Wisata Aek Sipaulak Hosa Loja

Wisata Aek Sipaulak Hosa Loja ima sada wisata abahan na adong di Huta Silalahi I, Kecamatan Silahisabungan, Kabupaten Dairi, Provinsi Sumatera Utara, Indonesia.

Bokkas Mentri Pariwisata, Sandiaga Uno di Aek Sipaulak Hosa Loja Taon 2021

Inganan ni Aek Sipaulak Hosa Loja

Aek on maringanan di Buhit ni Huta Silalahi I, di harangan Lae Pondom, molo sian pusuk ni huta Silahisabungan, hira hira mar 30 menit ma molo ro hita tu inganan on markandaraan. Molo sian Huta Sidikalang, hira hira mar 1 jom 20 menit ma tu inganan on, jala mar 4 jom molo ro hita sian kota Medan.

Sarita ni Aek Sipaulak Hosa Loja

Sarita taringot tu hahaadongan ni Aek on, ima na di haporseai akka jolma na maringanan di huta Kecamatan Silahisabungan, ima disada tingki na lao ma Raja Silahisabungan dohot parnijabuna, lao manopot simatua na tu tano Pakpak Dairi, di tonga pardalanan ina di tongan ni harangan lae pondom, mausa ma parnijabu ni Raja Silahisabungan, martangian ma Raja Silahisabungan tu mulajadi na bolon jala di patikhon imana ma tungkot na tu tano (adong mando tu batu) jala harua ma aek sian na di pattikhon nai, sombu ma aus ni parnijabu ni Raja Silahisabungan.

Sahat tu nuaeng, godang do jolma na ro tu inganan on laho mabbuat aek nasian Aek Sipaulak Hosa Loja on, godang ma i sian akka nasida na mabbuat manghaporseai aek on boi gabe ubat ni marragam sahit, jala somal na di akka pangaratto na ro di tingki pesta Tambak Raja Silahisabungan nasomal di ulahon di bulan sabolan, nungga gabe sada silua di nasida molo aek on.

Uhum molo ro tu Aek Sipaulak Hosa Loja

Diakka jolma na ro tu Aek Sipaulak Hosa loha, ikkon do mabboan Napuran / Demban laho parsantaibian, songoni nang dohot anggir, molo mangihutton na somal, di peakhon ma anggir dohot napuran / Demban i di jojong naung adong di Aek Sipaulak Hosa loja on, dang boi mabboan jagal pinahan lobu dohot jagal ni pangga, dohot akka na ro bulan na pe dang boi ro tu inganan on.

Akka na ro marziarah manang pe marwisata tu inganan on, molo aneng maridi rohana ni aek Siapulak Hosa Loja on, ikkon do marbasahan, dang boi ma makke sabun dohot sampo di tingki maridi, alai gabe Anggir na binoan ni ma nibaen gabe ganti ni sabung dohot sampo, dang boi marhata na rurang, jala dang boi mambalokkon aek na metmet manang na balga marlomo lomo. Ima piga piga Uhum na ikkon di ihutton molo ro tu Aek Sipaulak Hosa Loha on.

Sigararon molo ro tu aek Sipaulak Hosa Loja

Akka na ro dang adong mambayar manang aha di inganan on, rade do inganan parkir na bolan di pittu lahon tu bagasan, ia molo nungga sahat hita di Inganan on marhite kareta manang motor, ikkon mardalan pat do hita tu bagasan hira hira 200 sahat tu 250 meter nao na, jadi kendaraan ta hita tadinghon ma di luar, na majjaga di inganan i, somal na marjualan Napuran / Dembar do nasida, dohot anggir, dohot jarengen na boi hita pakke gabe inganan ni aek i molo taboan gabe siluatta. Alani dang adong dibaen nasida sada boa boa taringot tu sadia sigararon, boi ma molo adong bukka rohatta tapasahat tu nasida manang sadia sian ias ni rohatta.