Sampuran Aek Sijorni
Sampuran Aek Sijorni ima Sada Sampuran na maringanan di Kabupaten Tapanuli Selatan (TapSel), di Kecamatan Sayur Matingging, Provinsi Sumatera Utara, na di tanggal 23 di bulan lima naung salpu, (23 Mei 2024), ro do tu inganan on Pj. Gubernur Sumatera Utara, ima ama Hasanuddin jala dohot do Bupati ni Par Tapsel ( Dolly Putra Palindungan Pasaribu) mandongani rombongan i ro tu inganan ni Sampuran on. Ala ni bagak jala uli ni Sampuran i, di dok Pj Bupati ma taringot tu inganan i, "On (Sampuran Aek Sijorni), sada basa basa ni Tuhan do on, ikkon tontong do ta jaga asa gabe inganan sibaen sangap di parluat Tapsel saluhut na", inna amang i.[1]
Rupa ni Sampuran
patotaRupa ni sampuran on songon na pulik do molo ta ida Sampuran na asing, Somal na aek ni sampuran i madabu do sian gijang tu toru, alai molo aek ni Sampuran Aek Sijorni on dang songon na somal, pardabuni aek na nanget do mangalaosi akka batu batu na sahera tangga, naeng dalan tenang do molo pardabu ni aek sian di Sampuran i, Ala holan 10 Meter do Timbo ni Sampuran on, jala pardabu ni aek na pe marhite hite sian batu na songon tangga, gabe umbahen tonang molo ro marwisata tu inganan on rappa akka keluarga, dakdanang dohot na magodang sosok do dohot ro tu inganan ni sampuran on.[2]
Fasilitas di Sampuran Aek Sijorni
patota
Taringot tu Fasilitas, boi dohonon di Sampuran on nungga tung godang akka fasilitas na boi di pakke akka jolma na ro marwisata, alani inganan ni sampuran on adong di jolok ni dalan na balga, i ma muse na umbahen gabe torop akka jolma na ro marwisata tu son, ala holan 30 Kilometer do sian Pusok ni Huta Padang Sidempuan. Akka Fasilitas na adong di Sampuran on, ima songon : Inganan Parkir, Inganan Maradi, inganan mangan,kolan mallange, porlak marmeam, Mesjid, akka Gazebo, songoni dohot akka fasilitas na asing.[3]
Balgani Sigararon
patotaJam bukka na somal di Sampuran Aek Sijorni di mulai i ma sian Pukkul 07.00, jala somal na tutup ma i di jom 18.45 Wib, sian na di pabotohon, marbukka do anggo inganan on tiap ari, mulai sian ari senen sahat tu ari minggu. Makkatai taringot tu balgani sigararon, on ma boa boa taringot tusi asa dohot hita gabe si parboto taringot tu balgani sigararon.
- Tikket Masuk tu Dakdanak : Rp. 10.000
- Tikket Masuk tu Namagodang: Rp. 20.000[4]
Pranala Ruar
patotaPustaha
patota- ↑ PemProvSumut. (23 Mei 2024). Kunjungi Wisata Air Terjun Aek Sijorni, *Pj Gubernur Sumut: Ini Anugerah Ilahi, yang Sangat Indah dan Harus Tetap Dijaga* (Diida: 15 November 2024)
- ↑ Travel Kompas (30 Oktober 2024). Daya Tarik Aek Sijorni Tapanuli Selatan, Air Terjun Berundak. (Diida: 15 November 2024)
- ↑ Liputan6.com (27 Mei 2024). Menikmati Suasana Unik Aek Sijorni, Wisata Alam di Tapanuli Selatan. (Diida: 15 November 2024)
- ↑ Detik Sumut (04 Maret 2024). Pemandian Aek Sijorni, Wisata Alam Murah Penuh Pesona (Diida: 15 November 2024 - 10.49 Wib)