Ilik

Ilik (Surat Batak:ᯤᯞᯂᯪ᯲, Indonesia: Kadal manang Bengkarung; Inggoris: Lizard) i ma sada horong ni binatang reptilia na somalna maropat patna (nang pe adong muse ilik na so marpat, suman tu ulok, alai ndang ulok) na mangolu di sandok luat di portibi on. Molo ditangkasi sian ilmiah, horong ni angka ilik masuk ma tu subordo manang ruas punguan ni Lacertilia (adong muse manggoarisa Sauria) i ma horong ni reptilia marsisik (Squamata) na dos tu ulok.

Angka ragam ni Ilik, adong na opat patna, adong muse dang mar pat

Angka ragam ni ilik

Ilik kobun betina (Eutropis multifasciatus)

Biawak monitor Nil (Varanus niloticus)

Iguana laut (Amblyrhynchus cristatus)

Sahat tu saonari, adong do hirahira 40 ragam ni ilik (ndang dope termasuk anak ruasna). Angka ragam ni ilik, lumobi tu pamatangna, uarnana, balgana, torop ragamna. Adong ilik namarsisik damo, marlinang hera adong miakna, alai sabotulna sisik ni ilik horing, alana ndang adong pori-porina. Adong muse ilik namarragam songon boraspati dohot tokek marbulu di talapak patna, na boi mambahen Ilik boi manjangkit hau manang dinding.

Bahat ragam ni ilik adong botohon pat na, tung pe balga manang gelleng. Alai, adong muse ragam ni ilik naso marpat, haira ulok. Angka ilik na songon on, somalna dijou Ilik naso marpat, misalna Anguis fragilis, ganjang pamatangna, ndang marpat. Tungpe songoni, boi do mambedahon idia ulok, idia ilik ndang marpat. Lumobi, dibereng sian dilana, molo ulok somalna dua dangkana ganjang, alai molo ilik, dua dangkana, alai gelleng. Dung i, lubang ni pinggolna (ulok ndang adong lubang pinggolna jala dang boi marbinege), sisikna (sisik ni ilik tarhalus, alai ulok ndang halus). Ilik adong ampak matana alai ulok ndang adong, ihur ni ulok gumanjang sian pamatangna, alai molo ilik, pamatangna gumanjang sian ihurna).

Ilik dohot Jolma

Sian sude ragam ni ilik, somalna ndang pola jorbut tu angka jolma. Tungpe sipata jolma dipagut ilik, ndang pola sahat marbugang. Dihaporseai, holan Komodo sambing do ragam ni ilik naboi pamatehon jolma. Ilik Gila (Kadal Gila) dohot Ilik manik-manik Meksiko, na adong bisana, ipe ndang pola sahat mambahen jolma mate molo dipagut, tungke haraton nai mabahen sahit. Somalna, ilik adong gunana dihangoluan ni jolma. Bahat angka jolma mambahen ilik gabe dipahani gabe dongan, adong muse na mambuat kulit ni ilik gabe seni, adong muse na mangallang jagal ni ilik.

Angka Punguan ni ruasna

Ilik halongonan (Kadal gurun Uma inornata)

Ilik Basilisk (Kadal Basilisk, Basiliscus plumifrons)

Ilik ihur-marbolang (Kadal ekor-belang, Callisaurus draconoides)

Ilik duhut (Kadal rumput Takydromus sexlineatus)

Lobar ijo (Biawak hijau Varanus prasinus)

Inpraordo Iguania

• Tondong Agamidae - horong ni Ilik Agamid
  • Subtondong Agaminae
  • Subtondong Amphibolurinae
  • Subtondong Draconinae
  • Subtondong Hydrosaurinae
  • Subtondong Leiolepidinae
  • Subtondong Uromastycinae
• Tondong Chamaeleonidae (horong ni Bunglon)

Subtondong Iguanidea:

• Tondong Corytophanidae
• Tondong Crotaphytidae
• Tondong Dactyloidae
• Tondong Hoplocercidae
• Tondong Iguanidae - horong ni Iguana
• Tondong Leiocephalidae
• Tondong Leiosauridae
• Tondong Liolaemidae
• Tondong Opluridae
• Tondong Phrynosomatidae
• Tondong Polychrotidae
• Tondong Tropiduridae

Inpraordo Gekkota

• Tondong Gekkonidae - horong ni boraspati (cicak dohot tokek
• Tondong Carphodactylidae
• Tondong Diplodactylidae
• Tondong Eublepharidae
• Tondong Phyllodactylidae
• Tondong Sphaerodactylidae
• Tondong Pygopodidae - horong ni ilik dang marpat

Inpraordo Scincomorpha

• Tondong Cordylidae
• Tondong Gerrhosauridae
• Tondong Lacertidae - horong ni Ilik duhut
• Tondong Scincidae - horong ni Skink dohot Bengkarung
  • Subtondong Acontinae
  • Subtondong Egerniinae
  • Subtondong Eugongylinae
  • Subtondong Lygosominae
  • Subtondong Mabuyinae
  • Subtondong Sphenomorphinae
  • Subtondong Scincinae
• Tondong Xantusiidae

Subtondong Gymnophthalmoidea

• Tondong Alopoglossidae
• Tondong Gymnophthalmidae
• Tondong Teiidae

Inpraordo Diploglossa

• Tondong Anguidae
  • Subtondong Anguinae - horong ni Ilik dang marpat
  • Subtondong Gerrhonotinae
• Tondong Diploglossidae
• Tondong Anniellidae - horong ni Ilik dang marpat
• Tondong Xenosauridae

Inpraordo Dibamia

• Tondong Dibamidae

Inpraordo Platynota

• Tondong Helodermatidae - horong ni Ilik Gila
• Tondong Lanthanotidae
• Tondong Varanidae - horong ni Lobar

Supertondong Shinisauroidea

• Tondong Shinisauridae