Tao Sidihoni

Tao Sidihoni jotjot ma di dok Tao di gijang ni tao, ima sada Tao na adong dibagasan ni Pulo Samosir, maringanan ma i di Kecamatan Ronggur Ni Huta, Kabupaten Samosir, Sumatera Utara.

Inganan Ni Tao Sidihoni

Tao on dibagasan ni Pulo Samosir, ima sada Pulo na adong di bagasan ni Tao Toba, molo lao hita sian inganan na ribut sian huta Samosir, marjarak ma tao on hira hira 8 Kilometer dao na, jala molo sian kota Medan, hira hira 6 jom ma pardalan asa sahat tu tao na uni on, addorang so sahat dope hita tu tao on, ta bolus do Jambatan Aek Tano Ponggol na di gijang ni Tano Ponggol molo mamolus hita sian Huta Kabenjahe di patorus muse tu Sidikalang, alai molo ma molus hita sian huta Siantar, marhite huta Parapat ma hita, jala ta pa torus ma muse sahat tu hasandarani hapal namargoar Tomok sian Ajibata baru tapatorus ma muse hira hira 1 jom nai pardalan asa boi hita sahat tu tao na di gijang ni tao on, tanda tanda na somal na binaen ni akka jolma lao tu tao on, ima sada Bagas ni Halak Kristen namargoar Gareja HKBP Sidihoni

Gabe Inganan marwisata

Nang pe dang sadia bolak ni tao on, alai jotjot do on dibaen akka jolma lumobi ma akka naposo gabe sada sada sidalanon nasida molo aneng marwisata, aek ni Tao Sidihoni on borna marragam, olo do ias, jala jotjot do muse songon na gobbor molo di ida, songon na litok gabe songon nabara ma molo di parnotnoti. Dang adong sada sada boa boa na pabotohon sadia sigararotta molo ro hita marwisata tu Tao Sidihoni on. Adong do piga piga halak maddok, gararon hepeng Rp. 5.000 sada jolma, adong muse do maddok gararon Rp. 10.000 sada kareta (dua ban na).

Tao Sidihoni Maringanan i bagasan ni Pulo Samosir

Na adong i bagasan luat Tao Sidihoni

Molo taringot tu haadongan ni luat Tao Sidihoni on, dang dope songon akka inganan wisata na asing, dang dope pola godang na adong di inganan on, holan Tao sabbing do na boi si idaon di luat on, akka na asing na somal songon inganan jabu na balga lao mangan, manang sada sada bagunan na bolon, dang dope adong dapot ta di luat on.

Molo na hadiaan ni mata, holan akka duhut na memet do di pinggir pinggir ni tao i, akka hau pe so pola piga, dohot akka bona ni hau na bolon pe boi dope kiraon, on do ubbaen molo ro akka jolma tu Tao Sidihoni on, jotjottan ma ta ida holan nasida mar poto poto gabbar nasida holan aek ni tao i sajo do na tarida.

Sarita hahaadongan ni Tao Sidihoni

Molo hita ida do taringot tu hahaadongan ni Tao Sidihoni, tottu do hahaadongan ni tao on rappak do dohot hahaadongan ni Tao Toba, molo jeppet ni hatak, hahaadongan ni tao on, ima alani na ma pultak do najolo ima sada dolok namargoar Dolok Toba hira hira 74.000 taun naung salpu. On do umbahen gabe adong tao on molo sarita sian akka siboto surat.

Sada Sian Dua Tao i gijang Ni Tao

Nang pe Tao Sidihoni on jotjot di dok Tao i gijang ni tao, alai dang holan Tao Sidihoni on sajo na adong diatas ni Tao Toba, di Pulo Samosir, adong dope ampara ni Tao on na sarupa do nasida di gijang ni Tao Toba, ima tao na margoar Tao Aek Natonang.

Impolan Ni Tao Sidihoni tu Akka Jolma na luat i

Haroro ni Tao on tu akka jolma na adong di luat huta i massai porlu do, godang dope nasida na baen aek ni tao on lao simunumon, manussi akka pahean, maridi, songoni nang na aneng marmahan horbo na be, godang dope akka jolma na disi jolo marsattabi molo nungga dibuat nasida aek sian tao i, jala adong do boa boa na na dihaporseai akka jolma na disi taringot tu aek ni tao on, ima molo lam godang do aek di tao i, ima namarlapatan adong barita na denggan, songoni molo tanda na asing, molo moru do aek ni tao i, jala litok idaon marlapatan ma i adong barita na hurang denggan na aneng masa di nasida.

Lam moru godang ni aek na

Nuaen on, songon na asi do roha molo ni ida Tao Sidiho i, alana lam tu sonari nungga lam otik be jala lam moru be godang ni aen na adong di tao on. Songon paddok ni sada natua-tua diluat i, ima ama M. Simalangon, naung marumur 75 taon na di taon 2013 i maddok: "Anung pe sonari haroro ni pariudan, alai tong do dang tabba aek ni tao on, gabe lam moru do" inna.

Molo paddok ni piga piga halak na adong disi, mula ni asa gabe songonon tao o (moru aek na), i tikki na hea do ro suhul, ima na di aceh na taon 2014 i, mangihut ma muse suhul na ro di Pulo Nias, alani haroro ni dua suhul i, sian ima dang be songon na somal be godang ni aek di tao on, olo do ra alani adong na mabola di toru ni toa on.

Pranala ruar

• Kompas