Porlak Harangan Raya Bukit Barisan

Porlak Harangan Raya Bukit Barisan, manang didok mai di Bahasa Indonesia Tahura (Taman Hutan Raya), ima Tahura na patoluhon di Indonesia na pinajongjong ni Presiden dohot Surat Haputuson sian Presiden Republik Indonesia Nomor 48 taon 1988 tanggal 19 Nopember 1988 dohot bidagna ± 51.600 Ha. Tahura Bukit Barisan secara geografis maringanan di 001'16"-019'37" Lintang Utara dan 9812'16"-9841'00" Bujur Purba. Hajongjongan ni Tahura marlapatan laho manjaga sumber daya alam dohot pagandahon pemanfaatan lingkungan marhite na pagandahon fungsi dohot fungsi ni harangan. Secara administratif, luat on termasuk ma i Kecamatan Tiga Panah, Kabupaten Tanah Karo, Provinsi Sumatera Utara. Dohot bidang sudena 51.600 hektar, Tahara Bukit Barisan ima unit pengelolaan na mencakup kawasan harangan ondi i dohot luat pelestarian. Godangan luat on ima harangan lindung alam na mardolok na dipajongjong sian zaman Bolanda, songon Harangan Lindung Sibayak I dohot Simancik I, Harangan Lindung Sibayak II dohot Simancik II, dohot Hutan Lindung Sinabung. Luat Tahura tarlumobi na maringanan di humaliang ni Tongkoh dohot Berastagi nunga maju gabe salah sada objek wisata utama di Sumatera Utara. Mambereng haulion alam, mual aek na mohop, mardalan pat dohot markemah ima piga-piga kegiatan wisata na boi diulahon. Songon tujuan wisata, udara na lambok, flora dan fauna na denggan, pemandangan alam na uli, mual ni aek dohot danau Toba, dohot budaya na menarik ima gabe komponen utama. Asing ni i, adong do fasilitas na tuk. Tarmasuk do i dalan raya na denggan jala lancar na manghubunghon godangan luat Tahura, inganan parmianan dohot penginapan, inganan parkemahan, dohot dalan di pigapiga luat.

Porlak Harangan Raya Bukit Barisan

Porlak Harangan Raya Bukit Barisan

Topografi

Na somalna, topografi di luat ni Tahura Bukit Barisan sebagian rata do, nang pe songon I, adong do tong na terjal dohot mardolok-dolok. Di piga-piga inganan adong do dolok-dolok jala punsu na tumimbo ima Gunung Sibayak na timbona 1.430 sahat tu 2.200meter sian parmuaraan laut (mdpl).

Iklim

Pinus

Molo taringot tu klasifikasi Schmidt dot Ferguson, Tahura Bukit Barisan bongot ma I tu klasifikasi tipe B dohot curah udan rata-rata sataon 2.000 sahat 2.500 mm. Suhu udara minimal 13°C jala maksimal 25°C dohot kelembaban rata-rata hira-hira 90-100%.

Suansuanan

Kondisi vegetasi di Tahura Bukit Barisan ditungkupi dohot godang ni jenis hau na somalna adong di dolok-dolok dohot hau tropis. Akka hau i adong ma i hau nalokal manang na asing, songon: Tusam (Pinus merkusii), Simar telu (Schima wallichii), Tulasan (Altingia exelsa), Meang (Alseodaphne sp.), Podocarpus sp, Ingul (Toona surei) dohot angka jenis na asing songon: Durian, Dadap, Rambutan, Pulai, Sawit Gula, Rotan, dohot angka na asing.

Dorbia

Manuk Harangan (Gallus Varius)

Pigapiga jenis ni dorbia na boi jumpangan ima: Owa (Hylobates lar), aili (Haliantus indus), pidong tanduk manang Rangkong (Buceros sp.), manuk harangan (Gallus varius), bodat, harimau, siamang, babiat, ulok, ulok na metmet, ursa, pangolin manang trenggiling, dohot angka na asing.

Akomodasi

Inganan parbornginan dohot sarana parpodoman marserak do di humaliang on, sian Sibolangit sahat tu Berastagi, adong ma i parbornginan na sederhana dohot hotel marbintang standar internasional pe adong do. Songon jantung utama ni Tahura Bukit Barisan ima di Tongkoh. Di Tongkoh, diparade do fasilitas parbornginan, kamar, perpustakaan, restoran, panggung budaya, kegiatan nakkok gaja dohot fasilitas karantina tu dorbia. Asing sian pariwisata, lokasi Tongkoh on pe cocok do tu ulaon penelitian, olahraga, tarsongon wisata alam, dohot kegiatan na asing

Parlapatan ni Porlak Hutan

Parlapatan ni Porlak Hutan Bukit Barisan marlapatan laho mandapot laba sian hasil dohot jasa hutan secara optimal, adil jala berkelanjutan tu kesejahteraan ni masyarakat hombar tu lapatan na utamana. Pangkeon na dimaksud ima pangkeon ni luat i dohot/manang pangkeon ni pelayanan lingkungan. Di ganup pangkeon ni ulaon harangan, ingkon jolo adong do ijin na.

Ulaon Pariwisata

Adong do ragam ni ulaon usaha wisata alam na boi dipatupa di luat porlak hutan on, i ma:

• inganan parbornginan, isara ni pondok wisata, pondok/villa, dohot inganan parkemahan;
• olahraga aek, habang, mardalan pat, mardalani, dohot na asing
• fasilitas wisata budaya;
• kios oleh-oleh/sipanganon, panggung pertunjukan, restoran, parkir, dohot angka na asing;
• angkutan wisatawan;
• pelayanan lingkungan hidup; dohot
• kolam aek na tio.

