Jambatan Aek Tano Ponggol

Jambatan Aek Tano Ponggol, Sumatra Utara Ima sada Jambatan na adong di Pangururan, Kabupaten Samosir, Jambatan on di pasirang sada dalan ni aek di toruna, ima ma margar Tano Ponggol. Sonari Jambatan Aek Tano Ponggol on nungga gabe sada bohi ni Kabupaten Samosir, jala holan jambatan on do na pa domuhon Pulo Sumatera tu Pulo Samosir sian darat, dang adong na asing dalan na boi laho masuk manang lao haluar sian Pulo Samosir on molo sian darat anggo so marhite hite Jambatan Aek Tano Ponggol on.

Tano Ponggol dan dope adong jabatan na

Rupa Ni Jabbatan

Songon akka nasomal di bangso Batak songoni ma rupa ni Jabbatan on di bahen, ima na mangihutton nasomal di paradatan ni halak batak na idok na Dalihan Na Tolu, tolu ma tutu ibahen lao paniop ni Jambatan i, tolussa ma i ibaen narara alani na rara do na biasa di pakke bangso batak di haloluan nasida siganup ari.

Gajjang ni Jambatan Aek Tano Ponggol on, 294 meter, i bagi ma on gabe dua ima :

• Jambatan Indung : Gajjang Na 179 Meter
• Jambatang pa jolokhon : Gajjang Na 155 Meter

Gobbar Najolo - Tano Ponggol dohot sada Jambatan Nametmet.

Na Makkarejohon Jambatan Aek Tano Ponggol

Songon na dibaritahon, namakkarejohon Jambatan Aek Tano Ponggol on ima PT. Wijaya Karya (Persero) Tbk, godang ni hepeng na 157 Milliar, jala haroro ni hepeng i, ima sian hepeng ni pamaretta pusat ni banggo on sian taon 2020 sahat tu taon 2022 pamarettaan ni Peresiden Indonesia, Ima amatta Si Jokowi, di haluahor pamaretta hepeng godang na mar 157 Milliar, i ma na laho padenngahon jambatan di inangan ni Tano Ponggol On ima na margoar Jambatan Aek Tano Ponggol, jala amatata Si Jokowi do muse na mamestahon di tikki dung sae dibaen jabbata ni Aek Tano Pokkol i, ima na di taon 2023 naung salpu.

Di tikki taon 2022, di pabolan pamaretta ma muse bolan ni tano ponggol on, na sian 25 meter bolan ga bae sahat ma dibaen 80 meter, asa laos boi ma nian mangalos sian tano ponggol i sada sada kapal na balga, asa lam tu denggan na ma akka haroro ni parhepengon ni jolma manisia na adong di luat i

Sasada Dalan Lao Tu Pulo Samosir sian Darat

Songon na di paboton, di gijang ni Tano Ponggol on, adong do dibaen sada jabatan ima na margoar Jambatan Aek Tano Ponggol jala holan on do hassa dana darat na boi dalan laho masuk dohot haluar tu pulo samosir. Di haroro ni Jabbata on, gabe lam ribur do akka na marwisata tu luat on, alana gabe sada sada bohi na uli do molo jabbatan on di Pamaretta ni Kabupaten Samosir.

Pardalanan to asa sahat tu Tano Ponggol

Dalan nadumenggan asa boi sahat tu Jambatan Aek tano ponggol on molo sian Medan tu ima dalan sian Sidikalang

• Sian Medan di ida ma dalan lao tu Sidikalang, ima ma mangalewati huta Kabenjahe, Kabupaten Karo
• Dipatorus ma sampe sahat tu Simpang Dua Sidikalang
• Manorus ma muse tu arah simpang Tele
• Sian Simpang Tele, manorus ma hira hira 40 menit asa sahat tu lokasi Jambatan Aek tano ponggol on.

Pranala ruar

1. https://travel.kompas.com/read/2022/09/27/060500727/7-patung-yesus-tertinggi-di-dunia-ada-yang-dari-indonesia?page=all
2. https://books.google.co.id/books?id=lrrkAAAAMAAJ
3. https://www.harianhaluan.com/news/1010178171/fantastis-telan-biaya-rp3925-miliar-proyek-pelebaran-alur-tano-ponggol-dikebut-pemerintah?page=all