Pulo

Pulo i ma tano na adong di tongatonga ni aek songon di samudera, laut, tao dohot binanga jala gumelleng sian sada banua. Anggo punguan ni pigapiga pulo i ma dijou hapuloan (Hata Inggeris : archipelago).

Gambar ni Pulo Moioio na maringanan di Selandia Baru

Ragam ni pulo

Mont Saint-Michel di Normandia, Perancis

Pulo karang di Maladewa

Bandara Kansai na dipature di atas ni sada pulo na tinompa di Japang

Pulo kontinental (continental islands)

Pulo kontinental i ma pulo na tarhubung tu sada banua salpu landas kontinen. Godang do pulo na umbalga di portibi on na tarmasuk tu ragam pulo-pulo kontinental. Umpamana, Greenland (840.000 mi² manang 2.175.000 km²), pulo na umbalga, i ma tarsiranghon sian banua Amerika Utara salpu laut na sompit.

Pulo tidal (tidal islands)

Pulo tidal i ma sada ragam ni pulo na tarhubung tu pogu ni luat (mainland) salpu tano na adong di toru ni aek pasang. Sala sada ni pulo tidal i ma Mont Saint-Michel di Perancis.

Pulo parik (barrier islands)

Pulo parik i ma tano na ganjang jala sompit di luat ni garis pante, na tinompa sian sedimentasi horsik, orbuk jala batu karengkel. Pulo nian gabe parlindungan ni pante sian erosi. Pulo Padre di Texas, Amerika Serikat gabe pulo parik na gumanjang di portibi on.

Pulo na adong di samudera (oceanic islands)

Pulo na adong di samudera dijou do pe pulo vulkanik, na tinompa sian dolok na mapultak di dasar samudera.

Pulo karang (coral islands)

Pulo karang i ma pulo na tarbahen sian di aek na bonggor.

Pulo na tinompa (artificial islands)

Pulo nian i ma tinompaon ni jolma. Dibahen jolma do pulo na tinompa on dohot sipareakan na marbeda, songon gabe bandara, markas militer dohot lan na asing. Umpamana Bandara Kansai na dipature di atas ni pulo na tinompa di Japang.