Sunge Belawan
Sunge Belawan ima sada sunge na maringanan di Sumatera Utara, Indonesia, mangalintang Kota Medan dohot Kabupaten Deli Serdang . Sungai on sakitar 30 kilometer ganjangna dohot dibaen gabe salah sada saluran utama mandurushon udara tingon daerah hulu tu muara i Selat Malaka. Muara ni Sungai Belawan maringanan di Kecamatan Medan Belawan, hira-hira 27 km sian pusat Kota Medan, jala gabe sada inganan na ringkot tu ulaon parkapalan dohot pardagangan marhite Pelabuhan Belawan, ima pelabuhan na umbalga di Sumatera Utara.[1]
Turi-Turian
patotaTuri-Turian ni sunge Belawan gomos do hubunganna tu perkembangan ni bontean na dibangun Sultan Deli di bona ni abad pa-20-hon. Najolo, bontean on di Sungai Deli, alai ala ni lumpur ni kapal na mangambati dalan na balga, di taon 1915, bontean on dipindahon tu Sunge Belawan.[2]
Sunge Belawan dang holan manjadi jalur transportasi barang dohot komoditas ale tong do gabe pusat ulaon ekonomi tu masyarakat na humaliang. Sada saksi na hohom do bontean Belawan tu parboniagaan ni angka komoditas sian angka luat na marragam di Nusantara on, tarmasuk ma i timbako dohot angka rempah-rempah, na diekspor tu luar negeri. Di taon 1938, pelabuhan on didiok gabe bontean naumbalga di Hindia Bolanda, na patuduhon tanda na ringkot ni Sungai Belawan di jalur pardagangan internasional di tingki i.[3]
Alai, ulaon martiga-tiga di Sunge Belawan mangalami gangguan di tingki Porang Dunia II ala ni serangan Jepang, na mambahen lam moru ulaon ekspor. Nang pe songon i, batang aek on tongtong do gabe bagian na so tarsirang sian prasarana transportasi dohot ekonomi di Sumatera Utara sahat tu tingki on.