Tao Siombak

Tao Siombak ima sada tao buatan na bolakna sakitar 40 hektar, diameter sakitar 1000 meter, dot bagasna sakitar 12 meter. Tao on maringanan di Huta Paya Pasir, Medan Marelan, Medan, Sumatera Utara. Tao Siombak maringanan di holang-holang ni dua binanga, ima Binanga Deli dohot Binanga Terjun. Tao on ima bekas panggalian tu pembangunan proyek jalan tol Belmera taon 1980.

Pardalandalan

Tao Siombak rame do di angka pardalandalan molo ari raya manang akhir pekan. Tao on godang do ro halak di Kota Medan, jala jarang do turis asing maradian dison. Memang tao on salah sada tempat halomoan ni halak Medan, tarlumobi warga Medan Marelan, dilehon nasida do tingki marnonang huhut manjala dison. Boi do hamu manjala dengke sahat tu na puas dison, boi do nang dipangan hamu dengke na dapotmuna langsung panggang manang goreng. Dang holan i, lokasi on cocok do tu wisata keluarga ala di luat tao i adong do pasilitas marmeam di akka dakdanak, isarana kolam renang mini, kolam renang bola, dll.

Pasilitas

Di humaliang ni tao i pe adong do angka parjagal sipanganon dohot angka ulaula songon golang-golang, horung-horung, subang-subang, pahean, dna. Arga ni sipanganon dohot asesoris agak arga do, alai on tergantung tu hagogoon mu martawar. Dang jarang adong muse halak na mamangke tao buatan i laho manjala dengke, marlange dohot marsuci. Di humaliang ni luat tao i adong do muse solu manang kano na diparade.