Pamangkeon ni luat

Luat Harangan Bukit Barisan boi ipake tu marragam kagiatan, songon mambaen penelitian dohot pengembangan, tu tujuan ilmiah, pendidikan, ulaon penunjang budaya, wisata alam dohott rekreasi, dohot tu pelestarian budaya pe. Secara khusus, ulaon penelitian, pariwisata dohot pelestarian budaya diulahon hombar tu aturan ni uhum.  Pamangkeon ni Porlak Hutan ima odol tu Peraturan Daerah Nomor 9 taon 2013, diatur do berdasarkan blok:

1. Blok Parlindungan, ima luat na boi dipangke laho patupahon ragam ni ulaon isarana ulaon penelitian ilmiah, manuan suansuanan harangan, dohot mambahen fasilitas keamanan dohot parlindungan harangan.
2. Blok pembangunan flora dan fauna, ima luat na boi dipangke laho patupahon angka ulaon songon ulaon pendidikan, pembangunan hewan, manuan suansuanan bahen sipanganon ni akka dorbia
3. Blok pamangkeon terbatas ima luat laho patupahon angka ulaon songon wisata alam, rehabilitasi dorbia, pembangunan alam, olahraga tertentu, marfoto-foto.
4. Blok pamangkeon intensif, ima blok na dipangke laho patupahon angka ulaon songon paherbangkon rekreasi alam, pajongjongkon inganan wisata, olahraga, jala boi do muse dipangke laho marfoto

Na diorai

1. Ganup jolma dohot/manang perusahaan diorai manegai prasarana dohot fasilitas parlindungan ni harangan on.
2. Ganup halak dohot/manang perusahaan na dilehon izin usaha laho mamake luat porlak harangan on, diorai do patupahon ulaon na mambahen sega harangan dohot/manang manghorhon perubahan fungsi ni luat i.
3. Ganup jolma manang perusahaan diorai do:
   • mangula dohot manang mangingani luat harangan secara ilegal;
   • mangarampok luat harangan;
   • manaba hau di luat harangan;
   • mambahen harangan gabe manutung;
   • manggotil manang papunguhon hasil ni harangan di harangan so pola adong hak manang ijin sian pejabat na marhuaso;
   • marmahan pinahan di luat harangan na so ditontuhon secara khusus tu ulaon on sian angka pejabat na marhuaso;
   • mamboan alat-alat berat dohot/manang alat-alat na asing na so somal manang na masuk akal dihirim pangkeon laho mamboan hasil ni harangan di bagasan luat harangan, so jolo mangido izin sian pejabat na marhuaso;
   • mamboan angka ulaula na somal dipangke laho manab hau di luat harangan, songon kampak.
   • mambolongkon angka barang na boi parohon api dohot hasesega jala mambahayahon hadirion manang kelanjutan ni fungsi ni harangan tu angka luat harangan; Dohot
   • mambuat, mamboan dohot mamboan suansuanan dohot dorbia liar na so dilinggomi uhum na marharoroan sian luat harangan so jolo mangido izin sian pejabat na marhuaso

Patureturehon Porlak Harangan

Paturetu-rehon Porlak Harangan Raya Bukit Barisan marlapatan ma i tu:

1. patangkashon pelestarian porlak harangan on dohot pelestarion plasma nutfah harangan Indonesia;
2. paherbangkon koleksi suansuanan dohot akka dorbia dohot potensi porlak on.
3. asa gabe inganan wisata alam songon sarana paherbangkon pecinta alam;
4. manjaga haulion ni luat dohot mambahen iklim mikro na lambok
5. mangoptimalhon pamangkeon ni Porlak Harangan Raya on tu lapatanna, ima papunguhon suansuanan dohot/manang akka dorbia na dipangke tu penelitian taringot tu jenis vegetasi harangan dolok, pendidikan, ilmu pengetahuan, pelatihan dohot penyuluhan tu angka mahasiswa, sundut na umposo dohot masyarakat , mendukung budaya, pariwisata dohot rekreasi;
6. paturehon fungsi hidrologi DAS Belawan dohot DAS Deli;
7. manambai parhepengon asli daerah (PAD).

Rehabilitasi

Rehabilitasi na dipatupa di Porlak Harangan Raya Bukit Barisan i ma angka ulaon songon ulaon reboisasi, ulaon pemeliharaan hutan, manambai godang suansuanan, songon i nang mamangke teknik pelestarian tano di tano na kritis jala na so produktif.  Sude ulaon i diatur do di bagasan patik dohot ruhut. Ulaon rehabilitasi harangan on diulahon marojahan tu kondisi biofisik na khusus.  Asing ni i, diutamahon do patupahon pemulihan hutan dohot tano marhite pendekatan partisipatif laho paherbangkon potensi masyarakat.  Taringot tu rehabilitasi, didok patik i do:

1. Ganup halak na nampuna izin, mangatur dohot/manang memake harangan na kritis manang na so produktif, wajib do patupahon rehabilitasi harangan laho  perlindungan dohot pelestarian ni harangan i.
2. Di na patupahon rehabilitasi, boi do sude mangido pangurupion, panghobasion dohot dukungan, sian LSM, pihak na asing manang pamarenta.