Pulo Pini

Pulo Pini maringanan di Kepulauan Batu, na adong di Kabupaten Nias Selatan, Sumatera Utara, Indonesia. Pulo on adong di bagian purba ni Nusantara. Ingananna di antara ni Pulo Tanahmasa dohot pantai pastina ni Pulo Sumatera, hira-hira 90 km tu anggoni ni Teluk dalam. Di taon 2018, adong 945 halak na maringanan di pulo on, jala nasida maringanan di lima huta na masuk tu Kecamatan Pulau-Pulau Batu Timur.

Citra Satelit Pulo Pini

Ekosistem

Halak na tinggal di Pulo Pini marserak do jala tinggal di piga-piga huta na metmet. Godangan luat ni pulo on ima harangan na pojjot di dataran na teuk. Di Pulo Pini, boi do jumpang suansuanan keruing, meranti, marutua dohot Palmidae. Di topi ni pulo on adong do harangan bakau, jala adong do terumbu karang di aek na teuk di humaliangna. Godangan harangan di Pulo Pini ima harangan na produksi do. Bagian purba ni pulo on ima Porlak Buru Pulo Pini, inganan ni babiat liar dohot kelinci

Geografi

Sada sian pulo na adong di Kepulauan Batu ima Pulo Pini. Pulo on pe bagian tingon Pulo-pulo Sunda Outer-Arc Ridge, na mambentang tingon Laut Andaman i utara, lewat Pulo Simeulue, dohot Pulo Enggano i selatan. Alani subduksi Lempeng Indo-Australia maradopkon Lempeng Eurasia, godangan pulo-pulo di luat on ndada manaon vulkanisme. Akka pulo on terbentuk songon bagian ni prisma akresi. Luat di luar Cekungan Busur Muka Sunda ima Punggung Busur Luar Sunda

Pulo Pini lobi dao tu purba sian pulo-pulo na asing di Kepulauan Batu. Posisina sarupa do dohot posisi ni Pulo Banyak dibandinghon tu Pulo Simeulue. Pulo on juguk di sada rungrung na mambedaon dua bagian Cekungan Busur Muka Sunda: Cekungan Sibolga (Nias) di utara dohot Cekungan Bengkulu di selatan, nadua-duana maringanan di toru ni aek Selat Mentawai. Bentuk ni pulo on na marbentang sian pastina tu purba tarida marasing molo dibandinghon tu pulo-pulo na asing di Busur Sunda Luar na umumna membentang sian pastina laut tu tenggara mangihuthon strike subduksi Lempeng Indo-Australia. Hal on ianggap marhaitan dohot adongna Zona Rekahan Investigator (Investigator Fracture Zone, IFZ) di dangsina Kepulauan Batu marojahan tu pangukuran anomali gravitasi na relatif timbo di IFZ dohot di luat Pulo Pini. Asing ni i, mungkin IFZ do na martanggung jawab tu parubahan arah strike penunjaman Indo-Australia dohot orientasi Cekungan Busur Muka Sunda i utara Pulo Nias. Lokasi dohot posisi punggung ni Pulo Pini pe manghorhon do tu perkembangan dataran aluvial di luat-luat Sumatera di sabola purba ni pulo on songon di Batahan, Mandailing Natal dohot Sunge Beremas, Pasaman Barat sekitar Ujung Tuan dohot Ujung Biang.

Luat Pulo Pini mariklim hutan hujan tropis dohot suhu rata-rata sataon sakitar 23 °C dohot udan sataon hira-hira 4.500 mm. Pulo Pini dibolus dohot piga-piga sunge na mabor saganjang taon alai dang boi dibolus kapal. Adong do pigapiga pulo na metmet, pasir dohot karang di aek na humaliang Pulo Pini. Pigapiga pulo dohot karang na lumayan godang adong di sabola selatan jala merambat tu aek na humaliang Pulo Tanahmasa.

Demografi dohot Pamarenta

Di taon 2018, adong 945 halak na tinggal di Pulo Pini, na tardiri sian lima huta: Labuan Bajau, Labuan Hiu, Labuan Rima, Labuan Rima Baru, dohot Lambak. Huta na umgodang pendudukna ima Labuan Hiu, na adong di pasisir selatan ni pulo on jala marlaba gabe pusat administrasi Kecamatan Pulau-Pulau Batu Timur. Pulo Pini ima bagian ni Kecamatan Pulau-Pulau Batu andorang so jongjong Kecamatan Pulau-Pulau Batu Timur

Di Pulau Pini adong onom sikola, dohot lima SD (SD) di ganup huta kecuali Labuan Rima Baru, dohot sada SMP (SMP) di Labuan Hiu, na laos adong Puskesmas.