Palaspalas Panatapan Tele

Palaspalas Panatapan Tele manang jotjot do muse idok on Palaspalas Rianiate, manang Aek Rangat ima sada inganan paridian na adong di Huta Rianiate, Kecamatan Pangururan, Kabupaten Samosir, Provinsi Sumatera Utara, Indonesia. Palaspalas on marsijonokan ma dohot Tano Ponggol nang dohot Jambatan Aek Tano Ponggol.

Peta Huta Rianiate, Ingana ni Palaspalas Panatapan Tele

Pardalanan Tu Palaspalas

Molo akka jolma na aneng ro maridi tu inganan on, boi ma ro sian pusok ni huta Samosir, Pulo Samosir marhite hite Jambatan Aek Tano Ponggol, leleng ni pardalanan hira hira 20 menit molo markareta (na dua ban na), jala molo akka jolma na ro sian Kota Medan, dalan na mamolus huta Sidikalang mangalosi Simpang Tele ma dalan na jolok, leleng ni pardalanan hurang lobi hira hira 5-6 jom ma leleng na.

Tikki na bagak ro tu Palaspalas

Somal na, akka na ro tu inganan Palaspalas Panatapan Tele on, manang Palaspalas Rianiate on, ima di bot niari manang di borgin ni ari, alani ni milas ni aek na, tumagon do ro hita tu inganan on di tikki borgin ni ari. Adong do piga piga inganan lao maridi di Palaspalas on, boi ma hita ro tu inganan on tu bagas ni jabu ni akka jolma na maringanan disi, songon nasomal rade do akka parwarung na metmet di inganan on.

Sigararon dohot Siboanon tu Palaspalas

Akka na ro tu Palaspalas on, boi ma diboan akka basahan na, piga piga inganan na adong di si, rade do dibaen dua inganan lao inganan maridi songon kolam kolam na etek, adong do sada inganan warung na mabbahen kolam paridian na gabe dua, sada mai tu dalahi, na sada nai tu borua, ukkuranna hira hira 6 meter hali 20 meter, jala bagas ni Palaspalas i somal na 1,2 meter, alai beda inganan, beda do basa na ukkuran ni kolam kolam na.

Taringot tu sigararon, adong do piga piga inganan na so majjalo pambayaran molo maridi tu Palaspalas na dibahen nasida, alai disi ma hita mangopi manang manuhur akka siallangon dohot simunumon, rade do muse dijual nasida na hombar tu jolma na aneng maridi diinganan i, songon sabung dohot akka nasing.