Porlak Nasional Gunung Leuser

Porlak Nasional Gunung Leuser dibagasan bahasa Indonesia ima Taman Nasional Gunung Lauser (TNGL) ima sada luat pelestarian humaliang di Indonesia na bidangna 1.094.692 hektar, molo sian administratif maringanan di propinsi Aceh dohot Sumatera Utara.  TNGL di provinsi Aceh adong ma i di Aceh Tenggara, Subulussalam, Aceh Selatan, Aceh Singkil, Aceh Tengah, Gayo Lues, Bener Meriah, Aceh Tamiang, jala molo di Provinsi Sumatera Utara adong ma i di luat kabupaten Dairi, Karo dan Langkat. Goar ni porlak nasional on dibuat sian goar ni sada dolok, ima Gunung Leuser na timbo na 3404 meter di ginjang parmuaraan laut (mdpl).  Porlak nasional on gabe ekosistem situtu sian pante sahat tu dolok na timbo na ditungkupi harangan na lomat khas harangan udan tropis.  Dipature-ture ma porlak on asa boi dipake tu penelitian, sains, pendidikan, mendukung budidaya, pariwisata dohot lao inganan mardalani.

Porlak Nasional Gunung Lauser

Porlak Nasional Gunung Leuser adong 3 (tolu) musmus na, ima:

1. Mangalinggomi sistem panunjang hangoluan;
2. Marperan laho mangaramoti ragam ni suansuanan dohot binatang dohot ekosistemna;
3. Mangalehon laba na torus-torusan sian humaliang biologis dohot ekosistemna.

Porlak Nasional Gunung Leuser nungga bongot tu sada sian godangna Situs Warisan portibi na dibahen UNESCO rap dohot Porlak Nasional Kerinci Seblat dot Taman Nasional Bukit Barisan Dangsina, alai parjolo dope natinean Harangan Udan Tropis Sumatera ditontuhon gabe Situs Nainean Portibi i taon 2004.

Surat Haputuson Menteri Kehutanan Nomor: 276/Kpts-II/1997 taringot panuduon Porlak Nasional Gunung Leuser, na bidangna 1.094.692 hektar di luat Istimewa Aceh dohot Provinsi Sumatera Utara, nunga dibahen gabe dasarna tu proses perbaritaan luat harangan. 

Haputuson i mandok molo Taman Nasional Gunung Leuser tardiri sian piga-piga kombinasi:

1. Cagar Alam Gunung Leuser: 416.500 hektar
2. Cagar Alam Sekundur: 60.600 hektar
3. Cagar Alam Kluet: 20.000 hektar
4. Cagar Alam Langkat Pastina: 51.000 hektar
5. Cagar Alam Langkat Dangsina: 82.985 hektar
6. Suaka Margasatwa Kappi: 142.800 hektar
7. Porlak Wisata Gurah: 9.200 hektar
8. Harangan Lindung dohot Harangan Produksi Terbatas: 292.707 hektar

Taringot tu Peraturan Menteri Kehutanan Nomor: P.03/Menhut-II/2007, Balai Porlak Nasional Gunung Leuser (BBTNGL), na niuluhon ni Kepala Balai Besar (tingkat eselon II), ima unit pelaksanaan teknis (UPT ) ni Direktorat Jenderal Perlindungan Hutan dan Pelestarian Alam (Ditjen PHKA) Dinas Kehutanan. Nga godang kasus penabaan hau ilegal na manobbom uhum nunga manarik parrohaon ni porlak nasional on.  Godangan luat di TNGL ima topografi na curam, na mambahen tano i gampang gabe longsor. Terbukti do on piga-piga taon na salpu tingki masa banjir kilat na mangagohon daerah wisata Bukit Lawang na uli i. Laho mangalinggomi TNGL sian hasesega na lam tu balgana, dibentuk ma Kawasan Ekosistem Leuser, na marluas 2,6 juta hektar jala manghuphupi luat na rata di humaliang ni TNGL jala marlaba gabe songon penyangga.

Panompaan Porlak Nasional Gunung Leuser

Mula panompaan TNGL i ma sian piga-piga penelitian dohot eksplorasi ni ahli geologi Bolanda F.C.  Van Heurn di Aceh di taon 1920-an, tikki i digomgomi Bolanda dope Indonesia on.  Di parhabalgaonna, nunga adong parmulaan na denggan na didukung angka uluan ni masyarakat.  Dipangido nasida ma tu Pamaretta Bolanda asa dilehon status kawasan konservasi (Wildlife Sanctuary) dohot parlindungan tu luat na membentang sian Singkil (di ulu ni Sungai Simpang Kiri) di dangsina, di sepanjang Dolok Barisan, sahat tu rura Tripa dohot pante Meulaboh. Perwakilan masyarakat setempat di sekitar luat Leuser marsitutu laho manjaga humaliang jala naeng mambahen manang na songon dia uhum di tanggal 6 Pebruari 1934. Gubernur Hindia Bolanda pe manandatangani deklarasi on.  Ala ni i marojahan tu Zelfbestuur Besluit (ZB) Nomor 317/35, tanggal 3 Juli 1934 dipajongjong ma Cagar Alam Gunung Leuser na bidangna 142.800 ha.  I taon 1936, Cagar Alam Kluet i Provinsi Aceh puna luas 20.000 ha.  I taon 1938, Cagar Alam Langkat i Provinsi Sumatera Utara marbidang 51.000 ha.  I taon 1976, Cagar Alam Kappi i Provinsi Aceh puna luas 142.000 ha.

