Pulo Simuk

Pulo Simuk ima sada pulo na tong ditanda sad kecamatan (Kecamatan Simuk) di Kepulauan Batu , Kabupaten Nias Selatan, Provinsi Sumatera Utara, Indonesia. Pulo on ima pulo paling barat di kelompok Kepulauan Batu.

Pulau Simuk maringanan di Kecamatan Pulau-Pulau Batu, Kabupaten Nias Selatan, Sumatera Utara, dohot koordinat 00° 05' 33" N dan 97° 51' 14" E. Di pulo on adong do Titik Dasar No. TD164 dohot Titik Acuan TR164. Simuk tardiri sian 6 huta: Silina Utama, Silina Baru, Gobo Utama, Gobo Baru, Maufa, dohot Gondia. Mardasar sian data statistik, populasi Simuk sahat 1.741 halak, dohot rincian 815 baoa dot sisana borua. Huta Gobo Baru ima na paling godang pangisina, ima 585 halak manang 33,6% sian sude pangisi, dohot kepadatan pangisi 114 halak/km2. Sementara i, Huta Utama Silina do na ummotik pangisina, ima 139 halak manang 7,98%, nang pe agak timbo kepadatan halak di huta on, sahat tu 129 halak/km2, ala luasna holan 1,08 km2. uggodangan pangisina maragama Katolik, dohot ummotik Islam hum 5%, na godangan markonsentrasi di Huta Gobo Baru. Nang pe adong parbedaan agama, alai tongtong do denggan parsaoran ni angka pangisi so pola adong persoalan na sensitif na marpardomuan tu agama manang ras.

Pulo Simuk adong tradisi na unik ima papungu hepeng tu haporluan tertentu, na sarupa dohot sistem arisan. Alai, di pigapiga halak Islam, sistem on hampir dianggap songon riba, ala hepeng na dipapungu i dilelang tu ruas ni arisan, jala penawar na tumimbo tawaranna do na manjalo hepeng i, na marlapatan paulakhon hepeng tu ruas i do na manjalo hepeng i. laos gabe tumimbo. Godangan do pangisi ni Pulo Simuk mangasahon parkobunan kalapa laho mansari na diolah gabe kopra. Holan saotik do pangisi na margantung tu panjalaan bahen pansarianna, isarana di Huta Silina Induk holan 4 keluarga do, jala di Maufa holan 1 keluarga do, jala i holan untuk siallangon sahalak do, dang gabe sumber panghasilan utama. Godang do angka petani kopra na maol manggadis suan-suananna ala tarbatas do akses transportasi dohot telekomunikasi, na mambahen lam tu dengganna ekonomi, tarlumobi di panjualan kopra. Ala ni i, ringkot do pamarenta satempat mamparrohahon jala padengganhon sektor transportasi dohot telekomunikasi na mansai manghorhon tu ekonomi ni penduduk.

Pulo Simuk pe godang do potensi sumber daya alamna. Saotik sian penduduk karejo songon nelayan tradisional na manangkup dengke di aek na menak di pantai barat. Alat panjalaan na somal dipangke, i ma jala tarboan dohot tali panjalaan, jala adong do nelayan na marlange laho manangkup timun laut dohot lobster. Aek na humaliang Simuk godang do di angka dengke pelagik songon tuna, skipjack, tenggiri, teri dohot dengke habang. Asing ni i, potensi rumput laut di humaliang ni topi ni laut, tarlumobi di Desa Silina Baru, pe mansai marjanji do, godang do rumput laut tubu di batu karang. Potensi ni udang lobster pe cukup balga do, jala pantai Huta Silina Baru on ma inganan parsarangan ni penyu elang, nang pe lam moru bilanganna jala porlu dijaga. Objek wisata laut na boi dikembangkan ima surfing, mancing, wisata menyelam, snorkeling, wisata pantai, renang dohot wisata desa na diurupi.

Perkobunan kalapa di Pulo Simuk mansai godang jala gabe komoditas pertanian na ringkot, di peringkat paduahon dung boras. Asing ni i, angka warga pe marpinahan do songon babi, hambing dohot manuk laho konsumsi pribadi.