggan diatur, tarpillit ma Anggota Dewan Huria na imbaru, dibuka ma muse parsingkolaan rakyat, jala didulo ma angka stasi-stasi. Tanggal 15 Agustus 1948 dibaen ma Huria Katolik Tapanuli jala maringanan di Kota Sibolga. Di bulan Maret 1949, dibahen R.P. A. Pudjahandaja S.J., borhat sian Tapanuli jala manang na piga bulan nari, ro ma angka Zending. Dohot haroro ni angka zending, lam kondusif ma situasi pelayanan, nang pe terbatas dope kegiatan zending di kota Sibolga ala ndang aman dope angka luat i. Angka suster pe nunga mulai diloas mulak tu Sibolga jala mambuka muse angka parsingkolaan naung ditutup najolo jala mamangke hata Indonesia gabe bahasa pangajarion. Dung taon 1950, dilehon ma kebebasan tu angka misionaris laho mandapothon angka luat. Di tingki i adong do 2 halak Zending, sada martugas di kota Sibolga jala sada martugas di angka stasi, khususna di Kecamatan Sorkam dohot Barus, disi godang stasi.

Parjonjong ni Prefektur Apostolik Sibolga

Katedral Sibolga

Parjonjong ni Prefektur Apostolik Sibolga dibaen ma gabe Prefektur Apostolik naparjolo ima Uskup Grimm na di patotahon na di tanggal 15 Agustus taon 1960, jala huta sibolga gabe huta pusok ni Gerejani na imbaru. Dungi na di tanggal 18 November taon 1980 ditolopi ma pangidoan ni akka pastor na mandok Prefektur Apostolik Sibolga resmi gabe sada Keuskupan, dibahen ma ama P. Anicetus Bonsu Sinaga na gabe Uskup na parjolo di Sibolga ima na ditasbihon Paus Johanes Paulus II i bana di Kota Roma.

Tikki ni Ekaristi

Misa Mingguan:

Misa Harian (Senin dohot Kamis): Pukkul 19.30 WIB

Misa Harian (Rabu dohot Jumat): PPukkul 05.45 WIB

Misa Mingguan:

Sabtu: Pukkul 18.00 WIB

Minggu: Pukkul 07.00, 09.00 WIB

Paroki na

Katedral Sibolga

Dekanan Nias

1. Alasa, Gunung Sitoli (St. Bonifasius)
2. Amandraya, Bintang Laut, Teluk Dalam (St. Mathias)
3. Gido, Gunung Sitoli (Kristus Raja)
4. Gunung Sitoli Laverna (St. Fransiskus Assisi)
5. Gunung Sitoli Luar Kota (Kristus Gembala Baik)
6. Idanogawo, Gunung Sitoli (St. Petrus dan Paulus)
7. Konkatedral Gunung Sitoli (St. Maria Bunda Para Bangsa)
8. Lahewa, Nias Utara, Gunung Sitoli (St. Maria)
9. Lahusa (Gomo), Nias Pantai Timur, Gunung Sitoli (Roh Kudus)
10. Sirombu, Nias Barat, Gunung Sitoli (Salib Suci)
11. Teluk Dalam, Nias Selatan (St. Maria Diangkat ke Surga)
12. Tello, PP Batu, Sibolga (St. Fidelis)
13. Tuhemberua, Gunung Sitoli (St. Fransiskus Assisi)
14. Togizita, Nias Tengah, Gunung Sitoli (St. Maria Ratu Surga)

Dekanan Tapanuli

1. Katedral Sibolga (St. Theresia Lisieux)
2. Padang Sidempuan, Tapanuli Selatan (St. Maria Bunda)
3. Pangaribuan, Tapanuli Tengah (St. Yohanes Penginjil)
4. Pandan, Sibolga (St. Yosef)
5. Tumba Jae (Manuamas), Sibolga (St. Mikael)
6. Tarutung Bolak, Sorkam (St. Hilarius)

Pranala Ruar

• Katedral Sibolga org