Sampuran Sikulikap

Sampuran Sikulikap ima sada sampuran na maringanan di toru ni panatapan Doulu, ima na di Kecamatan Berastagi, Kabupaten Karo, Propinsi Sumatera Utara, Indonesia, hira hira mar 54 kilometer ma molo sian Kota Medan, molo mar leleng ni pardalan sian darat, mar 2 jom ma asa sahat tu inganan on.^[1]

Sigararon tu bagas dohot jam bukka

Gapura Lao tu bagasan ni Sampuran

Akka jolma na aneng ro marwisata tu inganan on, boi ma ro ganup ari, ia inganan on marbukka do ganup ari, mulai sian ari senen, sahat tu ari minggu, jala bukka ma i sian manogot pukkul 08.30 wib sahat tu pukkul 22.30 wib di borgin ni ari.

Molo taringot tu balga ni sigarron, nion ma boa boa na adong asa gabe sipaboto akka parwisatawan na aneng ro tu luat on, ima:

Na ro mar dalan pat: Rp. 5.000/sahalak
Na ro mar katera (Na dua ban na): Rp. 20.000
Na ro Mar motor (na opat ban na): Rp. 60.000^[2]

Na adong dibagasan ni luat

Inganan Parkir di Sampuran Sikulikap

Molo aneng lao hita tu Sampuran Sikulikap on, tung tonang do panghilalaan, ia dalan aneng tu bagasan pe nungga tung bagak, tabo do sidalan sian inganan parkir i sahat tu sampuran i, alana asa boi sahat tu sampuran i, akka na marwisata ikkon do mar dalan muse hira hira mar 15 manang 20 menit nai asa sahat tu toru ni sampuran i, uang lupa maboan handphone manang kamera, ala na olo do gabe manosal molo so margombar gombar di inganan ni sampuran on, ia tung massai bagak do margombar gombar dison, songon di toru ni sampuran i na timbona ni pardababu ni aek na hira hira mar 30 meter^[3], dohot di gapura pintu masuk i pe godan do jolma margombar gombar.

Inganan na asing na somal dibaen akka jolma na ro mar wisata ima songon jabu hau na adong di inganan i, dohot inganan surat na margurethon goar ni sampuran, adong do muse porlak na gelleng dibaen di bagasan, jala jotjot do muse on gabe inganan margombar gombar, adong muse do patung mar gurethon hata "I love you" jala bagak do muse margombar disi, asa songon na tadda hea ro marwisata tu inganan on, godang do muse na margombar di inganan registrasi pengunjung, tu akka na ro, boi do muse isi mar camping, ala adong do di baen inganan lao mar camping di bagasan ni luat Sampuran on.^[4]