Sampuran Efrata
Sampuran Efrata ima sada sampuran na adong di huta Sosor Dolok, Kecamatan Harian, Kabupaten Samosir, Provinsi Sumatera Utara, Indonesia. Sampuran on maringanan di tonga tongan ni dua buhit na mambahen Sampuran on gabe lam uli, molo sian pusok ni huta Samosir dao na mar 23 kilometer, hira hira mar 45 menit ma leleng ni pardalanan, jala mar sa jom 50 menit (78 kilometer) ma molo sian Bandara Udara Silangit.[1]
Asa boi sahat tu toru ni Sampuran Efrata on, mardalan ma hira hira 100 meter sian inganan parkiran, adong do piga piga inganan na bagak laho margombar gombar di luat ni Sampuran on, lam bagak ma muse molo ro hita tu son ditikki aneng marpanen eme akka jolma na adong diluat on. [2]
Fasilitas di Sampuran Efrata
patotaAla nungga leleng Sampuran on gabe inganan lao marwisata, nungga lam denggan be molo taringot tu Fasilitas na adong di inganan on, on ma akka fasilitas naung rade di luat ni Sampuran Efrata on, songon :
- Ingan parkir na bolak
- Toilet / kamar mandi
- Mushola
- Wajung
- Gazebo
Sigararon laho masuk tu Sampuran Efrata
patotaOn barita taringot tu akka sigararon molo aneng ro marwisata tu Sampuran Efrata na adong di Kabupaten Samosir on,
- Hepeng Tikket lao masuk tu bagasan : Rp. 7.000 / sada jolma
- Parkir ni Kareta (Na Dua Ban na) : Rp. 2.000 / Kareta
- Parkir ni Motor (Na Opat Ban na) : Rp. 5.000 / Motor
- Manewa Gazebo : Rp. 20.000 / sada inganan[3]
Piga piga Gobbar Taringot tu Sampuran Efrata
patota
Pranala Ruar
patotaPustaha
patota- ↑ Kumparan.com (04 Mei 2024). Air Terjun Efrata: Air Terjun Eksotis dekat Danau Toba. (Diida: 15 November 2024 - 20.13 Wib)
- ↑ Travel Kompas (05 September 202). Air Terjun Efrata Samosir, Tempat Wisata Indah dekat Danau Toba. (Diida: 15 November 2024 - 20.28 Wib)
- ↑ Detik.com (15 Agustus 2023). Air Terjun Efrata Samosir: Daya Tarik, Tiket, Rute, Wisata Terdekat. (Diida: 15 November 2024 - 20.23 Wib)