Wage Rudolf Soepratman
Wage Rudolf Soepratman manang jotjot digoari WR Soepratman (tubu 19 Maret 1903 - monding 17 Agustus 1938)[1][2][3], ima sada guru, wartawan, parbiola, dohot sitompa ende (komponis) Hindia Belanda. WR Soepratman ditanda panompa ende logu habangsoon ni Indonesia, "Indonesia Raya". Nasida pe gabe anggota grup musik Jazz, Black and White Jazz Band.[4]
Tanggal hatutubu ni WR Soepratman ima 9 Maret 1903 (adong 2 ari diparsingot ari hatutubu ni Soepratman), diojakhon gabe Hari Musik Nasional. Alani pambahenanna, nasida gabe ulubalang nasional (pahlawan nasional Indonesia).[5]
Hangoluan na
patotaWage Rudolf Soepratman anak papituhon sian sia halak namarhahamaranggi. Goar ni amangna ima Djoemeno Senen Sastrosoehardjo, soldadu ni KNIL Bolanda, goar ni inong na ima Siti Senen. Angkangna anak buha baju manang itona naparjolo goarna Roekijem. Ditaon 1914, Soepratman mangihut ito nai Roekijem tu Makassar. Di Makassar ma Soepratman disingkolahon lae na, amangamang ni Roekijem namargoar Willem van Eldik.
Marsiajar ma Soepratman hata Bolanda di sikkola borngin tolu taon lelengna. Dung salpu i, dipatorusma sikkola tu Normaalschool di Makassar. Diumurna 20 taon, nasida gabe guru di sikkola Sekolah Angka 2. Dung dua taon, nasida mandapot ijasah Klein Ambtenaar.
Indonesia Raya
patotaTingki sikkola di Makassar, parsiajaran musik ni Soepratman mambahen nasida boi marbiola. Dung i, nasida mambahen logu. Dung pinda ma nasida tu Jakarta. Tingki di Jakarta, adongma dijaha ibana sada majalah Timbul. Sada panulis karangan di majalah i mangido angka parmusik Indonesia anso manompahon logu habangsoon.
Dung manjaha i, Soepratman mulai manompahon logu. Tahun 1924 tubuma logu Indonesia Raya. Tingki i, Soepratman topet adong di kota Bandung marumur 21 taon.
Penghargaan
patotaWage Rudolf Soepratman dilehon title Pahlawan Nasional sian pamerinta Indonesia dohot title Bintang Maha Putera Utama kelas III taon 1971.[6]
Ari hatutubu
patotaAdong partontangan di ari hatutubu ni WR Soepratman. Ari parjolo, ima mandok 9 Maret 1903 nadung diojakhon Megawati Soekarnoputri tingki nasida gabe presiden Indonesia, jala ditabalhon do tanggal 9 Maret gabe Ari Musik Nasional. Dung i, tanggal nasada nai ima 19 Maret 1903, didok molo WR Sopratman tubu di Dukuh Trembelang, huta Somongari, Kecamatan Kaligesing, Kabupaten Purworejo, Jawa Tonga. Tungke duansa tanggal i masuk tu pasaran Wage dipananggalan halak Jawa, pandapot on – digalang tondong ni Soepratman – dipagogo tuptupan Pengadilan Negeri Purworejo tanggal 29 Maret 2007.[3]
Pustaha
patota- ↑ Mengenal Sang Pencipta Indonesia Raya, Wage Rudolf Supratman, www.kebudayaan.kemdikbud.go.id, Ditjen Kebudayaan Kementerian Pendidikan dan Kebudayaan Republik Indonesia, diakses 12 Agustus 2021
- ↑ Said, Julinar. Wulandari, Triana (1995). Ensiklopedi Pahlawan Nasional (pdf), Sub Direktorat Sejarah, Direktorat Sejarah dan Nilai Tradisional, Direktorat Jenderal Kebudayaan, diakses 12 Agustus 2021
- ↑ 3.0 3.1 Pelurusan Sejarah WR Supratman Harus Dilakukan, www.nasional.kompas.com, diakses 12 Agustus 2021
- ↑ Jazz Indonesia, dari WR Supratman ke Joey Alexander, www.medcom.id, diakses 12 Agustus 2021
- ↑ Die indonesische Nationalhymne – Indonesia Raya., www.laenderservice.de (hata Jerman), 12 Agustus 2021
- ↑ Sularto, st. Yunarti, D. Rini (2010) Konflik di Balik Proklamasi: BPUPKI, PPKI, dan Kemerdekaan, Penerbit Buku Kompas, ISBN 978-979-709-509-3, 12 Agustus 2021