Sampuran Lae Pendaroh
Sampuran Lae Pendaroh manang Sampuran Lae Pandaroh ima sada sampuran na adong apala dilambung ni dalan na bolon, ima jalan Lintas Medan - Sidikalang, Maringanan ma on di Huta Sitinjo, Kecamatan Sitinjo, Kabupaten Dairi, Provinsi Sumatera Utara, Indonesia.[1]
Molo aneng ro tu sampuran on sian pusok ni huta Sidikalang, hira hira 30-40 menit ma leleng na, jala tabolus do Porlak Wisata Iman Dairi molo ro hita sian Sidikalang. Molo sian Kota Medan, hira hira 4 sahat tu 4,5 jom ma leleng ni pardalan asa sahat hita tu Sampuran Lae Pendaroh on.
Sarita na jorbut tarigot tu Sampuran Lae Pandaroh
patotaTung songoni bagak ni Sampuran on, alai ragam do akka sarina na jorbut na hea tar bege akka jolma diruaran, adong mandok di tikki ma molus sian i di borngin ni ari, toppu mate kareta (na dua ban na) na, tarbereng na adong borua mar baju na bontar alai dang tarida bohona. Adong muse do na mandok, tikki mamolus imana mar motor (Na opan ban na) toppu di ida imana adong mamolus sian tonga ni dalan i ulok na balga, songon jolma na somal majjaga inganan i molo adong ro na marwisata, ima sada inan Boru Sagala maddok, imana pe jotjot do mangida borua na idok ni akka jolma i, alai somal na, i tarida holan di tingki borngin do, jala songon pandok na, sering do borua na marbaju bontar i pataridahon dirina di borngin ni ari, ima di gijang ni Gazebo na adong di jonok ni Sampurang i.
Sialani i, idok imana tu sude akka jolma manang ise pe na ro aneng marwisata manang holan ma molus sian i, asa sai tong tong di jaga pamangan na asa unang marlomo lomo mandok hata di inganan i, suang songi molo aneng mambalokkon aek na metmet manang aek na balga asa unang marlomo lomo. Songon pandok ni imana, hea do adong na marlomo lomo margombar gombar di sampuran i, alani i gabe adong tarida jolma naso ditanda dibagasan gombar na i.[2]
Goar ni Sampuran
patotaMolo taringot tu Goar ni Sampuran on, ima Sampuran Lae Pendaroh ima na idok na Aek Mudar (Lae: Aek, Pendaroh: Mudar), ia molo di ida simalolong, di tingki haroro ni udan, marganti do borna ni aek on gabe na rara songon mudar, ido asa dibaen parhuta i goar na Pendaroh manang Pandaroh. Alai molo sian akka siboto surat mandok, asa gabe na rara pe borna ni aek i, ima alani naung marsampur do aek na ro dohot akka ragam na adong, songon akka tano ni harangan dohot akka na asing.[3]
Sigararon molo tu Sampuran Lae Pendaroh
patotaAkka jolma na ro holan lao margombar gombar, somal na digarar ma Rp. 3.000 sahal jolma namagodang, molo akka dakdanak, somal na digarar ma Rp. 2.000 sada jolma. Molo aneng leleng di luat on, adong do akka parjualan dohot napuna Gazebo di jolok ni Sampuran i, jala rade do do jual disi akka siallangon dohot siminumon. [4]
Pustaha
patota- ↑ TopJurnalNews (05 Februari 2023). Air Terjun Lae Pandaroh Dairi, Tempat Wisata yang Menyimpan Cerita Mistis (Diida: 15 November 2024 - 22.45 Wib)
- ↑ MedanBisnisDaily (05 Februari 2023) Cerita Mistis di Balik Keindahan Air Terjun Lae Pendaroh, Mulai Penampakan Perempuan Bergaun Putih hingga Ular (Diida: 15 November 2023 - 23.00 Wib)
- ↑ TimeSumut (05 Maret 2024). Keajaiban Air Terjun Lae Pendaroh di Sidikalang, Dairi, Sumatera Utara (Diida: 15 November 2024 - 23.10 Wib)
- ↑ TribunNewsMedan (18 Mei 2022). Air Terjun Lae Pandaroh, Tempat Wisata di Dairi yang Laris Manis, Berikut Harga Tiket Masuknya (Diida: 15 November 2024 - 23.15 Wib)