Masjid Godang Bandar Khalifah

Masjid Agung Bandar Khalifah ima sada masjid na maringanan di Huta Gelam, Kecamatan Banda, Kabupaten Deliserdang, Provinsi Sumatera Utara. Masjid on jongjong i pinggir dalan Bandar Khalifah dohot di sabola selatan masjid on marbalokkon ladang dohot kawasan parmukiman, i utara marbalokkon jabu ni pangisi, di sabola barat marbalokkon pasar, dot i timur marbalokkon ladang, hauma dohot jabu ni pangisi. Huta Bandar Khalifah ima sada luat na sampul luat dolok dohot luat toruan, gabe pansarian ni pangisi di huta on ima martani di hauma, manuan sayur-sayuran dohot akka buah-buahan, dohot markobun.

Hatorangan Ni Bangunan

Alaman Masjid Godang Bandar Khalifah ganjangna 45 m dot bolakna 30 m, puna pagar bosi dot puna harbang gabe pintu masuk tu alaman masjid. Harbangan on adong dua tiang jala di ginjangna adong atap genteng na marbentuk piramida. Bangunan ima masjid, inganan wudhu dohot inganan gondang. Ukuran bangunan masjid ima ganjangna 12,5 m, bolakna 12,5 m dohot timbona 15 m. Masjid on mangadop tu utara jala pintu masukna sian barat. Bangunan masjid on adong teras dohot ruang utama. Di bagasan ruang utama adong mihrab dot mimbar. Asa boi masuk tu foyer ni masjid, mamolus ma hamu sian dua tangga na dibahen sian keramik na marwarna coklat. Lantai teras pe dibahen sian keramik na bontar na mulana holan sian semen. Serambi i maringanan di sabola timur, selatan dohot utara jala bidangna 1,4 m jala ganjangna 12,5 m. Dipabidang do luas ni teras utara gabe 3,60 m tingki paulihon.

Serambi di sabola utara ima tambahan na umbaru, Serambi na toho di bagian utara, timur dohit selatan dihaliangi tiang sian cor, onom tiang ganup. Tiang-tiang on langsung manopang atap parjolo, sadangkan i barat inda adong teras, harana adong mihrab na dihaliangi onom tiang.

Ruang utama adong tembok dot i jolo (utara), selatan dot timur ganup i adong tolu pintu, dot i barat adong dua jendela i kiri dot siamun mihrab. Pintu i dibahen sian hau jala adong dua pintuna jala di ginjang ni pintu i dibaen do hiasanna bunga dohot urat. Di bagas ruangan utama adong opat tiang, mihrab dohot mimbar. Mihrab marbentuk segi onom na tardiri sian onom tiang na sarupa balgana. Bentuk dohot balga ni tiang on sarupa do songon tiang na di Serambi. Mihrab i manjorok saotik kaluar, asa di sabola barat bangunan masjid i dang tarida serambi, Ganjang ni mimbar i 1,55 m, bidangna 1 m jala timbona 2 m, dibahen sian hau. Mimbar i ditopang onom tiang.

Di sabola utara ni gedung masjid adong inganan wudhu jala gedung on ima gedung na baru. Di alaman ni masjid di sudut barat daya adong bangunan sederhana songon inganan ni gondang na matua. Gondang on diperkirahon nga sarupa umurna dohot masjid inon. Molo binereng tiang ni masjid na humaliangna, adong do 28 jala rata-rata diameterna 60 m jala timbona 219 m. Masjid on ipengaruhi arsitektur Bolanda na biasona mamakke tiang-tiang na godang.

Latar Turi-Turian

Sian hatorangan ni halak na tinggal di si, Masjid Raya Bandar Khalifah on dibangun pas panjajahan na taon 1890. Pandiri na ima Tengku Haji Nurdin dohot gelar Maharaja Muda Wazir Negeri Deli. Gelar on ima silehonlehon sian Sultan Deli. Tengku Haji Nurdin ima sundut paualuhon ni Harajaon Padang na marpusat di Bandar Khalifah, ima Umar Saleh. Harajaon on digoari ma Padang, mangihuthon istilah Melayu hata Padang lapatanna ladang, ala sai diparentahon raja ditingki i do rakyatna asa tongtong mambuka ladang, gabe lam tarbarita ma harajaon on gabe Negeri Padang.