Partinandaan

TNGL ima sada-sadana inganan di portibi on na maringanan opat spesies na ringkot: Harimau Sumatera (Panthera tigris sumatrae), Orangutan Sumatera (Pongo abelii), Badak Sumatera (Dicerorhinus sumatrensis) dohot Gajah Sumatera (Elephas maximus sumatranus). Di luat TNGL adong 350 jenis pidong. Hira-hira 65%, manang 129 spesies mamalia tingon 205 spesies mamalia na balga nang na met-met di Sumatera, tardapot disi.  Maccam hayati na adong diosn mambahen inganan on gabe situs natinean portibi on, cagar biosfer dohot Porlak Natinean ASEAN.

Topografi

Godangan luat TNGL ima i luat na mardolok-dolok dohot margalumbang, dohot 33 dolok sanga dolok-dolok, 80% luat i adong lereng i hamiringonna lobi sian 40%. Holan saotik do luat darat jetpek, tarlumobi di luat Sekundur dohot Langkat.  Dohot ginjangna 3404mdpl.

Dorbia

Siamang

Hira-hira adong 89 spesies langka dohot na ilindungi di Taman Nasional Gunung Leuser, tarmasuk:

• Beruang Madu (Helarctos malayanus)
• Rangkong papan (Buceros bicornis)
• Siamang (Hylobates syndactylus).
• Beruang Madu (Helarctos malayanus)
• Rangkong papan (Buceros bicornis)
• Siamang (Hylobates syndactylus).

Suansuanan

Harangan Tropis

Van Steenis, na mambaen panalitian i taon 1937, dibagi ibana ma suansuanan gabe piga-piga zona

• Zona Tropis (termasuk Zona Colline, na maringanan antara 500 sahat tu 1000 mdpl).  Zona Tropis ima sada luak na itutupi harangan na ramos dohot marragam jenis-jenis hajongjongan ni hau na bidang diameterna jala sahat tu 40 meter ginjangna.  Hau on ipake gabe pohon panopang tu marragam jenis liana dohot epifit na menarik, tarmasuk anggrek.
• Peralihan sian Zona Tropis tu Zona Colline dohot Sub-Gunungan, na ditandai marhite na lam tamba ragam ni suansuanan na marbunga na uli jala marragam ala imbar ni ginjang ni inganan.  Lam timbo inganan, lam otik ma hau, lapatanna lam otik ma liana jala lam godang ma rotan na marduri.
• Zona Gunung ima hutan dolok.  Tarmasuk ma i zona sub-montane, na maringanan di antara 1000 sahat tu 1500 meter di ginjang ni parmuaraan laut.  Timbo ni angka jongjong ni hau i nuaeng holan 10-20 meter. Godang lumut manutup jongjong sian hau manang hau.  Hira ganup tingki, timbo do kelembaban udara jala kabut.
• Zona Sub Alphine, na adong di hira-hira 2900 dohot 4200 mdpl, i ma luat harangan Ercacoid na so adong be hau.  Lapisan na mokmok sian hau na gelleng dohot ramba na martitik-titik di harangan on.  Adong piga-piga pohon na tibbo songon gabe payung (keluarga Ericacae), songoni juo piga-piga jenis tundra.

Tano dohot Geologi

Tano Podzolik

Molo umum na, luat TNGL adong minimal sampulu sada jenis tano.  Tolu jenis tano na godangan di luat i: kompleks podzolik dohot litosol, kompleks podzolik hunik rara, latosol dohot litosol dohot tano andosol.  Jenis tano on tarmasuk organosol dohot gleihumus, regosol, podzolik hunik rara (batuan endapan), podzolik hunik rara (batuan aluvial), regosol, andosol, litosol, podzolik hunik rara (bahan batuan endapan dohot vulkanik), kompleks podzolik coklat, dohot na asing.

Di luat TNGL Aceh, tano na adong podolic na rara dohot na hunik, latosol dohot litosol, podosol coklat, podosol dohot litosol, andosol, regosol, podolic na rara dohot na hunik, rensing dohot litosol, dohot organosol dohot humus.  Di Sumatera Utara, tano na tardiri sian podzolik rara-hunik, kompleks podolit coklat, podosol dohot litosol, tano gambut, tano na tarbentuk sian mapultak gunung api, adosol, kompleks podsolit na rara-hunik, latosol dohot litosol, dohot tano na tarbentuk sian sedimentasi.

Panghorhon tu Ekonomi

Sian website ni Dirjen KSDAE (Konservasi Sumber Daya Alam dan Ekosistem), di taon 2016 TNGL nungga mangalehon isarana 600 juta rupiah par taon sian pendapatan non pajak negara (PNBP) sian biaya pengunjung harian sian sektor pariwisata.  Di Tangkahan, nungga mangalehon 20 juta rupiah sataon jala di Bukit Lawang 30 juta rupiah sataon.  Godangan tamu tu TNGL ima turis asing na giot mangaligi orangutan dohot gajah, dohot holan 10% do turis lokal na ro.

Inganan Wisata

Arum Jeram

Piga-piga tempat wisata di TNGL ima:

1. Sunge Alas. Boi do angka tamu laho mararum jeram di sunge on.  Sungai on mamolus dompak Kabupaten Aceh Selatan dohotgogo do arusna on.  Di topi ni sunge i adong do inganan parmianan adat.
2. Hutan Wisata Gurah. Di hutan rekreasi on adong marragam suansuanan, adong do tao, adong sampuran na met-met dohot mata mual.  Tu angka na naeng trekking, nunga diparade pengurus rute khusus.  Boi do muse nasida menikmati hinauli ni alam jala boi do nasida markemah di harangan.
3. Lau Pangurukan. Adong do dison piga-piga goa, ima Goa Pintu Air, Goa Pintu Anfin, Goa Guan Palonglong, Goa Patu, Goa Pasa, Goa Rizak, Goa Pamuite, dohot Goa Pasugi.