Tano Ponggol

Tano Ponggol, Sumatra Utara. Tano Ponggol ima sada bahen bahen ni jolma manisia laho inganan ni aek mardalan dibagas na, asa boi sirang Pulo Samosir sian tano na asing (Na Jolo Pasiranghon sian Tano / Dairi), maringanan ma on di Kecamatan Pangururan, Kabupaten Samosir, Sumatera Utara, hira hira mar 5 jom ma molo sian Kiota Medan.

Tano Ponggol i Samosir, Sumatera Utara

Mula ni Tano Ponggol

Pameretta ni bangso Bolanda maparjolo sahali pature turehon Tano Ponggol on, di akkati nasida ma tano dohot buttak na adong di inganan i asa boi mardalan aek na sian huta Silalahi lewat tu bariba na ima tu huta Pangururan. asa tontong pulik Pulo Samosir i sian pulo sumatera, asa tong tong ma pulo samosir baoi idok sada pulo.

Hataridaan Ni Tano Ponggol di tikkin na jolo Pangururan, Samosir

Pabbahenan Ni Pamaretta Indonesia Tu Tano Ponggol

Ditaon 1913, adong sasada ina ni bangso Bolanda ima ma inat na margoar Ina Wilhelmina sanga do mabbaen goar ni Tano Ponggol ono Habaoran ni aek Wilhelmina. Ditikki dihuraki nasida jala di pakaluari akka tano na adong di inganan tano ponggol on, sanga do mabiar akka bangso batak na adong di Samosir i alani dirippu nasida do gabe harom Pulo Samosir i, ala gabe dang adong be dalan ni akka toddi ni na parjolo mate na sian Pusuk Buhit lao tu Pulo Samosir i, umbahen i, asa unang guga roha ni akka bangso batak i, ro ama L.C. Welsink (Halak Bolanda) dohot akka parkarejona huldul ma nasida songon na martapa di toru ni sada hau na adong di Pulo Samosir i.

Jala ditikki pamarettaan ni Peresiden Indonesia, Ima ama Si Jokowi, di haluahor pamaretta hepeng Manang gupang, godang na mar 157 Milliar, i ma na laho padengganhon jambatan di inangan ni Tano Ponggol On ima na margoar Jambatan Aek Tano Ponggol, jala amatata Si Jokowi do muse na mamestahon di tikki dung sae dibaen jambatan ni Aek Tano Ponggol i, ima na di taon 2023 naung salpu.

Di tikki taon 2022, di pabolak pamaretta ma muse bolak ni tano ponggol i, na sian parjolo bolak na holan 25 meter, gabe sahat ma dibaen 80 meter bolak na, asa laos boi ma mamolus sian tano ponggol i sada sada kapal na balga, asa lam tu denggan na ma akka haroro ni parhepengon ni jolma manisia na adong di luat i

Sasadasa Dalan Lao Tu Pulo Samosir sian Tano

Songon na di paboton, digijang ni Tano Ponggol on, adong do dibaen sada jambatan ima na margoar Jambatan Aek Tano Ponggol jala holan on do hassa dalan margite tano darat na boi dalan laho masuk dohot haluar tu pulo samosir. Di haroro ni Jabbata on, gabe lam ribur do akka na marwisata tu luat on, alana gabe sada sada bohi na uli do molo jabbatan on di Pamaretta ni Kabupaten Samosir.

Pardalanan asa sahat tu Tano Ponggol

Dalan nadumenggan jala hatop asa boi sahat tu Tano Ponggol on molo sian Medan, ima dalan nama molus Huta Kabanjahe to Sidikalang

• Sian Medan di ida ma dalan lao tu Sidikalang, ima ma mangalewati huta Kabenjahe, Kabupaten Karo
• Dipatorus ma sampe sahat tu Simpang Dua Sidikalang
• Manorus ma muse tu arah simpang Tele
• Sian Simpang Tele, manorus ma hira hira 40 menit asa sahat tu lokasi tano ponggol on.

Godang ni hepeng/gupang lao pabolakhon Tano Ponggol

Tung massai godang situtu do hepeng/gupang na di haruarhon pamaretta ni bangso on lao pabolakhon Tano Ponggol i, nungga adong marpiga piga hali pamaretta pahaluarhon hepeng na lao padengganhon inganan on. Gajjang ni talo ponggol i, ima 1.200 meter dipabolak pamaretta do Tano Ponggol i, sian 25 meter gabe 80 meter, dohot diakka na hobbar tu akka na paturehonninganan ni Tano Ponggol i, godang ni hepeng na di haluarhon pamaretta, ima Rp 392,5 Milliar.

Pranala ruar

1. https://travel.kompas.com/read/2022/09/27/060500727/7-patung-yesus-tertinggi-di-dunia-ada-yang-dari-indonesia?page=all
2. https://books.google.co.id/books?id=lrrkAAAAMAAJ
3. https://www.harianhaluan.com/news/1010178171/fantastis-telan-biaya-rp3925-miliar-proyek-pelebaran-alur-tano-ponggol-dikebut-pemerintah?page=all